牛壹台食

營業中

休息中

食過幾次，推介牛腱心夠軟糯，份量多又大舊，$78套餐值回票價；其他都食物OK嘅，試過醉雞麵，夠酒香，湯底偏淡叫勉強夠味；麵試過刀削麵同幼麵，都係較稔身；飲品就較為遜色了，比平時台飲店嘅稀好多，試過叫香芋珍珠奶茶，香精奶精溝出來的，不過都有個好處，叫冬瓜茶少甜係真係可以做到少甜（哇最少80字點寫，寫得多就叫做好？)（想用整體評分功能竟然仲要寫夠200字，咩事呀Open Rice ？唔怪之得而家睇啲食評都係好似一堆形容詞堆砌出來咁，有時講太多會失去重點）

勁難食，連珍珠奶茶都難飲唔係咁易做到。先講牛肉麵，個湯底好淡，個麵質唔係Q彈個種刀削麵，係好淋無口感可言。另外嗌了滷肉拌麵，都係超難食啲汁普通，麵極難食。成碗麵最好食係條菜，滷蛋都係難食的。麻辣雞腎 - 汁ok 但有啲腥。。。海苔鹽酥雞 - ok 唯一可入口的，但都唔係出色皇牌珍珠奶茶 - 成杯水溝奶咁，咁都好意思賣，伏到喊。請睇圖，超淺色公道講句，食物難食但staff係幾好的，不過無下次，又唔係平。仲要人均消費$40，逼你嗌麵

本人十分喜歡食牛肉麵，大大話話港九新界都食過，終於俾我揾到間好味又抵食嘅鋪頭。呢間鋪頭‘"牛壹台食’’😊😊位置在修頓斜對面滙豐銀行往金鐘方向就見到🤗🤗。店內以木為主體，牆上畫滿彩燈，給人一種地道台灣風格，用QR code點菜，界面清晰分明，可以揀粗麵幼麵走青，少甜少冰都由自己揀，落單5分鐘就有得食，非常方便快捷。😙我同事點左招牌紅燒牛腱心牛肉麵，湯底濃濃牛骨味，大大件牛腱心肉，牛肉好冧好嫩滑，食得出廚師精心制作🤩🤩仲有4件，食完非常飽肚，加埋冬菜更加惹味。😋😋我就叫左麻辣鴨血冬粉，一樣出色👍👍麻辣味夠香夠辣，鴨血好滑冇戥味，豆腐干非常綿密吸哂湯汁，冇得頂，冬粉質地有點似粉絲。套餐包埋飲品小食都係$78，非常抵食🥰🥰

Lunch time 限時45 分鐘都算照入，我地四個人平時係到叫3個lunch set 一齊share 無問題的，今日黎到就要最低消費$40 （呢個一向都知道) 加一人最少叫一個lunch set 咁都入到黎，咁我地唯有照叫啦諗住要個外賣盒包其中一個lunch set 返去食時，個同事態度勁度，話五知我要咩size 的盒，喝返我地轉頭.明白生意難做，但態度可唔 可以友善d ? Lunch time 又多限制，又咁態度一定唔會再幫襯

今日咁啱係灣仔附近早左做晒d野就收工！走到軒尼詩道一帶見到呢間台灣餐廳,突然之間湧起對台灣牛肉麵既渴望,就入去回公憶一下台灣又順便enjoy自己一人dinner.招牌紅燒牛腱心牛肉麵牛肉麵配上一細碟涼拌雲耳小食！雲耳帶住一陣醋香及蒜茸香味,相當開胃.牛肉麵上既牛腱心份量極豐富！肉質香軟嫩腍,咬入口充滿牛香,每一啖都充滿實在感.牛肉湯底濃厚呈深焦糖色,飲落牛肉麵湯帶牛香之餘亦帶一陣蔬菜甜味.牛肉麵以關廟麵做麵底,麵條滑溜,煮得唔會過腍既同時亦帶點嚼口感,吸入牛肉湯既精華.洛神花蜜洛神花蜜香甜帶住洛神花獨有既花香及酸香,入口清香又滋潤.

落到黎灣仔比較小係依邊搵野食～見一少少過左食飯時間睇下有咩好吃😋見到間台灣野好似唔錯唔搵資料一於入去碰吓運氣睇下好冇食先😌招牌紅燒牛腱心牛肉麵(跟刀削麵)湯底夠清甜唔算好油膩·但睇落碗湯都算多油😂以麵質方面唔係小編平時常見既好煙煙韌韌既刀削麵·煮得偏淋😵‍💫無哂咬口咁🥲🥲不過配合酸菜配料一齊食味道係加分👍牛腱心部分油脂分布平均·不論口感～肉質～大細～味道的確係唔錯幾好食👍食落啖啖肉仲要無咩痴牙🤣🤣掂手作冬瓜茶飲落唔算好甜·淡淡冬瓜茶香·觀眾如果鐘意或諗住係一般較甜既冬瓜茶小編唔見議叫😊藥膳醉香單骨雞翼(跟餐$28)幾大隻·都用上4-5隻雞翼開2做單骨·藥膳味道唔濃(小編幾鐘意淡味d)食落仲要無咩雪味👍—————————————————☻非專業食評·純個人口味☻

