田記魚蛋牛腩專門店 (碧街)

營業中

休息中

Was looking for some local food for lunch and stumbled upon Mr. Tin HK Cuisine specializing in HK style fish balls and braised beef.Beef Brisket, had a slightly firm and chewy texture with strong meat flavor. Good amount of fat which made the meat more juicy. The beef and radish had well absorbed the flavor of the spices. Even better to enjoy with the chili sauce! Large portion.Shrimp Dumpling, served steaming hot in a savory soup, was a mixture of not only minced pork and shrimp but also black

平時行街都會經過呢間粉麵小店🍜，今次我一於做完運動去試返碗熱辣辣湯麵先😛- 招牌魚蛋米線🍜 $40湯底顏色清澈，不會太油膩🤩，魚蛋爽彈有咬口🐟，形狀大小不一，睇得出係人手製造👍🏻，帶有微微魚肉鮮香味🤣，米線吸收湯底精華☺️，鹹味剛好，大大碗麵食完真係好飽😈- 生菜🥬 $18生菜大大碟好抵食，只係用水煮熟好健康😛- 豆漿🥤 $8豆漿甜度剛好，飲落去好清爽☺️呢間湯麵小店位置好方便😝，一出油麻地港鐵站就見到😎，方便我平時做完運動就可以過黎食返碗麵🤩📍 田記魚蛋牛腩專門店 – 油麻地油麻地碧街45號地下C1號舖@mr.tin_hk另有分店：太子#justlingggxd_港式#justlingggxd_油麻地

最近有啲想食牛腩粉突然間諗起太子嘅田記，好在依家油麻地都有分店唔使行咁遠，餐廳位置超方便喺正油麻地 A1 出口。崩沙牛腩河粉 ($62) : 識食嘅朋友叫咗崩沙腩，朋友請咗我食一件，崩沙腩肥瘦適中，牛味濃郁之餘肉質軟嫩，而且蘿蔔非常鮮甜，估唔到都幾正。牛三寶河粉 ($58) : 自己就叫咗牛三寶，貪佢乜嘢都有，牛腩、牛肚同牛筋都非常大件，而且洗得好乾淨，沒有半點異味，三個部位應爽口嘅爽口，應軟腍嘅軟腍，真心覺得唔錯，而且份量都幾大碗。冷熱飲跟餐都係 $8 蚊，奶茶夠茶味之餘唔嚡口。

田記魚蛋牛腩專門店🐮今日想平平哋食餐地道嘢，所以決定食呢間粉麵檔！😆😆我哋每人嗌咗一碗湯麵，包括係金牌牛腩拼牛筋河🐮 $65 同埋 招牌魚蛋米加紫菜🐟 $47！望到佢哋呢度牛腩牛筋都好出名，所以先決定加$20雙拼，牛腩牛筋都整得好入味😋😋，加上佢哋嘅粉麵份量非常之多，就算係超級大隻嘅人都唔使怕食唔飽！🤰🏻🫄🏼🫃🏻至於魚蛋米粉就當然一定要加腩汁啦，加埋紫菜索晒個湯冇得彈啊！😍😍除咗每人嗌咗一碗麵之外，見好耐冇飲過紫菜湯，所以今次都嗌咗一碗紫菜湯 $15🥣，都幾大碗幾多紫菜，算幾足料！😍飲品方面，只要嗌任何湯麵，都可以加$8換購豆漿或者其他飲品，我哋就叫咗凍檸茶🍹同埋豆漿🥛～

今日行過油麻地突然間想食牛腩河，入咗碧街呢間田記魚蛋牛腩專門店，嗌咗佢哋嘅招牌崩沙牛腩河粉同牛魔王河粉，加咗碟腐乳通菜、凍檸茶同凍奶茶。招牌崩沙腩河嘅崩沙腩牛味濃郁，煙靭爽口，每一嚿嘅牛筋同牛腩肉層層分明，咬落好有口感，蘿蔔亦都好稔好甜，每一舊都好入味。牛魔王河有牛腩、牛蒡、牛腸、牛肺同牛肚，每一嚿牛雜都吸滿晒腩汁，真係過足口癮！腐乳通菜亦都好爽口，通菜可以中和吓牛雜嘅肥膩感，大家經過油麻地又想食牛腩河嘅話可以試一試！📍油麻地碧街45號地下C1號舖位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊

