珞桐冰室

營業中

休息中

前裝修真係好好食，裝修後差左好多，食物選擇少左好多，連最愛蝦多士都冇埋，店員服務態度整差，每次問野都好無禮貌，唔怪得比裝修前少左咁多客，本來想多啲幫襯小店，真心冇下次

去大尾篤龍尾灘之前必食茶餐廳！😋就算啱啱錯過咗早餐時段，都可以食到早餐全日供應常餐，同早餐價錢差唔多中午到嗰陣，都唔需要排隊。今次兩個人嗌咗兩個常餐，叉燒通粉 火腿奄列 凍檸茶好大嚿叉燒🔥湯底都好食😋沙嗲牛肉麵 火腿奄列 凍檸茶平時嗌開爽面，今次唔記得嗌，但係都好爽！牛肉唔會太鹹👍🏿飲品好大杯，上菜速度亦都好快！其他人有嗌午餐，都好大碟，價錢亦都唔貴見到其他推介食評介紹一口多士，好似好好食，好期待下次再嚟食！😋

好耐都未去呢個隱世茶記啦 有時都要入去街市撞下運氣睇佢有冇開 次次去襯都會困擾除咗正餐以外 究竟食佢招牌pizza、一口多士 定係叫個menu以外嘅「焗火焰雪山」個個都好有特色 係街坊嘅都好識叫 食慣食熟🤭。。。🦔👉珞桐pizza咁嘅價錢有嚿咁厚咁多料嘅pizza真係性價比幾高🤩咬落不單止脆口 重點係啲餡多到滿瀉 面頭大量cheese以外 仲有吞拿魚、火腿、菠蘿 餡料雖然普通 但新鮮整好嘅自家pizza有時就係簡單得黎又好味🤤咬到底仲食到麵包嘅soft🍞啱哂我呢啲麵包控kekee。。。🦔👉厚切西冷牛扒食lunch總唔能夠得小食無正餐吧 望望menu諗呢諗路 伙記走過黎問試唔試當日精選嘅西冷🤪咁就殺啦！小店經營係要比啲時間嗰火喉🤭望落雖然係普通碟頭飯 但50蚊左近食到塊咁大嘅西冷連餐飲實屬不俗 肉質都幾易入口👍

在不同朋友圈子中，聽聞大埔寶湖道街市內有一間冰室，供應西式食物，其中以多士最為人熟悉，吸引很多食客慕名前來光顧。一件多士有甚麼特別之處，廚師將多士的四邊與多士分離，再切成三角形做底層。多士分割成一粒粒。有些食店會加上不同口味的雪糕，但甜味會增加很多，而且雪糕會因多士的熱力而加速溶化，逼使客人必須盡快吃完。珞桐冰室的多士沒有伴以雪糕，反而令多士時刻保持香脆，熱的朱古力、蜜糖和花生醬沒有影響多士口感。當然多士加熱飲只售$28也是賣點之一。

從來唔寫食評，今次真係忍唔住，落單亞姐態度奇差😠好似得罪咗佢咁。早餐呢樣無，嗰樣又無，話個廚師剛返到，未整到，要等起碼半個鐘，只可以食粉麵，如果食粉麵，周圍大把選擇，就係諗住呢度有多啲其他選擇先嚟啫🙄7:30開舖，8:30都未整到西餐，唔係咁難整呀嘛🙄睇多陣餐牌好似好唔耐煩咁😒一早比佢整到心情差晒😒就算啲嘢好食，都唔會再嚟😡況且並非傳聞中咁好食，尤其嗰個芝士撈丁，我覺得難食添😌從此列入黑名單👿

一口粒粒花生🥜奶醬🥛多士 🍞$28花生味好重🤩 鍾意花生醬嘅人要去試下😋份量都幾多 🤪都抵食💵每一舊都好脆 🥠同埋 唔會攤到凍咗 🌬仲係熱嘅🔥價錢方面佢真係平 👍🏼👍🏼當然 唔好話有咩特別期待🤣因為 呢個價錢黎講 質素算唔錯 🙈🙈好抵食 👍🏼👍🏼🤪回頭度：🌟🌟🌟🌟好味程度：🌟🌟🌟

