影片
港鐵元朗站 A 出口, 步行約9分鐘
繼續閱讀
附加資料
每日只限下午一點及六點兩個時段供應鹽水雞
營業時間
今日營業
全日休息
星期一
全日休息
星期二至日
13:00 - 20:00
以上資料只供參考, 請與餐廳確認詳情
❤️元朗美食 | 📍肥仔黎元朗真係好多人氣小店架🤫我諗淨係介紹元朗美食都有排講🤭🔹️呢間鋪早一兩年真係次次黎都要排隊😵但而家已經少左好多人，唔洗點排隊就食到👍🔸️雞脾餐（跟3個配菜）$50 有啲小貴，份量不多，我地揀左3個配菜分別係青瓜🥒、番石榴同埋杏鮑菇🍄雞脾肉質嫩滑，去晒骨，切到細細件，方便一啖一件👍味道方面我地叫左中辣🔥加埋佢鹽水雞咸咸地，加埋好惹味🤤另外3個配菜都夠入味，我最鐘意加埋啲配菜一齊食，食落冇咁膩👍特別係青瓜🥒，青爽爽脆‼️我都推介加番石榴，用鹽水醃過加埋啲辣好特別‼️大家下次可以試下👍jan_foodie
繼續閱讀
咁啱入元朗試下呢區名物 叫咗單人餐雞髀肉配旬 甜不辣同高麗菜 雞髀肉有驚喜 比其他鹹水雞店嫩滑 甜不辣正常味道冇咩特別 高麗菜新鮮清甜 整袋偏淡口味 啱曬口味清淡嘅客人 會再encore
繼續閱讀
由初時新開張好多人排隊再到而加得幾丁友排隊，味道其實都係間間都一樣無特別，吾太肚餓但又諗唔到既可以當小食咁食下。 初時我覺得老闆娘態度好nice，到而加好似目無表情仲好似有種催你揀完吾好阻住既感覺，吾會再推薦你試下食咩 / 問你加吾加飲品。至於食物方面配菜都算多，都有滷肉飯、米粉、仲有腸粉燒賣魚蛋For周邊學校學生放學食。我最欣賞佢每次我選吾辣但次次番到去食都係辣既就憑呢點固執促使我再去幫襯期待有日食到一包真係「吾辣」！價錢方面一份雞脾餐 / 雞胸餐售價$49 再跟3個配菜，個人認為稍為貴左不過香港地有乜野係吾貴。所以偶然食一次仲可以接受，再加價應該就直接拜拜啦
繼續閱讀
一直以來都聽講元朗呢一間鹽水雞好出名，上次我哋入元朗嘅時候就試下佢。$49就有一份鹽水雞在可以+3個餸，我哋就揀咗要雞腿，配芭樂杏鮑菇同埋甜不辣。老實講，味道唔差嘅，但係唔係想像中咁好食，份量亦都唔算好多，但係呢個價錢算係咁。由於聽聞呢間舖頭佢準備嘅份量唔多，所以我哋提前咗係開賣嘅15分鐘前去排隊，而結果都真係好多人嚟買。如果大家好似我哋咁特登入元朗為咗食呢間店，咁我個人覺得就唔太需要，因為仲有好多好食嘅鹽水雞店係其他區，但如果係住元朗附近嘅話都不妨可以食吓～
繼續閱讀
之前見啲網路紅人介紹特登由九龍搭車入黎元朗想試一去到佢地同我講截左單要LUNCH甘我見佢個牌寫左分時段賣我以為要到6點先再有得買甘我好聲好氣問大概幾時完LUNCH我預時間過黎再買點知入面個肥仔（應該係老細）勁差態度話出面咪有牌掛左幾點後返黎囉我問：姐係20分鐘後返黎就可以買？唔係6點？佢：係呀 20分鐘後你再返黎啦我：好 唔該曬佢即刻口upup同另一個女人講：買果少少野好巴閉咩？唔洗食飯呀嘩！我心諗問清楚啲姐，洗唔洗甘？阻住你食飯真係唔好意思～但間鋪甘既態度做野真係連幫襯都唔想
繼續閱讀