影片
港鐵荃灣西站 A1 出口, 港鐵荃灣西站 D 出口
繼續閱讀
開飯介紹
提供日本涮涮鍋套餐，並以優質日本產黑毛和牛為主題，當中精選多款稀有部位，配以餐廳推薦享用步驟，讓你品嚐新的涮涮鍋體驗。
繼續閱讀
營業時間
星期一至日
全日休息
公眾假期
全日休息
公眾假期前夕
全日休息
以上資料只供參考, 請與餐廳確認詳情
食家推介
牛陣對我來說就只是連鎖日式火鍋店，這次純粹係無心插柳，試吓期間冬日限定的壽喜燒放題 - $359 任食日本黑和牛，日本產豚肉和多款海鮮！啤酒汽水都係任飲架！豚肉和牛肉的水準極高！超出我預期！剛剛吃完而家仲再三回味😆▪️壽喜燒汁燒肉先說燒肉吧，熱鍋上附上一舊牛脂俾你開爐，防止痴底，牛脂加熱後嘅香味四溢，再炒香洋蔥同京蔥！黑毛和牛一睇就知係靚料！啲油花分佈同埋色澤靚到！放進熱鍋幾秒已經熟，快速反向另一邊，再加入濃厚壽喜燒汁，燒汁受熱又即時散發出旭日香氣！好肚餓呀再沾上蛋味夠堅的日本蛋，真係好好好食！兩個女仔食咗四碟！食完第一啖已經決定主攻的黑毛和牛！日本豚肉比起和牛油脂較少，吃起來較為清爽。正規應該要加沾醬，但我對壽喜燒汁冇抵抗，就一併的用壽喜燒汁吧！牛舌亦是另一個推介，大片薄切，好快熟，雖然薄，但吃起來也有彈性▪️壽喜燒吃燒肉吃到忘我，差點忘記這才是主角！吃夠燒肉，就倒入日式清湯，在加壽喜燒調味！鐵鍋內的油脂為湯汁更添風味！近乎無敵的黑毛和牛往湯輕輕一灼，半生半熟，吸汁一流，不用再額外沾醬，享受牛脂溶化嘅滋味！海鮮盤-差點忘記海鮮也是任點任吃，扇貝和海螺我亦很推介！野菜盤內應有盡有，我最推薦皇帝菜同豆苗，其獨特口感（重口味）同湯汁的甜味有平衡之感。熟食- 吃肉吃到悶悶地，熟食區有薯條，關東煮和鯛魚燒！亦是不能錯過呢飲品區- 除了一般汽水，仲有Asahi 同埋apple cider 大吃兩小時飲飽食醉, 有一餐抵三餐之感。真的到了隔天也不覺餓！ 冬日限定至3月尾，我應該會再結束前再嚐一遍吧
繼續閱讀
✨大滿足的壽喜燒✨.天氣凍凍，突然想食壽喜燒～雖然依家冇晚市但Lunch time都一樣有正野食，我哋就去咗荃新天地嘅牛陣分店，食佢哋嘅 #日本產黑毛和牛及沖繩豚放題套餐 ，整體都好正，性價比都幾高添(✽´ཫ`✽).一睇啲黑毛和牛嘅雪花紋理就知正😻先將牛脂起鑊後就放上和牛片，再淋上壽喜燒汁最後點埋蛋液一齊食，真係好好食！我哋食量其實唔大，但都足足食咗三碟牛加碗飯先開始打邊爐，證明到有幾正啦🙈.打邊爐方面紅肉類都好多選擇，包括澳洲產 特上長期殼飼牛、澳洲產 長期穀飼牛、沖繩豚肉、牛舌….etc，款款都好吸引❤️除咗紅肉類，仲有海鮮任fill添哋，包括有帶子、青口、蝦、墨魚、魷魚等等，大部分都唔錯幾鮮甜！.打邊爐仲點少得蔬菜，唔知大家有冇試過去打邊爐時，啲菜望落個樣都麻麻地，但牛陣嘅蔬菜全部都好新鮮，食得好放心( ｰ̀֊ｰ́ )੭食到最後當然要食甜品，仲有 Haagen-dazs 嘅雪糕揀🍦估唔到有我最愛嘅焦糖脆脆味，呢餐食得好開心🥰.💰成人$359 小童$169*限時90分鐘.🔻 牛陣 (荃新天地) (荃灣)荃灣楊屋道1號荃新天地地下 G52,G56& G58號舖