唔經朋友帶過都唔知原來寶湖街市入面係有間地道既冰室,而且食物質素都唔錯家.今日自己一個去到都要排一小陣隊先至有得坐低.一坐低就叫左個芝士雞中翼撈公仔麵(本人係好中意食芝士撈公仔麵,但係而家好多地方就算有得食都已經冇左芝士汁呢個選擇) 麵方面起碼有一個半絕對夠食,唔會煮到好淋身.正常係一定夠飽.芝士汁好多 滑身之餘重好香濃加上最重要既係唔稀.撈埋落D麵到真係條條都有芝士汁,而雞中翼就正正常常,炸粉唔多唔會炸到好燶 雞肉嫩滑

話說大家住大埔嘅人都知道寶湖街市入面。永遠都有驚喜係入面，二手書店，到多間嘅改衣舖，一大班高手在民間。而且街市入面非常乾淨。你唔會因為污糟而唔想入去。好喇，講返正題。我之所以認識呢間食店係我家母介紹比我，真係估唔到佢，趁平日放假。當然要試下佢啦，係隔離改完啲衫，就坐低喇，佢分開咗幾個area,我地就求其坐低。因為啱啱食飽正餐，所以就叫個甜品啦，名我就唔記得喇，但佢好cream,而且唔算甜，所以我會再回頭幫襯，下次試下食其他嘢先

上月第一次嚟食午飯，覺得唔錯，今日再嚟幫襯外賣，試吓其他食物，係咪一樣都咁掂。今次試咗兩款，都係粉麵類：撈得起雞扒撈公仔麵（黑椒汁 ）$35打開盒蓋，見到嚇一跳，黑椒汁勁多。公仔麵黐埋一舊，只能挑鬆上層，下層好難完全同黑椒汁撈匀，最終要加熱水，變咗黑椒湯雞扒公仔麵。覺得黑椒汁太鹹同公仔麵唔夾😟常餐$32～沙嗲牛肉米線，配火腿絲奄列牛油方包呢個味道正常，沙嗲味唔覺好出，而牛肉食唔到有鬆肉粉味。絕對價錢取勝

今日終於可以試到，呢間位於街市入面舖位的隱世茶餐廳，附近環境衛生都過得去。是日精選午餐：厚切西冷牛扒$52（跟意粉）意粉送到時嚇一跳🤣，超大碟，有圖有真相😃塊西冷牛扒佔據隻碟嘅3分2面積，仲有意粉和配菜鋪滿碟，份量足夠到連食量大嘅男仕都滿意💯。黑椒汁好香，好有黑椒辣味，並唔係一pat漿糊狀嘅獻汁👍，意粉熟度剛好，牛扒有質素。奶茶唔澀順喉，唔錯。今次覺得食物質素唔錯，而且價錢相宜，可以回頭再幫襯。

我諗大埔友好多都認識哩間餐廳，因為佢係唯二之一屹立係舊式街市既餐廳。主打街坊生意，比起舖位餐廳價錢合宜💯。有時買餸行開都會去食個tea輕鬆下，特別夏天就想飲返杯凍檸茶🥤。今次就叫左份蝦多士拼薯條（$28+凍飲$3）同心心念念既凍檸茶。上台時熱辣辣，薯條🍟係直身唔算粗個隻，雖然夠哂熱但就唔係好脆。除左茄汁，仲附上隻芥末醬，酸酸甜甜咁。主角蝦多士🦐就有啲失望，蝦肉部分無咩蝦味但唔算粉，麵包部分偏甜🍞，整體就唔係好食得出自己食緊咩咁。唯一抵讚就係炸得好香脆，滿足到食炸物既口感。至於凍檸茶就不過不失，🍵茶底唔算香濃，但檸檬超足料🍋。

