影片
港鐵屯門站 C1 出口, 步行約14分鐘
繼續閱讀
電話號碼
35683410
營業時間
今日營業
11:00 - 21:00
星期一至日
11:00 - 21:00
以上資料只供參考, 請與餐廳確認詳情
幾年前食過屯門呢間牛蓋飯印象好好上星期特意再去食一次但係睇店面裝修似乎已經轉手變咗有泰式風味嘅牛蓋飯～ ‘午市套餐幾抵食約$60-80足料牛蓋飯連嘢飲叫咗杯凍檸茶 但係一飲就發現茶底完全係泰式奶茶嘅茶底 如果想飲港式凍檸茶絕對會失望 始終夾檸檬係有少少奇怪😂😂不過好彩我本身都喜歡泰茶 所以都可以接受附送沙律配菜 幾開胃‘牛蓋飯好足料 有10幾塊牛牛肉本身唔特別香，但醬料同埋辣粉都好好食不過整體味道偏鹹 未必會再訪了
繼續閱讀
叫咗個午餐set嘅咖喱肥牛飯，咖哩汁超少又無香味、隨便用廉價嘅咖哩磚煮都好食過佢啲咖哩。啲飯糊埋一舊勁lum，啲肥牛水清清咁。連杯檸檬茶都難飲過人，衰過普通茶餐廳。
繼續閱讀
話說晏就時間去左屯門比野朋友，比完野之後一個人就睇下有咩小店可以食，行去巴士站途中就見到呢一間牛蓋，佢鋪仔細細大約有20個座位，佢菜式係好多日式既飯揀，仲有啲泰國野，相信老闆係泰國人因為係收銀嗰度有唔少既泰國元素。我就叫左個牛肩胛蓋飯（$76），店家係menu上寫係慢煮既牛扒黎，但其實我係完全食唔出有d肉有慢煮出黎既感覺，但塊牛扒肉既質素係有既，只係烹調上既問題。係飯上面有少許既飯素都增添左一d日式元素同層次，係拎餐埋黎既時候店員極力推薦左一款醬料係佢哋自家製既蝦米辣椒醬，呢個醬真係極大程度比呢個飯拉回分數，呢個醬係好似飯素同醬之間既感覺，脆口得黎有小小油，我自己就唔食得辣既，但佢好香口撈飯好好食，我加左小小食完好過癮咁，食完又加，成餐飯就辣到一路R住頭一路食。整體我覺得食得辣既人真係要試下呢個醬，因為真係做得好出式，至於野食就一般水準冇乜出色位。
繼續閱讀
搬左成年都未試過li間野，記得以前都多人幫襯。就入去試下原來同間泰國野合併左「陸她娜」，船河豬手都有得食我叫左個青咖喱雞飯，個姐姐係咁提我話辣架辣架，我懷疑係咪會好辣我食唔到（譚仔三小辣level),算啦把左一輪照叫黎試吓，等左10分鐘（其實都算耐，咖喱唔係一早煮好晚野黎咩？！）一食就覺得自己中伏，真係等辣咪，咖喱咪無，咸咪無乜，成個汁都無咖喱，香料咪，個飯又好淋，再加埋d得辣既汁我都唔知自己食左乜Bf叫左牛肉蓋飯，應該隱陣啦，煮住慢煮牛但好鞋都有筋，不過贏有夠多牛同個燒汁，好過我個碗多多聲
繼續閱讀
想食到親民價錢嘅慢煮牛扒，位於屯門華都商場嘅呢間牛蓋就幫到你啦！呢間小店都有好多年歷史嚕，記得幾年前食過一次，今次再次造訪，回味一下當年嘅味道～慢煮牛扒烏冬💰HK$86慢煮牛扒份量多，簡單用咗黑椒七味粉同埋燒汁去調味，略嫌牛味唔夠重，肉質夠淋易入口！烏冬係另上，奶白色附有海帶嘅清甜湯底配埋爽口彈牙嘅稻庭烏冬，好味～慢煮牛扒蓋飯(牛肩胛 150g)💰HK$76慢煮牛扒充滿粉紅色，色澤好，雖然都係唔重牛味，但係以呢個價錢嚟講已經算係高質了！而珍珠米份量都幾多，牛扒上面啲燒汁甜甜地，用來撈飯一流～
繼續閱讀