聯發茶餐廳

營業中

休息中

聽說這茶餐廳出名炭火叉燒飯，晚上七時來吃，高朋滿座，需要在門外排隊。叉燒甜美可口，肉質明顯經過挑選，但似乎感覺不到炭火燒烤後的味道，叉燒飯配上滑蛋，有日式飯的感覺，98元一碗可以一試的。

九龍城食泰國嘢好似變咗香港人嘅常態，但其實九龍城都仲有好多其他好嘢食呢日為咗呢間社交平台網紅店而嚟到九龍城，結果亦都好符合預期，真心正晚餐早咗去到，所以都仲叫到個西多士，個西多士係必食嘅炭火叉燒炒蛋飯$98用炭火燒腳嘅叉燒同平時燒味舖嘅叉燒係真係唔同嘅個叉燒邊脆脆哋又炭香味，叉燒份量好多件件都係半肥瘦啱啱好炒蛋好滑半生熟份量多過個飯，真係兩啖炒蛋一啖飯茶餐$68茶餐可以揀餐包或者多士，叉燒通粉亦都可以轉做雞扒通粉，配搭非常之多元化個通粉係大食妹鍾意食嘅質地，雞扒亦都煎得好香法蘭西多士$44西多士蜜糖自己落，作為超鍾意食甜嘢嘅大食妹，就好似唔使本咁落西多中間有厚厚嘅花生醬，注意用嘅係粗粒花生醬，係有花生粒嗰種，所以食落更加有口感

邊個話去九龍城只可以食泰菜架？今次黎到九龍城同大家分享既系一間看似平凡卻不平凡既人氣茶記 一 由「澳牛」第三代主理既 聯發茶餐廳 《食神》入面有一句經典對白： 「只要用心，人人都可以系食神」滑蛋依樣嘢，話易吾易，話難吾難，但又差之毫釐，謬之千里。要掌握好火喉同時間，都真系需要相當經驗同心機。今次就試左聯發既招牌：🌟炭火叉燒滑蛋飯 $98滑蛋有蛋香之餘，質感非常滑溜叉燒夠淋，仲有小小燶邊位更加分配埋佢地既特制自家醬油 🤤👍

來點不一樣：漩渦蛋包西炒飯🥚🍳🍅🍚少有茶記咁用心整，賣相好📸份量多😋😋 加埋杯熱鮮奶🥛#飲飽🍳漩渦蛋包西炒飯 HK$88漩渦蛋唔單止外觀好，食落都滑溜溜，而且蛋量十足。西炒飯粒粒分明，餐肉粒香噴噴。🥩蔥花玉子牛丼 HK$98我曾經食過，覺得幾滋味。老公本想食返招牌炭火叉燒，可惜賣晒，推介佢呢款，我試咗嚿牛，水準保持到。🥛熱鮮奶 HK$24我成日撞親，而家開始飲返多啲奶，補充鈣質。飲完熱牛奶好好瞓，一啲都唔腥。🥛凍杏霜 HK$24老公飲飲下就濟咗😆 我都有飲下，杏霜都係my favourite，營養價值高。選擇多，具創意，去開九龍城唔一定食泰國菜嘅😘😘

我今日去九龍城行街，專程拜訪聞名之久的聯發茶餐廳，它位於候王道2-4號地下1號鋪。由於聯發茶餐廳的歷史悠久，店內是傳統的裝潢，兩邊的卡座和中間的方檯，甚有懷舊的原味。我點左滑蛋照燒雞扒丼$98，北菇雞杞子煲仔飯$108及雪糕咖啡$38。煲仔飯是即叫即煲的，所以需要耐心等候。雪糕咖啡最先奉上，拿著香濃的熱咖啡，慢慢倒入盛著雲呢拿雪糕的玻璃杯內，深啡色的咖啡流在白色的凍雪糕球上，甚是好看；倒完咖啡後，就急不及待的用茶更來吃熱咖啡中的凍雪糕，真是另有一番風味。服務員收走空玻璃杯後，熱辣辣的北菇雞杞子煲仔飯和滑蛋照燒雞扒丼，就一齊奉上。北菇雞杞子煲仔飯一上檯，就聞到香噴噴的雞香味，配上秘製豉油，真係好味道！滑蛋照燒雞扒丼也是熱辣辣的，雞扒燒得的香口，雞扒厚切，肉質軟腍，雞皮脆口，很有水準。

