紅樓 (已結業)

今日去左銅鑼灣搵食，行到燈籠街，見到有間中菜新開張係食點心既！一睇原來仲做緊半價優惠，好似好抵咁！即刻去試下先！上到去，發現環境都幾唔錯，坐落都幾舒服。我地兩個人一共叫左6樣野。啲點心望落幾得意，賣相都幾精緻，好少係出面酒樓見到，而且整體味道都唔錯。依到出名粉紅色蝦餃，唔係到到有，而且蝦肉都幾夠份量下。下面有熊貓形狀既芝麻包，同埋素菜餃，兩樣都唔錯。仲叫左個椒鹽豆腐，食落好滑，又夠味。之後再試左腸粉，都幾香滑。最後，重點推介⋯係我至愛既蛋撻！蛋撻皮好鬆化！感覺好似岩岩出爐咁。最後我地仲發現，原來新開張期間食完仲有番張$100既coupon送番可以下次用，抵呀！

話説琴日約舊同學一齊岀黎食個飯聚一聚，路經登龍街見到岀面大大個LED招牌有間新開嘅中菜餐廳咁就入去試下，入到去環境暗暗地有別於傳統食中菜嘅餐廳幾舒服。一黎就先叫左個粉紅色嘅蝦餃，賣相吸引，非常適合打卡之後黎個國寶芝麻包，隻熊貓個樣好呆萌又幾cute☺️椒鹽豆腐 外脆內軟值得推介之後再叫左個招牌炒飯，外表雖然普通但食落原來入面有啲鮑魚粒，估佢唔到有驚喜!因為太餓嘅關係有啲野食冇影相就食左😂整體黎講呢個都係個適合同朋友一齊黎嘅地方。

登龍街真係好多好野食 近來又新開咗一間新派中菜 仲做緊點心半價 放lunch就去試一試😋流心紫蕃薯 外層係咸水角皮 即叫即炸好脆 入面係紫薯味嘅流心 幾特別蛋撻仔好香好鬆脆 又係好欣賞拎出黎仲係熱嘅 因為實在食過太多間茶樓啲煎炸野係凍嘅😂松露球其實係咸水角嘅波波版😆都係熱辣辣好食嘅 但如果入面黑松露味再濃啲就好啦香檳金蝦餃、素菜餃、芝麻包蒸點一樣出色 太極馬拉糕呢個好得意呀😆😆係平時嘅蔗糖+黑芝麻味 炸豆腐外脆內軟 炸完冇淋油 good good

據聞銅鑼灣新開了紅樓立馬搶先來試試還以為中菜跟普通的餐廳差不多沒想到還能完美到這麼極致一坐下就招呼茶茗- 我們點了二人餐$5988道菜從小點心🥧、盅湯到小菜、甜點二人餐說實話份量綽綽有餘三色點心有燒賣、雜菜粉果和金箔蝦餃秋葵沙律🥗叉燒半肥半瘦細心地在底下有蠟燭座熱，保持食物溫度炒木耳海蜇非常爽口椒鹽九肚魚鬆脆咕嚕肉的粉不會太厚，炸得剛剛好，菠蘿還是新鮮的🍍上湯豆苗蟲草花椰子湯 椰子味🥥濃郁整體非常優秀，除了楊枝甘露偏甜外，很適合帶家人來享受一番👍🏻很優👍🏻

趁今日星期日同屋企人出嚟飲茶，特登訂左呢間望落好好樣嘅茶樓，個名都好有趣，叫紅樓。一入到去就見到佢地用暗紅色做主體既裝修。午事都幾多人，都好激動諗住食好野。望下個餐牌先。佢既名可以都望到比好多心機去改，我地就點左好幾個招牌。紅樓炒飯，個賣相唔差。有蟹肉，甚至仲食到有鮑魚，係一個幾鮮味嘅飯嚟嘅。椰子棉花雞，啲椰子其實味道唔係好足，啲雞都幾柴下，唔難食但係又未到好好食囉。有少少甜味。個蝦使就令我嬲豬左，我哋上咗之後冇搞過，佢一上黎就係呢種甩皮甩骨嘅樣，好似大風吹完過嚟咁樣，就算好食都有少少唔開心啦鴨肉包包，呢種應該係中式漢堡包？賣相係真係好好，但係食落嘅時候個包係凍㗎，鴨肉嘅味道就還好。合格嘅😂😂有一啲甜甜地嘅京色醬、番茄同埋青瓜，食落都清爽，但樣大過味道好多。珍菌黑松露球，抱歉呢張影得吾好，但呢個球係最好食嘅，松露味好香好濃，食落有啲似鹹水角，香口嘢嚟嘅都OK🤣🤣🤣清湯牛肉球，都幾好食，就係普通😂😂地好食總括黎講，呢間野我應該唔會食第二次，實在係普通水平，但係比普通飲茶貴好多😂😂😂cp值不高

首次到來這裡， 它們是新開業， 點心以正價有50%-的。帶到坐位算是舒適的， 服務員也是因勤的態度，我提醒了他們數次便會攞到一個酒水牌了， 其實只是想叫杯啤酒一直叫他們說有那款， 而問了兩位服務員； 也一直說先給我酒牌看看； 得到酒水牌後， 要的ipa反過來便說沒有供應， 那麼便叫別的吧。落單時， 服務員會給您複單的，它們上枱了，酥皮菠蘿黑豚肉叉燒包，香脆菠蘿包內裡含叉燒碎， 這個味道在別的也試過， 便是甜甜的菠蘿面叉餐包。女兒紅帶子腸粉，附上豉油， 內含帶子肉哋滿滿， 但粉紅的粉皮的確地厚， 味覺淡淡的所以一定要配豉油上啊。花之戀，是春卷， 蝦肉內容而春卷尾部介花炸脆， 之上放了些小魚子点絕， 冇喼汁隨上， 可能要問服務員覆便可提供呢。香煎黑豚肉小籠包，鐵板上保熱度， 包底有片薄脆網， 皮質不厚不薄內𥚃肉汁滿滿， 附上薑絲與醋。紅糙米珍珠雞，乾乾的包含瘦雞， 味道不太差但帶著乾枯感。棷皇棉花雞，內裡的用料魚肚及雞件是帶著淡淡的鮮椰香的。香檳金蝦餃，這個叫了， 落了單， 俾埋錢，但其後發現這個是…冇上過枱的， 所以未能提供相關相片或品評…請大家記住要查明單據先埋單， 是我自己疏忽了…