响油麻地搭直通巴士返大陸，先去食碗麵🥣再上車。 見到名厨🧑‍🍳Ricky 入咗間魚蛋牛腩粉麵專門店， 即刻照跟。🍭魚三寶河粉+ 蘿蔔 雖然係一碗常見嘅🍢魚蛋，魚餃，魚片頭河， 但湯頭🥣清爽有鮮味， 粉滑量足， 再加錢加蘿蔔， 蘿蔔鯰軟😙入味，口感同鮮味培增， 大滿足🥰。🍭金牌牛🐮腩河粉 + 淨雲吞，鳯城水餃不愧係金牌🥇菜式，腩肉腍軟化口無渣， 湯頭有著醇厚滷水牛腩鮮甜味，再追加一碗🥣淨雲吞，水餃。 雲呑嘅鮮蝦同豬肉比例均勻， 水餃內餡飽足肉汁爆滿， 性價比高。

田記出名食崩沙牛腩，經過油麻地一於去潮聖一下，餐廳位於油麻地地鐵站對出，十分易搵！今次一早9點幾去都座無虛席，認真受歡迎！崩沙牛腩河粉嚟呢度必食佢哋嘅招牌菜！崩沙腩份量都幾多，肥瘦層次分明，食落口感軟嫩，牛味超濃厚，牛筋膜帶油脂香，爽而不硬，一次過食到兩種口感！仲有兩件清甜無渣嘅蘿蔔，湯底加入腩汁，味道香濃，配上軟滑河粉，真係正！鍾意食辣嘅一定要加埋辣椒油，令味道更昇華！另加$8就有凍豆漿，膠樽飲唔哂都方便帶走！

今日同朋友出油麻地，A1出口一出見到田記招牌，就諗住食個早午餐暖一暖先我叫左個崩沙腩米$62呢間米粉我鍾意好滑，牛腩肥瘦適中，厚切牛味濃郁，唔痴牙。白蘿蔔好淋入味無渣清甜，唔夠喉再加多一個清湯白蘿蔔$18。朋友要左雲吞河$40，加左$18要碟生菜，5大粒雲吞，皮薄蝦爽，好香麻油味。生菜好新鮮翠綠～份量算大碟。大家都叫加左$8要豆漿，支裝幾好飲唔晒可以拎走兩個人食左$154，好滿足。店員好親切～陸續坐滿，下次再嚟試魚蛋粉

位於油麻地的小店 晚上6:00坐無虛席 試過你就知點解 招牌牛腩河 $45 $45一碗牛腩河 除左河份份量真係多之外你點諗到 仲會有崩沙腩你食? 牛腩味道非常正 牛腩加上柱候醬真係一流絕對係香港先至有既味道牛腩炆煮時間控制很好 夠軟糯另外點了一個油菜+凍檸茶 不錯依家愈黎愈多大品牌 包括一D國內食店進駐香港 大家真係要支持一下呢D傳統正式香港小店 整體評分:味道: 4.5/5環境: 4.5/5服務: 5/5抵食: 5/5田記魚蛋牛腩專門店📍碧街45號地下C1號舖

比較少過黎油麻地呢邊，難得放假過黎行下，又未食早餐，於是就周圍搵下附近有什麼好食的😏點知突然好想食牛腩，行下行下就見到呢間牛腩店，見到佢個牛魔王幾吸引下💝紫菜湯跟飯附送，當店員將這碗溫熱的湯送上桌時，立即聞到紫菜的香味，湯表面漂浮著薄薄的紫菜片，聽講最近豆腐紫菜好火，呢個湯加埋豆腐唔知會點呢😝牛魔王飯 $82以牛雜、牛腩和牛筋為主角，份量非常多，除咗牛之外仲有白蘿蔔，可說是經典的配搭，牛腩汁實在太香，忍唔住要牛腩汁撈飯，值得比個Like👍🏻好味指數：8/10性價比指數：8/10餐廳名稱：田記魚蛋牛腩專門店餐廳地址：油麻地碧街45號地下C1號舖電話：27824220

香港越來越多牛腩專門店，而個人都很喜歡吃牛腩，差不多出名的清湯腩，都會去光顧，今天下午便來到田記魚蛋牛腩專門店。這裏的金牌牛腩河粉，都只是$39。崩沙牛腩伊面$70，又叫爽腩，是牛肚皮的腩位，位於牛的橫膈膜附近，爽腩貴坑腩一半，由於有塊薄軟膠質，爽軟不硬。崩沙牛腩牛肉味道香濃，筋位軟腍可口，湯頭牛骨味道香濃，加上軟腍腍的伊麵，更加容易吸收湯底的味道，兩者簡直配合得天衣無縫。崩沙牛腩河$62，每碗崩沙牛腩的質素都保持得很好，河粉爽滑彈，如果喜歡河粉，這個配搭是必點的。凍鴛鴦跟餐$8，奶茶和咖啡比例適中，加上花奶不算太多，非常有港式特色。

