牧羊少年咖啡館 (白楊街)

營業中

休息中

約左朋友係太子小聚，去左依間cafe食下午茶，叫左2個蛋糕。紅絲絨蛋糕有好濃嘅椰香味，比想像中大件，如果鍾意椰香，值得一試。藍莓芝士餅同出面甜品店嘅差唔多，芝士味幾濃郁，食一件唔會覺得太肥。

-之前路過牧羊少年咖啡館，發覺裝修中🤨今次再去，終於裝修完啦～裝潢比較偏向西餐廳😗沒有了昔日的風格😗-日落巴黎（香蕉朱古力窩夫 配 朱古力雪糕)($98）依個甜品都幾好食☺️有4件窩夫🧇，偏軟綿而朱古力雪糕都幾岩我口味，配埋香蕉🍌和cream 一齊食有2球濃濃的朱古力雪糕價錢雖然偏貴😋但味道都算正常發揮😌-薑燒黑糖拿鐵☕️（$58)依杯真係好好飲( ˘ ³˘)♥︎薑味唔會太重，配搭得好好😍值得一試的飲品～-玫瑰牛奶咖啡（$42）依杯咖啡拉花好靚(●’◡’●)ﾉ飲落散發著淡淡玫瑰味😚不過不失😊-Name🏠: 牧羊少年咖啡館 (白楊街) The Alchemist Café (Poplar Street)Location📌: 太子白楊街27-29號嘉安大廈地下1號舖（港鐵太子站 A 出口, 步行約5分鐘）價錢💰: 日落巴黎（香蕉朱古力窩夫 配 朱古力雪糕)($98），薑燒黑糖拿鐵☕️（$58)，玫瑰牛奶咖啡（$42）

我同朋友都係第一次黎食，位置距離太子站唔太遠，位置比較隱蔽第一次黎食，見到芝士薯條同雙重朱古力沙冰睇落好靚諗住叫，點知服務員話最近裝修完餐牌都轉埋，唯有叫住其他野食啦1.薯角黎到仲熱辣辣，配黑松露醬、芝士、茄汁，兩個食都幾飽肚😂😂2.菠蘿腸仔pizza 雖然要等15分鐘，新鮮熱辣脆卜卜，但係都值💕，份量好多😂😂😂😂，飽到痴左線3.凍玫瑰朱古力玫瑰味都幾特別，但愈飲愈甜4.熱抹茶朱古力朋友呢杯叫左熱飲，但佢都話愈飲愈甜🤔今次唔記得影低張單，Total價錢大概食左三百幾蚊 價錢💸6/10

同朋友一聚 見佢都幾多好評 最後就決定係佢了我叫左一個lunch set 包含 湯，意粉同飲品點餐侍應既態度都十分好湯屬於較淡的但味道是不錯的為美味既意粉做左個好準備重頭戲意粉終於到了我十分滿意而且佢既份量一個女仔係食得飽既如果稍為大食嘅朋友仔 可以選擇去加點一啲小食三文魚芝士白汁同埋蘑菇嘅味道 融合埋一齊簡直係天堂而且佢啲意粉煮得啱啱好 一啲唔都唔會太晏一啲都唔會太軟水果茶佢唔會太甜 而且有真嘅水果哈哈 飲完水果茶 仲有水果食係唔錯既感覺而且佢嘅茶味唔會好假 係真係可以享受嘅一杯飲品整體感覺不錯 朋友嘅明太子大蝦意粉 竟然有好幾隻大蝦非常足料啊救命食完之後感覺可以再約朋友過嚟食嘢啲嘢性價比都唔錯 服務亦都好好

本來同男友係衝住佢地既水牛雞翼而黎，男友話食過覺得幾好食，點知店員話轉左老闆，所以餐牌好多野都唔同左，結果就試下食一啲之前冇食過既野～煙三文魚凱撒沙律菜夠凍，夠爽脆，醬汁適中平均，煙三文魚份量適中。。雞肉都大塊，不過略嫌有D乾同鞋口，青醬比例足夠，意粉夠彈牙，補返少少不足，但本人覺得咸味可以加返重少少，增加野味。。依個荷蘭醬豬排真係正正子豬排厚切，而且疊左2層，唔會有豬仔臭酥味，肉質稔軟，一咬即刻斷開，而且肉汁滿滿，加上荷蘭醬，少少酸但又creamy，唔會有重重既油膩感，同豬排夾埋一齊食冇得輸至於花生風暴就係花生咖啡沙冰，唔算太甜，而且有花生碎，鑑於本人係重口味怪，我覺得花生味唔算太出，本人係覺得可以多加花生醬落去令味道同口感更濃郁整體覺得成個用餐過程都幾舒服，店員都好有禮貌同用心解答我地既問題，環境亦唔算太嘈，所以讚讚

