百味 (已結業)

因為見衞小姐介紹這裡不落味精，又有最❤️的酸菜🐟⋯⋯所以即刻來吃吃吃。果然係我期待的味道，酸辣度適中。個湯我一子隊了大半碗才開始細味🐟及米粉。真係超❤️。老公是無🐮🐂不歡，所以叫了咖哩🐂腩及呢度出名的魔鬼牛雜。弊！忘了走蔥☹️添⋯⋯😫這裡的食物及員工，好有🏠的味道。我都幾❤️這裡，希望呢度永遠長青吧！

貴小小的無味精午餐11點半去到，吾多人，選擇哩都系電台介紹過，來到睇到原來吾落味精，正啊！食完都吾覺得有口乾。環境系暗dd，但OK啦！個個姐姐都幾好招呼。魔鬼牛雜（$60）3分- 只有牛肺3舊，牛肚3舊，牛腸兩粒，其他部位就欠奉，蘿蔔4舊。- 雖然系辣，但都食到牛雜本身的味，系太”琳”山楂咕咾肉餐（$72）5分- 山楂味吾系好覺-咕咾肉真系熱辣辣，皮又脆，難怪好多人推介，更難得系哩個只是一個午餐，都新鮮炒，落足配料又分碟上，雖然系貴小小，都值得。菜心（+$18）4分- 銅鑼灣加18蚊有咁份量，OK例湯- 湯料十足山楂豬手（$58）4分- 吾用南乳用山楂，已經系特別- 真系見到有山楂，但味道重D會特色D，- 豬手軟硬適中。

今日行完山，訂座去百味食晚飯，除叫咗心愛一定要吃嘅酸菜魚，百吃不厭，仲預訂咗蒜蓉蒸鮮🦐臘腸糯米飯，同膏蟹花蛤菜煲，蝦🦀️非常新鮮多膏，肉質彈口，久違了嘅海鮮味道，一吃難忘，無法形容，唯有先睇相，再親身嘗試😋😋貼士：想食新鮮蝦蟹，或時令菜式，記得先訂座，並預訂心愛菜式。

之前睇到衞詩雅Youtube嘅介紹，今日係附近行街，順便來試吓，平日晚飯時間，餐廳人唔多，可以食得靜啲。同朋友一起點咗山楂豬手、咕嚕肉、同酸菜鱸魚鍋（1-2位用）。山楂豬手非常入味、軟嫩。山楂味酸酸甜甜，豬手好多膠原蛋白，好正，$50一分，抵食推介👍咕嚕肉表現正常，肉大大塊，肉質新鮮。酸菜魚超級好味，唔怪得其他食家都推介，魚肉吸晒啲湯汁，仲有大量芽菜，一樣吸滿晒湯汁，非常入味，推介👍👍下次來仲想試魔鬼牛雜同三杯雞煲。

見衛詩雅介紹過話好好食😍以銅鑼灣來講價錢算經濟，無論酸菜魚定係川菜小菜嘅味道都幾好，但幾可惜去到晚市時間都冇乜人幫襯，雖然以酸菜魚單一來講唔算好驚艷，但我覺得好食過嗰間好多人推介嘅麻辣風雲🤧👓酸菜鱸魚鍋 $280/2-4位用 $160/1-2位用份量對於四位來講啱啱好，不過如果比較大食或者肚餓就可能唔夠啦，另外就咁一個魚真係未必夠我哋仲嗌左其他小菜泡飯！其實味道真係唔錯，魚質好又滑，由於叫咗最微辣所以唔算好辣，唔食得辣嘅朋友都啱，但反而酸味偏少，唔夠濃烈酸菜魚精華嗰種酸辣味，同埋有少少失望薯粉好少！少到每人夾得幾條而且薯粉質地偏薄幼好似啫喱咁含左落嘴就唔見左…但整體來講味道起碼好食過好多人吹捧嗰間麻辣風雲先🤧評分：8/10👓蠔仔方魚泡飯 $70真係好足料超級多蠔仔又脹卜卜冇沙，成個泡飯份量好大碗，雖然個湯底唔算好鮮甜，不過加埋胡椒粉味道都幾正。因為就咁叫一個酸菜魚都唔夠飽😂評分：7.5/10👓椒鹽豆腐粒 $58同樣好大碟，豆腐粒內裏滑但係有脆皮，椒鹽夠味鹹鹹香香，好食！評分：8/10

食材新鮮，每道菜式都各有特色，名不虛傳！環境舒適，坐得舒服，適合一家大細，朋友聚餐，價格合理，實在係少有出色嘅食店👍🏻👍🏻👍🏻👍🏻👍🏻今晚食得好開心😋😋店員服務態度非常好，會推介比身邊嘅朋友😃😃

