肥姐蠔餅婆

營業中

休息中

蠔🦪餅即叫即炸熱辣辣無得輸😮‍💨雖說是堂食，但是就是在街邊有幾張凳仔坐下來食，另有一番風味肥姐蠔餅婆真係細細個開始食，由果時一份細既十零蚊食到而家$40味道依舊 份量夠一人食

❤️元朗美食 🔸️相信住係元朗嘅朋友一定會食過或者聽過肥姐蠔餅喇掛🦪🤤🔹️我每次入黎元朗都必定會過黎搵阿肥姐買返塊蠔餅😍星期六日假期黎到通常都要排隊嘅，不過都好快手，10分鐘內都可以食到👍🔸️蠔餅 $40全部都係即叫即炸，入口香脆🤤，如果你係食得辣嘅話，一定要加佢個密制辣汁🔥👍就算唔食得辣我都覺得可以試少少，可能包你愛上食辣🔥佢個辣汁真係出面冇👍成支擺係到可以隨便落😃建議蠔餅即刻食，拎到入屋企淋左凍左冇咁正🤭🔹️鳳爪 $40個盒唔算大，扁身，所以份量唔算多，加上有好多洋蔥🧅，可能有十幾隻到，會附送一包辣汁🔥不過唔落辣都夠晒入味，酸酸甜甜，好開胃🤤如果加埋辣就更加醒神👍#jan元朗 #jan_foodie

又係做孤獨的美食家既時候啦，中午放飯係元朗食左午餐覺得唔多夠喉，諗起呢間元朗都幾多人講起既蠔餅婆，就諗住買份蠔餅食下吧。肥姐中午2點開檔，有時會早少少，我今日行過未夠2點都已經有人買緊，呢度除左蠔餅仲有無骨鳳爪，飲品有紫貝天葵，雞骨草呢d涼茶賣，咁就唔怕熱氣啦。炸蠔餅蠔餅似係用炸既方式做，主要用粉漿加蠔仔，即叫即做新鮮熱辣，落單後5分鐘左右就食得，鐘意芫荽既朋友可要求落多d，唔鐘意就開聲講唔要啦，炸蠔餅新鮮做起好香口，相對比較油膩，蠔仔份量唔算好多，有時一啖入口都係炸粉，不過味道尚算唔錯，加埋佢既秘制辣汁味道更升華，我係即場加完拎走的後悔無叫肥姐俾多包我。食完覺得都要叫還可以，40蚊一份唔貴間中食下都ok，但好驚豔又唔算，叫做平平地食份蠔餅過下口癮。

好多年前入到元朗經常會買蠔餅食嘅小店。已經好耐冇食過, 今日經過梗要買番件嚟食吓。叫咗外賣蠔餅1件。落單後，即叫即炸。拎住一邊行一邊食，味道依舊好味， 餅漿非常惹味香脆，如果可以多些蠔仔就更加好， 話咁快就一陣風咁食晒。

肥姐蠔餅婆馳名蠔餅 -$40難得黎元朗， 除咗香蕉仔之外，梗係要食埋附近嘅肥姐蠔餅婆。新鮮蠔餅即叫即整，蠔肉大大粒😋，餅底煎得脆卜卜， 同新鮮嘅芫荽好夾，連埋蠔餅一齊食食落口感更加清新。🍒排隊嘅人唔算多，叫完等5分鐘就有得食。👌

夜晚食咗啲嘢，唔係好夠喉又口痕痕想食啲小食，行過教育路大水渠邊見到肥姐蠔餅婆，去買番份返屋企食先。等緊肥姐煎蠔餅嗰陣時，佢介紹泰式鳳爪，話酸酸辣辣，味道好正。又好，加多一份！一煎好就馬上開車返屋企嘆。返到去蠔餅仲熱熱地，加少少魚露仲帶出蠔嘅鮮味，個邊仲有啲趣，無得頂。👍跟住試埋啲鳳爪，肥姐俾咗啲秘製嘅辣椒醬，大中小辣，適除尊便。我鍾意食辣，所以落晒成包。濃濃嘅酸醋加埋勁辣嘅汁，簡直係挑戰你舌頭上嘅味蕾。話咁快兩公婆就清晒呢2樣咁正嘅小食。睇吓幾時再去搵肥姐又食過，不過記住佢逢星期四放假㗎！

肥姐嘅蠔餅性價比係幾高嘅首先個份量好適合掃街每次經過元朗兩個人去食一份係啱啱好嘅炸得好脆 味道好夠味如果鍾意食辣嘅朋友可以加辣醬辣辣地食就更加惹味但係而家去食嘅時候感覺啲蠔嘅份量少咗好多可能物價貴咗啦所以食得冇以前咁爽而且天氣熱嘅時候更加唔會想去食因為多數都係外賣拎走附近地方亦都冇乜位置可以食企喺舖頭附近食亦都好熱特別係舖頭個位西斜肥姐又開舖開得比較晏企喺舖頭食撞正西斜就更加熱