The food is fabulous as usual, but I got something surprise today, pizza and service from Griselda. Her heartfelt service and warm smiling is kind of adding value. When I ordered a drink, she initiated checking with me, “less sweet” if i want. It is really sweet checking...

前排在WFH週時，其中一日出咗去食個快午餐，行到嚟呢度發現此店又開番喎！💛 裡面的新裝修比以前現代咗，光線柔和咗，好有格調喔！午餐餐牌上有好多選擇，真係要花啲時間想想食那一款好😁三文魚籽和風蜆肉意大利粉 (HK$78)都幾多份量，多蜆肉、一大堆三文魚籽😻、仲有好多菇菌，意粉嘅軟硬度煮得剛剛好，係我喜歡的硬度。西蘭花湯 (跟午餐送)足料，creamy，西蘭花碎粒有口感，好飲😋冰果茶 (跟午餐送)果香茶味濃郁嘅水果茶，大杯的，仲有兩片蘋果和橙食𠻹👍🏻

是日落深水埗，叫做順路咁過嚟食個 lunch睇佢嘅 FB，呢度剛剛翻新咗，雖然有點匆忙，冇仔細欣賞裝修，但坐低唔多唔少都感受到嗰種「去旅行」嘅感覺點餐後先送上餐湯及飲品，我初初以為係忌廉湯，但一入口就感覺到薯仔蓉，其實應該係薯仔湯鮮忌廉菠菜長通粉 ($68)第一眼望落個份量好似有啲少，事實上係隻碟比較深，我食完都有飽肚嘅感覺每條長通粉都沾滿晒菠菜嘅味道，我又幾鍾意菠菜嗰種炒到淋嘅口感，輕鬆地食晒成碟黑椒照燒汁煎牛柳粒 ($78)另外叫咗個餸兩個人 share，啲牛肉完全唔「鞋」，汁又唔會太多，食落唔會膩，隻碟大約 6-8 吋，兩個人啱啱好私底下我都咬咗兩啖豬扒，冇我最驚嘅「鞋到咬唔開」，好似雞扒咁易咬（所以我食飯鍾意叫雞扒多過豬扒），令我喜出望外不得不提嘅係，呢度嘅職員都好有禮貌，同埋會提示每一個細節位，某程度上個價錢係食埋環境同服務，值得一試

今日點都要去太子....行下買嘢🤩，當然食嘢也是必須的，一直都想試過間基督教的，今日重要日子終於黎到啦抗疫做得好足的Cafe(探熱、有食物才除口罩、會問客人要否需要袋口罩），我覺得滿意環境舒適，輕鬆音樂及乾淨簡約設計，令客人可以好享受用餐的時光下午茶餐主力有甜品、麵包、窩夫、小食等等我當然選擇咸點啦1. 厚切雞扒意大利麵包意大利麵包好脆卜卜，有好多饀料，溶了的芝士、牛油、生菜、番茄、紫椰菜，厚身多汁雞扒，好豐富又滿足2. 熱洋甘菊茶熱洋甘菊茶熱熱暖胃，清新又靜心的熱茶

未裝修前都會常光顧，價格與食物、環境與氣氛也是物付其值。但裝修後，餐牌都轉了！同以前一樣選擇不多，但就連一些從前可供選擇的飲品(蜜桃紅茶)都沒有了，也要加一定的價錢才可升級。担白講，已經唔值現在提升了的價錢，就連留住顧客的一些飲品選擇都少了的話，我無什麼理由再光顧了！下午茶都轉了大多是快煮食物，少了特色，噢！希望牧羊少年還記得初心吧...

