玥屋

營業中

休息中

想試左好耐嘅壽司小店，趁住無晚市堂食係附近staycation外賣番去試一試🤩小店關係人手有限，差唔多七點去到落單要等半個鐘先有，而最後其實都等左9個字至一個鐘左右。主打平靚正壽司果然又新鮮又好食，而且夠曬平叫多啲都唔肉痛。雖然壽司size比平時細少少，不過兩個人200幾蚊仲有刺身、小食（芝麻雞翼），價錢非常合理👍🏻食完覺得飽得岩岩好～-P.S. 開飯比較多人推嘅燒三文魚奇脆卷個人覺得還可以～唔算特別好食，純屬一試無妨。

口袋餐廳，係大角口HSBC對面，好幾年前發現的優質日本店。壽司既價錢係平過aeon當然味道係好幾倍，㛗前Omakase未係咁興時佢會offer off menu。剛剛睇其實食評而家好似有埋Omakase,想試下。

店舖比較細, 堂食大約只有八個位, 每次我都是外賣到取, 所有壽司都是即叫即整, 食材非常新鮮, 價錢非常親民, 所以堂食一定要訂枱, 很快就會full, 外賣都需要耐心等待肉子壽司印有店舖名稱（玥屋）, 誠意之作, 三文魚壽司都厚身, 帶子新鮮好味, 蟹柳壽司賣相就麻麻地, 有點散開, 蟹子粟米沙律壽司份量很多, 很滿足整體來說這個價錢CP值很高, 午市有自選魚生飯套餐, 有定食、卷物、刺身、炸物、沙律, 雖然舖頭細細, 但食物款式都有很多選擇

玥屋已經成為我必食嘅餐廳Top1 已經唔係第一次幫襯覺得佢可以keep到呢一個水準好犀利👏🏻啲刺身好新鮮，價錢平民，每次去都見到師傅忙碌嘅雙手不斷哋整緊柯打，真係辛苦晒。玥屋主打外賣，大角咀嘅街坊應該唔限生，但其實店舖裡都有少量位置提供俾客人坐向到食。今日係24/12 平安夜，好彩一早預訂定唔係應該無1-2 小時都拎唔到壽司，當日我哋6:20pm 去到門外已經排滿晒等拎外賣嘅人。必食推介：燒三文魚奇脆卷、玥屋蛋味道：💛💛💛💛💛環境：💛💛💛價錢：💛💛💛💛5x💛為最高回頭度：9/10整體而言我覺得玥屋新鮮，好食同抵食，真係大角咀必食嘅食肆

已經嚟過好幾次，每次想食平靚正壽司就會諗起呢度😆⁡撞啱當造季節可以食到「賣飛彿 」-- 秋刀魚刺身🤩🤩🤩肉質鮮嫩嘅秋刀魚，配埋加入咗薑蓉同蔥花嘅酸汁真係錦上添花😍⁡師父仲會將魚骨炸到脆卜卜，一魚兩食🥳⁡其他壽司都保持到一貫嘅水準👍🏼不過對比起上一次，壽司款式好似少咗🤔⁡今次叫咁多款壽司之中，赤貝同象拔蚌比較失色赤貝唔夠新鮮，色澤比較差，食落仲有少少腥味...希望下次會正常番~⁡象拔蚌竟然係熟嘅🤯明明之前食過幾次都係生...🤔⁡