我哋大概夜晚8：00去到，嗰度並無人等緊。 我們點了一份蠔，這份蠔會搭配芫荽同葱。 如果你唔鍾意呢兩樣嘢，可以請老板娘唔好放芫荽同葱。 因為我們不吃芫荽，所以我們叫咗不加芫荽的蠔。 然後老板娘都會問你是否要加辣汁。⭐️ 蠔點完餐後，好快就送咗嚟😆。 份量看起來相當唔少，看樣子都是炸蠔。我哋之前食咗一啲嘢，所以對於食後可能會好滯嘅感覺有些擔心😳😳。 但意外嘅係，食落去口感相當清爽，唔油膩🤩。 我哋迅速咁一啖接一啖食完😎😎。 可能佢使用了大火炸製，雖然底紙睇嚟好油，但食起嚟卻一啲都唔油膩😋😋。另外，呢啲蠔都非常豐滿美味。 食起嚟新鮮，有嚼勁，味道很好👍🏻👍🏻！辣汁都相當辣，甚至有些太辣了🫣🫣。 個人覺得加上辣汁會掩蓋蠔的風味，更喜歡原味🤭。🍄 總括而言這道菜非常美味，是元朗的招牌菜值得一試❣️❣️。 特別需要注意嘅係佢哋嘅營業時間，由下晝4点開始一直到凌晨1：30。 逢星期四休息🧐🧐。

炸蠔餅是台灣著名的小吃之一，深受許多人的喜愛。知道肥姐蠔餅婆出名，所以去元朗順便食埋，真係好好食，整體口感令人滿意。外層酥脆，內裡鮮嫩，每一口咬下去都能感受到豐富的口感層次。蠔的份量也很足，加埋秘制醬汁，味道濃郁而不膩，下次去元朗必食之一。

元朗老字號肥姐蠔餅婆元朗人氣小食店，招牌蠔餅即叫即整！雖然唔係元朗大但係我成日都去元朗搵好西，呢間肥姐蠔餅婆絕對係地標，即使疫情亦都屹立不倒！而且營業到深夜，宵夜時段都買到🤭招牌大大件肥姐蠔餅 $40🦪🦪$40蚊一件絕對超值，蠔仔肥美，份量好足，加上肥姐自己調配既炸漿，每一塊蠔餅都脆卜卜，我每次都會叫肥姐唔該多蔥😂不過好神奇嘅事情一定會發脾氣係肥姐蠔餅度，就係臭茜既問題，我本人係唔食臭茜，但係食蠔餅一定要落！唔知點解胖蠔餅夾埋臭茜一齊食居然無左臭茜味😂仲成件事好食左😂有無人可以話比我知點解😂另外不得不提，鐘意食辣既一定要加佢個秘製辣醬！簡直fantastic!😌

喺元朗食完嘢行過呢間蠔餅店，朋友話幾出名同埋幾好食，於是就叫咗一件share試吓。雖然食完晚餐，但都要買件嚟試吓先。冇人排隊，小店得一個呀姐，蠔餅即叫即煎，$40件，留意番叫4件都係$160即係冇平到😂所以我哋都係叫一件試吓算。蠔餅大小適中，都唔係太細件，2個人share都ok的，新鮮煎起熱辣辣仲好香。熱辣辣食落口就唔係太油，好多蔥好香，蠔肉幾鮮味，個蠔餅唔算太多炸粉，個蠔餅少少辣，不過都ok。

有一次入元朗既朋友仔屋企佢話帶我去買呢間蠔餅食過之後每次入元朗都一定要買呢個蠔餅呢間蠔餅即叫即整有一次去姐姐見我想影佢整佢仲慢慢教我就返個角度影會正d佢好食到就算元朗外賣拎返大角咀食都仲係好好食每次都要叫多芫茜😆

週末出遠門去元朗公園行吓，經過竟然發現中學食過嘅蠔餅舖頭竟然仲喺到😱🫶🏻唔使排隊但keep住有客人，依然都係有個平時幾cool嘅姨姨親手整雖然賣相平庸但係質素依然冇令人失望👍🏻 蠔仔好足料又夠肥，口感唔會太粉同過鹹。值得試完再試------------------------------The best Pan Fry Oysters Cake in Yuen Long! 🦪 This local shop has been running for more than a decade and so blessed that it survived the pandemic. The pancake is with a generous amount of oysters, which are so succulent that pairs so well with fried dough. And the saltiness is right on point. Definitely worth a try 🤙🏻

依間馳名嘅元朗好嘢食，曾經大排長龍〰️但我嗰日去老闆娘話因為嗰個都翻曬大陸，生意少，就嚟悶到瞓著🥹其實真係值得一試，支持下啲小店🤧蠔餅🦪 💰40 ❤️‍🔥9/10分皮薄又脆，有好多隻蠔，而且唔細隻💕如果多啲茜，平翻啲，同有辣味就更好（我唔食辣，但係發現加泰式鳳爪佢送嘅辣醬，有小小小小辣嘅都幾惹味）👍🏻泰式鳳爪🐔 💰40 ❤️‍🔥8/10分夠酸！好正！我連啲酸洋蔥都食咗唔少🤤但係40蚊有啲貴，所以無更高分🤏🏻

差吾多每次同朋友入黎元朗都會去肥姐度食一份炸蠔餅😚肥姐既蠔餅即叫即炸，所以要稍為等一等🤭 岩岩炸起要小心啲食，熱辣辣架👍🏻 蠔餅餅皮周邊炸得香脆，豐常有口感🥰 而中間較厚身所以食落就較為濕潤🫶🏻 蠔餅入面加左吾少蠔仔，又肥又鮮甜，好好味呀😋 重口味人士可以夾啲芫荽一齊食，非常吾錯架❤️ 當然如果吾鐘意芫荽既話，可以同肥姐講聲，走芫荽😉肥姐呢度既辣椒醬又係必試的，辣度十足好過癮🌶️🌶️ 食完脷尖好似噴火咁😂😂