甜記餃子 (已搬遷) 新店位置

店鋪細細，下午兩點幾，FULL HOUSE，都要等左十幾分鐘至有位， 係門口等緊，好想讚下啲店員姐姐好NICE，佢地會不時出黎同我地講仲有幾多張枱呀，到差不多到執緊位既時候又主動問駛唔駛同我地落單先，驚人多等得耐餃子款式我覺得幾多，有啲傳統餃，又有啲特色餃，湯，煎兩款煮法，不過本人今日比較熱氣所以留番下次試煎餃湯底有兩款@雞湯@蕃茄薯仔魚湯我就點左個蕃茄薯仔魚湯，唔係味精湯，一飲就有媽媽既味道，好好味，好鮮甜餃子粒粒飽滿，大大粒，望落都吸引😍我地試左四款餃椰菜冬菇雲耳豬肉餃（傳統爽脆）香芹芫茜豬肉餃（勁芹茜味，茜控一定中意）粟米芝士雞肉餃（最驚喜好夾而且芝士都香）韭菜豬肉餃（好韭，呢款其實都好難出事）但我奇怪我覺得款款都食唔到肉味🤣，呢四款都係比其他材料搶曬味，唔係唔好食呀，餃係好食，不過整體冇咩特別驚喜，但我都會再去食😋下次試煎餃先😋

每次經過都見到好多人排隊既餃子店，平時中午一直都想試下，難得今次同同事行過果陣唔係好多人，就決定坐低試下餐牌有好幾款特別餃子，我本身個人就好鍾意食芫荽，所以特登叫左個香斤芫荽豬肉餃試下，同事就嗌左個椰菜冬菇雲耳豬肉煎餃SHARE食。估唔到有驚喜，香斤芫荽豬肉餃個皮好薄身，餡超多又好食，芫荽味仲要超濃真係岩哂我口味阿椰菜冬菇雲耳豬肉煎餃就煎到脆卜卜，加埋個煎餃醋真係無得輸不過佢坐既位置唔係好多，所以我地好快食完就走左整體黎講都好好食，價錢又合理，下次有機會可以再翻兜！

甜記餃子次次經過都見到好多人排長龍，今日一放lunch即刻衝過去排隊，都要排一陣，但終於可以入到去試了。menu有好多種唔同嘅餃子，最鍾意佢可以乜嘢餃子配搭都得。仲有兩款唔同嘅湯底。我揀咗一個蕃茄湯底。椰菜冬菇配香芹芫荽餃子。好鍾愛芫荽既我真係好鍾意呢個芫荽餃子😛😛😛好濃好香既芫荽味充斥着我口腔，食完一隻又一隻，十隻都唔夠我食🤩🤩朋友就食粟米芝士餃，就比較淡小小，所以鍾意食芫荽嘅朋友，一定要揀芫荽餃呀，大推😀😀最後，蕃茄湯底好好飲，但如果可以濃多小小就更好。但總括而言，值得推薦👍🏻👍🏻老闆好好人，好有人情味！

應該是長沙灣其中一家, 在午市時間最多人等候的食肆, 我也等了差不多半小時才可入內. 這裏的煎餃和平時吃開的有些分別, 除了外表圓嘟嘟蠻可愛之外, 左/右/底三面煎香吃起來外面口感更加香脆, 但內餡的肉汁依然相當澎湃, 也沒有因為如此做法而令口感變韌, 這值得一讚.套餐除了煎餃外, 也附上湯麵, 湯底用上蕃茄薯仔魚湯, 沒有如其他主打蕃茄類食肆般味道濃烈, 自然的酸甜再加上魚肉柔和的鮮香, 甚有住家老火湯的感覺, 吃得相當舒服. 醉豬手則有點失望, 酒香十足帶甜味, 但是上碟時汁液太多, 容易倒瀉及濺到金客, 豬手口感偏韌, 吃得較吃力. 還是它的煎餃有信心保證呢!

