影片
港鐵柯士甸站 A 出口, 步行約4分鐘
繼續閱讀
電話號碼
23882240
營業時間
今日營業
17:30 - 02:00
星期一至二
17:30 - 02:00
星期三
全日休息
星期四至日
17:30 - 02:00
以上資料只供參考, 請與餐廳確認詳情
相關文章
今晚一齊尋找香港味道🇭🇰，去到佐敦嘅「糖水檔1987」，睇落紅白相間嘅店面都頗有現代感，其實係源自1987年開始創立既老式粥鋪😮，經過第一、二代老闆經營，而家由一班熱愛香港美食嘅後生仔接手老店💪🏻，希望打造成街坊嘅宵夜聚腳地，的確見到唔少街坊堂食外賣。小小嘅店面卻載有香港人情味同本地美食❤️，包括粥品、懷舊小食、經典小炒同傳統糖水等，希望大家多多支持，將呢份情懷延續落去。————————————————👅 鴨腎菜乾豬骨粥（$38）👍🏻招牌必食之一！老配方傳承📝，長時間熬製連米粒都化開，鴨腎、蠔豉、菜乾及豬骨呈現濃郁味道，有種清熱下火嘅感覺👅 XO醬炒蘿蔔糕（$36）👍🏻採用手工自家製嘅香辣XO醬🌶️，正常辣都有種刺激感，蘿蔔糕有臘腸粒，食落有蘿蔔味，仲有一大堆爽脆椰菜同芽菜，讚讚.👅 豬皮蘿蔔魚蛋（$29）👍🏻獨家秘製車仔醬汁，由多種香料調配，香辣之餘又甜甜地，蘿蔔軟腍多汁🥘，豬皮同魚蛋都好入味，還原傳統港式滋味👅 鮮奶桃膠雪耳燉蛋白（$53）👍🏻幾種材料加堆一齊就好滋補養顏🌸，桃膠同雪耳都燉到軟軟腍腍，燉蛋白滑捋捋，吸收晒奶香味.👅 芒果大滿足（$56）👍🏻一碗有齊仙草、芋圓、小丸子、芋圓、芒果同椰果，啱晒心大心細嘅朋友🥰，覺得小丸子最好味，尺寸巨大化增加咗軟糯糯嘅口感，加埋淡奶更好味———————————————— 🚩總結：熱愛傳統🫶🏻不斷改良嘅糖水檔———————————————— 🌟注意：如果鍾意食佢哋嘅XO醬，可以$129/支加購帶返屋企————————————————📍 糖水檔1987地址：佐敦文匯街25號文景樓地下C號舖.🗺地區：#bem佐敦📥分類：#bem港式💰人均消費：#bem_51至100蚊
繼續閱讀
好似好耐冇食港式糖水咁🤣不過雖然呢間舖頭名叫糖水檔 但好似佢啲港式小食款式同樣多😂舖頭已經有三十幾年歷史但開店老闆好似因腳患冇做lu 而家由一對情侶繼續傳承落去~👍🏿白雪女皇(凍) $49白雪女皇系腐竹桃膠糖水配燉蛋白成碗糖水好足料 啖啖都筆到桃膠🤭腐竹已經煲融晒喺糖水度 口感非常滑溜🥰食到香濃腐竹味 調味唔假 系清甜嗰種❤️入面嘅桃膠都系滑嘟嘟嘅😛帶少少爽口 食落有咬口得嚟唔會太硬實底部就系燉蛋白同樣非常滑溜😚帶淡淡嘅奶香 甜度啱啱好👍🏿成碗糖水確實幾好食🤤味道: 8.5/10性價比: 8/10👍🏿椰汁芒果爆珠西米燉蛋白 $56細佬👦🏻揀咗佢至愛嘅芒果好唔容易先氹到佢比史努比試下味😂入面有大量芒果 清甜多汁西米露充斥住滿滿嘅椰香 口感帶少少黏稠🤭芒果爆珠嘅口感好過癮🤪一啖食晒所有配料味蕾上頗大衝擊🤣幾有層次感 少驚喜底下同白雪女皇一樣系燉蛋白整體甜度亦系啱啱好👍🏿味道: 8/10性價比: 8/10👍🏿XO醬炒蘿蔔糕 $36Menu上面寫住用咗手工製XO醬嚟到已經聞到好香🥰蘿蔔糕比較軟糯 食落口感綿感~食到少少蘿蔔粒 粉感唔會太重😚亮點喺個XO醬度應該用咗蝦米瑤柱等等嘅配料炒香而成蘿蔔糕連埋芽菜同椰菜一齊炒每個角落都佔滿XO醬食落辣得嚟好惹味🤪而且炒得非常之香~雖然佢寫系小辣(好似可以加辣嘅)但史努比已經覺得好辣🫣不過佢炒得幾好食🤣芽菜keep到爽脆 吸收晒XO醬嘅精華味道好香😆而且食落唔會話好油膩👍🏿唔怪之得寫住店主推介啦🤭味道: 8.5/10性價比: 8.5/10👌🏿豬皮蘿蔔魚蛋 $29呢個就相對比較失色略嫌咖喱味唔夠香濃 感覺上甜度重啲魚蛋唔夠爽彈😗蘿蔔就煮得好夠淋😆不過好似甜度比較重 之後會食到有啲辣味滲出嚟~史努比唔食豬皮屋企人話普通啦有對比之下 呢份嘢就顯得冇乜特別🤣味道: 6/10性價比: 6.5/10👍🏿吉列炸香蕉(6粒) $32第一啖食落去覺得佢好甜😳但佢唔系死甜嗰種 而系香蕉擺到好熟好熟嗰種甜味食食下就會get