秘 (享成街)

營業中

休息中

假期晏晝去食等左一個鐘都有！不過諗番真係值得食👯‍♀️.▪️黑松露吉列牛餐 ($158) + ($20 飯素，糖心蛋)一上碟就見到好大份😛雖然黑松露味不算濃 不過有外脆內軟嘅口感糖心蛋吃得出有認真醃製過🥰甜甜的▪️板燒安格斯牛小排 ($118) + ($20飯素，糖心蛋)肉質較嫩~煎完勁香🥰▪️雞泡魚乾 ($38)比較濃味同硬身嘅小食~不過用嚟送酒簡直一流！.✍🏻整體:下次想食的話要再早一點排隊🤣而對於很少吃燒肉的我覺得呢間小店做得出色啦~而且店舖會配上飯素真的加分了 因為我很喜歡吃🥰

係餐廳出面等候嘅時候，其實已經見到2隻死曱甴，但嗰時候以為係條街污糟，所以就繼續等。入去嘅時候嗰條走廊有一隻死曱甴，坐到埋位，我哋兩個人坐喺廁所隔離，成間舖頭都好油，所以我冇挨埋牆。食物係正常嘅，但係食食吓有曱甴喺正我隔離嘅牆爬，嚇到彈咗起身，職員過嚟打死咗曱甴，之後唔知係咪心虛，竟然喺人食緊嘢嘅情況下度抹燈罩做清潔。我自然唔想坐返埋位，就話要調位，但職員全程冇幫過手，仲嘖一聲，我哋自己過咗隔籬枱之後，見到對面枱地下又有曱甴喺度跑。坐左冇耐，我哋枱嘅男人望住我身後地下好耐，我意識到應該係有曱甴，所以又企起身，果然另一隻曱甴又跑過。已經食唔落去，嗱嗱臨起身埋單，同收銀職員反映你呢度好多曱甴可唔可以搞好啲清潔，但完全被無視，少少歉意都冇。其實我係可以報食環，只係聽聞其他分店係正常都無謂搞咁大，但係荃灣店真係唔好去。

天寒地凍最啱食一啲即燒即食熱辣辣嘅嘢，於是就嚟咗荃灣呢一間日式板燒吉列牛醫下肚🤤雖然舖頭嘅面積唔算大冇乜裝修，不過都算係乾淨企理。有少少油煙味，如果通風好少少會更加好🤏去嘅時候可能係食飯時間比較多人，等咗20分鐘左右先入到場⏰坐低之後，我哋即刻就點咗佢哋最出名嘅吉列牛套餐。上碟個速度都算快，個餐$118蚊，包有切好片嘅一份吉列牛，一隻切開一半嘅糖心蛋🥚一個紫菜素飯🍚同埋一碗湯🫕值得一讚嘅係佢哋會預先喺鐵板牛嘅外面上咗一層炸過嘅麵包糠🍞然後燒肉前預先查一啲牛脂肪喺塊鐵板以免黐底，再放上吉列牛喺鐵板上面燒🥩牛肉落鐵板燒時記得唔好燒太耐⏰否則個牛肉就會太韌。因為愛情有麵包糠嘅原因，個吉列牛食落外脆內軟，可能佢哋用嘅係美國安格斯牛肉，牛肉嘅脂肪比例算幾好🤤👍以呢個價錢嚟講都算平同埋大份，鐵板牛再加個紫菜飯真係夠晒飽肚👍

板燒吉列牛 $118加配定食(秘之飯素, 楓糖流心蛋, 日本大根湯) +$38$118有咁嘅份量 都算係咁啦吉列牛口感ok但就無乜牛味配燒肉汁嘅話都還可以啦~飯素撈飯 都唔會出事但流心蛋凍得嚟怪怪哋加返熱會比較好黑安格斯牛舌芯 $108加配定食+$38牛舌嘅牛味相對比較濃郁不過略嫌太薄 如果可以再厚切少少🤏🏻應該會更加正手羽先 (4隻) $48外皮炸得好脆 而入面就好juicy但成隻都係無味嘅😂要點返啲燒肉汁先搞得掂

前幾日要去荃灣廣場睇戲諗住早啲食埋飯醒起有間好出名既吉列牛係附近就睇下洗唔洗排隊😫點知好好彩6點仲有最後一張2人枱🤩一人叫左一個餐，基本上一點完幾分鐘就上枱啦😂1️⃣板燒吉列牛套餐 （上）升級要左套餐就會有個有飯素既飯同湯😚一上枱見到佢分量咁大有啲嚇親有成15件牛好抵食😆😆可以自己燒係重點😝有得玩有得食😝個牛外脆內軟好juicy好好食🤤唔怪之得長期排滿人😫2️⃣板燒安格斯牛（下）試下一個無吉列既🔥見到佢個牛既脂肪分布就知道一定好食佢同吉列果個比較反而更食得出個牛既味道加埋佢個日本燒汁無得輸🤤不過室內環境都比較逼同埋好大油煙🔥如果著左啲會吸味既衫當日就要留意番啦😂==============================食物：🌟🌟🌟🌟環境：🌟🌟格價：🌟🌟🌟回頭指數：🌟🌟🌟🌟

