臻味冰室豬扒酸辣米線

營業中

休息中

臻味冰室豬扒酸辣米線， 有幾間分店的， 今次到位於觀塘創業街15號萬泰利廣場地下B號舖。 平日晚上店內唔算多人， 這個地點應該是做午飯時間比較多🤔。晚餐🥢 ～ 秘製豬扒酸辣米線$48、韭菜餃$36、凍檸茶$18。 🔸秘製豬扒酸辣米線🍜 ～ 我點了少少辣， 這個辣度剛好適合我， 微辣帶點惹味， 豬扒份量多， 醃得入味😋， 另外有大量酸菜都是我喜歡的，但米線口感偏腍。 🔸韭菜餃🥟 ～ 估唔到韭菜餃都有咁多粒🤩， 皮薄餡靚， 抵食又好味。 個人感覺臻味冰室豬扒酸辣米線，是在觀塘區比較出色的酸辣米線😊。     🏷️溫馨提示～ 整個用餐體驗均屬個人分享意見， 只作參考😊。

佢既店舖名叫豬扒米線就試一試啦一於就叫左兩碗豬扒米線一上菜就見到一碗有好多紅油一碗清湯咁一試就一碗勁麻辣一碗就淡而無味清湯咁啦豬扒就十分普通啦，冇咩特別店員服務態度又差，好似欠左佢地錢咁店舖衛生都不是很理想一入到去見到枱面十分污糟，見到個衛生情況咁樣其實已經想走食緊飯嘅時候，我就諗起近年政府鼓吹嘅大灣區1小時生活圈，亦都諗起近日傳媒上出現大批港人北上覓食令香港食肆營業額減少的情況我諗大灣區1小時生活圈令到香港人有更加多飲食嘅選擇令香港人喺短暫嘅週末期間也可以在大灣區1小時生活圈內以更加相宜的價錢享受更好的美食和服務質素大灣區1小時生活圈的發展應該大力推動讓香港與內地繼續融合的同時，提升香港飲食行業的競爭力

麻酸辣有特色，好味，但無分辣程度，唔可以按個人喜好選擇。不論有沒有吃辣的都可一試，麻中有酸辣，外面不易吃到的味道。多次夜晚6點來光顧，可能人手不足，服務員和收銀同一人，令阿姐態度差，沒禮貌，叫落單無反應，再應就態度差回應。如能好味道加上好態度，相信生意會更好。真希望香港餐廳爭氣點，食物味道和服務都能提升，就算比大陸貴點，都消費得舒服啊！

今日放工同男友大大諗住試新米線，就嚟左呢間食佢最出名嘅豬扒酸辣米線，點知⋯我食左兩啖就放棄成碗了🫣秘制豬扒酸辣米線 $44首先豬扒係ok的，當然唔係脆但調味可以，有好多脆脆地嘅花生粒，當食完第一啖米線，就覺得舌頭開始麻到冇乜味覺，佢個款酸辣個人都唔喜歡總結：男友大大比我食得辣，佢係冇放棄碗米線嘅，但都一致認為口味冇之前介紹個啲咁好，如果鐘意食麻嘅朋友可以去試吓，唔太食得麻辣嘅就唔好去了😂地址：觀塘創業街15號萬泰利廣場地下B號舖評分（5⭐️為最高）：環境：⭐️⭐️⭐️服務：⭐️⭐️⭐️食物：⭐️⭐️價錢：⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～

之前曾光顧九龍灣分店，雖然很多人但位置較多並妥善安排坐位。但今日午餐時段本人與另一位朋友到此創業街分店用餐，進店時還有幾張吉枱，店員安排到一個冷氣機滴水的位置，本人表示須調位，她再安排另一位置，但仍然是滴水的。本人再次要求調位，她以極度惡劣的態度回應，並叫我們坐一個只容納到1.5個人的位置給我們，並表示不會再提供其他位置，本人隨即離開，只是想有個正常位置正常環境食個午餐，仲要受餐廳員工氣，不了。無下次！

晏就好彩早少少到吾使排隊 雖然第一次食但無嗌到最岀名嘅豬扒但蠔仔都絕對好值得叫 羊肉片亦吾羶 只係個湯底似乎淨係好麻 吾夠辣亦無乜味不過已經決定會再去試豬扒同水晶粉/ 紅薯粉

之前同同事行過，都見到好多人排隊，因為店內座位唔多，所以我哋今日就決定打電話叫外賣，我哋都叫咗佢哋最出名嘅豬扒酸辣米線，我仲要求多麻多酸。湯同米線係分開盒，咁就唔會浸到林晒，good!米線係比較硬身，有少少硬淨，我個人幾鍾意呢種口感。湯都幾夠味，唔太重味精。豬扒亦都醃得夠入味，而且份量好多，感覺上豬扒仲多個米線，我同事話下次叫可能要加底添。至於豬扒嘅肉質，係比較林身，未去到霉，其實都OK嘅，只係個人比較喜歡硬身少少。