網絡熱捧餃子店，餐廳裝修非常樸實，用餐空間狹窄，基本上都係食完就走。但亦無阻一眾熱情街坊食客光顧。基本上所有時段都要等位。湯餃、煎餃同樣出色，餃子非常飽滿，絕對用盡所有空間放入餡料。每一啖都幾清晰食到每一種材料。——————————湯餃相對煎餃味道清淡啲，蕃茄湯幾清甜，有住家感覺。Order左（椰菜冬菇雲耳豬肉餃）同（韭菜豬肉餃）10隻 （$42）脹卜卜，椰菜雲耳爽口，韭菜味濃。真材實料，好有媽媽包既餃子感覺。另外，尤其喜愛煎餃，皮煎得香脆，皮薄餡又多，好好食，有被驚喜到煎餃選擇咗 （粟米芝士雞肉餃 ）同 （洋蔥牛肉餃）10隻 （$46）估唔到粟米芝士加雞肉係咁夾😂仲可以攞嚟包餃子。感覺好創新，同煎餃個味道好夾，我認為係必食。洋蔥牛肉餃都唔錯，不過前提係鍾意食洋蔥🧅滷水牛展 ($46) 有菜係底，調味做得幾好，唔會死鹹。蝦米辣菜脯 (Free) 味道頗辣，嘗試要有心理準備🔥————————-如果一個人去食，我建議揀食煎餃。真係煎得好好，必試。如果將來餡料有鮮蝦選擇同埋有李錦記或余均益辣椒醬一定更正🤤注意‼️1️⃣逢星期六休息🚫2️⃣雖然營業時間到晚上10點，但熱門味道會提早賣完，想食就早啲去試啦

前排突然想食餃子🤣見有人介紹呢間 就決定試下啦！不過就點失望🙃建議大家還是堂食🤣外賣賣相很不討好🤣🤣同埋會出倒汗水😉即叫即做 等候時間約20分鐘～雙拼餃子 $42 （10隻）椰菜冬菇雲耳豬肉餃 洋蔥牛肉餃我哋兩款都揀咗煎餃！煎餃比水餃好食好多🙂兩款都冇咩特別驚喜🙂湯餃子麵 $38 （五隻）我地簡左香芹芫荽豬肉餃 水餃好一pat pat 黐埋一齊另外個麵都吾好食🤣甜記餃子 🥟長沙灣昌華街23號富華廣場19號地舖#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #hkgirl #食好西 #西餐 #餐廳 #香港美食 #香港好去處 #甜品控 #拍拖👫#打卡#黃店#香港#景點#打卡熱點#jessicafoodhunt#jessicafoodie

甜記都唔使介紹🤣今日去到竟然唔使排隊終於唔使再叫外賣可以堂食🤣🤣最鍾意飲佢嘅蕃茄湯底💃🏻餃子皮簿餡靚😝椰菜冬菇雲耳豬肉餃真係每一次食都好爽口又有唔同嘅口感🤤另外雖然每次食💖韭菜餃都會有胃氣但係呢一間嘅韭菜餃真係好好麻辣菜譜🔥叫咗一杯洛神花茶濃郁❤️❤️❤️

又又又去咗食甜記今次就同小馬去咗長沙灣店番茄薯仔魚湯 (8隻湯餃) $38 🙆🏿‍♀️相比旺角店 佢入味啲唔怪得大家都推長沙灣店多啲啦😆好味呀 忍唔住又飲晒🤤菜芯豬肉餃 🙆🏿‍♀️都幾特別 有莖有葉但因為都煮得夠淋唔會令你食落去烚烚聲但係又完全無違和感啲菜同肉更加係1:1 黃金比例👍🏿健康又好味😋粟米芝士雞肉餃 🙆🏿‍♀️特登比大家睇吓爆粟米嘅情況上次食完返唔到轉頭雞肉味亦好出椰菜冬菇雲耳豬肉餃米粉 (5粒) $38 🙆🏿‍♀️今次食冬菇收斂咗啲反而比上次感覺夾得多👍🏿辣菜脯 $0 🙆🏿‍♀️辣得好過癮 完全停唔到口當時唔知有得賣😩打算下次去買返樽返屋企看門口🤤🤤🤤今次又係食到一半店員就話南瓜忌廉雞肉餃沽清有興趣嘅睇嚟唔好錯過🤓❎ 加一服務費✅ 任添辣菜脯

