牛壹台食

營業中

休息中

餐廳：牛壹台食地點：灣仔軒尼詩道菜式：台灣菜餐牌：牛肉麵，滷肉飯，台式小食，台式飲品。全日套餐包主食10揀一，有湯麵，麵線，拌麵，飯，冬粉，同飲品7揀一，可以加錢追加小食，小食有9款揀。套餐價錢由$58至$78不等。川味香辣牛腱心牛肉麵（鮮製幼麵）＄78 另加一川味香辣牛腱心牛肉麵有兩塊厚厚嘅牛腱心牛肉，啖啖肉帶少少筋，都有骨膠原感，炆得好稔，好味道。牛肉兩舊呈長條形，半肥瘦，都好稔。鮮製幼麵係白色幼身麵條，質感都唔錯，好滑溜。其他配料仲有一大條小棠菜，鹹菜同蔥花。叫左少辣，個湯表面少少辣，不過小棠菜吸左湯都幾辣。台式滷肉拌飯 $58 另加一台式滷肉拌飯大大碗。滷肉份量唔少，半肥瘦，好入味，味道唔錯。伴碟仲有半隻滷蛋，一條小棠菜，少少鹹酸菜同甜甜爽脆蘿蔔漬物。飯量都唔少。海苔鹽酥雞 加$34 另加一海苔鹽酥雞係大大碗滿，每粒都係一口size，抵食。鹽酥雞炸得外皮酥脆而入面嫩滑，仲帶微微海苔味，味道少鹹。藥膳醉香單骨雞翼 加$32 另加一藥膳醉香單骨雞翼凍冰冰上枱，有4隻雞翼一開二8隻單骨，酒香十足，藥膳味香濃，皮薄肉嫰，夏天食好正。香芋珍珠鮮奶 跟餐加$8 另加一香芋珍珠鮮奶用大大隻膠

📸 牛壹台食灣仔出名多台灣野食今次lunch time就約咗同事再訪因為性價比非常高 全日套餐都只係$58 up今次試咗2款主食🍴台式滷肉飯 $58滷肉飯份量足 男仔都絕對夠食而且滷肉唔會太肥膩 調味又唔會太咸太油*除咗滷豬肉 仲有滷牛肉揀 夠曬貼心🍴川味香辣牛腱心牛肉麵 $78可選關廟麵（幼）/刀削麵（粗）70幾蚊有成5-6舊牛肉真係好少可試過出面食得2片薄切湯底夠香夠辣 嗜辣既朋友仔唔好錯過加配食品： 👉🏻$28 煎蛋餃呢樣真係最有驚喜🥹🥹本身為食好打邊爐已經好中意食蛋餃估唔到煎完香脆既口感更惹味👉🏻$34 海苔鹽酥雞 次次黎食都要叫一份份量足足有一兜 兩個人些牙食都無問題飲品：🍹百香果紅茶果味香甜 茶底唔澀🍹皇牌珍珠奶茶珍珠香甜煙韌 奶茶濃而不澀同手搖店既珍奶差唔多📍灣仔軒尼詩道61號四寶大廈地下#wwh台灣菜#wwh食勻灣仔

#灣仔美食 #台式美食係附近做開野，要揾Lunch食🤣兜左一陣，見到門口個menu好鬼吸引，餵食蟲驅使我最後揀左呢間😋#川味香辣牛健心牛肉麵 78蚊，跟餐仲有一個小食，我揀咗 #台灣香腸，通常食開台灣野既辣味都唔會特別辣，但呢個面愈食愈辣，辣友會好鐘意😋牛肉大大舊，唔會柴，整得好焾，好重牛味🐄勁正！朋友揀左 #台式滷肉飯 58蚊，滷肉有肉碎有腩肉，仲係肥瘦均勻，個汁係自家製，送飯一流🐒小食嗌左蛋餃，幾特別🤣 #我少食飲品🧋黑糖珍珠奶茶蘋果桂花茶

lunch價錢唔包餐飲，但無水提供，焗住比多20蚊要杯野飲。黎到碗麵細份到連細蚊仔都食唔飽，最後埋單90蚊，食完都仲係肚餓，最估唔到收我呢個價錢連張紙巾都無，度縮到一個點。

晏晝一個人趕時間去附近拎嘢，經過就求其入去快食台灣嘢一般都好食，但呢間就真係比較普通，嗌咗清湯腩關廟麵同凍烏龍茶賣相一般，清湯本身唔算好清，但冇乜牛味，靠佢後加啲酸菜先好飲啲，麵嘅份量唔多，同埋冇乜咬口，牛腩就有四大舊，但唔係特別淋身，雖然唔係話鞋口，但都要用力少少力咬先𡁻到，味道就好一般冇乜特別，杯烏龍茶都正常嘅呢個lunch $72，感覺賣嘅係鋪位喺大街嘅方便，好在店員都算有禮貌，啲位都唔算逼

行過咁多次今日終於lunch去試下 叫咗個招牌紅燒牛腱心牛肉麵 刀削麵黎到經好淋。。湯底鹹但係冇乜層次牛肉分量都算o k 整體冇乜特別 78蚊唔係太抵囉另外可能舖租貴嘅關係 晏晝時間 樓面阿姐比較勞嘈 係咁將啲人塞落啲位 跟住騰嚟騰去好似好忙咁 實在有啲趕客。。