今日好開心又係我銅鑼灣食神，微服出巡嘅時候，今晚和靚女Rosana共進晚餐。諗唔到食乜？所以食中菜，咁就最好。睇開我食評人都知道，我首先要講揸車，四周圍環境，如果揸車嚟，對面禮頓係好出名嘅停車場🅿️，泊遠啲時代廣場好抵泊嘅，行吓路當做運動都可以。街王可以泊黃泥涌道，短泊可以嘅，長泊就難講啲，整體嚟講揸車嚟都算方便。讚下個黃魚，非常好食，仲叫咗豆腐煲，好味！蒸肉餅，一流！還有一個點綴嘅牛雜！配上青菜！這簡直就是中菜的上好組合。老闆非常好人，年青又健談，值得支持，加油睇好你！聽老闆講剛剛申請到酒牌，中菜真係要飲少少酒，無論乜酒都可以，飲食飲食，有飲有食才完美。經過銅鑼灣一帶，真係要試吓唔錯。我銅鑼灣食神姓命保證，冇伏，好食！

價錢唔貴，人唔多，但食物質素非常好因為有人推介所以即管嚟試吓星期三平日夜晚，現場得四台人但係我想講，佢食物質素係唔錯！價錢亦好公道！嗌咗一個牛雜，超級入味萵筍絲有少少麻辣，好好食！酸菜魚因為嗌咗個細嘅，所以份量少啲，兩個人食啱啱好！會諗住再encore，下次想試吓佢啲三杯雞，同埋酥炸生蠔🦪

團年飯唔少得嘅一定係盆菜今次第一次買全家非常滿意雖然再翻熱，但材料依然新鮮足料- 鮑魚：有咬口- 大蝦：仲食到鮮蝦味- 花膠- 髮菜: 份量比想像中多- 乾瑤柱：大大粒- 豬手- 元蹄：豬肉一啲都唔乾- 蠔：又係大大隻- 鵝掌：炆得好琳老人家食得好開心- 雞肉- 牛肋肉- 豬皮- 慈菇：第一次食新鮮慈菇，食落好似薯仔- 蓮藕- 白蘿蔔：好入味，另一樣老人家食得好開心嘅食物等等......醬汁預咗點都有啲味精味道偏甜食完係幾口乾唯有飲多啲水😂

自從第一次因門外飄香吸引進店幫襯後，已成常客，大廚師嘅超值用料、煮功、餸菜賣相、誠意十足（一有空檔，會走出廚房，與客人問意見，任何更進一步嘅機會都不會放過👍），令客人感覺食得好滿足。可惜現在禁晚市，冇得幫襯😮‍💨，但一知道百味推出盤菜，立刻通知家人朋友，隨即都分別預訂團年、新年食👏👏。今日（29號）率先第一吃，十分驚喜，元蹄、鴨掌、鮻魚球超美味（家中兩老至愛＂軟冧冧＂又入味），瑤柱、花膠筒、鮑魚係食過盤菜之中最大隻又優質嘅，𧐢豉、海蝦大隻又鮮味…食過下年一定會再幫襯，自己叫van仔送上門都好方便😋😋

經朋友介紹才知道cwb禮頓道附近竟有川菜食，價錢亦好合理，係簡單食飯之選餐廳除主打川菜外，還有多款家常小菜，質素也不錯，上菜都好快花菇扣鴨掌—冬菇厚肉香，好入味。鴨掌大大隻夠入味，煲得夠淋，口感好好三杯雞煲—是這裡幾出色的菜式，一上碟已聞道非常惹味的香，調味比較甜香，雞肉多之餘皮薄肉嫩滑，味道幾好，底下還有好多蔥頭同蒜頭，夠曬香，是必食菜式！（當晚仲食到雞脾😝）酸菜鱸魚鍋—魚肉厚嫩，伴上麻香味，酸中帶辣幾過癮。而且好足料，超多芽菜、還有晶瑩彈口，非常入味嘅川粉入味涼拌窩筍絲—解辣之選，食辣必點😝下次再來食餐家常便飯😋

呢餐係睇show前嘅晚餐，全因想食酸菜魚但又想casual啲咁食，裝修似高級少少嘅茶記，坐得舒服嘅!! 🔘酸菜鱸魚鍋(細) 可以order細份嘅酸菜魚實在太好，魚肉份量唔少都幾嫰，仲有薯粉同芽菜等配料，食完個口有少少麻，我哋冇特別揀辣度，呢個程度嘅辣對我來講啱啱好!! 🔘山楂豬手 味道有啲似豬腳姜醋😂，朋友講笑話冇牙老人家都食到，煮到超級軟，個汁杰身，酸酸地幾開胃，一咬就feel到滿滿嘅骨膠原!! 🔘慢煮牛肋條 🔘魔鬼牛雜 呢兩個餸個汁有啲相似，牛雜以牛肚為主，煮得幾入味，兩個都係偏重口味，配菜有白蘿蔔同埋冬菇絲，見到有家傭姐姐落嚟加餸都係買外賣牛雜，同侍應姐姐雞同鴨講場面搞笑，最後要打電話俾mum先搞得掂，街坊食咩我食咩實冇死!! 😊🔘鹹魚醬炒芥蘭 好有鹹魚香味，但又唔會過鹹，芥蘭冇渣有少少芥蘭正常嘅苦味，最怕炒菜成碟油，呢度冇咁嘅情況!!