長沙灣呢間甜記餃子一向係唔少餃控嘅心水之選🥟，今次我呢個餃控都慕名而來試下呢度出名飽滿，湯底又冇味精嘅餃子。呢日未夠6點去到已經好旺場，座位有少少迫不過舖面感覺都幾新淨企理。南瓜忌廉雞肉餃、菠菜豬肉餃雙拼，番茄薯仔魚湯餃子可以叫煎餃或湯餃，仲有啲小食可以揀。餃子餡料款式都算幾多，餃子皮非常薄，係正宗皮薄餡靚又大隻嘅餃子，餡料好飽滿。南瓜忌廉雞肉好好食🤩食到南瓜天然香甜味，本來以為有忌廉會漏，不過實際又唔會，仲食到一絲絲南瓜蓉，我相信煎應該會更夾😋至於菠菜豬肉都唔錯，菜嘅比例好多，相對健康，會食到少少薑味。個湯聽聞係無味精，全天然用真材實料煲出嚟，飲落幾清甜，不過魚味就唔係好覺，呢日冷鋒到🥶我自己飲晒碗湯，即刻暖哂🥳🥳人均消費：$50推介指數（10分為滿分）：8分

分享一下近期愛上的煎餃😋😍 #甜記餃子 煎餃外皮好鬆脆！又夠薄！入面餡料juicy🤤 仲有自家製蝦米辣菜脯，帶麻味der🙈 佢有好多款餃子，湯餃仲可以有2款湯底揀，有機會要試下佢既湯餃先得💛💛💛💛💛💛💛💛💛💛💛💛💛💛💛💛💛#粟米芝士雞肉餃 ❣️好多粟米，芝士味就唔太出🙈 小妹食餃子都偏好粟米餃😛🌽#南瓜忌廉雞肉餃 ❣️好少見用南瓜包餃子，又幾唔錯，不過餡料口感就會偏軟#韮菜豬肉餃 ❣️韮菜份量超多，超濃韮菜味HKD42 / 8pcHKD46 / 10pc@tinkeedumplings長沙灣

2日前，我同朋友去食甜記餃子🥟去到嘅時候坐喺廚房隔離，望到廚房好污糟廚師又唔帶口罩，地下好濕。等咗20分鐘我嗰兜煎餃終於出嚟！賣相都唔錯，不過夜晚返到屋企不斷屙，屙足2日。呢間嘢冇下次

🥟甜記餃子🥢次次去親通菜街都好多人排隊食唔到仲要被票選為全港黃店餃子No.1見到團購有真係9秒9落單先啦喂( ˙༥˙ )今次試咗佢哋嘅京蔥羊肉餃同埋南瓜忌廉雞肉餃雖然冇得好似堂食咁配蕃茄薯仔湯但我屋企都有媽咪愛心蕃茄魚湯¨̮♡︎配埋都一樣好食首先包裝做得好好唔會壓扁餃子每隻都包得靚靚仔仔果然真係皮薄餡靚⸜(๑⃙⃘'ᵕ'๑⃙⃘)⸝⋆︎*第一次煮我有少少confuse咗定唔識煮因為佢話水滾等餃子浮起30秒即可過程大約7分鐘但我著眼咗喺7分鐘到就較咗timer行開點知有一兩隻已經爆開咗令我少少sadAny肥總之食到就得( ･᷄-･᷅ )京蔥羊肉餃子🐑🥟呢個全屋人得我同爸爸個頂得順因為原來都幾有羊嗰種羶味不過配埋京蔥幾有風味不過下次我未必會再試南瓜忌廉雞肉餃子呢個食得出真材實料南瓜蓉加咗忌廉好creamy雞肉應該都係混入去？！所以我唔係好食得出同埋呢樣要提一提最後一粒我食到有粒瓜子殼真係嚇死心諗唔係呀嘛食到人哋食完嘅瓜子殼？但媽咪睇完就話係南瓜籽殼咁我先安心啲(๑°⌓︎°๑)希望甜記下次一定要小心處理食材🙈不過整體嚟講我係會回購因為真係皮薄餡靚食得出材料上都足料同唔係用唔靚嘅肉先下次要去門店食先得！