繼續閱讀
今晚同班朋友去咗牛陣食邊爐放題，最後盛惠四百蚊左右一個人。個價錢就普通通啦冇話特別抵食嘅，同其他店舖差唔多價錢。豉油芝麻嗰啲配料都好足，好多唔同嘅種類，任意調配。咁我哋就嗌咗豬骨鍋同壽喜燒鍋。我個人就比較鍾意食豬骨鍋，豬骨豬肉味香濃，再用嚟烚啲牛肉，啖啖都係肉味，十分之好食。壽喜燒鍋就帶有甜味， 偏向食甜嘅朋友可以嗌呢個鍋。我哋不斷咁叫唔同款式嘅牛肉，一碟嚟完再一碟，食到唔停口。啲牛肉肉質唔錯，雪花均勻，塊塊都砌得好完整好靚。其他火鍋配料就冇咩特別，都係啲菜呀姑類呀丸呀。上菜速度算快，唔會拖你時間。
繼續閱讀
假期嘅時候，我都幾鍾意黎呢個商場行街街，鍾意呢度食肆夠多，shopping完，覓食都方便啲。之前聽朋友講呢度嘅牛陣分店新裝修，有小朋友好啱嘅kids corner，仲只此一家分店限定，今次帶住小朋友梗係要過嚟朝聖下。Kids corner係一個60cm高嘅小朋友自助吧！呢個高度啱啱好，可以俾小朋友⾃主地挑選⾃⼰鍾意嘅食物，唔洗媽媽我將佢哋抱黎抱去，真係舒服好多！食物方面有朱古力噴泉、棉花糖機、迷利焗爐、Shake Shake薯條、小朋友雪糕櫃和多款彩色雪糕配料，仲備有小朋友餐具套裝 添，旁邊擺放左一部全自動感應三合一洗手機，唔使擔心小朋友攞完嘢食，會整到隻手癡立立，夠晒安全衛生！兩姊妹見到，已經心花怒放😄而且呢間分店桌與桌之間距離加闊，更方便長者或小朋友出入，我囉爸爸就食得更輕鬆。自助區食物擺得整齊乾淨，目測都有二三十款火鍋配料，另外有炸雞炸薯條、甘薯、咖喱、飯，火鍋醬汁吧，加設多款火鍋醬料及調味粉選擇，可以自由配搭👍🏻小朋友有得夾，有得自己配搭適合自己鍾意嘅食物，胃口都好啲🥰臨走嘅時候，每個小朋友仲會送一個代幣去門口扭波波添，兩個勁開心，問我考完試可唔可以再嚟😄
繼續閱讀
牛陣🍁🍲｜荃灣 牛陣秋祭 夢之大地豚套餐 ｜🥶尼排天氣開始轉涼，最適合就系去打邊爐，熱辣辣，慢慢食，就真系好正。尼排牛陣搞緊個秋祭既活動，提供好多唔同秋天特色既食物。今次我地就平平地揀左個澳洲 長期穀飼牛同北海道夢之大地豚套餐。🙈雖然牛陣既食物種類唔多，但系每樣既質素都好高。🥰除左有牛同豬，其實仲有牛舌，但因為我地就唔系好食牛舌，所以就無叫啦，但有牛舌任食都好正。🤣仲有一d丸類，好多菜類菇類。隔離仲有任食既hagendaz既雪糕。仲有少少熱食同秋祭系列既食物。🎃🍁今次秋祭就有秋之雜菌杯，炸番薯條，多色番薯片，秋之五目炊飯，秋野菜味增湯。味道都好好，特別係個炊飯，味道特別豐富，亦好有營養價值～🥰牛肉都幾高質，仲有即切牛肉，仲要好薄切，我地最鍾意就係擺落去壽喜燒湯底，佢吸收曬壽喜燒既味道，真係好正，雖然無叫一隻日本生蛋，但已經好好味。😋豬肉都好鮮甜，大家都可以試下～另外仲有得任食海鮮，有大大粒螺，魷魚，八爪魚，蟹柳同埋魚漿，超級彈牙～😋我地鍾意將蔬菜同丸類 放入美肌湯，可以令到蔬菜更加鮮味😋😋😋不過豚肉放落美肌湯都好夾！仲有得飲apple cider 同啤酒，超正同滿足～
繼續閱讀