由於喺附近返工嘅原因，都幫襯過幾次。因為本身完全唔食酸菜所以每次黎到都有叫走酸菜，但係個廚房真係無忘初心，係每一次都無走過畀我。以前都有叫佢換畀我，但係呢一次見到佢碗野上枱又係成執酸菜攤晒喺度都知又瀨嘢。我都知午市好忙費事叫啲姐姐換，諗住自己執走佢算。點知有個姐姐走埋黎同我講叫我「下次叫走酸菜呀嘛」，真係火都黎埋，你單就識打走酸，但出到黎無走重要話我？最後食到一半，都係畀錢走人。希望啲姐姐們真係望下自己同事打咗啲咩單先同個客講啦唔該。但豬扒同牛脷真心好食，有無咩方法可以令佢哋記得走酸菜🫠🫠🫠🫠🫠

公司響附近，有時都會幫襯呢間米線既外賣。之前食豬扒米線比較多，今日試蠔仔米線都相當值得一讚。首先蠔仔既份量好足，入口都幾飽滿，而且佢個酸辣湯底真系一如既往咁好味，唔算好辣，勝在夠惹味！

我係一個米線控😊超鍾意食米線🍜🍜如果講食物質素嘅，佢地米線足料味道ok😻😻食完唔會有口渴嘅感覺👍👍辣度有大中小辣，豬排同九菜餃都好味🫶🏻🫶🏻但如果講服務質素真係麻麻地😾😾所以好多時入去食個lunch都係15mins內攪掂 👿👿食完早走為妙🏃🏻‍♀️🏃🏻‍♀️特別係食lunch嘅時候，侍應們嘅凌厲眼神，都令到身為客人嘅我有d緊張😥😥明白香港地租金壓力好大，但俾客人食個午餐坐多幾分鍾，俾客人落單時問多1，2句，其實都係好簡單嘅事🫠🫠

Lunch 成日念吾到食咩，同事就帶左我去食豬扒米，夠平，又大碗我點左個招牌酸辣豬扒米，豬扒幾淋，湯底少少酸，但吾夠辣，不過都幾好食，但就吾包飲品，好彩食完無口乾

喺網上外賣平台叫了公司三文治外賣自取（當時app 顯示等候10分鐘）由落單到拎餐需時20分鐘，我都冇催佢， 企喺餐廳外吹住風咁等出餐。吹完10分鐘風，到我拎餐時，收銀處呀姐黑面大大聲對我講：你個公治最麻煩要搞最耐 ，拖冧晒後面啲單喇！你廚房做唔切喺你哋嘅事 ，一喺你哋cut 咗公司三文治唔好比人揀， 唔好將你嘅怨氣發洩喺客人身上。就算呢間啲野叫做同區幾好食，亦不會再作任何考慮再幫襯， 點解要貼錢幫襯仲要受職員無理對待。

喺門口見到一隻長龍,探個究竟原來大部分都是等外賣就直接走入去睇下今日食乜嘢最後還是牛脷最吸引.因為唔食辣啦所以就直接選清湯牛脷米線套餐牛脷份量都唔少連埋米線大大碗加埋至愛凍檸茶走甜就係一個美味午餐

係牛頭角做嘢唸住買外賣 附近選擇唔多 見到呢間米線就試試佢🤓選擇都好多 出單快 有分湯 而且味道都ok手撕雞酸辣米線手撕雞竟然係雞肉而唔係雞胸絲 平時好多餐廳都係雞胸絲 好柴🫠 呢度嘅雞份量ok 而且幾嫩滑😋 湯底都唔錯 不過唔係好食到酸同埋有啲太麻😅秘制豬扒酸辣米線呢個係招牌👍🏻豬扒份量足 調味適中 好軟唸鬆軟👍🏻 米線軟硬適中 脆香雞中翼雖然份量多 但係味道麻麻地 普通生煎雞翼 冇乜調味 而且肉質較老🫠米線來講呢間唔算差 普通lunch食外賣都抵食嘅

買左個豬扒🐷酸辣米線返屋企自私食 落單唔夠1分鐘就拎得 出餐速度驚人😳 隔左個幾鐘先食 碗米線都仲熱熱地碗米線比起酸辣 更加似麻辣 隻麻辣令人好上癮 不停一啖接一啖 豬扒方面份量都多得驚人 食極都有 同埋豬扒唔會鞋口 好食