本人在29/01大約20:50到鋪攞兩位入座，店員說明21:30 last order 22:00要離場。然後我們說冇問題可以接受！入座後我們用咗約5分鐘時間選擇用餐。正當我們想叫服務員點餐之時，有位帶眼鏡操不純正廣東話口音既服務員帶點命令式要求我們調位，（原因：佢話佢出面有三位人客要求我們調位）咁我地都願意接受店員要求調位。但這位店員一帶就帶咗我們到門口通道兩個座位，我們都不太願意的….因為通道實在太窄和是每人出入必經之路。正當我們見到收銀機出面有2張枱店員剛剛做好清潔，我們詢問疑似是店長既職員可否調到對面枱。這位店員回覆：因為已做好清潔，不方便讓步比你們調🙄⋯⋯我們心諗：有冇攪錯吖！位就要我地讓比你做生意，但有空位騰出就唔肯讓返俾我地既？咁都算啦⋯⋯冇辦法，都想快點食完，唔想左人收工！我們在21:40快速食完埋單走人，之後我行到去荃灣廣場發現我係第一次未調位之時漏低袋蛋糕。但折返回鋪21:50已經烏燈黑火人影都冇隻，我當時拍門拍咗5分鐘都已經冇人應門。咁我唯有第二日致電回鋪頭再次詢問蛋糕事宜，店員叫我留低電話轉頭回覆。大約隔咗15分鐘之後，有位操不純正廣東話口音店員說：係呀！琴日係

成日想試秘,咁啱經開附近就去試下啦,星期日中午12點左右無乜人,叫咗個吉列牛小排,嚟到個樣係可以嘅,但一食落口原來係完全無牛味,完全係無牛味,完全無牛味,重要嘅嘢要講3次,好在唔係專登搭車去食,唔係真係嬲嬲豬都似,$140完全唔值囉,講完

呢間餐廳之前食過一次大排長龍 價錢合理 味道好好味 事隔幾年 再嚟食多次 今次食午餐 去到餐廳已經坐滿人 餐廳唔大 座位唔多 叫咗兩份牛 加錢轉套餐 有飯有蛋 幾抵食我哋叫咗一個係板燒吉列牛套餐 另一個係板燒安格斯牛套餐 落咗單好快有 牛嘅份量都好多 啲牛幾靚 好新鮮 食埋個飯啱啱好 個飯係有飯素 好食好多 牛都切得好薄 燒兩燒已經熟 食落好淋 有牛味 不過如果要二揀一 一定係吉列牛正啲 就咁燒已經好有日本feel 第二次食都係咁好食整體黎講 食物好好味 好抵食 值得一試

今次同大家分享一間食左好多年既吉列牛專門店，第一次去應該都4-5年前！ (*ˉ︶ˉ*)門口長期有人龍，所以揀岩時間去好重要～我通常都係5點鬆啲就去到，做第一批客人。通常我地都係叫例牌：🐮板燒吉列牛$118 (+ $38 定食包湯、飯、溏心蛋)果然係招牌，吉列牛燒完好香口，肉質腍身，肉味濃，肉汁豐富，自己邊燒邊食，別有一番風味，鐘意燒幾多成熟都得～(⁎⁍̴̛ᴗ⁍̴̛⁎)定食份量豐富，吉列牛同流心蛋送飯真係一流。🐮秘。燒黑松露埋列牛$158(+$38 定食包湯、飯、溏心蛋)黑松露控必食，用黑松露包裹住既牛肉，所以啖啖黑松露香～但作為一個元祖級既黑松露控，覺得可以再濃d(≧∇≦)呢款肉食落會更加肥美(⁎⁍̴̛ᴗ⁍̴̛⁎)好正，完全揀唔到食邊款，所以次次都叫晒(*ˉ︶ˉ*)總括來說，牛肉質素穩定，每次食都好中意，食過好幾間吉列牛，有機會再分享下，但呢間喺唯一會無限encore 既(⁎⁍̴̛ᴗ⁍̴̛⁎)

