紅茶冰室

營業中

休息中

黎到太子就搵下野食，行下見到紅茶唔駛點排就入黎食等左10分鐘就有位。好耐無食就諗住試下結果失望。午餐50幾60蚊不過係呢個質素就好一般了，味道正常但完全無吸引之處，份量比較少。羅宋湯正常沒有特別。比較失望係杯凍檸檬茶，朋友另外2杯已經黎左10幾分鐘飲哂啦，我杯仲未黎就唔該女侍應追下杯凍檸檬茶，野又已經食到8899，個女侍應話有杯機壞左已經整緊架啦。好啦我繼續等，我知你有人排想飲完快d走唔阻你，你咁講我就等，過左56分鐘仲未黎，我再追第2個算啦，同佢講情況，杯凍檸檬茶終於黎啦，第3個女侍應唔夠10秒就話外邊有人等緊位，我心諗等左杯凍檸檬茶差唔多20分鐘，黎左10秒就催，如果係咁急，當初就應該快d追杯茶比我，飲完就走。知你有客排點知等杯飲品都要10幾20分鐘，追又唔理，即刻答得咁快，再追先有。價錢唔值服務又差，唔駛你唔該前多謝後不過服務要合理點，唔好追完唔理，等20分鐘野飲一上就催人走。唔會再食

心郁郁想据扒經過見唔使等位平時又多人黎食就諗住試下叫左個西冷牛扒餐有餐包，湯同野飲等左差唔多十幾分鐘終於上主菜點知塊扒冇牛味，又乾唔知食緊咩肉咁就算係厚身加大塊都冇用食左三份二已經唔想再食埋單都百幾蚊真係唔值呢個價之後唔會再黎

如題，無諗過京都豬扒都會整得難食難食到要寫食評午餐時段叫 上菜即食 豬扒已經係溫食到一半竟然有幾塊係一邊溫一邊凍似係整定之後翻熱 仲要翻得唔熱味道極度一般 豬扒肉質難以下嚥又凍又硬 唔知食梗咩平時其他茶記外賣好食過佢多多聲特飲少甜 但甜到確喉。。。反而菠蘿油幾出色 要求已經唔高 奇怪點解咁多人排隊

黎到太子就搵下野食，行下見到紅茶唔駛點排就入黎食等左10分鐘就有位。好耐無食就諗住試下結果失望。午餐50幾60蚊不過係呢個質素就好一般了，味道正常但完全無吸引之處，份量比較少。羅宋湯正常沒有特別。比較失望係杯凍檸檬茶，朋友另外2杯已經黎左10幾分鐘飲哂啦，我杯仲未黎就唔該女侍應追下杯凍檸檬茶，野又已經食到8899，個女侍應話有杯機壞左已經整緊架啦。 好啦我繼續等，我知你有人排想飲完快d走唔阻你，你咁講我就等，過左5 6分鐘仲未黎，我再追第2個算啦，同佢講情況，杯凍檸檬茶終於黎啦，第3個女侍應唔夠10秒就話外邊有人等緊位，我心諗等左杯凍檸檬茶差唔多20分鐘，黎左10秒就催，如果係咁急，當初就應該快d追杯茶比我，飲完就走。知你有客排點知等杯飲品都要10幾20分鐘，追又唔理，即刻答得咁快，再追先有。價錢唔值服務又差，唔駛你唔該前多謝後不過服務要合理點，唔好追完唔理，等20分鐘野飲一上就催人走。唔會再食了

話完以前仲住附近時有一次中伏經驗，有時都盡量避開唔食佢。但見當時正值疫情時間，距離而家已經3年幾，諗住俾多次機會佢～見佢門口都要排隊，心諗應該OK啩，最後等左幾分鐘就入得去～Menu嘅話都唔使點睇，梗係叫沙嗲牛啦。早餐而家要$41，都咪話唔乸脷，加埋杯凍啡就已經$44～2-3分鐘就上菜喇。個沙嗲牛嘅賣相好過上次好多喇，份量夠，個麵算係彈牙～炒蛋太過濕，可能叫太陽蛋好過，丹麥多士夠入味～咖啡味道幾夠，朝早飲完可以提一提神！

又貴又細碟，味精好重🤮嗰日食咗個牛柳仲晒伏，得嗰4片牛柳(唔夠3安士）配飯，收百三蚊！極之極之低性價比🙅🏻‍♂️直頭搵苯！洗濕咗個頭，叫多碟炒牛河，咸到爆🙅🏻直頭攞命！

主要都係態度唔好，排隊時仲有个阿叔邊閙邊行出黎。要拼臺噶話，建議臺號分成例如12A 12B，咁樣會可以分得清邊邊點噶單，我點咗奶茶，阿姐送過黎，我又冇留意系唔系拼臺噶哥哥仔點嘎，搞到阿姐唔耐煩

日日lunch都係食茶記，因為好想飲杯奶茶，而且佢嘅常餐隻蛋好好食，多士都幾好食。唔知點解旺角啲茶記特別好食，相比起西環嗰啲， 西環嗰啲真係好難食。而且旺角嘅店員做嘢都非常之快手，廚房出餐都非常之快。之前成日都食沙嗲牛出前一丁，但係為咗健康，依家唔敢食咁多。夠晒多沙嗲汁，但係有少少鹹。所以呢排成日都食茄汁長通粉嗰個餐，感覺健康啲。杯奶茶長期都咁好飲，所以成日都過嚟食。唔好睇佢條路姐都好似好長，等一陣就會有位㗎啦！