🔖一間非常細既壽司店，只係得8個位左右。師傅係面前，你即點佢即整既壽司店，完全體驗到廚師發板既感覺😂性價比非常高，最平既壽司$5就有交易。🔖我見得一張枱不是在師傳面前，所以我見個枱客仔d壽司就係整好一次過比佢地。我就坐係師傅面前，佢真係整完一舊就即放係你面前比你食，佢整到咩就比咩，見佢無特別次序（咪以為真係食緊omakase呀下😂）💡基本上閒日夜晚都係需要book 枱。每逢星期一11:30就可以打去Book今個星期嘅時間。💡當日食就見到有3位師傅係到密密整壽司，因為見佢真係有好多外賣客。Um…師傅好cool，仲要每位都係😂（可能太忙大家將就吓）🍽三文魚刺身（半磅$68）佢係俾你喺雪櫃，揀自己想要嘅嗰一盒，然後拎俾師傅幫你準備。🍽鰻魚卷$20正常🍽燒汁三文魚$7/件正常🍽帶子刺身好甜$14/粒🍽玥屋蛋上下都有一片蛋，中間係飯$6/件🍽汁燒帶子用火槍燒過再用紫菜包住食$16/粒🍽蔥吞拿魚腩卷成大舊吞拿魚茸，多過飯$30/件🍽炸蝦卷$50好新鮮咁炸起，食落去係熱辣辣🍽芝麻雞翼$24/兩件，熱辣辣幾香，咬落有汁🍽帶子裙邊軍艦係勁多料，食落去成口都係帶子裙邊$5/件🙏🏻我有好多刺身都唔食，靠大家

早排朋友帶我去食，一食就上癮所以過多兩三星期再約朋友去食呢度係即叫即正，師傅係你面前整，就好似食omakase咁今次特登訂檯時留左條秋刀魚，師傅話而家當造，有刺身+炸魚骨，刺身入口肥美，炸魚骨夠香脆，好好食另燒三文魚奇脆卷，大愛三文魚嘅火炙味加脆米，一絕最重要嘅係價錢唔貴，普通壽司最平幾蚊有成交，即使日本空運貨都唔係好貴，想平平地食好味壽司，呢間啱晒店舖空間有限，如果大家想食記得星期一朝早要打去訂枱，如果想食日本空運嘢記得訂枱時留買貨

未搬入嚟大角咀之前，就算玥屋係隔攝咗啲，但因為性價比實在太高嘅關係，我耐唔耐都會忍唔住入嚟幫襯下。呢間小店真係好細，得七至八個位，所以book咗位先好黎食。佢啲位都唔易book 㗎，要食就最好早啲book。我通常都會點佢嘅set， $100左右就已經有大概10件壽司仲有手卷，女仔來講都夠飽嫁啦。呢個價錢黎講啲壽司真係非常高質，而且亦都好新鮮。啲軍艦嘅料多到潟出嚟咁滯。帶子夠晒肥美。玉子亦都好香甜。海膽初初嚟食嘅時候係非常之正，好甜果種，轉左來貨之後就差咗dd, 但都唔差嘅。總括而言，如果唔係咁難book位嘅話，我真係好想多啲嚟堂食呀

今次要介紹一間係大角咀毫不起眼,但性價比可以話係超高嘅壽司店 - 玥屋 店舖好細,堂食座位只有8個左右,主打壽司刺身,另外不時會有時令食材. 記得第一次去食係兩年前,當時最平嘅壽司只賣$10以下, 如今兩年後再嚟,最平嘅三文魚壽司都仲係賣緊$6 一件….你可能會話一分錢一分貨,但係依間絕對不適用,因為你係俾緊爭鮮嘅價錢,但係有‘阿媽家姐’(Omakase)嘅質素😲以下幾款手握壽司我認為必點嘅:.($7)三文魚份量勁多,配以辣味沙律醬非常惹味👍🏻($8)、($15)兩款我每逢去壽司店必叫, 但可以咁抵價錢食到咁新鮮嘅暫時只有這家,望住師傅即場握壽司,再係表頭塗上豉油,真係令你感覺食緊廚師發辦(只係師傅仔有時會cool 左啲🤭)($23)仲平過壽司郎🤭但睇圖就知有幾新鮮同份量有幾多,入口鮮甜🤤($14)第一次食蔥吞拿魚蓉卷係可以咁大舊…份量仲係大過舊飯🤣入口非常滿足😍.除左壽司外仲會有不少時令食材, (時價)訂位時先預留, 粒貝刺身,非常爽滑彈牙,非常新鮮,師傅切嘅厚度亦剛剛好👍🏻.)刺身](時價)踏入秋季乃秋刀魚當造, 入口肥美,適當嘅油脂非常香,配以獨有薑蔥醬油食非常夾,食完仲會有魚頭

