芋圓屋

營業中

休息中

芋圓屋🍡爆脆芒果西米露 🥭 $45芒果嘅甜品點都唔會輸，今次呢一碗芒果甜品嘅配料就包括芒果粒、西米脆脆、芒果爆爆珠、芒果沙冰🍧，其中我特別鍾意佢有西米脆脆，令到成碗糖水增添咗唔少口感！寒冰愛芒💛$45另外我哋都仲嗌咗另一碗芒果甜品，配料就包括芒果粒、愛玉凍、芒果椰果、芒果沙冰，值得一提嘅係佢哋嘅芒果真係原隻切出嚟，即刻切即刻用，而且唔會浸糖水，真正真材實料！🥰🥰綠茶控🍵$48如果你係綠茶控，千祈唔可以錯過呢個！佢係我食過最出色嘅綠茶芋圓 同埋 綠茶凍💚碗入面嘅材料包括有自家製綠茶芋圓、綠茶凍、桂花凍、迷你麻糬、仙草凍、椰汁同埋花奶！佢哋嘅綠茶芋圓咬落去有香濃嘅綠茶味之餘，仲非常有咬口！至綠茶凍大部份舖頭一係就冇味，一係就有苦澀味，而呢一間就真係可以做到啱啱好嘅平衡！🉐🉐🉐我會話呢個係嚟到一定要試吓嘅嘢食！✅✅香濃紫薯珍珠鮮奶🍠$35老闆娘話佢哋係用真正嘅紫薯即刻整出嚟，難怪飲落真係有濃郁嘅紫薯香味！🥰30士多燒賣（12粒）$25本來只係因為肚餓，所以想嗌燒賣，估唔到呢度嘅燒賣異常地出色，燒賣唔會蒸到淋晒，而且佢哋嘅辣油非常惹味！推薦推薦✅✅

上次去台灣旅行之後就好耐無食過芋圓啦🥰 經過顯徑見到有個招牌寫住‘芋圓屋’ 就同班芋圓控fd子試下🤤地點比較隱世 要跟住箭咀行入去夜晚8點幾去食要等一等位▫️開心。大滿足 ($60)一碗有齊三色芋圓、紫薯波、愛玉凍、珍珠、西米、寒天晶球、仙草凍、三色椰果啲料多到爆😳 超級豐富又足料！同個名字一樣 食得好滿足🤤自家制芋圓好煙韌 配上椰汁花奶底店員落單時會主動問客人需唔需要少甜好貼心！▫️點紅點綠 ($46)原粒紅豆+綠茶芋圓 再配上黑糖水晶同西米 佢個紫薯波用上紫薯茸 味濃香滑！▫️綠茶控 ($48)綠茶控咪走雞😂 大推綠茶芋圓👍綠茶凍好爽滑 加埋桂花凍帶出淡淡桂花香 仲有得食麻糬▫️寒冰愛芒 ($45)大大粒新鮮芒果粒 配上芒果沙冰好fresh！芒果夠哂甜 忍唔住整多杯▫️芒果沙冰 ($38)滿滿芒果粒攪成沙冰 飲完成個人都好爽😄呢間小店食材新鮮又足料！一定會再黎👍

今日返大圍嗰頭探親，好恨食芋圓所以上網搵到呢間。門口有啲隱蔽，跟住google map先搵到。舖仔細細，裝修同格局比較家居溫馨風，大部分都係街坊客。湯水選擇都幾多，除左芋圓仲有養身桃膠/薑汁蕃薯糖水等等。。我試左芋圓屋大雜燴，有自家製三色芋圓 (芋頭，紫薯同綠茶)，唔會太甜好味道。天氣又濕又凍唔想食咁凍，店家溫馨提醒可以走冰底，椰汁花奶底加上配料溫度唔會太凍，啱啱好，亦唔會好甜，仙草凍/西米/珍珠等口感豐富。朋友食左點紅點綠，都好味。綠茶芋圓同紅豆好夾！同場加映30士多燒賣，我知錯重點，但一次過滿足兩個願望🙈🙈下次想試紅豆鴛鴦圓💕

呢間之前經朋友介紹知道顯徑嗰邊有間村屋係賣糖水！嗰日經過嗰邊就買幾碗返屋企食🤤因為堂食實在太多人。💂🏼‍♀️《開心大滿足》 $60呢本嘢你講得嘅配料佢都有，包括自家製三色芋围，紫薯波、愛玉凍、珍珠、西米、寒天晶球、仙草凍及三色椰果！每一啖都好有口感！個紫薯波好特別，超濃味又有質感🤗因為好多配料同埋好大碗！所以兩至三個人share會比較好。評分: 82/100💂🏼《點紅點綠》$46聽個名都知係關於紅色綠色嘅配料🤭呢個有綠茶芋圓、紅豆、紫薯波、黒糖水晶及西米。個黑糖水晶好突出，令到成碗奶都有淡淡黑糖味🩷同樣又係好大兜價錢仲好平。評分: 84/100💂🏼《爆脆芒果西米撈》$45個人好推薦呢一款甜品！食完呢個真係好滿足透心涼🥭啲芒果超甜，有芒果粒、西米脆脆、芒果爆爆珠及芒果沙冰！每一啖都係充滿芒果嘅氣味，而且啲西米脆脆配埋芒果冰沙，令到成個口感更加豐富！🍧評分: 87/100總結：間舖頭開係啲村屋入面嘅地舖，所以地點會比較有啲難搵！但係都一路有指示牌😊如果咁啱去開顯徑嗰邊，夜晚可以過去食個糖水！老闆娘好好人，係家庭式嘅糖水舖~頒發軍階：上將🎖🎖🎖🎖

