王朝潮順館

營業中

休息中

通常新開的餐廳都好吸引，但我同同事今日嘅體驗真係好一般... ...大角咀大全街一向都好多美食，今日一行3人行過，見呢間潮州菜館係新開的，款式都幾多幾吸引，一於試吓。門口幫手帶位嘅姐姐好有禮貌，我哋好快已經坐低咗，而且呢位姐姐好快已經幫我哋落單，我哋點咗2個土魷肉餅煲仔飯、1個豉蒜涼瓜炒鱔球。每個餐都可跟1個飲品👍土魷肉餅煲仔飯$68。上到枱一掀開煲蓋，成堆芫茜（因為我唔係芫茜黨啫，夾開咗，無嘢）😭見塊肉餅唔係大塊，而且都好薄吓，大約少過半吋厚... ... 每個煲仔飯只係跟1碟好細碟嘅豉油，都唔係好夠😩唔緊要，試吓啲肉餅同飯先，肉餅味道ok呀，只係薄得滯無乜口感。飯方面真係好唔掂，因為飯太多水，根本煲得唔夠乾身，而且太腍了，我同同事都認為完全唔合格😅（好味嘅煲仔飯嘅飯粒應該要好乾身，彈牙得嚟又唔會過硬）豉蒜涼瓜炒鱔球$60。同事話味道都幾好👍飲品，我哋點咗熱咖啡、凍檸茶、熱檸水。熱檸水真係嚇死人，只有2片極薄嘅檸檬，我同事篤到2片檸檬穿哂都話無乜味，點解水吧師傅刀工好成咁🤣反而凍檸茶有4至5塊左右極薄嘅檸檬（仲薄過熱檸水嗰2片）🤣🤣然後我哋食煲仔飯食咗一陣，真係唔夠豉油，就請伙記俾多

今日係奧運training，完左之後同同事係大角咀搵左呢間潮州野食，食物幾正宗抵食，尤其個鵝片同濠仔粥👍🏻值得Encore 🙈.🍴鵝片雙拼 $188鹵水鵝片鹵得入味，肉質肥瘦適中，食感軟嫩。墨魚片份量幾多，每片厚薄適中，食起黎口感會較軟口。.🍴沙薑醬蹄 $68沙薑豬腳，爽脆不油膩。沙姜特有芳香經過醃製後更加入味。.🍴蠔仔粥一鍋 $98湯底好鮮好香蠔仔大大粒份量多，好食既潮州粥，梗係食粒粒米，最怕黏淋淋，佢好得呀。.🍴馬拉盞炒芥蘭 $78芥蘭鮮甜爽脆，馬拉盞炒過鹹香味美。.同老闆傾開計，原來餐廳開左無幾耐，但人流都不少，幾多人幫襯，大家都多多支持小店💪🏻

呢日同屋企人去左大角咀呢間新開既潮州餐廳食dinner，呢間餐廳裝修新淨，坐喺到食野好舒服。打開餐牌，見到呢到除左傳統既潮州菜之外，仲有順德菜，有好多選擇。前菜小食係酸菜，好開胃。今次點左半隻手林蔥油燒雞，佢層皮燒到超香脆，而且唔會太油，入面既肉都好嫩滑。另外，仲點左大良炒鮮奶，感覺好傳統，炒鮮奶好嫩滑，入面有蝦、魚、松子仁等，幾豐富。油泡田雞落左好多香料爆炒，好香同惹味！甜品點左水晶柚皮，第一次食，好特別，落左桂花蜜，食落去有好香既桂花味。

同朋友一齊喺大角咀覓食，呢度有好多小餐廳，好多好有質素，有啲新開，有啲已經經營咗長時間，我哋行行吓見到呢間潮州菜館，睇落光猛乾淨企理，亦似乎幾啱我哋呢日嘅胃口，咁就決定入去試吓😆叫咗 $198嘅「鵝片三拼」，選擇咗拼「鵝腎、墨魚」，$108嘅「煎蠔餅」，同埋 $78嘅「拍蒜炒芥蘭」，再加一碗 $12嘅「白粥」，全部 share 嚟食😆「潮州滷水三拼：鵝片、鵝腎、墨魚」大大碟賣相幾靚🤩；滷水鵝片🦢肉質軟熟，滷得好入味😋；鵝腎、墨魚 有啲咬頭，幾好食😋。「煎蠔餅」外邊脆脆哋，幾輕身，感覺唔太油膩😋；仲有雞蛋🥚同埋蠔仔肉🦪嘅鮮味😋。「拍蒜🧄炒芥蘭🥬」非常爽脆，炒得香口，簡單好食😋