朝早行過茶記，肚仔咕嚕嚕叫，咁我就忍唔住閂步落去嗌咗份早餐。🍳 首先，佢啲豬柳蓋蛋包真係有得讚，豬柳煎得微微焦香，蛋滑之餘仲包住透嘅心，真係食到我心情好好。😌 然後，個生菜沙律嘅醬汁做得啱啱好，酸酸甜甜，清新咗哂個味蕾。而家講番個茶，飲品就一定要點個絲襪奶茶，夠晒滑，茶味濃郁得嚟又唔會苦澀，簡直係完美嘅醒神聖品呀！🍵 食住喝住，感覺啲人嚟嚟去去，茶餐廳裡面嘅嘈雜聲同埋廚房嘅鑊氣，就算自己一個人食，都覺得似喺朋友間嘅聚會。呢度嘅茶記真係可以話係香港嘅味道，帶有一種家嘅感覺，讓人懷念。下次再嚟，我一定要試吓佢哋嘅叉燒治同熱血青年嘅雞蛋仔喇！🥪💕

食物來錯2次！第一次由午餐的飯來錯意粉！之後補回的直情變左另一個餐！味道一般！當日叫的是日式咖喱豬扒飯，！第一次來了意粉，跟住更換，之後來的是變了蕃茄焗豬扒飯！又再更換，等了半小時，跟住外賣叫了4次也叫不到！同事不停說叫其他同事幫手，因為他們不是落單的，經多次嘗試，也落不到單！一間咁做生意的餐廳。吾怪得之已經無之前咁多人排隊，一個個午餐要成$70在附近有很多選擇的！不如去返金華好過！第一次的負評竟然係紅茶！

今日同屋企人去幫襯，排咗20分鐘終於有位，門口姐姐話要坐長枱，要就入唔要就繼續排，我哋三個人都無咩所謂就話照坐，一坐低就要即刻點嘢食，睇都未睇完。我哋叫常餐豬扒通炒滑蛋，兩個午餐煎西冷牛扒飯。先評論啲食物，炒滑蛋好食，夠滑夠蛋味，豬扒就正正常常但唔會醃到梅哂咁；西冷牛扒飯個汁幾好，lunch set 黎講牛扒都比幾大塊，意粉同飯量都好夠飽，仲有少少炒雜菜伴碟，包埋凍飲$70蚊內仲有找，旺角區黎講真係叫抵食。講返唔會再黎原因係，我哋食完，但杯野飲都未飲到一半，有位姐姐就同我講出面有八個人等緊，佢要返張八人枱，叫我要還枱比佢，因為張枱喺我哋入去前已經坐咗四個中學生，佢哋食完係度傾計，等到我哋三個接近食哂啲主菜嘅時間佢哋先去埋單，但我哋同另一位搭枱嘅男士其實佢都係同我一樣岩岩食完飲緊杯嘢，但因為我哋其中一杯係熱檸茶，最後比人催到杯熱檸茶都飲唔到幾啖就要起身走人，感覺好似食完飯即刻比人趕走，其實都幾鐘意呢間分店，因為六年第一次幫襯紅茶就係呢間分店，入面有個哥哥相對比較好態度，但呢間啲姐姐態度真係好趕客，唯有以後去其他分店幫襯。

意粉室溫, 發脹.紅酒蘑菇汁好酸好難食雞髀薯條叫咗好耐先至出嚟, 薯皇得一個好細嘅裝汁嘅兜, 茄汁變酸咗雞髀入面有咖哩汁. 啲水熱到根本飲唔到素翅忌廉湯好大陣雪藏味. 咖哩焗牛脷意粉咖哩汁好淡, 牛脷好乾好鞋好韌薯菜變咗焗薯而唔係薯條完全唔夠位坐要我哋兩個人逼埋一邊好窄嘅有條柱頂住嘅卡位, 廚房嗰條走廊污糟邋遢見到曬. 冇加一塊膠板喺卡位中間. 道門成日開住啲煙味飄曬入嚟, 落咗單又唔畀人轉去細台

叫咗個豬扒公仔麵常餐，豬扒煎得幾好食。另外跟丹麥多士煎蛋。另外叫咗個午餐馬來咖喱焗牛肉飯。牛肉新鮮夠多。焗得夠熱。忌廉餐湯亦都ok。加埋熱奶茶$65。常餐就要$55。只收現金。5毫子都唔收。

帶位員的態度極之差劣，要求2人坐只容納到一個人的位置，當客人反映時，竟然要求客人從新排隊。縱使食物質素有幾好都係冇用，有這樣的員工只會把想光顧的客人一一趕走晒。

平日tea time 去食，一入去無人理自己坐咗喺4人枱(仲有其他吉枱),過咗幾分鐘有個員工好無禮貌叫我坐去搭枱。(搭枱無問題，問題係冇禮貌）到落單又係無人理，舉手一分鐘無人望過嚟，要行去搵人先有，落單嗰位中年女工態度好啲。叫咗咖喱吉列豬扒飯，凍奶茶。咖喱吉列豬扒飯係當年翠華嘅味道，即刻食味道還可以。至於凍奶茶，就比較普通，茶香同埋奶香都爭少少。不過咁嘅態度，我唔會再去，希望少人啲佢哋無咁忙塊面可以冇咁黑🙄