💥港式粉麵舖💥▶️平時諗唔到食咩就一定會去粉麵舖，一定揀到野食，至少呢2樣野係鐵膽👇🤭🌟牛腩魚蛋河🌟牛腩腌得好入味，亦都嫩口，唔會似有啲舖頭唔知點解會有潲水味😷。同埋最鍾意多蔥😆🌟雲吞麵🌟雲吞配梘水麵亦都唔少得，落啲醋落湯底就冇咁膩👍🌟腐乳通茶🌟油菜一碟唔少得🥬，雖然呢啲粉麵舖剪哂啲頭尾留番啲靚既莖同葉會製造好多廚餘🙈不過對食家黎講就食到最靚晚部份了😃～🌟檸檬茶🌟最後飲埋檸檬茶，茶膽都好濃味呀👍

一出油麻地地鐵站就見到呢間粉麵店，見到最出名係牛腩和魚蛋，幾吸引即刻入去食番碗!🐮崩沙牛腩米粉 $62每日數量有限架! 河粉轉左米粉。湯底好香，一啲都唔味精，加埋蔥同炸蒜真係無得輸，第一次食崩沙腩嘅我表示好好食。崩沙牛腩吸收了醬汁及配料精華，牛味濃郁，軟稔到有入口即溶的口感。米粉每條都索晒牛腩汁，好食! 好大碗食完超級飽!🐮金牌牛腩麵 $45朋友都係牛魔王，金牌牛腩係佢地最受歡迎，果然係唔錯!🥬芥蘭 $18全無苦味，口感清脆味道鮮，無落油感覺好健康。☕️熱檸蜜 / 熱甘桔蜜 (跟粉麵加$10一杯)甜度適中，凍凍地飲完暖笠笠

🐮田記魚蛋牛腩專門店🐮A1出站就見到呢間田記超方便！我地行完山超肚餓即刻入去試！• • • 🐮🐮評價🐮🐮牛魔王河粉 $62 一碗麵包括了牛腩、牛筋、金錢肚、牛雜(牛腸+牛膀+牛肺）非常滿足！牛腩肉質富有彈性和口感豐富牛筋非常彈牙！牛腸具有彈性和嚼勁！牛膀質地嫩；牛肺質地較輕盈且綿軟金錢肚亦軟冧入味 崩沙牛腩米線 $62崩沙牛腩經過長時間烹煮，肉質變得極為軟嫩，入口即化脂肪分佈平均肉質滋潤多汁最開心可選米線 最愛就是米線！蘿蔔鮮甜！豆漿亦非常不錯🥰🥰入面座無虛席但店員很有效率立即替我們下單 上菜亦很快調味料架整潔又有標示• • •🐮女友總評分 🤎🤎🤎🤎🤎🐮男友總評分 🤎🤎🤎🤎🤎🐮田記魚蛋牛腩專門店 (碧街)油麻地碧街45號地下C1號舖

上星期去油麻地做嘢，趕時間之下，一出油麻地地鐵站，見到有間牛腩河舖頭好似幾吸引，就走入去試吓啦。發現有驚喜🌟舖面係普通港式牛河舖嘅環境，都好乾淨企理，嗰日時間比較晏，但都有啲街坊幫襯🥳🐮牛魔王河粉除咗有牛肚、牛膀、牛肺呢啲一般嘅牛雜之外，仲有牛腩、牛筋同牛腸，份量好大，一個人未必食得哂。牛腩好爽好香，比較似清湯腩嘅做法，可以食到牛的肉香，而且咬落爽口又唔韌，一定唔係用粉嗱到淋嘅劣質牛腩。牛筋煮得好淋，牛腸肥美又唔無臊味，洗得好乾淨，牛肺牛膀都係比較爽口，而且用了十足。 河粉幼滑，配合埋蒜香味重嘅辣椒醬，好滿足嘅午餐。🐟炸魚皮大大包嘅炸魚皮，上檯時係一大包密實袋裝住，乾淨衛生。逐塊夾落河粉，浸淋咗再食，又惹味又香口。