蠔魔

營業中

休息中

Chicken Lollipop $78知道為什麼叫棒棒糖雞翼嗎？因為雞翼弄成一枝骨，如棒棒糖的形狀，方便進食。雞翼微辣惹味，醬汁刺激味蕾，一人三隻不足夠阿香煎帶子意大利粉$168最近我愛上了帶子，所以一點此意粉。帶子煎至微焦，肉質結實，富有彈性。入囗彈牙新鮮，配上蒜香炒意粉，味道為絶，但意粉略油哦。

第一次在元朗嘆生蠔，已經有一次很滿足的經驗。無論環境，食物，服務都同樣出色，誠意推介。我們四人去吃，他們有好幾款套餐供應，有些百多元（沒生蠔），有些$280起有兩隻。我們便點了兩個套餐，另加兩款生蠔、薄餅、意粉、薯條。生蠔真的很鮮味，我們選的都是比較濃味及肥美的，口感層次分明。松露意粉香味滿溢，一送進咀裡，不得了，怎麼這麼creamy 好吃！薄餅同樣有驚喜，平平無奇的樣子，皮很脆味道亦很不錯！吃飯怎能少了甜品。三款都有水準，不過當然我本人最喜歡都是心太軟非常滿意滿足開心的一餐

其實剛開張時我去過一次，嗰次係平日夜晚，無咩人。尋晚去就爆到七彩，好彩我哋有訂位，如果無訂都無得入。雖然人多，但侍應招呼一樣細心，先嚟生蠔，第一round納米比亞加水中花，自從第一次老闆介紹後，納米比亞蠔就成為我嘅飛佛，海水咸味唔重，口感超爽滑，入口鮮甜，隻蠔嘅肚腩好大似我，超肥美😍😍。水中花，朋友覺得比較咸但我覺得咸甜適中，一入口先係海出味，之後蠔嘅鮮甜慢慢滲出，蠔肉好滑唔係爽，與前者相比係另一種感受。三個人開咗一支白酒，其實係咩酒無留意，因為我同老闆講「你介紹就ok」因為對酒我只懂分好飲、易入口、搶喉、易上腦😂😂其他都係朋友講我先識。支白酒好易入口，口感好滑，味道清新。除咗配蠔外，我覺得配之後嘅食物都ok。先嚟個原隻蒜頭包，之前食蒜頭可以好易壓成蒜泥，但今次應該蒸焗時間唔夠或隻蒜頭實在太大，未能完全壓成蒜泥但一樣無咗蒜嘅辛辣味，配埋個包依然無得頂。朋友第一次食都勁讚，仲要keep起啲蒜粒待用😂😂😂到白酒鑽石硯，我之前係食藍青口，今次鑽石硯好大肉好厚身，而且好鮮甜，再配埋啲汁一齊入口，真係可以食唔停口。蟹肉龍蝦湯。呢個我推介朋友飲，出面好小會拆埋蟹肉入去做，呢個蟹肉加龍蝦一齊煮，令個

因為想食蠔所以係openrice搵idea, 咁啱就搵到蠔魔。開住個googlemap搵到嚟馬田村，泊好車，行五分鐘就到。weekend set lunch from $80-$120, soup, main course plus drinks. 以食物質素同價錢相比，超值。招呼服務很好。蠔試左三種，價錢合理亦新鮮肥味。如果咖啡杯奶有加翻熱就prefect.

蒜蓉包: 好特別嘅蒜頭，焗香過，質感好柔軟，可以當牛油咁搽個包好特別，推介龍蝦湯: 好鮮龍蝦味，有蟹肉絲係湯度，整得好出色，推介x2. 不過飲多2啖覺得咸左少少姐。生蠔: 好鮮味! 有成廿種蠔，選擇困難叫老闆簡~ 有creamy嘅，有肉感嘅好味白酒煮蜆: 鑽石蜆好好肉丫!! 又新鮮調味亦好好，啲汁都可以飲埋煎魚柳: 份量好大!!!! 質素亦唔差，肉滑，魚味重。不過用太多油煎啦，同埋煎得太勁。Overall, 環境舒服，人少少地幾好~ 服務亦唔錯，野食有質素，價錢合理。

又9月1,當然要食開學餐,自從覺得某人變了,放棄左課外活動後,基本上得食飯先見到面.咁就食好d,聽聞呢到蠔唔錯,就比侍應先生發牌選了4隻蠔,有新西蘭,法國等,到好新鮮,大而肥美,海水味也豐富,再來是餐湯,應該是海鮮忌廉湯,配蜂蜜麥包,湯夠味,用料也足夠,而包更有驚喜,加埋牛油,鬆軟得來有陣陣蜂蜜香,主菜到了,是7成熟炭燒肉眼,咪道ok,有牛肉香味,口感在軟又不太淋,燒汁比較咸,而芝士肉醬意粉,就感覺芝士味不足,意粉硬度適中,肉醬汁調節得不錯,仍有進步空間,甜品有跟餐優惠,選了心太軟,流心夠熱,但過火,甜度如果再甜一點就更好,lunch set十分經濟,百多元便可服務方面,幾好,同客人有交流,總結來說,價錢合理,服務中上,食物品質ok,可能位置比較入,所以客人不過,大家可以一試,

