影片
港鐵奧運站 C4 出口, 步行約7分鐘
繼續閱讀
營業時間
星期一至日
11:00 - 16:00
18:00 - 22:00
以上資料只供參考, 請與餐廳確認詳情
本來今日想去“慢煮工房”估唔到僻僻地既地區都超多人排隊，男友更係打退堂鼓啦我地行左入大角咀搵野食，行到差不多到到富多來見到“喇沙”字樣招牌，我地兩個突然都好想食，見乾乾淨淨，又有位，本著試下心理，餐牌話出名喇沙，更係要試試啦，我叫左晚餐d已經有前菜同煎肉餅/漢堡扒喇沙拉麵，男友叫左自選餸既喇沙金邊粉，有台灣腸/豬扒，所有喇沙已經有豆卜/半隻蛋，所以好豐富，仲包汽水，都係$48一份，兩個人都唔洗$100，真係好抵食，食物質素唔錯，不過湯底淡左少少真係可惜店主同食客對話之中先知道今晚最後一晚營業，店主太困身，想休息一下，唉…我地笨左，早知叫扒，好多熟客叫，可惜已經無得再去啦
繼續閱讀
經過呢間小店都好多次.. 基本上每次都坐滿人..今日經過難得有位... 一於試試佢是日午餐餐牌對於自家製呢3個字無乜抵抗能力... 所以都係揀左A.... 呢碟就係自家製蜜汁叉燒.... 一望落去覺得好似豬頸肉.... 不過食落去唔係喎... 幾好味... 唔錯 亦都幾大份.... 喇沙湯底都唔錯.... 配料亦唔少.... 不過個烏冬質地我就唔係咁鍾意啦... 如果用返啲Q啲既烏冬就正啦... 除左set A 仲叫左2個小食...魷魚圈... 忌廉蟹肉薯餅... 2個都即叫即炸....熱辣辣.. 炸既火喉又岩岩好....好食... 飯友揀左呢個set B仲有油菜可以叫... 鍾意健康啲既朋友都岩呀
繼續閱讀
終有有機會一試老表叻沙由於我地有10個人，所以一早打左去留留位我地10個人嗌左每人一碗麵/飯，再各加幾碟蝦餅，薯餅，春卷，最後連飲品埋單都只係500幾蚊，抵到喊除左出名喇沙，小食都係好好味小店人情味，值得支持
繼續閱讀
第二次黎食今次叫左午餐香茅豬扒喇沙金邊粉連汽水只係$38感覺跟上次比湯底淡了有點失色配料不少，有豆卜，芽菜，半隻蛋同深水埗某自誇最強喇沙比味道更濃更出色更便宜希望湯底可以做好d，加d耶香下次會試咖哩蛋包飯
繼續閱讀
大角咀有唔少好食堂，價錢唔太貴，用心制作，仲食得出有濃濃人情味，呢D可能真係要係舊區先搵到！老表叻沙位於富多來嘅一角，鋪頭細細、裝修簡單、唔太起眼，主要係做街坊生意。六點幾去到人唔太多，得一個疑似老闆嘅男人喺鋪面坐陣。叻沙可以跟米線／油麵／金邊粉，我同朋友揀咗米線同油麵，覺得一般般，下次轉返做金邊粉可能會好食D！呢碗叻沙價錢平民，又夠足料，湯底都幾濃下，份量夠飽肚。天氣咁熱，加六蚊就跟凍飲／梳打一杯，但真係好普通嘅飲品一杯，純粹為解渴，唔好期望太高。菜都算清綠，十蚊算係咁上下！講返服務方面，疑似老闆嘅男人不時同食客有講有笑，睇黎有唔少熟客仔。有個嬸嬸坐底唔知食咩好，佢仲會主動介紹，同埋問洗唔洗少D辣。之後又見嬸嬸好似唔食得辣，就主動倒咗杯水！呢D咪小店嘅人情味囉！：）
繼續閱讀