食過好多次外賣😋雖然每次6點幾買都要等40-50分鐘，但絕對值得！❤️係食過最高質嘅平價壽司！（就算貴啲都未必有玥屋質素咁好）外賣滿$250送三隻甜蝦刺身，本身唔食蝦刺身，但玥屋嘅甜蝦真心正，好鮮甜！完全唔會腥臭梅！帶子：比出面大粒厚身又鮮甜（十次有一次冇咁靚，有啲苦）赤貝：質素一時時，但都比出面大塊同鮮甜三文魚：好甘香！不過魚腩數量唔多，好多時賣晒鰻魚：食過最高質！唔腥！肉質唔梅！白玉豚：肥美！唔腥！蔥吞拿魚腩：必食！出面好多食落臭嘅，玥屋食落好香！馬刀貝：爽口鮮甜！日本蟹柳：真係用日本真蟹柳，出面賣緊$65包！（因為太好食自己凍肉鋪買左包）玻璃蝦：爽口唔腥臭，出面好多都冇蝦味/腥臭劍魚腩：食落同白玉豚差唔多，但有筋，食過一次冇再食了芥辣八爪魚：好食！個味啱啱好唔會太辣，又好足料以前仲有款龍蝦沙律勁好食，個味較得好好，又食到蝦肉，但而家冇左😞

玥屋平價親民嘅壽司店，成日心思思都會想去呢度食，不過地點就唔係太就腳，但佢哋嘅食材非常新鮮，價格亦都相當親民😍👏🏻，提提大家，小店只有七個座位，去食記得打電話去book位啊特上壽司定食~$105入邊會有11件壽司+1個蔥油甘魚手卷，壽司包括有吞拿魚，白玉豚，三文魚腩，劍魚腩，油甘魚，帶子，赤貝，甘蝦，鰻魚，海膽，玉子😻佢哋個白玉豚真係好好食，必食推介，帶子同赤貝都好新鮮，同埋佢哋個海膽真係好好食，好鮮味壽司定食~$85入邊會有10件壽司+1件蔥油甘魚手卷，壽司包括有吞拿魚，三文魚，白玉豚，象拔蚌，馬刀貝，玻璃蝦，北寄貝，鰻魚，海膽，玉子🙈😎三文魚非常之肥美，鰻魚都OK好食蟹籽沙律~$30食壽司一定要食沙律，勁好食玥屋 (大角咀)🏠：大角咀海景街44號地舖☎️：34886693

食過呢間壽司鋪幾次，性價比好高！而且個feel有啲似omakase! 閒日夜晚一定要book! 因為walkin基本上都無位！每逢星期一11:30am都可以book今個星期嘅時間！夜晚有三輪時間做： 6pm, 7:30pm, 8:45pm!入黎食必嗌嘅有三文魚奇脆卷！上面係火炙三文魚，入面係米通+蟹籽+沙律醬！係出奇地勁夾勁好食！跟住刺身就食左半磅三文魚！可以係個雪櫃自己揀架！三文魚超肥美超好食！而粒帶子亦都好巨！甜蝦嘅粗度差唔多有無名指咁粗！樣樣野都好大條呀真係！赤貝+馬刀貝就普普通通啦！去到壽司環節，嗌左三文魚壽司！勝在啲飯唔係特別大舊！而三文魚亦都厚身！個玉子壽司幾特別！因為印有「玥屋」嘅蛋！而且下面個層都係用蛋墊住！而鰻魚壽司都算大條！燒得亦好香！飯亦都細細舊！唔會好飽個種！蔥吞拿魚腩亦都好吸引！因為份量超多！而且佢吞拿魚都係即刻剁架！因為聽到好大剁野嘅聲音！其他壽司就正正常常啦！至於個蟹籽沙律亦都好豐富！因為超多蟹籽+蟹柳絲！So far, 間野都真係幾抵食！而且serve客人嘅時候 好似omakase 咁切完 即刻擺你面前自己再夾！而且啲食材亦都好新鮮！想黎嘅朋友仔記得bo

