老惹煮樓

營業中

休息中

見屯門開左間新野，個名幾得意，而且見到樓下海報好似同印尼嘢有關，就想去試下，點先上到去見到門口餐牌已經係普通茶餐廳嘢……都算啦，都上到嚟，食囉。點知，由入門口個客開始服務態度真係差到爆，完全冇人彩我，我掃完安心都冇人理我，冇人會check…-.-都算啦，咁食物選擇雖然好多，但基本係港式茶餐廳野，得幾知印尼野…佢嘅價錢都係中上，又唔係好平。我第一次去有好多人都唔係好清楚，叫咗個常餐，完全冇問我哋要唔要嘢飲，都唔緊要，之後我問返佢係咪有嘢飲㗎？佢竟然服務態度差到爆咁講，個餐牌有寫咪有無咪無囉。之後個男侍應就走開左。我自己睇？唔該晒喎我知就唔使問你啦你估我係日日嚟嘅之後搵第二個女服務員，諗住落嘢飲，哈哈，佢既態度差到爆..好似唔想做咁，都唔知咩態度嚟㗎，叫佢落野好似得罪佢咁，呢間野係比氣人食架，好野！

第一次上嚟食晚飯，之前都係食開早餐，星期六晚7點好多人上嚟等位，攞飛仔先知原來可以訂位，收銀個妹妹仔好好，俾左張卡片我哋話下次可以提早打電話訂位，唔使等咁耐。結果我哋都係坐喺出面露台，又唔係太熱又可以吹下風，啲花甲同通菜都好食嘅，係坐出面難搵到侍應，其他都唔錯

今年，為了方便就腳，跟同家人去屯門珀御2樓 <老惹煮樓> 後補母親節飯及父親節晚餐！媽咪嫌這裡嘈吵！晚餐餐牌：小菜比預期上得快！我去小便返嚟已經送上兩碟小菜！😂後補母親節晚餐：例湯湯料包羅萬有！大豆、豬肉、豬骨、魚肉、魚皮、陳皮、蜜棗...集多種食材於一身，整體美味！士多啤梨骨 $108賣相的確驚喜！用上混合士多啤梨果肉的士多啤梨果醬及粉紅色的士多啤梨沙律醬，還有炒至半熟，口感保持清爽的紫洋蔥，豬肉香口又入味！沙嗲金菇肥牛煲 $88味道調較得幾好，合我們一家人口味！略嫌沙嗲汁頗杰，粉絲又粗又腍，軟腍到難以夾得起，肥牛肉薄身，卻是肉質有韌勁！枝竹豆腐魚腩 $98魚腩炸漿薄而金黃色，魚肉厚身，啖啖肉！炸蒜頭也不容錯過！其他都算大碟呀！父親節晚餐 ：枝竹豆腐魚腩 $98第二次，略嫌枝竹炸得較燶！蜜椒薯角和牛肉粒 $128和牛肉肉味香濃， 薯角雖然香脆，卻是炸得好燶！豉汁蒸白鱔 $128白鱔 魚身鮮滑！豉汁提昇味道之餘又夾味！

建生附近好多食店，但無邊間係比較好食，呢間須然開咗一段時間，聽講話都係痳痳地，所以都無幫襯過。到最近真係唔想再食屋企附近嗰幾間，諗住試吓啦！ 老火湯勁足料，好味！今日食义燒炒銀針粉夠惹味。唯一可能係員工嘅態度可以再有禮D，同埋午餐數量少，1：40去到5種餐剩得2種還有供應，變咗無咩好揀😅去過2次每次都係咁。

見依間舖新開張冇耐，又係我鍾意食嘅馬拉嘢，即管一試， 點知出事😤我下午茶時間入座， 叫咗下午茶餐「巴東牛肉湯喇沙」。 負責點餐嘅男侍應已經冇禮貌，冇乜反應。好啦！ 個喇沙上枱我已經🙄， 一睇就知出事！ 完全係喇沙醬溝大量水，個湯一啲喇沙味都冇🤬 只係辣辣地嘅湯水，上面仲有成層油🙄🙄🙄 巴東牛肉完全食唔出係乜嘢😑 上面嗰幾塊蝦片仲係淋曬嘅㖭🙄🙄🙄🙄成餐最正常嘅就係杯奶茶🙃真係不可一，不可再！同一條街嘅雲貴x，譚仔，茶餐廳服務同食品質素一定好過呢間舖頭。