《珞桐冰室》，可以說是一間匿埋一二角做生意的食店。但在大埔人的眼中，這亦算是一個家傳戶曉的一間食店。這一家有少少名氣的茶餐廳，也可以說是街市茶檔，開在人流甚少，但因為N年前一單香港奇案而出名過的寶湖街市。看來很傳奇的餐廳，聽起來亦有少少人氣的餐廳，在這兩次發現自己有一人在大埔的時間，就決定來，食個早餐及食個午餐。行入到街市的深處，有一個小區是專屬熟食小店的，而小小的《珞桐冰室》就隱藏在這一個角落來。位置不顯著，但招牌就好顯眼。而入到餐室內，又是一個簡陋的小小小世界。說真已經是去年年頭的事了，我來了一試他們的早餐。當日，我來了一個五香肉丁麵。如果我單評論早餐，其實沒有什麼特色可言。不過，時間控制得好的2/3熟麵條，再用上了肉感不錯的五香肉丁，算做不錯。近日再來了，是於午飯時間來的。看了一遍 menu，我決定來一個很邪惡的肉醬雞扒飯。肉醬微微地辣，是焗肉醬意粉的那一種肉醬，入口綿綿的，香香的，微微辣的肉醬混合了米飯，令面層的雞扒立即成為了配角。我不是說雞扒不好吃，而是肉醬的味道太好。在茶餐廳/茶檔飲食，奶茶可以說是一個必叫品。茶不算太濃，入口感覺很香也很滑。奶味不錯，不會搶過茶的味道。又滑

珞桐肉醬飯$34好食😋 肉醬好多汁，鋪滿晒喺個飯上面♥️♥️♥️同埋仲有少少焗到燶左既芝士係上面食到有脆脆地既效果 啲飯一粒粒唔會一pat pat咁。雖然有三色豆，我討厭既青豆。但呢個飯整體都唔令我討厭

珞桐係大埔都少有名氣，前排要排隊食今日時間仲早，唔算多人，即刻坐低食番個撈公先其實選擇都唔少，不過我目標明確，叫左芝士豬軟骨撈公仔麵港式茶餐廳一貫既速度，快好快就上齊野芝士豬軟骨撈公仔麵麵底有兩個，一般都夠食，豬軟骨份量唔算多，不過$40唔洗有埋野飲，都算係咁芝士醬幾香濃，但唔會好結好易食到漏底有啲麻油醬汁，令個麵微微濕潤撈埋一齊食又有芝士既咸香，又有麻油既香非常好食😋豬軟骨炆到入味，最最最重要係骨位炆到淋晒雖然唔係入口即化，但都已經淋晒出面成日食到仲硬 咬落係爽既軟骨凍檸茶值得一讚茶味夠濃，有水準既檸檬🍋茶同行叫左芝士雞扒焗飯上面啲芝士焗到微脆好好食🤤🤤🤤芝士汁焗過比撈公再濃啲，焗飯係炒飯底，有微微調過味雞扒份量比豬軟骨多，都算滑嫩，最緊要係無騷味份量幾大，都係$40，唔錯！👍🏻

星期日總係會瞓得晏D😜一起身梗係食個好味嘅早午餐啦！今日我哋就去咗食珞桐冰室！都好耐冇去啦！而家原來已經唔使排隊！唔通係食物嘅質素唔同左唔理咁多啦！一坐低，睇一睇個餐牌，叫咗雞扒芝士撈烏冬，朋友揀咗蘑菇火腿奄列配焗豆，多士再加杯凍奶茶😍芝士撈烏冬要加$10店員解釋因為會用1.5至2個面底，所以要加多少少錢！一上枱，嘩！真係好大個面！啲雞扒煎香左再加啲炸蒜好香口！食落脆脆地好正！芝士汁唔會太過漏，仲好香芝士味！平日食量唔太大嘅我都爭啲食晒成個面友人叫嗰個奄列就等咗大概5分鐘先有，即叫即做，一切開入邊有啲番茄醬，磨菇同埋火腿，配搭都幾特別！食落去有好濃厚嘅番茄醬，朋友就話好好味，因為佢好鍾意食蕃茄！我就唔慣食有番茄醬嘅所以覺得一般～題外話，見到滷水雞脾好大隻，仲大隻過一個男仔嘅手板，下次一於要試吓先！