營樂餐廳

營業中

休息中

10月1日晚，我打電話叫一份外賣自取菜脯肉碎煎蛋。去到門口就知大鑊！餐廳內坐滿人，餐廳外亦有人等緊。我天真地以為只係一份外賣，等15分鐘點都有。在一個熱到30度的晚上好慢地45分鐘過去，見到其他大張的外賣平台單好快咁出嚟，我知我張細單凍過水。立即同個服務好到不得了的侍應講取消張單及回水，佢好冇表情地話俾我聽要對返張單先可以俾返錢我，咁又要等多5分鐘。錢其實係其次，餐廳唔重視我這些小顧客，我也不需要再返黎受氣。

之前堂食已經見過不少員工同啲客人對駡，都知道呢間餐廳啲員工服務態度有問題，但他的食物算是家常飯，味道ok及價錢合理，所以耐不耐都會幫襯。但今日自己親身感受到他們的愛理不理態度，真係令人好反感。做前台收銀，問佢單號的外賣已經準備好未，叫個客自己喺張枱度睇，見到有就有，冇就等下，大大聲聲話自己負責收錢，唔得閒，叫啲客自己去問入面其他員工！全閒餐廳冇－個主管，各自互相推卸責任，其他食評都好多反應他們的員工態度有問題，希望他的老闆真係會正視。老實說，真心唔想再幫襯，不希望自己食到一肚氣！

位於炮台山地鐵站對面，以廣東小菜為主。午市套餐$65 一餸一飯一杯熱飲料，還送例湯。小菜都是即時炒的，味道不錯👍🏻認真抵食。野菜紅酒燴牛尾～$65牛尾炆得好琳，滿滿的骨膠原，。腰果素菜粒粒炒雞肉$60清新可口，適合注重均衡飲食嘅朋友。

今天早上去食早餐，一個店員把手上的飲品淋到我的身上，把我的外套傳到弄得很污糟，後來他給我$200話要清潔，但我說不用這麼多我會攞去乾洗，然後再把單給他計算。後來我拿到乾洗店只需$65，下午我到店中，向店長拿乾洗費$65。全程店長的態度十分惡劣，完全沒有任何抱歉的心態。真的後悔沒有拿$200。

之前間唔中都有幫襯營樂買外賣，因為夠近方便，同埋味道都唔錯。加上之前因為疫情外賣有9折，相對係抵食。（宜家無咗9折）但經過今日，係無下次！我打電話落咗order，問咗聽電話個阿姐要等幾耐，佢話10分鐘，我大概15分鐘後去拎，因為之前都有經歷早落到去要再等。去到比咗錢，見到有個外賣放咗係枱，係我叫個午餐，但餐茶就唔同，我都問咗阿姐個餐係咪我嘅，佢話唔係，要我等吓先！惡夢就嚟啦….因為今日比較凍，所以我係餐廳入面企係到等（夏天時我會係餐廳外等，唔想阻住）但有人開門入嚟都會比較涼。我等咗10分鐘，問阿姐我個餐有未，佢叫我等吓。（我見佢無幫我去廚房催過單）過5分鐘我再問，佢話佢幫我催咗單（明明無見佢同過其他人講嘢，或者去廚房個邊….）再過5分鐘，我再問，佢先叫另一個阿姐跟下張單，個阿姐話廚房無呢張單喎！（姐係本身個阿姐真係一直都無跟過我張單啦！）當我仲諗緊點好時…阿姐拎咗一直放係枱面個外賣….話我個餐應該俾其他人拎咗，叫我食呢個….我摸一摸個餐，覺得仲熱嘅，所以就拎咗去就算。真係嬲到爆！白等咗20分鐘….個阿姐一啲歉意都無，完全無講「唔好意思」…真係以後都唔會再幫襯營樂！

上次食腰果雞丁，兩樣料都碎濕濕幾失望⋯⋯今次揀西芹炒鮮蝦魷魚、焦糖薯仔牛柳粒，兩樣都足料好味。套餐只加$16，有湯、飯、甜品⋯⋯例湯係菜乾湯，比較稀，不過都ok⋯⋯甜品最好揀糖水，今日係喳咋，好足料煲得夠火候。兩個餸只跟一個餐，兩個大人都夠食⋯⋯埋單$176，性價比幾高。環境濶落，兩個人都可以坐四人卡位唔駛搭檯，服務都唔錯。