🌟雙拼煎餃 (8隻) 🥟 $42 (9.5/10)椰菜冬茹雲耳豬肉餃 + 粟米芝士雞肉餃佢嘅煎餃真係超級好食 因為餃子皮好薄 餡料又好足 而且煎得好香脆 帶有少少濃邊椰菜豬肉餃就係一個比較清新嘅配搭 加埋啲雲兒 令到成個口感更加豐富有咬口超級中意粟米芝士餃 雖然芝士唔係話超級多 有流心效果 但係反而令到成個搞冇咁滯 8隻餃對女仔黎講都夠晒飽啊 另外餃子係即叫即煎 所以要等大概20分鐘 如果個日超級肚餓 就唔好嗌煎餃啦🌟湯餃子麵 🍜 (洋蔥牛肉餃) $38 (8.5/10)湯底可以揀雞湯或者蕃茄薯仔魚湯 我見好多人都大讚佢嘅薯仔魚湯 今次就揀咗呢個 其實本人就唔係好鍾意番茄同魚 所以呢個配搭對我黎講完全不討好 但係我都覺得呢個湯好好飲 好有住家湯嘅風味 好鮮甜完全唔會搶咗餃子個味另外麵底亦都可以揀米粉米線或者台灣麵 今次就揀咗米線 掛汁能力超級高 不過個麵底都幾大加埋五隻餃子都超級飽個牛肉餃第一啖食落去就洋蔥味比較突出 而且因為有洋蔥所以成個味道偏甜 但食到後面牛肉味就慢慢出啦麻辣雞腎 🐓 $28 (7.5/10)雖然係麻辣但係又未去到超級辣 比較接近譚仔小食嘅辣度 都幾容易入口 雞腎韌

今晚第二餐,因之前食那間實在又貴又味道不好.所以要轉場再食.就來到此間餃子店.人實在太多了.好彩不用等太耐等了十五分鐘就有位.其實周圍也有食店但偏偏這間餃子店卻企滿人. 因為這里餃子確實有質量.好味道！！！！！湯底我選了我最喜歡的蕃茄薯仔魚湯.但湯底不濃有些失望.但味道還是可以~~~餃子好實身.有五六款選擇.還有幾款小食可選擇.有麻辣雲耳,青瓜及牛展等等. 但因座位比較迫.快食快閃！！！！因座位不多.

甜記最近去過2次，第一次去比較貪心，每款都想試下。本身想食的其中2款售罄，唯有跟朋友分別叫了南瓜忌廉雞肉餃，粟米芝士雞肉餃，香葉豆角豬肉餃，韮菜豬肉餃。頭2款中西混合，試過就可以了。始終中式餃子比較合口味。香葉豆角豬肉餃味道幾特別，餃子漲卜卜，食完一粒又一粒。蕃茄薯仔魚湯清甜，配餃子一齊食，絕配。最後，竟然飲到看見碗底。第二次食到椰菜冬菇雲耳豬肉餃及香芹芫荽豬肉餃。椰菜雲耳爽口，又有少少冬菇味，個人認為最好味。今次試雞湯，湯底反而覺得麻麻地，唔似雞湯。每次去每次都要排隊，想食就要趁早。