肉肉強食 by 鋒膳 (已結業)

今日過嚟長沙灣做完啲嘢，打算同朋友喺附近食埋飯，遙遠一望，見到樓上有間好似都唔錯嘅餐廳，睇完餐牌有得鋸扒，價錢有幾平民，所以就試一試。《美式雜扒》$78 +$22薯條、湯、餐包、咖啡/茶&甜品雜扒餐一直都係我最愛，因為對於選擇困難症嘅我有齊咁多扒類就唔需要選擇，成個餐都好豐富，而且啲扒大件，仲有司華力腸同炸雞翼，勁好味！好豐富！加多$22升級做套餐仲有好多嘢食，薯條嘅份量都好多，好抵食。《深海魚柳扒》$68+$22薯條、湯、餐包、咖啡/茶&甜品魚柳扒超大塊！而且即炸嘅口感食落勁脆口，但入邊嘅魚肉仍然係好滑好嫩，同埋好飽滿，出面嘅炸漿都唔厚，好味！《焗卡邦尼海鮮飯》$68來茶餐廳梗係要食個焗飯，呢個焗飯做得幾出色，面嘅汁好夠，而且仲有芝士，令成個焗飯嘅味道更香更creamy，海鮮款式又多又大件舊，有大蝦魚柳青口帶子，好正。《牛肉漢堡》同樣係份量勁大，裏面嗰間漢堡牛扒好多汁，牛肉比較爽口一啲都唔會好梅好鞋，好足料。呢餐真係食到好飽，最後仲有甜品添，勁滿足。

長沙灣唔算美食集中地，我都搵到間走懷舊扒房風餐廳，大部分食晚市都係街坊，食据扒價錢都係街坊價^^ 全日都唔收加一雖然係街坊餐廳，不過用上日本食材，有日本鹿兒島和牛西冷、宮崎快樂豬，肉類堅持不使用食粉同無鬆肉粉健康d㗎！今次叫咗美國鷄扒同深海魚柳扒，原來加$20有多一份吉列豬柳，採用日本宮崎快樂豬(只限堂食，每日限量供應)，扒餐+$22 有牛油餐包、湯、飯/意粉/薯菜、咖啡/茶、甜品首先要讚下羅宋湯好足料，料多過湯，有少少辣味，幾好飲我果份係深海魚柳扒，塊魚柳長過我塊面，炸完魚肉都keep到嫩滑，大塊得嚟啖啖肉，淨係食魚柳扒都飽，我d意粉都食唔哂，比咗朋友食鷄扒無落鬆肉粉關係，肉質唔係非常嫩滑，似媽咪係屋企煎鷄扒果種質感，但食少d添加劑健康d肉質無咁嫩滑都唔緊要la！加$20嘅吉列豬柳都唔馬虎，一樣有配菜，3款扒當中我覺得依份最好食！同魚柳一樣係吉列，但我覺得吉列豬柳仲好食，入口脆卜卜豬柳非常入味最後甜品有雪糕/啫喱，但我已經飽到食唔落，朋友揀咗焦糖雪糕，我試咗啖覺得味道一般3款醬汁(黑椒汁、蒜蓉汁、洋蔥汁)我都叫齊，我建議揀黑椒汁，少少辣最惹味！

當你中左food craving時，個人就會坐立不安，一直搵邊度有得食你crave嗰樣嘢直到口舌唇齒被滿足。今次，係好想食港式三文治配凍檸茶，左搵右搵就搵到去呢度。店面環境比我想像中舒服好多。乾淨企理，坐到窗邊位的話係可以夠你放空一日無懸念地點左公司三文治，盛惠$48.麵包烘得香脆不過硬，搽上足夠嘅牛油，混入芝士醬仲有熱溶嘅芝士片，滿足。雞排多汁彈牙，唔太入味但都無雪味意料之外，不負佢港式扒房之名。而包中嘅生菜新鮮爽脆。波浪薯條外脆內軟，仲有薯香，要少少🤏意志力先停到手。份量都幾大，其實都好難食得晒。.出事位係凍檸茶。見佢用碎冰上滿心歡喜啜一啖。what the? 係雀巢檸檬茶！我覺得俾人欺騙左感情，凍飲要加$5 ga ma.話雖如此，都想試下佢個鐵板餐。嗰個”渣”一聲，係童年回憶