中午時間門口等候入座人流不少！知道呢度既炒滑蛋係好多人會特地黎食，就算返工放飯都黎排隊食，但等候時間不長！店員安排好好，好快手就可以入座，值得一讚，而且就算繁忙時間安排入座，送餐同收銀時都好有禮貌同耐性見到午餐有粟米肉粒飯雖然係好多餐廳都會有呢道菜，好似好普通，但聯發做既真係唔普通又好食，只睇賣相已經加分，食埋再加多啲分，汁係好juicy好開胃粟米肉粒飯中加了磨菇口感更好，送飯一流，因為我好鐘意有汁送飯評分有中上程度，份量又大份，肉粒好嫩口，西洋菜蜜甜度適中呢度係一間幾有heart既餐廳，有別於一般茶餐廳，menu有啲菜式都幾特別，係呢度先食到

相信如果喺google到search香港推介嘅茶餐廳，九龍城聯發茶餐廳絕對榜上有名，今次喺星期六下午茶時間過去，都驚會有好多旅客同食客排隊去食，但可能上個禮拜啱啱先除夕完，啲內地旅行未落返嚟，所以人流相對較少，可惜嘅係我哋啱啱遇著換枱，所以都等咗20分鐘。埋到枱之後本身諗住嗌佢常餐同加塊西多士，但見佢哋個炭燒叉燒蛋飯咁出色又多人嗌，所以最後都係改變策略嗌咗：1）港式熱奶茶 ⭐️⭐️⭐️⭐️/⭐️⭐️⭐️⭐️⭐️2）炭火叉燒蛋飯 ⭐️⭐️⭐️⭐️/⭐️⭐️⭐️⭐️⭐️3）法蘭西多士 ⭐️⭐️⭐️/⭐️⭐️⭐️⭐️⭐️杯熱奶茶飲完好舒服，茶同奶嘅比例啱啱好，而個茶亦無苦澀味，出色。如果炭火叉燒蛋飯整體嚟講都唔錯，佢地仲會俾枝類似鰻魚醬汁你去撈飯黎食，配搭埋啲炒嫩蛋，口感確實唔差，只係佢標榜嘅炭火叉燒就真係冇乜炭火嘅味道。而最後嘅法蘭西多士亦無咩太大驚喜。而其中一個最大驚喜就係佢哋嘅價錢，佢哋嘅常餐獨特餐都講緊差唔多$70，被起坊間嘅茶餐廳貴咗超過3分1，而炭火叉燒蛋飯都講緊接近成百蚊，都係有啲誇張，或者因為有名氣嘅原因，所以定價都比較高。但確實呢個價錢以我印象比起澳牛更加貴，所以除非係順路經過，唔係特登過去又遇著多人排隊，盞令到自己食得唔開

聯發店舖小小, 裝潢屬舊式茶餐廳的格局, 環境乾淨企理, 食物款式不多, 主要提供常餐, 茶餐, 特餐, 湯麵, 多士等, 至於炒粉麵飯只有數款, 並張貼於茶餐廳的四周, 當中以煲仔飯和炭火叉燒飯最為吸引。 炭火叉燒飯 (炒蛋) $98炭火叉燒飯的蛋可選煎蛋, 太陽蛋或炒蛋, 價格各異, 雖然炒蛋較煎蛋和太陽蛋貴, 但亦較吸引。店員送上炭火叉燒飯時會付上一支甜豉油, 好讓客人按自身需要自行添加。炭火叉燒飯以大碗盛著, 份量不少, 忘記要求少飯, 吃畢實在很飽腹。材料簡簡單單, 就只有飯, 炒蛋和叉燒, 毫不花巧。炒蛋滑溜, 有蛋香。叉燒份量不少, 香氣樸鼻, 每件叉燒均啖啖肉, 肉質偏瘦, 但不會太乾太柴。

下午茶時間路過入去食，叉燒煎蛋飯，難食。叉燒味道普通，硬硬地又少少凍冰冰，無濃邊亦唔覺得有碳燒，連啲白飯都煮得好硬！常餐 $66 餐包跟炒蛋火腿，叉燒湯意，野飲。叉燒切完浸過灑汁，意粉好硬！個餐牌得好少選擇！

人哋嚟聯發係食多士炒蛋或者食煲仔飯我嚟聯發，次次都必點炭火叉燒飯其實即係黯然銷魂飯😉😉.尤其是每次出國回來勁想食香港嘢嘅時候我就會諗起呢碗飯雖然睇落好簡單得叉燒同蛋同飯但要做得好味，一啲都唔簡單.首先佢嘅叉燒要用炭火燒嘅而且火候要啱啱好叉燒要肥瘦適中食落去不太硬，啱啱好烤過的叉燒外面有少少脆加埋適當嘅蜜糖外脆內軟之餘，又有香甜嘅味道然後係蛋炒滑蛋又做到啱啱好都係好難嘅唔可以太熟咁先至可以keep住蛋香將叉燒加埋蛋再配埋飯真係好有香港嘅味道🤤🤤🤤.另外值得一讚嘅係雖然只係一間茶餐廳但係啲阿姐態度一啲都唔差仲好客氣添難怪呢間嘢長期都咁多人幫襯🤭🤭