餐廳裝修好靚 好有氣氛用嘅餐具同杯碟 都好靚要影相係一流嘅選擇☺️☺️☺️而且員工嘅服務態度好好好有禮貌 👍🏻👍🏻👍🏻特別推介明太子意粉不單止賣相好靚 食落仲好好味😋另外水果茶都值得推介入面真係有生果 頌要好甜好新鮮 🍎🍊可以揀少冰或者走冰特別想讚揚 佢哋好環保冇用膠飲筒 係用可分解物料做嘅飲筒 😎另外 係衛生方面會要求客人 食物上枱後 先除口罩d枱分得好開 食隔枱坐防疫措施做得好足 👍🏻👍🏻👍🏻

宜家放假都想盡量去啲冇咁迫既地方，於是就會自然諗到去cafe。牧羊少年記得好耐之前食過一次，之後就冇食過。聽朋友講太子分店好似裝修左，成個感覺都唔同哂，於是就決定去試一試💛💛一去到就見到門口好多人等緊位，又因為疫情關係，餐廳坐少左人，以為要等好耐，但因為太想食，所以就等下，點知等左二十分鐘左右就有位，比想像中快。我地叫左個all day breakfast, 每樣都幾好味，個蘑菇係好似乾炸咁，但入面好juicy，個一兜椰汁類似奇亞籽咁既都幾特別，加上有啲果肉，可以當甜品咁食。明太子意粉都幾好食，夠入味，加上啲三文魚子，係非常之夾，如果佢用天使麵底就更加好喇👍🏻叫左杯blueberry yogurt,好飲，味道天然，夠足料！

當晚朋友有心事，所以相約喺牧羊少年度等咁入到去係比其他餐廳燈暗，真係非常適合傾偈咁我就點左士多啤梨既，味道不錯大家就隨意點左餐，味道都不錯，但份量略嫌少所以再嗌左一個小食拼盤同蛋糕，加埋份量就好足夠。小食拼盤絕對係新鮮炸出嚟，因為每一個小食都超熱同好香脆總括嚟講，食物唔錯，但最出色嘅都係佢環境，俾人感覺好舒服，可以俾人係個度傾心事暢所欲言。美中不足嘅係，當日上餐時間略嫌耐，其餘都唔錯，會吸引我再次同朋友去。

裝修左幾個月終於開返啦，咁岩當日係太子站落車就順便去食個lunch然後去湊仔啦～裝修後d位係少左，但位置排列整齊左，之前太過隨意，d檯好似大排檔咁冇啦啦會搭張檯，依家裝修後情況大大改善。不過文青feel好似冇左，變得西餐廳左。睇返menu先，個menu都轉左新，另外因為係lunch，所以選擇唔算多，得5~6款意粉揀，咁我就揀左黑椒香蒜鴨胸意大利粉($88)，會包基本野飲，因為我飲熱latte，所以另加$12唔係好多醬汁，會乾左少少。但鴨胸唔鞋，中規中矩～熱Latte（另加$12），依度d咖啡類我不嬲都幾欣賞，好配合依度嘅風格。老公叫嘅三文魚籽車打芝士汁鮮蝦意大利粉($98)佢另叫凍檸水唔駛加錢佢個意粉反而我幾like，因為有濃濃嘅芝士汁，蝦又煮得好彈牙，三文魚籽都唔少，撈住d意粉食好夾，我鐘意。加埋一要$218，有個waitress都幾nice，之後都陸續有人入黎食。

有幾年無去牧羊少年，今日經過，店面完全唔同晒，入去裏面都裝修過晒，走起高檔路線來尤記得當年牧羊少年以旅遊為主題，有時會請啲嘉賓去講下旅遊心得，由一間好細，無咩裝修既小鋪，變到而家有五間分店了，店舖亦面目全非，只係象徵式咁有個書架，放咗幾本旅遊指南⋯⋯咖啡店黎講，呢度都坐得幾舒服既，至於食物，我要咗個All Day Brunch、芝士西蘭花、熱薑檸茶食物都ok，唔會煎到啲腸仔、煙肉好油膩，味道偏清淡，不過不失；杯熱薑檸茶係茶包黎嘅，無咩味道總結：一間坐得舒服既咖啡店☕️