上星期日入大角咀晚飯，經過見到潮順館剛剛開張，裝修算新淨雅緻，即時訂6位，今晚試菜。潮州菜館，地方不算大，分BC區，即有6人枱啦！可惜一去到，就被扣印象分了。6位客比四人枱？坐低擺齊碗筷茶杯後，剩返小小的中心位，頂多放到1-2味餸菜。話晒我們是一星期前訂枱喎！吾係walkin喎！咁嘅招呼不如轉場啦！經一輪擾攘，終於轉到另一張長方枱，起碼勉強放到5-6個餸啦！睇落似老板或經理連返道歉，還打過9折，總算識做生意啦！講返餸菜品質，我們點了10個餸，價錢經濟，屬平民之選，性價比算OK啦！鵝片腩肉墨魚三併：鵝片屬潮洲招牌餸，當然冇得輸。腩肉未夠入味，墨魚都叫爽口。海哲拼豬耳：正常味道，中規中矩，豬耳好似潭仔好味D。鵝肝：夠淋吾太粉，但鮮味不足，價錢偏貴。影漏左相，不過賣相都一般啫。黃金炸魚皮：抵食，咸蛋味剛剛好，加微辣，脆口，埋相都不錯。啫啫爽肉芥蘭煲：都夠啫啫的，熱辣辣，芥蘭合格，爽肉就硬左少少，偏咸。蠔餅：可能因同時間狂上菜，吃時已凍左，雖然粉醬仲有少少脆，但蠔仔凍左，少少腥。炸凌魚球：店員推薦話自家制，內有腊味...賣相幾靚，味道不過不失啦！鵝粒炒飯：味道甜甜地，鵝粒就吾明顯，但虾仁幾爽，

While looking around to see if there are any nice restaurants nearby, we chanced upon this newly opened restaurant. 王朝潮順館 was located at Tai Tsun Street, Tai Kok Tsui, where alot of nice restaurants were located. Their menu was very comprehensive, offering a wide range of dishes such as appetizers, small dishes, seafood, soup, braised meat, vegetables, rice or noodles and drinks etc.霍山石斛老雞 - This soup was very nourishing and clear, with no MSG tasted. It absorbed the essence of the ingredients u

位於舊區又充斥着好多餐廳美食嘅大角咀街市對面條街見到間新開嘅潮州菜 門口仲充滿着新鮮花香味入到去嘅感覺好好 坐得好闊落舒服 個熱茶係有菊花嘅香味 非常好飲~Menu有好多選擇 每一樣看上去都好大份 好吸引 唔少菜式都好考功夫我哋得兩個人 怕食唔晒所以只係簡單叫咗三樣嘢 有肉有海鮮有菜 唔使叫飯都夠飽 醉香南非鮑魚 $88 望落去充滿高級感 用咗精緻嘅食具 特別優雅聞落去好香花雕酒香 入味 杞子香都有 質感彈牙有口感 乾淨白雪雪嘅鮑魚 煮得剛剛好不過火 唔會咬唔開問一下知道選的都是高質南非鮑魚 以白露水先浸 再浸酒至少12小時 一啲都唔簡單嘅菜式鵝片 墨魚 雙拼 $178必點嘅菜式 見到鹵味燒師傅幾個 相當認真上枱大大的一碟 刀工好 厚薄均勻 份量仲好多 呢個價錢非常超值 食落去有甘香陳皮味的鹵水鵝片 非常滿足我雙拼咗墨魚片 有口感 而墊底有充滿豆香味的豆腐好滑 吸晒鹵水精華 成碟清晒拍蒜萵筍絲 $78 呢道菜係我非常之鍾意食唔會錯過嘅夠蒜頭 夠獲氣 爽口好味

中午經過嘅時候發現原來唔知幾時依度開左間新餐廳，之前都完全無為意，係咁啱經過見到有人喺門口介紹，又見中午lunch set都幾啱食，就諗住試下。裡面係新裝修，所以都幾新淨，而且餐廳幾寬敞，具有空間感，我地兩個人坐圓檯都坐得幾舒服。午市套餐有8款可以揀，見到當中有個係陳村粉，我之前無食過所以本身唔係好知咩嚟，但見朋友講到中意食而且平時又比較少見到，咪諗住試下，所以我地兩個都叫左個干炒爽肉陳村粉($55)。結果野食嚟到我第一個反應就係覺得好似乾炒牛河😂 原來陳村粉有啲似河粉同腸粉嘅混合體，扁平寬身，我第一次食覺得幾特別。而且佢嘅口感食落好薄同滑，覺得唔錯幾好食，爽肉都好軟嫩。成碟粉麵炒得好有鑊氣，味道都覺得好似真係食緊乾炒牛河，而且分量都多，食完好飽。第一次食依間餐廳覺得環境同食物質素都幾好，套餐包埋飲品免加一，下次會再嚟試下其他野食。