影片
港鐵長沙灣站 C1 出口, 步行約4分鐘
繼續閱讀
電話號碼
35862669
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
今日本來行青山道去新華買蛋撻，見到哩間未食過的江西米粉，睇下睇下，一個吾知道系咪老闆的出來好友善咁sell，咪試下嘍味道— 大部分帶辣，吾食得可能要問下有無可能走辣。—肉量太少環境— 裝修簡簡單單，服務— 好友善咁sell，原來系中國franchise，話系大陸好多喔，— 要了解大部分香港或者廣東人不吃辣同食肉獸，提醒一下會更好— 好奇怪，堂食85折，外賣就無仲要加$2外賣盒，香港好奇怪— 佢d膠盒估計系設計過，好穩陣衛生OK抵食— 以咁價錢，所有有肉的菜式都得好少肉，性價比低。土雞蛋肉碎拌粉($44)3分— 吾記得叫走辣，所以有人食吾到，但味道系幾好，個米粉系粗過廣東米粉，但爽過賴粉，只是第一次食我會比5分，overall摟返個合格。— 辣椒仲多過menu 張相，— 可惜肉碎真系少的恐怖，如果當午飯一定吾夠—土雞蛋無乜特別味道，系碎得幾有技巧。海底椰土雞瓦缸湯(1分)— 個湯好清，睇到得好少料，得兩塊雞同一d配料— 飲吾到雞味反而d辣味。一口酥豆腐($22)5分— 哩個性價比系高，分量系夠— 豆腐咬開睇到好滑，食落仲滑— 雖然都覺得有小小辣味，但真系幾好食。攞到總分OK 好marginal
繼續閱讀
朋友介紹長沙灣呢間新開食肆，餐廳主打江西米粉，另外亦有瓦罐煨湯、韭菜盒子、椒麻小酥肉、香炸蝦餅等地道小食供應。店子地方不大，但裝修得都幾骨子，牆上橫額仔細地列出了江西米粉嘅製作過程，由洗淨、磨漿，以至蒸煮、晾曬等，每項程序都絕不馬虎！點咗香炸蝦餅 ($26) 同 兩份超值套餐。蝦餅手掌大小，炸至金黃色，入口脆卜卜，酥香又唔油膩。土雞蛋炒肉碎拌粉+黑蒜肉餅瓦罐湯 ($58) 無諗碗拌粉嘅份量會咁大，用料十足，內有炒蛋、肉碎和青椒等。粉條煮得啱啱好，爽滑有咬勁，韌而不硬，加上微辣又帶點油香嘅醬汁，啖啖滋味。黑蒜肉餅湯以小瓦罐盛上，湯身熱辣辣，入口鮮香淳濃。黑蒜甜甜軟軟，吃起來沒有半點刺鼻辛辣感，加上大大件肉餅，入口啖啖肉。至於另一客秘製雜醬拌粉+雞蛋肉餅瓦罐湯 ($60) 賣相亦非常吸引，拌粉材料有秘製肉醬、花生、菜脯、萵筍絲和豆乾，肉醬自家製，香濃又帶點辣勁，用來拌粉吃，味道一流！ 雞蛋肉餅湯真材實料，湯鮮肉嫩，原汁原味，營養又健康，飲完成身暖笠笠。
繼續閱讀