叫左個經典午餐中的自家制野菜豬柳扒蛋包飯, 份量都算夠, 有飯有沙律, 有湯有野飲, 價錢都係$58, 超值。食物方面, 湯好飲，無味精，靠材料煲，味道濃郁; 不過沙律同飯同碟, 令沙律上的芝麻醬, 同蛋包飯上的燒汁會混埋一齊, 有少少影響味道, 建議分開碟上會更好。

雖然已經係上年年尾，但仍然記得都是不錯的一餐。適逢喺附近收工，簡簡單單喺附近食完飯，要趕去中環睇戲。選擇喺北角英皇道的營樂餐廳食晚飯。食評都偏向好的，所以決定試一試。我哋叫咗一個火鍋套餐，選擇左足料胡椒豬肚雞煲，有埋個雜錦野菜盤，因為我哋每餐都要食菜！這個餐超抵食！不過胡椒可以再重啲。另外再加一碟咕嚕肉，呢個就普普通通，唔係太夠脆。價錢實惠，唔好要求太高。當晚坐卡位，坐得好舒服，夠寬闊。好抵食，值得推介的食肆👍🏻。

天天外出吃早餐，內容都是通粉，煎蛋，烤麵包，總想有點新意，今天找到了。這裡竟然有肉糙湯新竹米粉，加粟米雞粒俺列，一大碗肉糙湯米粉，上面還有兩片綠油油的唐生菜，賣相太漂亮了。味道還真不錯。可惜奄列很差，希望下次有所改善。

_____好味指數：🌟🌟🌟🌟抵食指數：🤑🤑🤑喺炮台山附近搵嘢食見到呢間餐廳，睇落去係好正常嘅茶餐廳，但望完menu就決定去試。價錢會比普通茶餐廳高少少，但係因為佢哋嘅嘢食真係好足料又用心✅自家製野菜沙律雞扒蛋包飯上到嚟你會見到好長嘅一隻碟😂蛋包飯、雞扒同野菜沙律以差唔多一比一嘅比例擺好。野菜清甜，配上自家製嘅醬汁好開胃；雞扒酥脆啖啖肉，而佢嘅蛋包飯都好有份量，係冚晒成個飯有突，咁豐盛嘅午餐值得嚟試一下

今次中午到北角砲台山英皇道的營樂餐廳吃午餐， 剛剛午飯時間店內都有很多客人，點了芝士意大利鮮茄焗豬扒飯＋ 即磨咖啡$58。 芝士意大利鮮茄焗豬扒飯味道正常， 鮮茄味道甜甜的， 豬扒是薄切， 炒飯底。 即磨咖啡味道香濃， 最正是杯咖啡。由於點焗飯的關係所以上菜的時間差不多等了一會， 幸好焗豬扒飯味道正常， 賣相都可以， 下次有機會再來試下這裏的咖哩， 看見有其他客人吃感覺都不錯啊。 營樂餐廳地址: 北角炮台山英皇道177-191A號地下G舖

疫情期間除咗好食之外餐廳最重要最重要係乾淨。下午二時先有時間去食晏，很久沒有來北角，本來打算食大家樂，點知剛剛裝修完未開張，見到對面這間茶餐廳就打算一試。去見到下姐進行清潔中，可見圖中本人背後的植物阿姐都小心地每一棵都有清潔，當然餐廳啲枱枱等等都非常乾淨，值得表揚。👍🥰寫食評最重要係講返食，今日一個人食晏叫咗個咖喱牛腩飯，已茶餐廳來試咖喱算中上貨色，牛腩算滑唔痴牙，值回票價；最重要係佢個炸薯仔，很久沒有在茶餐廳的咖喱中吃到了，非常感動。👍👍👍

