純寿司

營業中

休息中

搬舖後第二次食同第一次食差好遠上次嚟仲一邊食一邊講緊咁多年都keep到水準但今次基本上一路食一路嘆嘆氣個嘆魚生基本上都食唔到有味真係同以往有嘅”鮮”差好遠連切魚生嘅刀工都好差 同之前落差太大真係好失望最出色都算係軍艦塊紫菜咁耐以嚟出完餐都係脆嘅今晚就算未食飽都唔想再嘥錢叫嘢食由舊舖開始已經食咗好多年一直都係好推介人嚟食但今晚真係跌哂眼鏡希望有人見到可以改善吓俾返以往嘅質素俾大家唔想又少咗一間原本性價比高嘅食堂

純壽司搬咗舖位後第一次食，平日晚市時段要等位。但係安排入座次序唔太合理，經常入哂遲攞飛既多人枱先，2人枱反而等耐d入座後即刻order壽司，最好食係火灸三文魚，燒得平均。軟殼蟹卷飯仲多過餡料，唔太推介。刺身拼盤揀左最貴個一款，中規中矩，帶子最新鮮。醋精魚最平但性價比高，唔會太腥食完以上既壽司未飽，再追加油甘魚腩壽司同拖羅壽司。一分錢一分貨，拖羅入口即溶。油甘魚就普通今次埋單450蚊兩個人，食物水準同價錢正比。舖位比舊舖大，人手唔太夠，希望之後慢慢會改善人手同入位安排。