牛壹台食 (灣仔)灣仔軒尼詩道61號四寶大廈地下分店地址：九龍灣宏照道6號鴻力工業中心B座地下B4A舖台式滷肉拌飯 $58滷肉份量好多，肉質嫩滑，油脂豐富偏半肥瘦，唔會過份入口即化，入口會滑嫩帶啲啲黏，要稍微咀嚼一下，會愈食愈散發出勁濃郁既豬油香，味道亦岩岩好，唔會太甜太鹹，配搭白飯食超級好送飯海苔鹽酥雞 +$34鹽酥雞炸得外皮酥脆，但完全唔會有一絲油感，海苔更加係畫龍點睛咁帶出雞肉時鮮香，鹽酥雞內裡肉質鮮嫩，仲保持到雞肉既肉汁，完全唔會柴身，份量都好多下，好抵食皇牌珍珠鮮奶茶 +8奶茶茶底夠鮮香，唔會太甜，珍珠煙韌軟糯，飲落完全無罪惡，唔會有好甜好肥既感覺川味香辣牛腱心牛肉麵 $78湯底夠辛香，仲會帶有牛肉既肉香，辣得好惹味，麵底簡左幼麵，麵質比較柔軟，掛湯力十足，牛腱心半筋半肉，筋位入口即化，膠質滿滿，肉位軟嫩入味，味道非常香濃，仲有啲酸菜配搭黎食，酸辣酸辣咁，非常惹味台灣香腸 +$24香腸鹹香味十足，口感好紮實，一食入口食到好多肉汁，慢慢咀嚼油香更濃郁，配埋蒜頭片一齊食，解膩又更帶出香腸既肉香，好好食百香果綠茶加珍珠 +2百香果果香十足，珍珠煙韌軟糯，綠茶茶底都好清香，成個味道都

一碗熱辣辣的牛肉麵, 勾起我第一次去台灣回憶,時光飛逝,原來已經數十年前的事......-踏入餐廳,牆上貼著九份著名的紅色燈籠畫配上胡桃色木檯及古代長椅子,令我置身當地的感覺😉-全日套餐~包一款主食、飲品,價錢視乎點那一款主食而定。HK$78特濃鮮茄牛腱心牛肉麵~每一塊的牛腱心非常大塊又厚。用筷子夾起牛腱心,在燈光下絕不透光。咬下去是膠原蛋白多多的筋位,因長時間慢慢燉煮至軟爛,口感不會過硬。幼麵條沾上特濃鮮茄湯底又不會有糊口的感覺👍還配上大量酸菜、酸甜蕃茄及小棠菜,真係份量十足。-+HK$8香芋珍珠鮮奶~套餐配的餐飲唔啱飲,唔緊要。只需補回差價就飲到我想飲的香芋珍珠鮮奶😆呷第一口,我以為自己吃芋頭雪糕,粒粒飽滿的珍珠絕不會過甜-HK$32藥膳醉香單骨雞翼~侍應上菜的時候,一絲絲的酒香撲鼻,還有少少杞子香。單骨雞翼,容易食用,可見廚師相當細心😌-他們近來在九龍灣開新店,大家不用過海也吃到大件又厚的牛腱心牛肉麵😁-吃完這頓晚飯, 想起一班與我一起去九份的舊同事們。不知道她們近况如何呢？

喺平日下晝嘅三點 行過灣仔有少少肚餓 見到呢間台式餐廳有下午茶餐 見到價錢都幾抵食 就同友人入咗去食個下午茶☕️下午茶餐提供咗好多主食揀 可以按照自己嘅胃口揀一至三款主食 另外會再免費配飲品🥰 如果免費飲品唔啱飲 都可以加錢飲其他台灣特色飲品輕盈古早味滷肉飯滷肉肉粒都幾大粒 除咗瘦肉仲有少少肥膏🐷 雖然唔係咁健康 但係滷肉飯就係要有少少肥膏先好食 滷肉汁唔止面頭嘅飯有 食到最後都仲有滷肉味🤭輕盈必食滷牛飯通常餐廳都係用豬肉做滷肉飯 好少用牛肉做嘅😮 果然用牛肉做嘅滷肉飯牛肉味道好重 食得出真材實料 我就比較鍾意食牛 所以鍾意滷牛飯多過滷肉飯🐮海苔鹽酥雞（標準）鹽酥雞好脆口 上碟時好熱辣辣 大細啱啱好一啖一粒 咬落口仲有啲肉汁 如果海苔味再多啲就好啦😹 麻辣雞腎估唔到雞腎嘅份量咁多😻 麻辣味好香 會吸引你係咁食 但係又唔會辣得好辛苦 食到後期條脷會有少少麻痹👅 凍炭培烏龍茶烏龍茶味道一般 有少少淡 唔係太特別 由於本身冇落糖 所以都係比較健康既選擇🍵凍金鳳梨綠茶飲落有少少似鳳梨汁 茶底唔係太突出 但都幾特別🍍呢間台式餐廳食物質素唔錯 我會因為佢嘅滷牛飯再返嚟幫襯🤤