等咗半個鐘頭嚟咗貼菜，等到45分鐘追佢嘅時候佢就話有單嚟緊，等到55分嚟到，居然個手柄係凍嘅個煲底係熱嘅，好明顯係即刻擺啲飯落去再擺埋啲排骨落去整燶個底就攞出嚟

天氣轉涼，除咗去打邊爐之外，食煲仔飯絕對係一個好選擇。除咗被廣泛報到嘅幾間煲仔飯餐廳外，九龍城仲有一間隱世嘅煲仔飯餐廳--聯發茶餐廳😊😊😘😘😘😃😃豉汁排骨煲仔飯🐷 $98上枱時煲仔勁大煙，聞到好香嘅排骨味，飯焦嘅獨有香味令人食指大動。豉汁排骨醃得好入味，排骨肉質嫩滑，份量都幾多，滿滿地鋪滿飯面😁😁😍😍😍😜窩蛋新鮮牛肉煲仔飯🐂 $108牛肉嫩滑有牛味，食得出係新鮮貨，用匙羹篤爆蛋黃，蛋漿如岩漿從蛋中間漏出，令到成件事非常之有食欲。秘製豉油別有風味，鹹甜適中，配合飯焦同排骨，超級好食😚🥳🥳🥳😃😊以上兩個煲仔飯可以加配臘腸，潤腸，油鴨脾及油菜，想自製一個超級豐盛嘅熱辣辣煲仔飯。就唔好錯過啦。另外，呢兩個煲仔飯都唔係跟餐嘅，如果想要飲品嘅話就要散叫啦😚😚😚😊😊😊🥰🥰🥰🥰

(*˘︶˘*).。。聯發茶餐廳。.:*♡很久沒有吃到好吃的港式茶餐廳，要吃早午晚特常餐，除了佐敦澳洲，九龍城聯發也是無得輸吧！炒蛋色水靚，也是滑滑的，叉燒意炒水準也棒棒的。只不過是餐包有點點硬。熱奶茶也是水準之上啊～最喜歡九龍城聯發除了有必點的港式常餐外，還有秋冬必備的煲仔飯與炭燒叉燒飯。個人特別喜愛臘腸肉餅咸蛋飯! 肉餅肉汁流進餅裡，配點點豉油, 熱辣辣的非常好吃。底下的飯焦也香口有驚喜! -其他菜式也十分出色炭燒叉燒煎蛋飯叉燒的焦香的味滲透入白飯中,肉汁帶點甜，肉質爽口帶三分肥，配以微微燶邊煎蛋，讓人回味無窮啊。聯發茶餐廳九龍城侯王道2號1號舖

今日特登入九龍城食茶餐廳。呢間茶餐廳（聯發）已經歷史悠久，而且店內係採用傳統茶餐廳嘅裝潢，非常懷舊。㊙️炭火叉燒炒滑蛋飯叉燒用炭火燒特別香口，而且有「窿邊」，炒滑蛋係呢間茶餐廳嘅招牌菜，一定要食。滑蛋炒到非常滑溜，而且口感好好👍㊙️臘腸肉餅煲仔飯一開蓋，聞到好香嘅煲仔飯味，加埋豉油落去撈係有飯焦。肉餅打得非常好，肉質係偏軟身，一食落聞到好夠鑊氣。☕️另叫濃縮咖啡雪糕，非常好飲！通常西餐cafe先有得飲咖啡雪糕，竟然茶餐廳都飲到，好驚喜

呢間茶記係由澳牛第三代帶住秘方自己出嚟開嘅，每次嚟到都一定會叫佢嘅早餐食，半熟蛋汁，超級嫩滑炒蛋，再配上外脆內軟綿嘅牛油多士，諗起都流曬口水🤤第一次夜晚到訪，唔講唔知原來有煲仔飯食，見枱枱都有點，俾個窩蛋新鮮牛肉吸引住，上枱時熱辣辣，趁早攪拌均勻，整體調味OK但建議落埋甜豉油，食落更加香濃，而且下面好多飯焦！比起煲仔飯個人更喜歡番茄鮮牛肉飯，真心要大大力推介呢款菜式，原個去皮番茄，超級無敵juicy，酸酸甜甜十分開胃，配埋滑蛋同牛肉，完全食到停唔到口，好鬼誇張，性價比極高😍另外要多份公司文治，大大一碟，賣相簡潔整齊，幾打卡able，豬係午餐肉，牛係鹹牛肉，麵包厚度同軟硬度適中，烘底，裏面夾住滿滿嘅餡料，火腿、芝士、蛋、番茄、青瓜、營養均衡😌