影片
附加資料
https://www.plazapremiumfirst.com/home-tc
營業時間
今日營業
全日休息
星期一至日
全日休息
以上資料只供參考, 請與餐廳確認詳情
疫情之前申請張信用卡諗住入機場貴賓室嘆魚蛋粉，點知都未食到就已經冇得飛今年終於第一次可以入到機場貴賓室，第一時間要睇吓傳說中嘅港式魚蛋粉先1號機場貴賓室唔係用排隊制㗎，記住喺出邊要撳張飛，見到前面兩個外國人以為排隊冇咁飛，結果又要重新等過港式魚蛋粉會畢好一碗碗擺喺度，個魚湯真係正嘅好清甜，每碗都要有四粒魚蛋，好鬼死彈牙，果然係王牌嘅魚蛋粉除咗招牌魚蛋粉之外，仲有三、四款熱食，選擇唔係好多，味道亦都正常，都係志在填飽個肚啫
繼續閱讀
400 瀏覽
疫後遊東京，同對上一次一樣繼續選乘「全日空航空公司」。「全日空」於香港國際機場並無設置貴賓室，暫時商務艙嘅搭客可享用「環亞優逸庭貴賓室」（Plaza Premium First Hong Kong）。由於辧理手續時航空公司職員冇提過，登機證又冇注明，小肥都係去錯咗先知鄰近一號登機閘原來有兩個「環亞機場貴賓室」（Plaza Premium Lounge Hong Kong）！其中門外打蛇餅嗰個係普通版，除咗可以俾錢入（$640/成人；$448/小童；2歲以下免費），出示指定信用卡更可免費入場。或許因人手短缺問題，暫時只限指定航空公司高級會員、商務艙及頭等艙乘客享用嘅「環亞優逸庭貴賓室」係半隱蔽於走廊，冇咁遠嗰間。周圍探索，發現貴賓室原來喺2018年先開，應該好新吓喎。樓底偏矮嘅「優逸庭」唔算特別大或者豪華。指示牌所示，除咗有浴室、酒吧同餐室，其實仲有暫停中嘅按摩服務。室內最光猛搶眼就係個酒吧。晨早七點幾已經有紅、白、啤酒飲。可惜日本啤酒機同按摩服務一樣玩緊暫停。媽咪真係心水清，一眼就留意到陳列出嘅酒品中冇一款係背景提到嘅單一麥芽蘇格蘭威士忌。XO仔都係第一次見到可樂同雪碧用透明容器裝住，唔睇牌仔仲以為係椰水同凍啡添。最入嘅自助飲品區有凍水、熱水、茶、奶、橙汁同咖啡機。自選食物質量及選擇比較一般，有大路嘅沙律、香腸、烚蛋、薯餅、粥等。當中只有熱辣嘅魚蛋米啱口味。由於湯中嘅椰油味太突出，所以估佢係星馬泰代表，冇諗到標籤竟然係「港式魚蛋河粉」！細佬真係未食過有椰香嘅港式魚蛋河，而且睇相都認得出湯入面嗰啲係米粉喎，莫非係廚師hea煮，定係標籤hea呢？！香港國際機場內嘅「環亞優逸庭貴賓室」離出境檢查大堂非常近，位置堅方便。可能係因後新冠影響下，貴賓室以接待處最為專業，室內環境及餐飲質素冇乜獨特標青，酒酒毫不吸引，感覺各方面都好hea，完全唔似商務或頭等囉！
繼續閱讀