以前試過两次想訂玥屋去食都話full哂，估唔到今日早半個鐘都訂到食晏小店都真係幾小下全間店鋪得十個坐位左右由三位年青師父仔一腳踢我地去到無嗌lunch set蟹籽沙律飛魚籽份量幾多，青瓜幾爽脆嗌左啲剌身三文魚腩油脂幾豐滿，有啲驚喜帶子鮮甜爽口甜蝦幾大隻，鮮甜赤貝同馬刀貝，相對比較失色两樣都好似無咩味甘嗌左三文魚籽同海膽軍艦仲有拖羅蓉卷三文魚籽爽脆海膽用既係加拿大海膽即叫即制，紫菜上枱仲係脆既仲有嗌左幾件寿司普遍質素都唔錯小店黎講質素幾好埋單三百幾自已揀散嗌可能有少少偏貴但都總算合理既

今次係第二次黎食晚餐，覺得值得做一個紀錄。比起連鎖壽司店黎講，玥屋既食物種類唔算多，但係刺身同壽司既質素都唔錯，性價比高。蟹籽沙律比起好多店舖做得好，唔會太濕出曬水，沙律醬既份量岩岩好。八爪魚刺身厚薄岩岩好，爽口唔會靭，有八爪魚既鮮味墨魚刺身比想像中好，爽脆鮮甜左起：象拔蚌、帶子、劍魚腩、三文魚腩、油甘魚腩、赤貝全部都好新鮮，帶子尤其鮮甜玉子壽司呢間鋪頭係一件一件咁計算價錢，咁就可以每樣都食小小👍🏻北寄貝壽司呢間小店會係刺身上劃上一兩刀，我覺得幾好，刺身既鮮甜味係味蕾上更突出鰻魚壽司正常水準海膽壽司一般，海膽今日麻麻地。好彩無叫一板。（上次黎有叫過一板，果次既海膽反而幾好）花之戀份量正常，蟹籽新鮮，三文魚厚薄岩岩好，夾起亦唔會咁易散開三文魚腩壽司睇個樣都知唔錯，有三文魚油脂既香味隔離枱客人想加單時，師傅話無曬三文魚腩，我懷疑最後一兩件係我度隱藏菜單1是日特別菜式：梳子魚賣相唔錯，不過呢款魚魚味有d淡，唔太岩我既口味⋯隱藏菜單2是日特別菜式：池魚都係唔太岩我地口味⋯但睇得出師傅既係用心制作—————————總結：刺身鮮甜，性價比唔錯。推介帶子、劍魚腩👍🏻師傅上菜速度快，服務態度良好。缺點

============== 𝐹𝑜𝑜𝒹 𝐿𝒾𝓈𝓉 𝒻𝑜𝓇 𝒯𝓌𝑜·• 三文魚子軍艦 x2 ($23/pc)、辣三文魚軍艦 x2 ($7/pc)、蔥油甘魚軍艦 x2 ($14/pc)、白玉豚壽司 ($12)、吞拿魚壽司 ($10)、火炙三文魚脆脆卷 x6 ($30)、油甘魚刺身 x4 ($13/pc)、油甘魚壽司 x2 ($14/pc)、甜蝦壽司 ($15)、鰻魚壽司 ($8)、海膽 x2 ($23)💸 $266❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.網上睇過啲相見佢咁高質以為係貴價嘅壽司舖，點知原來係得8個位嘅小店😲。堂食一定一定要book位啊～平價大大又好食，兩個人食到好飽都係每人百幾蚊。由於只有三位師傅打理，點餐、送菜同服務都好casual。我地坐唔近吧枱吧位置，嗌野斟水攞野食要自己行過去，不過都唔係大問題。但間舖有陣難聞嘅廁所味😐。壽司大大件又足料，最好食係海膽、魚子同甜蝦，咁抵嘅價錢魚生嘅質素都好高。海膽唔腥唔臭仲好鮮，魚子有陣酒香味好黏口，甜蝦非常鮮嫩好鐘意佢黏口口感。其他都係正常發揮，三文魚膽油甘魚反而麻麻地，淡淡的冇咩味。吞拿魚