晚上放工諗住去試新野，點知令我地食左滿肚子氣！！！第一次幫襯，亦都唔會有下次。建議大家有耐性等待先好去幫襯！由8點坐到8點40分，足足由落單，催左4次，40分鐘之後先有野食。可能因為我地無叫佢地既小菜款式，只係order普通兩碟炒粉麵，所以老闆同老闆娘睇唔上眼我地張單啦！我地亦都即時同左老闆老闆娘講我地會上網寫食評分享俾其他人知道，佢即刻話「多謝哂！」新開張都咁既待客工作態度！除左憤怒就係失望！！

本人好耐無寫食評，點解今次會寫？因為呢間食店味道係唔差，環景亦都唔錯。比d 意見佢希望會改進一吓講返正題先。。。本人Lunch Time到埗，門口已經都有不少人等候中，心諗開張左半年都咁樣應該唔會差得去邊~~ 終於輪到我地入席，係等位既時間已經諗好食乜有我至愛鮮茄焗豬飯就呢個就呢個~~不過等左好耐好耐如趕時間or好鬼肚餓者，真係唔好叫焗飯，你會發忟憎。好！講返個焗飯，期待已久終於上枱。咦~ size細到以為自己叫左tea set (有圖有真相) , 細食既食友係岩岩好既，不過我見到有唔少附近地盤既工友會到來食午餐，咁既份量一個大男人應該唔足夠。不過味道係唔差，豬扒都好入味，汁醬亦都好平衡，仲係炒飯底。只是午餐既話真係太少。餐牌話跟例湯，其實係唔會有咩期望， 見佢寫到水蛇春咁長既湯名，以為好勁好正。仲要唔追係唔會拎黎。點知黎到係凍加無味，即係只能說它是有色既水。仲有個炒銀針粉，味道真係唔錯，碟粉size就正常返少少，值得一試。總括黎講，環景唔錯，味道唔差，員工質數爭少少，份量爭少少，有改進空間， 亦都希望真係有所改善，唔好浪費廚師既心血。

食物好味又經濟坐得舒服唯獨有一個收銀侍應態度非常差黑面神無乜禮貌講嘢倔好似欠咗佢咁負責人睇到以上請留意一下 真係好趕客環境坐得舒服 其他侍應姐姐都好好尤其有2個後生仔哥哥都好有禮貌值得讚👍

珀御樓下有幾間小餐廳，呢間餐廳特別隱秘要行樓梯或搭電梯上二樓，平時搭車成日經過，所以星期日下午茶走去試下。上到去比想像的大同開揚，格局比普通茶餐廳企理。冷氣溫度舒適，座位亦不逼狹。落地玻璃透少少陽光挺開朗。首先叫了兩個下午茶餐。1. 燒汁肉眼根炒烏冬 （$43+3凍飲）份量很細，我本以為肉眼是牛肉但原來是很乾很韌的豬肉，很失望。烏冬調味合格，但以$43而言，應該可以隨處可以找到更好的選擇。絕對不推介。2. 乾炒牛河 （$43+3凍飲）同樣非常細碟，不過牛肉挺多，而且夠軟沒有筋，鑊氣也不錯。略嫌油膩，但比炒烏冬好吃很多。見附近食客叫的吉列豬扒薯條賣相不錯，而且吃完一個下午茶餐仍然很肚餓（係連女仔都唔夠食的份量），所以補加一份吉烈豬扒配薯條。（$36+3凍飲）果然這個性價比過很多，大大份又平。吉烈豬扒炸粉不太厚。外面香脆，肉軟嫩，薯條也不燶。推介👍🏻其實這間晚市不便宜，不過只收現金，有點不方便。午餐/下午茶可以試下😊