咁岩有一日係灣仔附近放工同男朋友仔諗緊食咩晚餐好，就見到有一間台灣菜而且門面望落都幾特別咁，同埋價錢相當經濟實惠，就決定即刻入去試試佢🙆🏻‍♀️-店舖內有個全日套餐，大概價錢就係$60-$80左右，就已經包一款主食再加飲品了，而且仲會有啲優惠價去追加小食！-🎈川味香辣牛腱心牛肉麵 $78男朋友仔order的🥰🥰佢既描述係雖然好辣但真係好好食，忍唔住有一種好想繼續食既感覺🤣超惹味的❤️而且配料亦非常豐富，牛腱心同牛肉既份量都好多～ -🎈黑蒜紅燒金沙骨飯 $68呢款相比之下真係唔多辣(雖然望落都好似辣辣地咁但真係得超少辣🤏🏻)，煮得好軟諗及帶有少許黑蒜香味～送飯食黎講幾好的！-🎈特色煎蛋餃 $28 (優惠追加)煎蛋餃自己比較少食，就係用蛋包住啲肉餡咁～加埋左醬汁同蔥成件事好夾😚-🎈海苔鹽酥雞 $34 (優惠追加) 炸得香脆得黎完全唔厚粉，但略嫌海苔味唔夠濃😝-🎈百香果紅茶 +$2 是正常發揮的百香果紅茶哈🤭-🎈皇牌珍珠鮮奶茶 +$8本身自己好鍾意飲鮮奶茶，而呢度值得一讚既地方係甜度調校得真係剛剛好😌-老實講呢個價錢真係覺得好okay😎比想像中有驚喜的～ 然後發現個度有杯好特別的飲料，就係黑糖珍

‹v^v^v^• 開心食 •^v^v^v›qwq不經不覺已差唔多3年無去旅行了真係好想去台灣夜市暴飲暴食呀!!!!唯有食台灣菜頂下癮啦😤推薦程度：4/5午市套餐優惠➰🍜 「招牌紅燒牛腱心牛肉麵 」$78份量多！十分豐富關廟麵，相對其他麵而言較彈牙😝湯汁清淡同時亦充斥住牛肉嘅鮮甜每啖麵都要有湯一齊送入口💕➰🍹 「鮮橙綠茶 」+$6夏日熱辣辣一飲落口十分清涼解暑唔會死甜，超級推薦!!!!!推薦程度：3.5/5午市套餐優惠➰🍛 「古早味滷肉飯」 $58滷肉肥瘦份量相宜先將滷肉同飯粒均勻攪拌，令每粒飯都有滷肉汁🥰台灣嘅回憶即刻翻晒嚟➰🥤「手作冬瓜茶 」$0跟餐附送正常發揮!!➰🍗 「藥膳醉香單骨雞翼」 +$28雖然酒味已經唔算太濃，但無飲開酒嘅Hapi都係接受唔到qwq總計 $170整體而言：鄰近地鐵站，方便到達餐點會附送一客涼拌雲耳🤪店員態度熱情有禮，會主動推介食物店鋪裝修特別🤪價錢相宜，值得一試～🔘推薦程度🔘🌟🌟🌟⭐️牛壹台食是次地址：📍 灣仔軒尼詩道61號四寶大廈地鋪☎️ 2637 6488其他分店：📍 九龍灣宏照道6號鴻力工業中心B座地下B4A號舖☎️ 2983 6388❗️只做外賣

疫情下，還不可以外地旅行，品嚐美食。路經台灣牛肉麵專門店，霎時衝動便入去食。一. 招牌燒牛腱心牛肉麵，配有雲耳，餐飲洛神花蜜。牛肉炆得好淋，好大件，醃制得好入味，關廟麵都幾彈牙，食完都唔覺得口渴，肯定冇味精。洛神花蜜酸酸甜甜，都幾好飲，不是超甜。雲耳好爽口。二. 台式滷肉拌飯，配菜有雲耳，餐飲蘋果桂花茶。滷肉多肉、小肥肉，醬汁好濃味可口，配埋個白飯簡直是絕配、還有滷蛋、酸菜、黃色嘅蘿蔔、好開胃好醒神。蘋果桂花茶，有蘋果粒和桂花，好清香。三. 食台灣嘢當然要食鹽酥雞啦，柯打咗一碗，外脆內暖，肉質Juicy，鹽燒味恰到好處，正。門面圖形外框及環境裝修好充滿台灣色彩，雖然鋪頭細細，環境幽靜。CP值 ：菜色味道5/5價錢5/5環境4/5服務態度誠懇 5/5係一個唔錯嘅台灣食店。我們在灣仔軒尼詩道61號食，原來九龍灣都有分店。