今日放假往外母家,之後往芋圓屋食甜品,我們點了開心大滿足和勁薑芋圓蕃薯糖水,開心大滿足可選紫薯波和芋泥波,開心大滿足材料豐富,賣相吸引,材料除了有芋泥波外,還有三色芋圓,愛玉凍,珍珠,西米,寒天晶球,仙草凍和三色椰果,甜度可選不同甜度,我選了正常甜度,食落甜度適中,芋泥波口感軟腍,三色芋圓食落彈牙,愛玉凍口感軟糯,珍珠和西米味道彈牙,寒天晶球和仙草凍食落爽口,最後三色椰果食落香甜,整碗開心大滿足,材料豐富,口感滿足,勁薑芋圓蕃薯糖水薑味十分濃,飲落有軀寒暖身感覺,芋圓有不同顏色,賣相吸引,食落彈牙,蕃薯大大件,食落好粉,整碗勁薑芋圓蕃薯糖水飲落熱辣辣,軀寒一流,餐店闊落,食物美味有特色,尤其是芋圓,食落彈牙,餐店甜品價錢適中,我和外母食了一頓好味甜品

芋圓屋••••••••••••••••••••••••••••••地址：大圍顯徑街2號上徑口村••••••••••••••••••••••••••••••睇到一個ig post 有介紹「芋圓屋」就入左顯徑到試下 舖頭喺村屋地下 都要花啲時間先搵到舖頭位置😂坐低之後,睇吓有咩好食 揀咗個芋圓屋大雜燴 入面有芋圓 芋泥波 仙草凍 西米 寒天晶球 珍珠 好鬼多嘢食芋圓番薯糖水入邊有好多番薯 而且薑味好濃 講真$38黎講 性價比都好高 當你入到舖頭入邊 見到一籃籃嘅番薯🍠你就會明白呢間小店嘅出品係10分用心。

這是我的第二次在OR寫食評：糖水] 食番薯糖水最緊要咩呀，梗係要夠熱，番薯軟綿綿，薑味夠，呢間芋圓屋全部做到，加埋大大粒滑溜溜嘅桃膠，加埋甜度啱啱好，真係要給滿分！ 裏面有，綠茶芋圓，綠茶凍，桂花凍，迷你麻糬，仙草凍，花奶，椰汁。 。唔係廣告，每樣都想講出嚟，喺因為每樣都好好食，煙韌度，甜度，無冰但涼透心，perfect match！一定會encore，因為高質，因為仲有其他甜品都想試，因為我識路嚟喇。。哈哈。。

之前喺社交平台關注組🆕見到有人介紹呢一間喺顯徑附近嘅芋圓糖水鋪作為甜品愛好者梗係要試吓🥰🥰.店舖位置都比較入我喺地鐵顯徑站出嚟大概行咗六七分鐘🕰店面唔算好大但係裝修得好溫馨仲見到唔同嘅新鮮食材擺喺籃入邊🥭🍠.食咗芋圓屋大雜燴入邊有好多款唔同嘅配料例如係三色芋圓🍡紫米、寒天、珍珠、仙草等等分量好大 口感亦都非常豐富可以食得出芋圓係QQ彈彈🤩十分煙韌綠茶味都好特別🍵唔會特別甜反而有啲甘苦嘅味道除此之外 我哋仲試咗綠茶控😍入面黑白淡奶同埋黑糖嘅比例整得好好我最鐘意桂花凍同迷你麻薯~非常清香 口感都好唔錯！成碗都係抹茶嘅綠色 淡淡色調賞心悅目🤩另外勁薑芋圓番薯糖水都唔錯暖暖辣辣地好適合冬天❄️番薯都好大塊 用料好足再加埋微辣嘅燒賣 食到非常滿足！

晚飯過後 就黎到甜品嘅時間🤭上openrice搵到呢間見到係村屋地鋪鋪頭仔細細 淨得幾個位所以就決定外賣返上車食原來鋪頭位置係第二排村屋所以馬路經過嘅話 真係會見唔到😅不過沿路嘅轉彎位都有個靚靚指示牌又唔洗擔心搵唔到路而且好多人都等緊位/等緊外賣😍三色芋圓味道都好突出有紫薯 番薯 同埋綠茶個人最鍾意綠茶 茶香味超級正🤤糖水底都特別 係黑糖味仲有得揀少甜👍🏻好食到我飲哂啲糖水😜本身想食埋個30士多燒賣咖不過好可惜 咁啱賣晒 冇得食😔一定有下次！