喺長沙灣有間新開嘅餐廳佢門面有覺好eye catching 嘅黃色大招牌 🌟成日經過都想試 聽佢個名以為係食燒肉原來係傳統嘅舊式扒房👀一上到去每張枱都係hold紅白格訂枱布望一望價錢都真係幾親民 🙆🏻‍♀️最誇張係大大隻字寫住$20吉列豬柳 🤑仲要送甜品有雪糕同啫喱吉列豬柳 $20吉列豬扒鐵板上有得揀洋蔥/黑椒/蒜蓉汁 都幾有驚喜嘅始終$20貨仔竟然會用鐵板上 🤓講真人工同gas都唔只啦 炸粉豬扒唔算好厚皮 😌都尚算鬆脆嘅 唔知係落咗汁之後個脆皮淋咗就冇咁好食 🙁豬扒肉質中規中矩 但以$20來講真係超值 連珍珠奶茶都買唔到嘅價錢就唔好咁多要求啦🤪芝士牛肉漢堡 $48本身諗住$48個包都唔會好大個 點知嚟到都有少少嚇親我 😂頭先個包面都幾有誠意有芝士同芝麻 🧀切開入面都一樣份量絕無手軟 ❗️雖然漢堡冇得揀幾多成熟 🧐但佢都冇做到好乾 個漢堡扒主要係比較軟身嘅質感 相對比出邊貴價嘅漢堡包冇咁硬 👍重口味嘅肥仙就覺得可能入邊放多啲汁/沙律醬味道就會豐富啲 🤨依家主要就係靠芝士同肉carry 🤥西冷牛扒$100 每個扒餐都會跟餐包餐湯餐茶 牛扒有得揀5/7/全熟 但係應該因為有鐵板所以要預佢會煮得

小聚會去去肉肉強食食懷舊扒餐！佢依度嘅豬肉係用日本宮崎快樂豬，牛肉都可以揀和牛！芝士漢堡包 $48手打牛肉漢堡！幾大舊，漢堡包皮係用芝士同蔥烤焗好，底係滿滿大面積牛油。食落去皮少少少少脆，包內係軟軟！牛肉漢堡厚度滿分！一刀切，一開二都無散開哂！牛肉汁有，未到話超juicy但肉厚濕潤剛好！豬牛雞魚扒都有齊，加$22係全套扒餐！羅宋湯有哂薯仔、紅蘿蔔、椰菜、蕃茄齊，酸帶超微辣。幾真材實料，不太濃不太淡，剛好。忌廉湯唔算好creamy但都好夾牛油餐包，舊式~西冷牛扒 $88配意粉配菜有粟米、小蘿蔔、西蘭花同埋翠玉瓜。佢呢度註明唔用鬆肉粉同埋食粉去醃製，讚！近原始味道？建議如果想食七成，就落單要五成，因為佢有鐵板上，食食吓都就係七成啦！有少許咬勁，牛夠香。蒜蓉都無喧賓奪主！肉眼 $88 配薯條肉眼比西冷牛扒香軟，肉感更加好！洋蔥幾多下！同蒜蓉好不相伯仲，各有各好！熱杏仁霜同熱阿華田，次次有杏仁霜既茶餐廳都會叫。少見又養顏！黑加倫子啫喱真係好懷舊，細個兒童節感覺！另一個焦糖雪糕都幾好食，係焦糖餅所以唔係成個甜！

突然好想去鋸扒，係長沙灣搵到呢間餐廳，一於上去食下！一望見餐牌就覺得好吸引，好多款扒類，而且價錢超實惠，大多唔過百，非常大眾化！▪️牛柳 🥩份量好夠，牛柳有兩大件，又厚身，雖然好厚身但肉質都腍，好容易就切開到！牛肉味算濃，肉質幾嫩！鐵板食寧舍好味，侍應倒醬汁上去時聽到炸炸聲，點左蒜蓉汁，有一堆蒜蓉粒俾埋，夠晒重口味！而鐵板上仲有好多配菜，翠玉瓜、甘荀、粟米粒、車厘茄，真係好豐富！▪️美式什扒🐂🐖🐓男友叫左什扒，牛扒、豬扒、炸雞翼、脆皮腸，煙肉有齊！食肉獸必點！豬扒好厚切，口感紮實！雞翼係生炸，勁好味！黑椒汁味道濃，用嚟撈意粉食好惹味！🆙升級套餐只需加$22，必須要加，價錢包括有:餐湯、白飯/意粉/薯條、牛油餐包、餐飲同甜品（雪糕或啫喱），超抵食！餐湯超足料；雪糕係Coco Berry！▪️芝士漢堡包🍔另外仲點左漢堡包食，估唔到咁大個！塊漢堡肉勁大塊，又juicy！芝士勁香，中間仲夾住蕃茄同沙律菜，個包有烘過，咬落有少少脆嘅口感，非常正！好滿足～

