老爹

營業中

休息中

我后悔無先入黎睇評價先去食！入到去先知中伏。間嘢食物質素一般般，但服務態度奇差，猶其係水吧果個中年女人，不知所謂！........................

同先生到附近搵食，見呢度雖然好評唔多，但勝在就腳，又坐得舒服，於是一試。地點係一個極唔起眼商場一樓，座位不多，兩個人叫咗兩個全日餐。一黎係餐湯南瓜忌廉湯&羅宋湯，味道不錯，仲有蒜蓉法包都好味，最愛係夠熱，先畀個讚👍🏻跟住係主菜，三文魚意大利飯&羊脾煎蝦拼薯菜，兩個味道出眾，出面唔係咁易食到，只係羊脾叫咗7成熟，但都太生，可能係我自己食唔慣，下次可以叫熟d🍗最後係餐茶就真係無咩特別，只係杯奶茶係真珠奶茶嗰種☕️總結：呢個價錢食到呢個食物質素真係感覺賺咗😋👍🏻會再黎幫襯，建議大家黎開呢頭可以試試

今日去左上環老爹食lunch, 誰知食物差左咁多，忌廉湯無味，叫左卡邦尼意粉，唉，賣相太差，毫無装飾，好似求其炒完放落去。另外，侍應好似严重不足，全間餐廳得兩三個人做野，希望下次會有改善。

去食個lunch, 個飯一般。沒有賣相可言。一般都算。叫餐前問你想飲紅湯定白湯。到食完個飯湯同野飲都沒有。追了幾次也沒有回覆。等位時間又耐。似茶餐廳多過西餐廳，不推介去這裏。

大部分野食完全冇西餐廳水凖，當茶餐廳貨色黎睇還可以，價格唔係特別平，但在上環還可以食lunch 或tea,款式多但偏油，感覺似用植物油，野飲凍飲唔駛加錢又多款跟餐是可以的，湯就極難飲，但最過份係去十次有六七次都等20-30分鐘以上出個意粉，仲要下午茶時段，冇人唔該唔好開，已經俾多機會佢三四次，我唔係夜晚食法國大餐，夥計個個慢吞吞，又唔醒目，最離譜打電話order 都忘記，完全失去信心⋯⋯⋯好彩佢附近冇其他呢類形競爭對手先咁好做

係公司附近的食肆食晏食到悶，好似冇哂選擇，今日早少少去遠啲食，不過都係離唔開上環。餐廳係喺大廈裏面的1樓， 一出𨋢轉右就會見到餐廳。我坐嗰張枱同大學飯堂的枱相似，一張長枱坐幾個人。餐牌有好多款式，不過我最後都係揀咗午餐的餐牌，午餐係有麵包、湯、飯或意粉、飲品。麵包係韌。周打魚湯，味道較淡，入面仲有啲一點點好似燶左的黑色物體，湯亦唔夠熱，相反羅宋湯就熱到噴煙。麻辣蒜片雞粒炒意粉意粉即炒所以好熱，雖然得幾條辣椒，但仍然有少少麻辣的感覺，個辣味對於我嚟講啱啱好，雞粒都幾新鮮，蒜片好香。白汁香煎龍脷柳飯龍脷柳係有略略煎過，嗰邊都幾脆，啲魚肉都唔會削。可以選擇金桔檸檬或蜂蜜綠茶而唔使額外加錢。柑桔檸檬，柑桔味唔係好夠，檸檬幾香而且杯嘢都唔會太甜。

我是在附近返工, 因此會經常來吃飯, 都有半年已上, 但有感其服務水平日漸下降我們是訂位的, 因此不需要等位.但是每一次下完單 後, 都需要等待一段時間才等到午餐, 有一次更要等30分鐘以上.這一次, 我不需要等很久.我每一次都會叫蕃茄湯加素菜拉面 , 我在下單時已說清楚, 但送到的時候卻是豬骨湯, 他們說沒有蕃茄湯.這令我十分失望, 好似要焗住我去食豬骨湯咁...

之前同事帶過我黎le間係電腦商場內的餐廳，如果唔係真係唔知電腦商場裡面會有間好似cafe既餐廳。哩度午市套餐價錢介乎$60幾至$70幾，亦有全日供應既套餐，價錢就貴dd$80幾至$90。午餐係包湯，麵包，主菜同飲品。今日湯有羅宋湯同周打蜆湯揀，我就要左羅宋湯。主菜就揀左蕃茄咸牛脷意粉，味度幾好，意粉唔會太冧，同事就揀左青咖哩豬頸肉飯，個咖哩汁係另上的，幾香唔太辣。而飲品有幾款算係特飲選擇，我就揀左珍珠奶茶。整體唔錯會再黎。

星期四同行四人食lunch，打算試新野。入門無人招呼無問題，男侍應見無位就安排我地分開兩張二人枱，我地話我地四個，佢第一句就話安排到就比左你啦，同行朋友話你比四張單人枱啦，火🔥起即走！星期五女同事堅持要試，今次人多，等左未夠十分鐘就入得。叫侍應（又係嗰個男侍應）落單等左10分鐘，落單後黎左涷湯同涷包，已經心知不妙。😣大家吹水吹左10分鐘，見到另一枱被冷落既客人又落單，就再等一下。點知遲黎先上岸，佢地有湯、包、飲品同飯黎哂，我地就知道又衰左啦！男侍應同「經理」見到我地開始🔥🔥，走過黎話電腦出錯再幫我地落單（明明就係無幫我地落），我地再落單，d食物就即到啦！睇睇值$58（加一）既日式咖哩雞扒飯：對唔住，我真係無辦法食哂呢碟咁難食既飯（當然加上一次又一次既🔥）。同行友人同樣中伏（只係無我咁可憐）好評太多、亦無人有心機提醒民眾小心中伏！希望大家考慮行入呢間餐廳前可以有定心理準備！