這家小店新開張後差不多一星期會幫襯1-2次，除了慢了一些，食品飲品都幾好，同埋見佢位置比較不當眼，為了支持店主所以都keep住買外賣回家吃。但自從有一次去買外賣時，見到地上有2箱蕃薯，聞到好香，便問一下其中一位年輕一點的店員：「請問這些蕃薯賣唔賣㗎？」，她面帶一點不耐煩答：「梗係買番黎㗎啦！」再用恥笑面口再講「唔通自己種㗎咩！」，我跟住就話「我唔係問你係咪買番來，我係問你賣唔賣！」就算佢聽錯我問佢蕃薯係咪買番來，佢都唔洗咁樣態度答個客，當刻真的好嬲，取完外賣便走人，自此再沒有幫襯。所以請員工真的很重要，可以幫你keep住d客，相反亦會幫你趕客。

1）爆脆芒果西米撈🥭一碗有齊芒果粒，西米脆脆，芒果爆爆珠，同芒果沙冰岩曬貪心既人試。芒果夠甜，但又有小小酸，令人食唔停口。特別一提芒果爆爆珠好似大大粒既三文魚子，一啖有齊唔同口感。一試難忘！下次黎到都一定會再叫。

*:.｡..｡.:* 芋圓屋-大圍（顯徑）*:.｡. .｡.:*✨芋圓屋大雜燴（微甜）-$48✨（自家製三色芋圓、紫薯波、仙草、西米、寒天、珍珠）店主真係好貼心❤️連芋圓甜品都可以做到微甜，食到材料最原本嘅味道 唔會一味死甜，值得讚👍🏻👍🏻非常適合唔喜歡食太甜糖水嘅男仔🧍🏻‍♂️份量大大碗，最令我喜歡係中間嘅紫薯波波🫰🏻初時以為係雪糕🍦食落先發現係紫薯日蓉。由煙煙韌韌嘅三色芋圓-》去到爽滑涼滑-〉再去到綿滑紫薯蓉，整個甜品口感好豐富。

🍡值得回頭的隱世芋圓屋🍨平日很少走進大圍，今天朋友帶我遊車河，就隨意上網搜尋大圍好去處，找了這間芋圓屋來試試。鋪頭地點有點難找，位置在屋村內並不是向大馬路的，上層是民居下層是鋪頭，像家庭式經營的那種。我幾喜歡這類夠隱世、不用像連鎖店般濟迫的小店。個人來說，不喜歡太甜/死甜的甜品，芋圓屋讓我有點驚喜。暗暗的高興，店員讓我選擇甜度。這次外帶了一個少甜的竽圓屋大雜燴。甜度剛剛好，食完整碗都不覺得溜，芋圓彈牙，是值得回頭的甜品。

去開顯徑搵食，順便去埋另一間都係地點比較隱蔽嘅小店食糖水。芋圓屋位於一眾村屋嘅後面，但店舖好貼心係前排村屋附近位置放有指示牌，跟住行就ok。小店地方唔大，所以主力做外賣。當日點咗3款糖水，分別係芋圓屋大雜燴同爆脆芒果西米撈。芋圓大雜燴嘅芋圓夠chewy，唔會係好腍冇咬口嘅質感。紫薯波好足料，食落好重蕃薯味，而且口感夠滑，唔會有渣。糖水底甜度適中，唔會死甜。一碗裡面有唔同質感嘅配料，食落口感唔錯。爆脆芒果西米撈水準都不錯。芒果夠甜，果肉熟得嚟唔會係過份，夠新鮮唔會腍啤啤。爆脆珠珠幾得意，令整個甜品口感趕升。坊間都有類似嘅芒果西米露，但整體嚟講呢個都算係高質。環顧顯徑四週好似冇乜甜品小店，下次嚟開搵食順便試埋都係個好選擇。

早排聽街坊講屋企附近有間唔錯既甜品店開左，今晚熱熱地又無咩胃口，想食下甜品開心下，於是同老公落咗去試吓💫開心·大滿足包括有芋圓，紫薯波，愛玉，珍珠，西米，寒天晶球，仙草凍，三色椰果等不得不讚紫薯波真係好好食，係店家自製嘅，配合埋多種嘅材料，超正💫爆脆芒果西米撈個人來講極力推薦呢一款甜品，芒果超級大塊，而且份量一啲都唔少，性價比超級高，見到店家用嘅芒果都係勁大個嘅，而且仲傳出陣陣嘅芒果香味，香甜到爆燈！再配合埋有粒粒嘅西米脆脆，完全係勁香甜好食，口感層次都好豐富💫30士多燒賣30 士多嘅燒賣，一向都好食，我自己平日都有買返去蒸，但冇諗過呢個燒賣係店家嘅調製醬汁下，竟然係味道更香濃好食，一放上枱香氣已經令我流晒口水😆😆💫芒果沙冰夏日炎炎來講，呢個沙冰必飲！唔單只係夠凍咁簡單，仲要飲落去都係芒果汁，完全真係用芒果肉打成嘅沙冰，真材實料，絕對冇揸流攤㗎！餐廳設有外賣同堂食，而且冷氣都好舒服好夠凍，簡直係一絕！絕對絕對有下次！