今餐想食得經濟少少，去左灣仔軒尼詩道既牛壹台食。呢度係食台灣菜，主打牛肉麵，亦有滷肉飯，其他台式小食，同台式飲品。之前既午市套餐變咗全日套餐，而價錢並無加。包主食10揀一，有湯麵，麵線，拌麵，飯，冬粉，同飲品7揀一，可以加錢追加小食，小食有9款揀。套餐價錢由$58至$78不等。今晚每人叫左一個餐，再加各一款小食分享。川味香辣牛腱心牛肉麵（刀削麵）＄78 另加一川味香辣牛腱心牛肉麵有兩塊厚厚嘅牛腱心牛肉，有筋所以食落覺得有骨膠原，都炆得好稔。牛肉3舊就較瘦。個湯叫左少辣，但係真係非常之辣，川味重。麵可揀關廟麵或者刀削麵，我地揀左刀削麵。刀削麵比平時既算係腍身啲。其他配料仲有一大條小棠菜，鹹菜同蔥花。滷牛肉麵線 $62 另加一滷牛肉麵線超稔，個湯好似碗仔翅質地，味道唔錯。滷牛肉粒超稔，味道都入味。上面灑上香茜同蔥花。好味到連湯都清埋。台灣香腸 跟餐加$24 另加一台灣香腸一客6件，個皮少少脆，食落甜甜地，伴有少量辣蒜片。甜不辣 跟餐加$30 另加一甜不辣份量原來好多，係一口size，食落煙煙韌韌，上面加左少少辣醬，味道少辣。跟餐有蒜蓉雲耳仔，酸酸地都唔錯。皇牌珍珠鮮奶茶 跟餐加$8 另加一

雖然係軒尼詩道吾太起眼既台灣野，不過味道同質素都有番咁上下🤡呢日因為太早去食晚飯，所以都冇咩人😂不過到番正常食飯時間，啲人就開始多啦🤣上網諗住睇下有咩野食係特別推介既時候，發現原來佢都係九龍灣開左新分店，下次如果想再食，可以吾洗專登去灣仔呢間都得啦🤤.👁‍🗨 特濃鮮茄牛健心牛肉麵 (7.5/10)💲78+3.見倒又牛肉麵又牛健又蕃茄，完全中哂我鍾意食既野，所以冇理由吾叫佢啦😂我另外加左3蚊轉左做關廟麵，先講個麵質，佢係幼身既，食落夠哂腍☺️蕃茄湯底既蕃茄味都非常濃郁，入面仲有四大片蕃茄可食🤡牛肉每一舊都係好大舊，好入味，不過個人覺得可以再整得腍身少少.👁‍🗨 黑蒜紅燒金沙骨飯 (7.5/10)💲68 .呢個黑蒜紅燒金沙骨飯可以用惹味去形容🤣亦都係比想像中出色😆黑蒜既醬汁帶點點好輕微既辣，咁樣既整法原來係可以咁夾，金沙骨又係每一舊都好大，肉質食落同牛肉麵既牛肉差不多，所以都係可以腍少少.👁‍🗨 台灣香腸 (7/10)💲24.次次食台灣野都必叫既台灣香腸😂兩個人食既份量岩岩好，每一舊都煎得好香好脆.👁‍🗨 甜不辣 (7/10)💲30.甜不辣好有咬口，煙煙韌韌🤤食落有啲啲似食緊韓式魚糕既感覺

今日一個人到灣仔辦事，期間到軒尼詩道穩嘢食，想食湯麵類岩岩好見到呢家餐廳。嗌佐麻辣鴨血配冬粉：湯底係牛肉湯濃郁的牛肉味，配上又麻又辣使口感更加層次豐富，香辣帶勁。鴨血起碼有六塊，爆滿多汁，Q彈可口。滷凍豆腐也不少，完美吸收滷汁同麻辣湯底，好味。用細冬粉吸滿辣汁的精華，相當滋味欲罷不能。酸菜甜甜酸酸好解辣。整碗麻麻辣辣相當過癮。跟餐嗌佐一份小食藥膳醉香單骨雞翼：雞翼已放涼更體現出濃郁酒味，有小小藥味，但雞翼係甜甜嘅，滋味豐富。呢碗湯汁飲晒係唔係會醉😝