13
5
8
開飯介紹
日式咖喱蛋包飯專門店 《米炊》,源於創辦人深受米之雪白精瑩、風味萬千感動,以頂級食材,將米之美極致發揮。《米炊》選用:日本特A級米飯、自家研發日式咖哩、日本頂級雞蛋「新紀元卵.曉」即點即製旋風蛋、店內自家熟成頂級牛肉、特選日本清酒和調飲等…在午餐、下午茶、歡樂時光、晚餐, 分享在家難以做到的頂級新滋味。
繼續閱讀
營業時間
今日營業
11:30 - 21:30
星期一至五
11:30 - 15:45
17:00 - 21:30
星期六至日
11:30 - 21:30
公眾假期
11:30 - 21:30
公眾假期前夕
11:30 - 21:30
以上資料只供參考, 請與餐廳確認詳情
有關獎賞計劃
之前喺K11 art mall有見過佢個分店,最近好似起啟德airside開多一間主打咖喱蛋包飯最好係唔太食咖喱人士都有其他選擇,款式配搭好多🤩咩肉類都有 (當然唔少得素食)▶️ 烤無激素走地雞肉 ($138)主食可選北海道七星夢美人米或日本十六穀米醬汁都可以自由選擇:日式咖喱/鮮蕃茄汁/蘋果燒汁/奶油蘑菇汁仲有健康嘅季節蔬菜雞扒比想像大份😍烤到邊位焦焦地脆口用上新鮮靚雞扒,肉質嫩滑,有適量油脂以鎖住肉汁🐔好味日本十六穀米飯粒肥嘟嘟🍚有咬口同質感,特別鍾意啲穀物同紫米見蘋果燒汁夠特別而揀嘅🍎雖然冇蘋果味,但味道鹹中帶酸甜,入面仲有焦糖化咗嘅洋蔥🧅餸飯同雞扒食好正稀杰度、濃度同份量都適中季節蔬菜有西蘭花、椰菜花、蓮藕片、車厘茄,齋烚但唔會好生,反而清脆爽口🥦健康又美味▶️ 烤特上安格斯牛腰柳日式咖喱旋風蛋包飯 ($158)旋風蛋整得好靚,望落濕潤有層次🥚咖喱帶辛辣 (唔食得辣唔建議叫),充滿和風味道🥘特上安格斯牛腰柳有驚喜,俾足料之餘食材靚肉質超級軟腍,一啲筋同肥膏都冇😯仲好有牛味🐂▶️ 蜜桃薑茶🍵跟餐飲品,杯底見到蜜桃渣,真材實料唔甜,茶味溫和,尾部帶少少薑嘅辛味,幾特別-比預期好味,最主要係選用嘅食材高質同新鮮,尤其肉類環境相當舒服,過咗lunch hour冇咩人,坐得闊落內部裝修有日式家庭風,望落簡約帶溫暖感覺☺️服務態度好好,個男侍應好勤力同禮貌,照顧周到,值得讚賞!價錢以日式西餐廳來講貴少少,但質素對得住價錢!
繼續閱讀
等了又催了,叫一個黑松露蟹肉飯堂食, 竟然要等佢出菜需時25分鐘,第一次光顧就這樣的經驗, 實在不會再有下次。 午飯趕時間的, 要認真考慮啊!發生時間:入座13點,食物出菜時間13點25分,人數不算太多。
繼續閱讀
啲嘢食係可以嘅。但係啲服務態度真係搞唔掂!唔係行返出嚟,我都唔知自己原來係中環IFC夾給商場。個冷氣風大到吹到我頭都痛埋,吹到枱面上面嘅紙巾同埋杯水都會郁嘅,客觀條件你話個風有幾大有幾細。我假設真係冇得再細風啲,舖頭硬件你冇得控制,我俾你。冷冷咁隔兩張枱嗌一句「已經係最細」咁樣敷衍客人係咪應有態度?餐後埋單想反映吓,未講完講到一半自己轉頭走咗去。唔好話最後連一句「多謝惠顧」都欠奉。爭啲以為自己食緊澳牛!食得唔愉快嘅一餐,唔會再去。
繼續閱讀
第一日假期諗住經過IFC食Kiki麵,但係要等三張枱,跟手發現隔離好似開咗間新嘢就係呢間。咁就入咗去食咗豬扒後髀肉同埋雞扒咖喱蛋包飯。豬肉好似隔咗幾晚夜咁,個雞好似串燒雞 仲有啲燶味。激度難食,完全唔應該嚟。🤮🤮🤮咖喱汁又唔夠,要另外叫佢俾多啲咖喱汁。服務態度一般,強烈建議去返隔離Kiki面!咁嘅食物 完全唔值160幾蚊 真係去返茶記或者食Coco咖喱仲好食過佢!怪唔知入到嚟,根本就冇乜人。所以先唔使等位。
繼續閱讀
帶住一個三個月同一個一歲三個月嘅小朋友去食。排隊嘅時候問一個短頭髮嘅女職員有冇BB櫈可以俾一歲三個月嘅小朋友坐。獲得嘅回覆係BB櫈有人用緊,用完之後係會比另一位已入座嘅小朋友用。咁OK, 因為人哋入座先過我哋。到入座嘅時候,我都再問多次有冇BB櫈,得到嘅回覆都係有人用緊。到入座冇耐,食物都未到,發覺有張BB櫈岩岩用完,但喺呢個時候就有新入座嘅小朋友坐咗。我哋問個侍應,點解張BB櫈會俾咗另一個後入座過我哋嘅小朋友。佢竟然答我哋「因為嗰個小朋友細過我哋」。What?! 如果講細,咁我有個三個月嘅仲細啦,你唔比張櫈我?然後個侍應問返個同一個短頭髮應該較高級嘅女職員點處理。返嚟比我地嘅回覆係,我哋冇講過要BB櫈。就算呢間舖啲嘢食幾好食都好,侍應服務態度差,同事之間溝通不足,但係賴落個客度,淨係呢兩點已經唔值得去!
繼續閱讀