肉肉強食....店名抵死食字 , 雖然唔止食過幾次 , 但今次食完先記得仲未寫呢間食評地點為長沙灣地鐵站長沙灣道出口步行約2-3分鐘就到達 , 店舖約莫1000呎多D , 20張枱左近, 容納80-100人如題所說....每日限量50份既日本宮崎快樂豬鐵板吉列豬柳只係$20.....簡直平到爛...雖說份量不多 , 但也絕對超值 , 此豬柳比起一般下價豬柳 有明顯既分野 , 一食落去第一啖肉已好明顯比一般豬柳高質好多並標榜左無用任何鬆肉份處理過 , 都食得出信得過<早排係加$18,加左少少價> 另外加多$22 有多5樣野 紅或白湯 , 飯意粉或薯菜 , 牛油餐包 , 熱飲 , 甜品抵到爆...另外尚有其他鐵板餐及其他飯麵碟頭飯 選擇 , 價錢也親民 , 成為本人据扒第一選擇食堂

我相信每個人心中都有一間港式扒房這是每個人小時候的回憶吧聽到鐵板與肉嗞嗞嗞的聲音好自然就會聯想到蒜蓉/黑椒/燒汁今日行過長沙灣又開始有dd降溫就突然好想食鐵板扒餐已經不記得多久沒有聽過醬汁接觸到鐵板會發出如此強烈的嗞嗞聲坊間好多嘅鐵板都唔夠熱牛柳蒜蓉汁5成熟厚度食足而且應該先煎後焗才可以把如此厚度嘅牛做到外脆內嫩超大份吉列鐵板豬限量特價20蚊呢個價錢完全冇咩好抱怨全餐最後重點花奶啫喱完完全全係童年回憶食少見少總體來說，不過不失。

好耐無黎長沙灣，俾我地發現間懷舊鋸扒餐廳😁係我鐘意既格仔枱布上用餐，別有一翻味道。我依啲眼寬肚窄既當然食美式什扒配蒜蓉汁再配薯條啦～另外揀左羅宋湯，佢仲送牛油餐飽，絕配🥰餐飽個碟都暖架，感覺拎滿分😊個包暖笠笠，加上牛油香，好懷念！羅宋湯好足料，微微辣帶點酸，好開胃😊當中有一，兩舊扒肉，煲完湯既肉都竟然仲好軟👍🏻什扒包括厚切豬扒、牛扒、煙肉、雞全翼，仲有珍寶腸～有專人用亞拉丁神燈幫你淋汁，牛扒被滿滿既蒜蓉包圍著，好香呀～ 肉質一點都唔軔👍🏻豬扒豬味濃郁，厚切但唔「鞋」😙珍寶腸吸收左肉汁同蒜香，好好味～雞翼肉嫩，皮仲有點點脆，加上蒜香連我依個懶人都整隻雞全翼食晒😁配既係粗薯條，好有舊日既情懷🥰老公有要求，揀左肉眼扒，5成熟配薯條～煎得岩岩好既5成，肉質鬆軟，加上香濃的黑椒汁，好有兒時回憶。追加既吉列豬扒係超脆既外表下，內面係肉質軟又嫩既豬扒，無用鬆肉粉而做到依個程度，當可以錯過😋手打牛肉漢堡包，好食個M記漢堡包N倍，手打牛肉嫩又軟，差不多2cm咁厚，牛肉味濃，加上超香黑椒調味，正！老公點左啤酒食扒，真係好港式食法🤣另外餐飲我地點左經典紅豆冰和雜果賓治🍸🍹紅豆冰帶點椰奶香🥰紅豆又軟😄雜果賓治

朋友係呢邊收工搵到呢間好似cp值幾高嘅餐廳試下要注意佢有d餐個平價係限量而每日個開始時間係唔同好似我去個日就無留意到諗住夜晚咩限量到無朋友提示下先見到原來閒日係人限時優惠係夜晚市先開始所以6點半去都仲有食物黎講不錯啦，比花園餐廳質素好，又抵d係有少少筋，少少痴牙但好得意，佢呢到甜品食嘅雪糕係local brand 黎架，味道好好，拍得住movenpick叫住另1特別野啦都唔錯又坐得幾舒服值得一食嘅地方

去完街超級肚餓，抱住去試吓既心態去食，價錢好抵，都算好食，食咗4份扒餐，有一豬，一魚，二牛，埋單唔使400蚊，都算物超所值，仲有甜品送👍🏻👍🏻不過建議牛扒唔好要7成，因為鐵板上左 枱過熟，𡁻到牙軟😅😅