今天到炮台山參加Seminar，一岀停車場，便看到一個又大又光猛的鋪面，感覺又新又乾淨，所以就入去吃早餐。地方濶落光猛，幾乾淨。(Honey後來上厠所，説：「嘩！想不到茶餐廳厠所都乾淨喎！」)早餐不貴($30's)，而且都是豐富的配搭。Honey叫1號餐：仿鮑魚片火腿通粉+火腿奄列+奶茶 $37(轉雞扒+$2)通粉湯頭，是罐頭湯。奄列蛋很嫩。雞扒稍乾，也稍淡。但整體，好味！我叫5號餐：蕃茄薯仔湯鑼絲粉+煙肉炒蛋+凍鴛鴦 $37(煙肉轉雞扒+$2)(凍飲+$3)蕃茄薯仔湯好味，夠濃。鴛鴦也夠啡濃！整體而言，環境和食物都不錯。美中不足……可惜，服務員的態度就……又不能説没有禮貌，但比較大聲，氣門嗓門搶亮……還有，一來就端上的清水，水面有油……

連續食左幾餐西餐做lunch 今日就轉下口味 食住家菜!之前幫襯幾次都係拜托同事幫我外賣自取 因為個排擴充後 唔夠人手送外賣 所以外賣自取有9折! (唔肯定而家仲有冇🙈)同同事係營樂堂食通常都係叫幾個小菜再一齊share!(當然一定一定要用公筷!)住家飯套餐配飯/粟米粥+飲品/湯!好大碗飯👆🏼唔想食咁飽既話 我會建議揀粟米粥! 當日既餐廳係清補涼 好夠味 又好岩初夏呢個天氣飲!秘制慢煮牛腩 ($60)呢碟菜式既前身係 慢煮牛肋條😛 同事話食過牛肋條版本係比較冧身 有慢煮既味道! 但轉左牛腩之後就唔覺得似慢煮 因為肉質幾乾..希望之後轉番做牛肋條啦!日式薑汁炒豬肉 ($58)本來以為會好似吉X家牛肉飯版 但改用火鍋豚肉片😛但原來唔係! 呢碟小菜睇落好中式啊 有幾多洋蔥同蔥!薑味唔重 味道都偏向中式 唔濃味 切合住家飯既味道!肉末豆角粒炒蛋 ($55)炒蛋既比例佔最多 炒蛋炒得恰到好處 唔老又黏得住肉碎同豆角! 總括黎講💁🏽‍♀️營樂既住家飯小菜份量算多 一個人未必KO到成碟/ 食到一大半會覺得厭😛所以我都係建議大家幾個一齊share唔同既小菜 會食得開心好多! 😄

哩間餐廳開左咁耐，我終於有機會幫襯喇！聽聞營樂係主打冇味精，以健康為先嘅餐廳，今次就試吓佢嘅真章啦😝😝以為依家市道麻麻地，啲人因為疫情唔夠膽出街，但係坐落都多人黎食㗎喎～午市住家午餐係咁，都係以中式為主，亦夾雜左啲日式西餐嘅菜式。而我就叫左個聽落去個名好似幾好食嘅「自家製野菜沙律雞扒蛋包飯」。沙律菜都幾新鮮，同埋有我最鍾意嘅芝麻醬☺️☺️ 我一開始望落去係有啲睇唔出果塊係雞扒，佢地煎到似豬扒多啲🤣🤣，仲好似會乾乾地，點知食落去雞扒味道非常之唔錯之餘，仲出奇地juicy!! 如果雞扒層皮煎得再香脆啲就perfect喇！個蛋包飯裡面係粒粒炒飯底，好正～雖然蛋包飯都係啲日式嘢，但係我好怕會好似啲日本米咁煮得太淋，冇曬口感。哩個炒飯底加埋飯面嘅蛋撈飯食啱啱好，我係略嫌個燒汁甜左啲，但係整體係個好味同健康之選👍🏼服務方面要提一提，一開始檯面係放中式筷子同湯羹響檯面嘅，上菜嘅時候細心嘅侍應問使唔使俾西式匙羹我，我覺得服務都幾好😆餐廳裡面嘅環境乾淨企理，光線充足，位置都非常方便，價錢合理，味道又唔錯，絕對係可以再幫襯嘅餐廳😁😁