作為長沙灣嘅街坊，我好留意附近有咩新食店開張～呢間「羅粉世家」都算新新地，唔係開咗好耐～主打江西米粉同埋瓦罐湯～而江西米粉即係米線，同平時雲南個種又有啲唔同～少一份粗彈，多一份幼滑～而且佢地嘅米線份量真心多，如果細食嘅朋友可以開心share~「🥚土雞蛋炒肉碎拌粉配黑蒜肉餅瓦罐湯」重口味嘅朋友一定要試試👍🏻👍🏻拌粉除左炒肉碎蛋外，仲有大量嘅青辣椒紅辣椒🌶️雖然望落好似會好辣，但實際只係微微嘅香辣，反而更醒神開胃😋而黑蒜肉餅瓦罐湯，雖然望落好清湯，但黑蒜味係好香濃～配上有口感嘅肉餅，呢個湯有效解辣解膩～～「井岡山土豬肉鮮湯粉 / 蕃茄牛肉鮮湯粉 / 柚子竹香烏龍茶」除咗拌粉，佢哋都有湯粉，有4款湯底選擇～亦都可以揀辣度同配料～唔食辣嘅可以揀原味骨湯同蕃茄湯底～2款湯底都各有各濃郁，條條米線都索曬湯汁，正😋而豬肉個款我地再加咗豬心，好爽好彈唔錯👍🏻而佢地嘅飲品估唔到咁好飲！呢款柚子竹香烏龍茶，比起出邊好多茶飲舖質素都好👍🏻果味濃茶底香，又唔太甜～下次要試埋杯百香果先得😜😜
繼續閱讀
今次去左長沙灣做野，又要搵飯食既時候，見到呢間新開既粉麵舖就入去試下啦佢地坐位都ok，最重要就係有紙巾提供，餐具就係櫃桶自己攞既，有紙巾既餐廳係我心目中先贏一分食物方面佢地有湯，同撈選擇，佢寫係米粉，但實際食落係米線黎既，見佢地超值套餐係拌粉，我平時比較少機會食撈既，不妨一試我地其中一份叫左土雞蛋炒肉碎拌粉+黑蒜肉餅瓦罐湯（$58），個粉既份量幾大碗，呢個粉有d辣椒睇落好多咁，但唔算好辣，一般人都會食到，個撈麵汁幾好味，加埋雞蛋肉碎有d咬口咁幾好，同埋個米線佢整得幾爽，我都幾鐘意，個黑蒜湯係用瓦煲燉出黎，入面有大大舊肉餅好正，黑蒜味又夠濃，有個咁正既湯飲都喜出望外另一個餐就叫左秘制雜醬拌粉+雞蛋肉餅瓦罐湯（$60），同樣呢個份都係大大碗，佢就比較重口味d，因為有個中間既秘制醬料真係夠惹味，如果鐘意食濃味野呢個一定岩食，反而呢個餐個湯就係比較清既，同樣肉餅都係大大舊，正飲品我地叫左檸檬百果香茶（$16），同埋冰鎮酸梅湯（$18），呢度都有呢d另類飲品又幾特別，個酸梅湯仲係自己整既，兩杯飲品都好飲呢間餐廳個湯我覺得係驚喜黎，冇諗過米線店有好飲既燉湯飲，而拌粉都幾正，濃味得黎食完又唔會勁口渴
繼續閱讀
阿公最近經常被“橙色”嘢吸引咗✴️✴️點解咁講🤔 因為呢到餐廳係橙色招牌大大幾個字【羅粉世家】經過就見到開嘅新店😝阿公見識淺薄 見字就諗咩係「羅粉」🤔入去試試佢咪知囉😁餐廳主打粉麵 及 瓦罐湯 (係小瓦樽燉出嚟嘅)粉麵可以好似車仔麵咁揀餸再選唔同湯底或者可以揀拌粉 (即係撈粉😁)阿公梗係揀套餐😆要一次過滿足哂所有願望一食入口就知係【真。味道】完全無味精感覺🔆🔆🔆而且好大份 好飽🤣🤣而原來【羅粉】外型係米線咁但食落好彈牙嘅 (形容唔到嗰種彈🕴)而且質地唔會好粉嗰種嘅🤣🤣(希望明啦)問店員姐姐先知 原來羅粉係某地方屬米粉一種只係造得比較粗身 即刻長知識咗📚阿公下次會再嚟 要試埋湯粉先得😋
繼續閱讀
您可能會有興趣的...