行過東京街口，見到佢哋好顯眼嘅招牌，再睇網上評價都唔錯，食肉最啱我。樓梯上到去見到熟悉嘅佈置，好多傳統餐廳都用呢種紅色格仔枱布，可能係代表扒房嘅裝飾之一。肉類選擇由普通到貴價都有，又可以加錢升級至套餐或淨係主菜，都幾多元化選擇。佢哋亦寫低唔同牛扒建議成數，當然大部份都係五成至七成。最抵有個吉列豬扒都係加$20，所以我都有點。五成熟西冷牛扒，切開見到佢哋都做到五成熟水準，見到血紅色的部分在中間位置，牛肉味算濃，幾有咬口。肉眼牛扒都係5成熟比較好，肉眼比西冷淋少少，佢哋話唔會落鬆肉粉，所以食落唔會有一陳化學味道。吉列豬扒以$20來說，性價比超高，如果未算好飽，我覺得值得加一份豬扒。之後仲有雪糕甜品。

餐廳是那種很經典的鋸扒勝地， 紅白格仔枱布， 有卡位， 每檯都叫鐵板，「滋滋聲」此起彼落， 非常熱鬧有氣氛～雖然只處於一樓，但近窗邊的卡座，都可以望到遠街景， 感覺也很開揚。各款鋸扒餐加$22 包餐湯，熱飲，薯菜/飯/意粉及甜品， 非常豐富，必定要加❣️，咁先算係一個經典嘅扒餐～餐包雖然唔靚仔 ，但夠軟熟， 而且微微暖～😋餐湯：羅宋湯， 辣辣地 ，好多蔬菜味道夠酸夠濃味！ 忌廉湯也有大量蘑菇片， 材料豐富， 味道都係好懷舊～厚切豬扒配蒜蓉汁，意粉餐廳名物～厚切豬扒絕對係必點推介！ 店家更稱绝不採用鬏肉粉及食粉醃製肉類，夠健康原味!蒜蓉汁香氣撲鼻超惹味， 豬扒兩大塊，有超過一吋厚， 肉質一啲都唔韌， 近筋腱和脂肪嘅部位特別爽特別甘香，充滿豬肉本身嘅甜味。屋企人嘅雜扒餐非常豐富，有雞全翼，牛扒，煙肉，腸，亦包括一塊厚豬扒，配洋蔥汁也是很惹味～還點了這款每日限定優惠「吉列豬柳$20」， 兩大塊也是鐵板上， 顏色比較深， 外皮好脆 ，味道唔錯喎， 豬柳屬於有少少肥，所以特別香口～ 超值抵食！甜品可選啫喱或雪糕～ 一於每樣一款。啫喱裡面有菠蘿粒，加上花奶， 那種味道完全勾起童年回憶～雪糕是香港品牌

超抵食港式鐵板餐 美式什扒只要$78 套餐加$22 包湯,麵包,甜品,飲品原來想過黎食特價$20套餐,限量50份原來今日已賣完!可惜!呢度既肉類都係選用高質素既無激素人工化學成份既肉扒先上餐湯,今日係粟米忌廉湯,又香又濃又啖啖粟米甜味,好食!呢份美式什扒真係勁爆大份有豬扒一件,牛扒一件,煙肉,雞全翼,肉腸,大量蔬菜,粟米粒,仲包飯或意粉一份或薯角 上餐時先係我地面前淋醬汁,鐵板滋滋滋咁好大煙,好吸引美式肉腸半條,好脆口,煙肉都係美國貨,特別厚身帶咸肉口感好入味主角係無激素豬扒同埋美國薄牛扒 雖說係薄牛扒,但份量也有150克,好大份!同時間也無完全煎熟,仍保留牛肉既肉汁,咬落幾軟淋,肉味都幾濃既!豬扒亦都唔錯,厚身鬆軟,食到肉味自然甘甜味道,又香又嫩食埋甜品就埋單,今日甜品係花奶果凍杯, 果凍口感入口即溶,味道好香甜消費$100長沙灣東京街31號地下及上層

最近行過元州街發現有間超抵食鐵板扒房，竟然有$20嘅吉列豬柳鐵板餐，但每日限量供應50份，加上全日免加一，岩晒一班月光族醫肚!入面裝修簡約，紅白格仔餐桌並以卡位作排列，菜單以傳統鐵板餐為主。肉眼扒牛扒烤得啱啱好，七成熟帶有粉紅色，加上濃郁煙燻香味，嫩滑嘅肉質，表面嘅焦簡直係精華嚟，口感一流。比目魚扒兩塊魚扒鋪系上面，煎得晒晒好，又唔會太乾太散，鮮味十足。芝士漢堡包漢堡有高度十足，有成吋厚牛肉，配埋蕃茄生菜増加層次，總體味道一流。