今日睇天文台17度諗住今日暖返一日都好啊..點知又落雨立即凍返😭收工約左朋友食飯，甘凍既天氣除咗打邊爐同煲仔飯外仲有選擇既！就係燒肉啦，不過今晚就唔係食韓燒而係食吉列牛😈.呢間餐廳食過幾次，一直都幾鐘意食，奈可佢每間分店都唔近我😂餐廳無得book位架！所以要食真係要早d過黎，今次依然係叫返黑松露吉列牛，呢個係我最愛，次次黎都係食呢個😎.秘。燒黑松露埋列牛$158(+$38 飯素，溏心蛋同大根湯）用黑松露包住牛肉，令到每塊牛都有黑松露既香味，不過黑松露味就唔算好濃可以再濃d，自己牛肉自己燒，鐘意燒幾多成熟都得😬白飯上面放左飯素，撈埋飯一齊食好食！溏心蛋就正正常常，大根湯辣辣地幾入味無論係牛定飯既份量都算多，食完好飽又好滿足🤤🤤🤤.九洲豚肉燒 $98 (+38 飯素，溏心蛋同大根湯）豚肉半肥瘦，燒到個邊焦焦地夠唒脆口配上柚子汁可以中和返個油膩感。.餐廳仲有另一個加配就係+58將大根湯轉做金魚湯，第一次食個時加過無乜特別，所以今次就無加。

當日好想食燒肉，就同友人黎到呢一間試過幾次都覺得好味嘅有得自己燒嘅燒肉既餐廳～當日點了:❣️板燒吉列牛（晚市加配定食）定食豐富份量足夠：多塊嘅吉列牛同流心蛋砌成笑哈哈形、有一碗灑了味素嘅飯、一碗湯。邊燒邊食，可以食到吉列牛燒完十分香口，外皮脆，肉質又嫩又淋身，啖啖肉，再碗上白飯，滿足😋👍🏻 總括來說，每次黎到食吉列牛，質素穩定，都美味 。溫馨提示：店內只收現金，另外，真係千祈唔好將部手機放係枱面，食完你就會見到你個機面上都係牛油。

板燒吉列牛$118+$20定食平時吉列豬就食得多，吉列牛食落去肉質更加嫩滑，外層嘅麵包糠香脆之餘仲可以鎖住肉汁💦擺上石板上燒更別有一番風味，熱辣辣咁一啖肉一啖飯，覺得自己去咗日本🤣啲飯素送飯一流～完全唔會覺得食到好寡，隻溏心蛋都好好食秘•燒黑松露吉列牛$158+$20定食黑松露嘅香味好濃郁，鐘意食嘅人一定要嗌！呢款肉食落去比普通吉列牛嗰款牛更加嫩滑肥美，唔知係本身用嘅牛肉質地好啲定嗰烹調方法嘅問題🤔

lunch叫左個九州豚肉燒，睇menu張相都正正常常，起碼肉多過脂肪。黎到碟野脂肪同肉嘅比例令人大為震驚，燒嘅時候更加係多油到可以滴出塊板外面。問個店員啲肉咁樣係咪正常（同行嘅表示之前食都唔係咁多脂肪），個店員話啲肉係咁，跟進方法係換過塊板。雖然對佢嘅行動力都滿意，但係真係冇辦法覺得呢碟肉應該「係咁」。同行嘅人叫左個吉列牛，吉列外層係ok嘅，不過入面嘅肉就似乎缺少啲咬口，但係兩樣肉嘅調味都算係咁嘅。另外其實店員都冇咩禮貌，同人講野都呼呼喝喝咁，如無意外應該唔會再幫襯啦。

同朋友食dinner叫左2個吉列牛+芝士豬扒可以自己燒有參與感松露吉利牛好香😙芝士豬扒個醬勁勁勁正！有醬剩左加飯落去撈，5好晒🤭環境都好好，方便傾計環境輕鬆會encore❤️

秘 🐃🔥……….每次想食吉列牛，就會諗起- 「秘」。好耐無食過吉列牛，一於去荃灣分店食！以前去食晚市都有好多人攞飛排隊，今次係夜晚七點半左右去到，咁啱去到就可以入座了，食完就開始多人排隊等入座。荃灣嗰間分店燈光昏暗，裝修比較上簡陋，有石屎牆同木檯木櫈。店舖面積都唔算大，唔太通風，有點侷促，黎呢度大家通常都係食板燒吉列牛，所以大家黎到進食都要預咗有啲油煙。撇除以上，食物味道都平均，雖然價錢比以往嘅加咗價，但想懷緬下日本嘅吉列牛可以食下「秘」頂下癮先嘅🤪……….🥩板燒吉列牛 $118 (+$38 晚市加配定食)•點完餐後無幾耐就上碟，上碟速度十分之快。吉列牛份量都唔少，加埋晚市套餐，分別有一隻楓糖流心蛋，一碗秘之飯素和一碗日式大根湯，絕對食得夠飽。呢度選用美國安格斯牛肉，脂肪分布都算幾平均，略嫌切得有點薄身。外層嘅麵包糠炸得幾脆，食落外脆內軟腍。我哋可以先用牛脂塗抹係石板上，再將吉列牛係石板上燒，牛肉熟度可以由自己控制。飯素都落足料，食落味道偏甜，仲有大根湯可清一清吉列牛嘅油膩感😆