感觉菜品多为速食食品，面的味道尤其古怪，肉的量还是很大的，但是作为牛肉面，面的质素要求也很高，感觉面像是去超市买的细粉煮的。个人不是特别推荐。。。。。。。。。。

行經灣仔，有少少肚餓，便隨便進了一間台式小店吃個下午茶。兩個人合共消費$114。我們點了：👏🏻下午茶餐 （三款主食）$58 茶餐種類不多，我們點了輕盈台式滷牛拌麵、海苔鹽酥雞、醬油膏時菜配凍冬瓜茶。🐄餐廳多以豬肉作滷肉，這裏選擇了用牛肉做滷肉飯(⁎⁍̴̛ᴗ⁍̴̛⁎)牛肉味濃，肥瘦均勻，是真材實料的！ 🐥鹽酥雞炸得很脆口，一啖一粒，可能時間較慢，已經有少少攤凍了，雞肉嫩滑，有肉汁但不太吃到海苔味😅🥬醬油膏時菜份量偏少，只有5-6條菜，性價比很低。🍹冬瓜茶甜度正常，味道一般。👏🏻下午茶餐（兩款主食）$48由於不太肚餓，但是餐廳有人均最低消費$40 ，所以只好叫了兩款小食：甜不辣、金梅地瓜配珍珠奶茶🧋（+$8）🍟地瓜條炸得很酥脆，金梅粉酸酸甜甜但梅子粉落得不夠，只有部份的地瓜條有金梅粉的味道，整個份量偏細。👍🏻甜不辣比較薄身細件，一口一件，不知不覺就整碟吃完了。🧋珍珠奶茶味道較淡，屬於奶味較重的那種奶茶，珍珠較為硬身。

一段時間無食牛肉麵，今日相約朋友午餐選擇了他公司附近的餐廳。餐廳距離地鐵站步行數分鐘。座位不算寬闊，但位處工商地區租金昂貴，尚可接受！午市時間需要等15分鐘左右的時間。點了一碗川味牛鍵牛肉麵，牛肉柔軟入味。湯底選了小辣，惜湯底層次簡單。選擇了關廟麵，可以掛湯。鹽酥雞份量量十足。鳳梨紅茶加珍珠則味道合格。

有一小份青瓜，好開胃筋同肉都好軟身但刀削麵煮到過晒火候，林到冇牙都食到，勁失望個湯底都冇乜特別，冇令我有想飲佢嘅念頭個開胃前菜同冬瓜茶係成餐飯最好味，笑死枝紙飲管仲要勁可愛，有花紋的牛壹台食午市套餐招牌紅燒半筋半肉刀削麵手作冬瓜茶$76📍灣仔

灣仔區值得一試的牛肉麵因為有一段時間沒有去台灣旅行，所以十分掛念台灣的牛肉麵，在午飯時候特意過來吃它的牛肉麵，雖然價錢不算十分便宜，但都算是物有所值。★招牌紅燒牛腱心牛肉麵他的牛肉燉煮得十分入味，肉的分量亦給予得頗多，入口即溶，即使箍牙中的我亦能輕易吃到。建議可以選擇刀削麵作麵底，會更有咬口。

連台灣都就快開關啦！食住碗牛肉麵回味下先😻⋯講到灣仔，就覺得唔算多餐廳選擇，而且價錢都比較貴，喺OpenRice搵到呢間台灣菜，套餐連飲品都係$58至$78💰，大大碗兼味道過得去，算幾抵食喎————————————————👅 招牌紅燒牛腱心牛肉麵（$78）👉🏻有筋膜嘅牛腩，炆得好軟爛，牛腱心似厚切牛𦟌，口感比較柴，可惜刀削麵太粉🍜，唔夠爽彈，個人幾鍾意紅燒湯配酸菜酸中帶甜👅 古早味清燉牛腩麵（$72）👉🏻 湯底清甜啲，又唔會索然無味，只有牛腩，無牛腱心🐮，肉量冇咁多，所以大食/花心嘅朋友建議揀返上面嗰款————————————————🚩總結：以地點嚟計有性價比🆗———————————————— 🌟注意：每位最低消費$40————————————————📍 牛壹台食地址：灣仔軒尼詩道61號四寶大廈地下🗺地區：#bem灣仔📥分類：#bem亞洲菜💰人均消費：#bem_51至100蚊

just recently back from the state and was looking for comfort food. recommended by one of the friends; went in and give it a try. it was lunch time a bit crowded so decided to order a to-go. The food was good and on point, very flavorful, good portions, and tasted exactly the same from one of those Taiwanese mom and pop stores. Would give it a try again in store when less crowded (went in during lunch hr).food ordered:mala duck blood with vermicelliseaweed popcorn chickenhoney green tea

今晚在湾仔睇完醫生，對面就見到台灣牛肉麵，之前經過好幾次，也好多人。今晚一於去試下。叫了一個招牌牛心牛肉刀削麵，無令我失望。美中不足，原來要加一。但也直得一試。

完全唔知啲好評邊度刷出嚟要同等質量嘢食附近好多間都做到價錢亦唔係特別平貼錢買難受佢哋啲服務態度真係差到飛起間野好迫都算啲職員為咗方便自己係會不斷撞到啲食客同埋見住疫情下其實好多店舖係唔會夾硬迫兩個陌生人坐埋一齊而中間係無任何隔板如果有客投訴佢哋啲職員係會係個客出咗門口之後勁數臭個客聽到佢哋大大聲講「阿吱阿咗咪鬼嚟食」食一餐飯中途聽幾次啲職員話啲客西一個半個就算⋯⋯打工仔想安樂食餐中午千祈唔好揀呢間已入黑名單絕不再光顧