幾惹味嘅老惹👍🏻👍🏻去嘅時候是中午Ⓛⓤⓝⓒⓗ ⓣⓘⓜⓔ好多人等位呀我估應該幾好食🤣🤣..............................點左是日午餐‼️‼️$48有湯有熱飲①椒鹽豬扒配炒飯個椒鹽豬扒好惹味✨✨仲好細心咁將塊扒斬件👍🏻👍🏻豬扒好淋好入味份量少左啲🤭🤭連飯都係份量唔夠😆😆②籠仔土魷香菇蒸肉餅飯呢款唔夠味肉餅無味😌😌加左豉油都差啲帶唔到個味出嚟見到籠仔飯以為好正有啲失望😵😵😵✨✨✨✨✨✨✨整體不錯啊‼️‼️

新開咁耐都未試過 今日遲左食飯 就不如試下 天氣又咁好 原先諗住坐上面露天位 但太熱😂 同埋好多人食煙我想講 幾好食 呢頭附近其實好多好野食 但我下午茶時間黎 都有8成滿座 我地二人order左常餐x2沙嗲牛公仔麵 + 炸雞髀但係佢冇炸雞髀 於是我哋分別換咗雞扒同埋豬扒 + 熱奶茶 & 熱檸水炸豬扒同雞髀都好好食 又滑又香沙爹牛麵算係有水準 但係個沙嗲牛無乜沙嗲味 佢有好多款唔同嘅嘢食 下次可以試吓佢嘅午餐 熱檸水幾好飲 個檸檬好鮮 熱奶茶唔夠滑 茶膽有少少澀

諗住打定電話去叫定外賣自取，點知電話打極都冇人聽，咁真心想試吓間新店，所以直接落咗去買;外賣嗌咗兩碗喇沙湯米一碗牛肉一碗豬扒，點知兩碗嘅喇沙湯 都得半碗湯完全浸唔過碗米粉，而我嗰個東巴牛肉得三嚿牛肉，而味道方面都好味嘅， 湯底夠正宗濃味但係得湯得半碗真係少過頭 ，不呢個價錢 冇湯冇餸就貴咗啲喇 ， 雖然唔係我落去買外賣 ，阿仔話職員態度好好我哋會再幫襯佢嘅 ，希望佢嘅食物份量方面會有改善。

朋友告知在建生附近新開咗間餐廳, 見呢排新年得閒去試吓先餐廳位於一樓,上到去環境舒適,而且食物款式多。有室外同室內位置, 因得自己一個就揀咗露天位置坐都幾舒服,望下藍天白雲, 又有街景睇我叫咗個常餐香茅雞中翼湯福麵+凍檸茶雞翼有四隻, 薄薄的炸粉炸得香脆熱辣辣, 冇多餘粉漿, 唔會炸得乾身亦唔會油膩。福麵係熟悉的味道, 正常水準。另外杯凍檸檬茶, 茶味濃

終於都開第一間樓上食肆原來係茶餐廳，又有印尼嘢食，最開心可以揀坐室外，望住對面個森林公園身心舒泰餐廳都幾多座位，樓底夠高，好開揚，又有早餐食，今次試吓午餐先。叫咗個蒸蝦米水蛋飯，幾足料，水蛋非常滑，又配上大量香蔥，香氣逼人，同埋唔會好肥膩，收$48，個飯都幾多，仲加埋例湯同埋飲品，呢個價錢+呢個環境去邊度搵？之後再加多個西多士，原來西多士有好多款式，又朱古力，或者花生醬等，真係選擇困難，最後都係叫咗個傳統花生醬西多，西多士整得好靚，唔會中間扁咗，又唔會好多油，唔知係唔係用光波爐整西多士外脆內軟，再加埋牛油同糖漿，真係零舍不同，好耐都未食過咁傳統嘅西多士值得一試呢度唔係成日開放室外座位，要睇緣份

疫情都差唔多一年，好不容易搵到一個可以坐喺戶外嘅地方食飯，空氣流通啲食得放心啲。叫咗雪菜肉絲米同埋腸仔炒蛋，碗米粉除咗肉絲外仲有蝦米，好開胃，炒蛋炒得好滑，有誠意！最緊要係可以一邊食早餐一邊曬太陽🌞如果杯咖啡可以轉做即磨咖啡就完美