在上環工作的朋友介紹呢間既下午茶，45蚊一個意粉一杯珍奶，堂食坐落地玻璃邊既檯。位置較偏，若沒朋友帶路沒可能找到這。上環如此環境和價格不只，還要不錯好吃，性價比實在高。可再來。支持一下良小店，推廌大家來吃吃看嘛。白汁蜆肉意粉以45呢個range 黎講係我食過最好食，珍奶不死甜liked，但湯面餐個拉面就麻麻地，似茶餐廳既低質冇誠意拉面 ，level 同意粉差太遠，下次不了，留待店家改善。下次還是食意粉更好。PS.用餐後遺下了一份文件，想起再回頭時，好心的店家正走了出來還給我們。

中上環區不嬲都係香港最昂貴嘅地段，所以喺嗰度嘅餐廳大部份都算係比較貴嘅，早排有一晚同女朋友喺附近行街嘅時候見到樓上有間叫做老爹嘅餐廳，見佢價錢唔算太貴，所以就入去試一試。一入到去嘅時候，餐廳唔算話太多人，但係侍應嘅服務態度都非常之好，可能見到冇乜人嘅關係，就帶咗我哋喺窗口位坐。我哋望一望餐牌，價錢都算十分相宜，我哋叫咗個西冷牛扒，同埋一份三文魚扒，牛扒我哋叫咗5成熟，味道都唔錯。最尾埋單大概都係二百零蚊到，以喺中上環區來講算係非常抵食，有機會都會再嚟食。

周六跟老公去試了一家餐廳，看open rice 都是好評！！所以就想去試一試❤️❤️ 這家位於二樓，裡面挺寬敞的，燈光非常亮足，座位也十分多😁😁我們到的時後，還是有午餐menu 😃😃我點的是青咖哩雞扒飯，我老公點的是燒汁什扒飯，尤於我本來非常愛吃辣，所以決定多點一道麻辣蒜片雞意粉試試看！這些餐點都有附餐湯，餐包跟飲料🙋🏻😻聽店員推薦我選擇了lime lemonade 跟 honey green tea 😋羅宋湯跟蘑菇湯，羅宋湯比蘑菇湯還好，蘑菇湯真的不是很好喝🤫🤫 青咖哩雞扒飯，雞肉非常的嫩，外皮炸的剛剛好🙋🏻🙋🏻搭配小黃瓜非常的好吃😋😋青咖哩醬，還不錯👍跟一般茶餐廳的雞扒比起來，這真的比較好吃，不會太油☺️☺️燒汁什扒飯，有雞翅，豬扒，sausage!! 這是老公的，沾汁挺不錯的，搭配sausage，豬扒挺入味的，雞翅雖然裡面有點血，但是我們一反應店員就立刻替我們換，其實雞翅真的挺難熟透，不過這種服務態度真的挺不錯的👍👍這麻辣蒜片雞意粉，雞肉非常非常的好吃，不會辣，香香的蒜片，給這意粉大加分，感覺很像中式宮保雞丁加西式意粉，中西合併的觀念😄😄挺獨特👍👍很多意粉很油，但是這道不會💪🏻下次再點這

又到放工時候緊係搵間就腳嘅好野食下野喇，係openrice搵左一陣，最終決定去呢間離公司近嘅餐廳，地方雖然唔算太大，但員工就夠晒親切，個人真係好耐無食過其他野喇叉燒飯主食我地叫左個叉燒飯，呢個真係值得食下，叉燒飯係即日即整，本身唔會太油膩，入口夠惹味，係一個幾令人驚喜嘅野食。小食呢度嘅小食都真係幾有心思，夠份量唔再講，重點係連午餐肉都特別過人，餐廳都好有心咁幫用有蘑菇係入邊嘅午餐肉，夠晒心思餐廳嘅野食都真係幾令人興奮，咩都有得食下，價錢都唔算太貴，幾個朋友食下野傾下偈都算係好地方，下次都要再黎先得

 最近旺角開飯開到厭，於是決定同同事去上環搵下野食，跟住見到呢間西餐好似幾多野食，於是就決定抱住試下嘅心態入去食下。一入去見到地方都算大，店員仲熱心咁為我地送上menu，仲同我地介紹左好多好食嘅野叉燒飯‌呢個絕對值得一讚架，呢度嘅叉燒飯份量唔少，仲要非常咁貼心即叫即整。叉燒飯未食之前仲好熱架，真心夠晒新鮮，入口感覺好惹味，包唔會有軟淋淋嘅感覺。而且濃厚嘅肉味真係足量，一啲都無花假架。除左野食，餐廳嘅環境都唔錯架，二個人靜靜地坐低食下野，都真係幾寫意架，因為格局或氣氛都比同類型餐好，下次都要同屋企人黎先得。

Found this gem of a restaurant because we were intrigued by the name..came in with very low expectations, but was so pleasantly surprised! The proportions are big and the food tastes amazing. We were sad to see the place so quiet - more people need to try this restaurant out!!