元朗原本喺我眼中係鳥不生蛋既地方, 但自從識左個住喺元朗既女友之後, 先至發覺原來元朗真係一個臥虎藏龍既地方.元朗大把野食就好多人都知, 但要搵好野食就未必個個都知啦, 千祈唔好同我講話大XB嗰啲叫做好野食, 係既可以唔駛睇落去.講番正題, 最近喺馬田路嗰邊開左間新既oyster bar, 老細之前喺港島某五星酒店餐廳做過, 而我亦都幫襯過佢地一次.知道佢開左新鋪, 就梗係拉埋女友同佢屋企人一齊去試下啦. 地點係有啲唔就腳既唔近西鐵, 但係就正因為咁, 所以嗰晚我地唔駛等位就有得食了.一坐低, 我地覺得冷氣有啲凍, 侍應就好貼心咁幫我地轉過張冇咁風口位既枱, 順便放低埋啲餐牌. 見到佢張oyster list, 終於明點解佢要改Oyster More呢個名啦, 個list真係你啽得出既蠔都有呀, 當我地花多眼亂唔知揀邊款蠔時, 侍應就推介左兩款俾我地試下, 一款係愛爾蘭貴族, 另一款係荷蘭珍珠, 都係比較清甜爽口有淡淡海水味既口味.最衰渣左車黎, 如果唔係實會配埋白酒黎食海鮮.....!!! 跟住就叫左個好似好出名既原個蒜蓉法包; 本人覺得唔錯係幾好食既, 因為我本身都好鐘意食蒜頭

間野前身係boston, 可能位置問題，不嬲呢個位既餐廳都比較靜，就因為貪佢靜先過黎試下，慢慢嘆。叫左個set lunch 肉眼扒& 加錢轉左龍蝦湯。如間餐廳fb所寫，個龍蝦湯真係好飲，好香同埋有細細舊龍蝦肉，好味! 而肉眼扒以lunch$100鬆d黎講都好大塊下, 份量對女仔黎講唔係好食得哂，而價錢同附近cafe亦差不多。整體好食，係元朗區黎講，都幾難搵到間有水準而又坐得舒服d既西餐廳。這間值得一試。食食下，先發覺下午都有生蠔海鮮order, 下次會再黎試生蠔!

今日一個人心情好差，又唔知做咩好，誤打誤撞走咗入呢間餐廳，侍應安排咗最近門口嘅一張圓枱比我坐，望住街外也發呆的我都唔知想食咩好。侍應好細心咁介紹佢哋嘅特色菜及生蠔，可惜我無咩胃口只點了一杯白酒，白酒煮藍青口，蟹肉龍蝦湯，同甜品。先來個蟹肉龍蝦湯，平時啲餐廳好小會加蟹肉入去煮湯，但原來加入蟹肉嘅湯會更鮮甜，更能帶出龍蝦嘅味道大愛呀！白酒煮藍青口送到枱時已聞到淡淡酒香。侍應提醒我記得要連汁一齊放入口。真係好鮮甜，而且青口肉質嫩滑。加埋啲汁放入口，真係絕配！最衰係我無影個甜品「黑魔鬼」其實我完全唔知咩嚟，只知係朱古力做。當一個女人唔開心時，食朱古力係會開心，的確如此，一件特濃朱古力蛋糕，上面淋咗一層暖嘅朱古力醬，最上層係雪糕。sorry 唔知係太好食定真係令我開心返，我食咗一啖，淚就滴下來。這種濃濃的可可豆味，帶一點苦再夾著暖朱古力醬嘅甜同雪糕嘅凍。令我好難忘的一個甜品雖然今日只有我一個吃，但我好滿意這餐，有機會一定再嚟！

一間值得推介的新店，餐廳環境好舒服，張櫈仲要用我最like嘅紫，唔入去好似對唔住自己喎！先講生蠔：紫薯見到店名叫「Oyster More 蠔魔」 就知呢間餐廳專食蠔 。各式各樣嘅生蠔任君選擇，想要蠔味重、海水味、肉質結實⋯⋯只要你講，店員都會為你介紹。價錢比一般蠔吧還要便宜。白酒煮鑽石蜆：鮮甜，但紫薯比較喜歡重口味，其實其他人會覺得足夠，記得襯熱食，如果唔係會變得硬身 炸鵝肝春卷伴蜜糖鵪鶉肶：鵝肝炸得熟咗小小，但鵪鶉肶無得輸，嫩又有肉汁。老闆走來問意見，我提議加黑松露入春卷內炸，超級好人老闆居然即刻試做一個給我吃，wow,正到呢⋯⋯ 原來老闆今晚宴客，紫薯今晚好幸運，老闆請我試食極臭芝士，又出私伙酒比我試，你話下次唔嚟點得呀！ 最後個甜品：蘋果批，佢做法同一般餐廳唔同，用酥皮做底，配合新鮮蘋果加雪糕一流，點飽都要食咗先算 減肥？食埋呢餐先啦