used to佢嘅甜😂炸粉唔太厚 酥脆得嚟唔會好淋油香蕉依然有口感 唔會話熟到淋bla bla唔加朱古力醬就咁純香蕉嘅甜味都夠🤭史努比覺得味道幾新奇 可以一試嘅🤣味道: 7/10性價比: 7.5/10*不設加一服務費*雖然舖頭就唔算好大 但史努比見7點已經滿座睇嚟呢度應該好多街坊嚟🤣以佢嘅質素真系值嘅 價錢又合理喎如佢所講系宵夜聚腳地🤭飯後好地方~大家去開佐敦嘅話不妨都去搵下佢🤪一開頭見到menu上面有XO醬賣諗住試咗好食先買點知走嘅時候就唔記得咗🥲😂整體評分：味道: 8/10環境: 7.1/10服務: 7.8/10衛生: 7.8/10抵食: 7.7/10
繼續閱讀
呢日8點收工特登出佐敦搵朋友食呢間開左三十幾年既懷舊糖水舖，唔好睇佢舖仔細細，但啲食物真係五花八門，主打粥品、懷舊小食、糖水、小炒同炸物，款式多到你有選擇困難🫣由於冇食晚飯，可以叫多幾樣當正餐順便再黎個甜品(˶‾᷄ ⁻̫ ‾᷅˵)▪︎ XO醬炒麵 $35💰▪︎ XO醬炒蘿蔔糕 $36💰XO醬系列係必叫架，佢地既XO醬係手工製作，炒出黎既麵同蘿蔔糕都非常香辣惹味，又鹹中帶甜，而且仲有大量既芽菜同椰菜，令每一口都好豐富▪︎豬皮蘿蔔魚蛋 $29💰好耐冇食呢啲傳統港式小食，以前放學成日係車仔麵檔買黎食，見到即刻叫番份過下口癮ς(⑉´ᯅ`⑉)又係自家製醬汁，還原度幾高，尤其係豬皮，索晒汁勁入味，Q彈軟腍必食😋▪︎綠豆仙草撈 $34💰仙草份量好多，軟嫩Q彈，味道清香唔會苦澀，綠豆沙好驚喜，我真係好耐冇食過微甜既綠豆沙，起晒沙又唔甜膩，撈埋一齊食真係透心涼好解暑(˶‾᷄ ⁻̫ ‾᷅˵)▪︎白雪女皇 $49💰呢碗朋友叫左熱既，係腐竹桃膠糖水配燉蛋白，試左兩啖甜度適中，濃厚棉滑既豆漿味同桃膠係絕配，再加上底下既軟滑蛋白，口感和味道層次都非常豐富，好滋潤💕
繼續閱讀
佐敦 糖水檔1987 好啱作為宵夜或飯後食甜品睇咗餐牌介紹，糖水店自1987年創立前老闆因為年大又有腳患，無法親自經營幸運地有一對食客情侶(現老闆）接手老鋪得以承傳，好喜歡有故事嘅食店本土美食值得支持🫶🔅XO醬炒蘿蔔糕（$36）XO醬由小店自家調製，真係見到粒粒蝦米佢嘅辣度, 初初入口算正常，而後勁非常強用嚟炒蘿蔔糕，香口惹味🔅鴨腎菜乾豬骨粥（$38）豬骨粥係小店招牌之一，傳承老配方用上長時間熬製，所以味道濃郁粥入面嘅豬骨同鴨腎都唔算少，真材實料而且呢幾款食料有養胃健脾功效，食完好舒服🔅韓式泡菜麵 $43份量飽肚，正常發揮最可愛係兩條腸仔企係麵上面🔅白雪女皇 $49佢係腐竹桃膠糖水配燉蛋白桃膠Q彈、腐竹煮融入味，配上燉蛋白滋潤又養顏，糖水可以加配芋圓、湯丸等等小編就加咗最喜愛嘅芝麻湯丸 (兩粒$12)佢重有少少流心架🔅椰汁芒果西米燉蛋白$48用上新鮮芒果配搭西米露，蛋白又香又滑同樣加配芝麻湯丸兩粒 ($12)，裝得滿滿，豐富又滿足呢度大多數糖水都喺一架傳統糖水車調製最初重以為係噱頭 🔅擂沙湯丸 (6粒) $29小編同朋友係芝麻湯圓fans，所以擂沙湯丸必叫湯丸鋪上擂沙，外層煙韌，內裡流心食落再多一份黃豆香味
繼續閱讀
之前同幾位朋友去咗佐敦《糖水檔》食宵夜吹水，呢度嘅嘢食都唔錯！雖然叫糖水檔，但裏面其實有超多食物選擇🤩 除咗冷熱甜品，仲有粥、小炒、炸物等，全部都係宵夜必食🥳🥕 XO醬炒蘿蔔糕 （$36）呢個蘿蔔糕係店員推薦嘅，XO醬原來係佢哋手工製作㗎，味道香辣又唔油膩，好惹味！而且份量好多好抵食😋🐥 香辣椒鹽雞翼（$29/3件）呢度都有幾款口味嘅雞翼選擇，我揀咗呢款又係配上佢哋自家調配辣粉🌶️ 香辣得宜好正呀～ 雞翼仲炸到外脆內軟又多汁🫶🏻🐮香辣牛粒（$36/7粒）牛粒一樣係用咗自家秘製辣粉，味道香辣惹味，咬落仲一啲都唔韌，反而好juicy，推薦🌟🍡 特濃D24榴槤流心煎推（$29/3粒）超香榴連嘻嘻😜 咬落去啲榴連會流出嚟好正～🥭 芒果蛋白丸圓 （$56）我最愛嘅芒果糖水！呢個係椰汁芒果西米露＋芋圓＋小丸子配燉蛋白，香甜清新，唔會死甜，又有多種配料，口感好豐富💓
繼續閱讀