餐廳：百味 地區：銅鑼灣地址：銅鑼灣禮頓道28-30號地下B號舖日期：21/12/2021時間：18:30人數：2人 等位： 0mins 價錢： ＄429我哋嗌左魔鬼牛雜（$50）、涼拌萵筍絲（$40）、三杯雞煲（細$140）同酸菜鱸魚鍋（細$160），加一後總共$429。⭐️魔鬼牛雜⭐️有牛肚、牛腸、牛心、牛肺、牛百葉、牛筋。牛肚和牛腸吸收湯汁，加上長時間的熬煮，肚和腸已經綿軟很入味，蘿蔔亦都好吃，入味無渣，蘿蔔同菇的吸味能力絕對一流，充分發揮牛雜既鮮香，正👍👍👍！！⭐️涼拌萵筍絲⭐️清爽可口，微酸開胃，好解油膩的涼拌菜，而且保持萵筍絲的脆感，口感特別爽脆，非常喜歡😋⭐️三杯雞煲⭐️職員一打開煲蓋就撲鼻而來九層塔既香味，伴著秘製三杯雞汁的香氣😳，香而不辣，雞件吸收醬汁精華，質感嫩滑，配上醬汁特別惹味香濃🤤🤤🤤，連蒜頭都超級爆香，食唔停口😍⭐️酸菜鱸魚鍋⭐️湯鮮味美色澤金黃，魚片嫩滑，酸菜的咸鮮與酸味使魚湯更鮮美，完全可以當湯飲😚唔會太辣剛剛好食完暖粒粒，係冬日既開胃菜餚🥰

銅鑼灣一向多美食，除了有甜品、日本料理、泰菜等多國菜式外，亦不乏粵菜和川菜等美饌。這晚就應友人邀約，嚟禮頓道試下呢間新開嘅「百味」。餐廳門面光鮮，入面嘅地方都幾大，裝潢時尚新穎，以碧綠和米白為主色，再襯以牆身上的裝飾，營造出輕盈素雅的感覺！餐廳主打川粵菜，食物選項好豐富，有前菜、小碟、雞鍋、魚鍋、煲仔佳餚、飯類、拌麵及飲品等。先嚟兩款餐前小碟，分別是花菇扣鴨掌 ($45) 同 慢煮牛肋條 ($50)。花菇鴨掌賣相很吸引，冬菇肥大肉厚，菇味香濃。鴨掌炆得好入味，掌身碩大不爛，一啖啖黏滑的膠質，放進嘴裡一啜，皮與骨瞬間分離，正。牛肋條以慢煮方式烹調，肉質軟腍入味，肥瘦合宜，既鮮嫩又多汁，食落更帶點嚼頭。伴吃嘅蘿蔔味道亦不錯，入口清甜無渣，腍度亦剛剛好，令人食得很滿意。主菜點左酸菜鱸魚鍋 ($160) 同 三杯雞煲 ($140)，酸菜魚鍋做得相當出色， 店家選用了鱸魚入饌，魚片新鮮雪白，入口嫩滑有鮮味、且完全不腥。酸菜好爽口，帶自然的發酵香氣。湯頭酸酸辣辣，配埋墊底嘅寬粉同芽菜吃，既豐盛又飽肚。 至於另一鍋三杯雞，食味亦一流，一打開煲蓋便即時傳來撲鼻的 Basil 香味。雞件非常嫩滑，肉質彈

朋友話想食酸菜魚，尼個朋友比較難約，相約來到銅鑼灣百味。來到餐廳，環境設計時尚光亮，餐牌食物選擇多，好容易就點到自己鐘意食既野。🥒涼拌萵筍絲賣相靚，萵筍絲擺成球狀。作為前菜非常好，萵筍絲爽口，微辣。🌸酥炸生蠔外層粉薄，一咬就觸碰到蠔肉，好肥美呢，而且新鮮。外脆內滑，口感甚佳。🐟酸菜鱸魚鍋(細)哇，好大盤，鐘意個湯唔會油膩，微酸。鱸魚肉質鮮美細膩，魚刺少腥味微，可以一擺入口即滑入食道。🍅山楂咕嚕肉外脆內嫩滑，甜酸度剛好。🍄星洲炒米🈶驚喜，有蛋香味。米粉乾爽唔濕，炒得幾香。整體而言環境舒適，食物整體滋味，值得舌尖再遊！