熱菇喲 (已結業)

中環有間好特別嘅串燒店，叫做熱菇喲🤣唔知仲以為店主有咩特別意思🤪串燒整得好有心機🥰環境又舒服，最緊要係店主好Nice。絕對係朋友聚餐嘅好地方啊🥳呢度嘅雞腩肉串不得不叫。雞肉就食得多，腩肉都好常見。但雞腩肉真係好少聽過，口感好彈牙，肉質都幾結實！ 個醬汁簡直係渾然天成！和牛都好好食呀，表皮有少少脆，但係入面仍然好Juicy!!!!外脆內軟，食多幾串都唔會厭🥰 不得不讚嘅係魚類！超級好食！燒過都feel到係超級新鮮嘅魚，聽老闆講係日本直送🥰味道同口感都幾特別，肉質結實，但又唔會過硬！

唔算多去食日本串燒，但另一半好喜歡，所以都會去覓串燒店，之前係附近食晚飯留意到呢間新開不久嘅串燒店，名字取得有趣，地理位置頗有氣氛，就remark搵日過嚟撐枱腳。環境位於中環半山區附近，店面已經有日本小店嘅feel，一入到去感覺更強烈，小店好有日本小型居酒屋嘅氛圍。餐牌食物選擇不算太多，正路串燒款式都有，見到有A5和牛粒、薩摩赤雞呢類高質食材，就鎖定呢幾款。A5和牛粒 $58有4粒幾抵食，燒得比較熟，至少有八成，但食落都唔覺韌，還不錯，啱哂一口配酒一啖。薩摩赤雞腩 $68薩摩赤係雞嘅其中一個品種，屬日本三大土雞之一。佢係赤身黑尾，係鬥雞的後代，多活動，所以肉質比較有彈性，本身以為雞腩會好肥膩好多肥膏，因為一聽到腩通常都諗起好似「豬腩肉」咁嘅樣，但呢串薩摩赤雞腩無論外型到口感都同我地對一般「腩」嘅認識好有分別。咬落好爽口，一啲肥膩感都無，反而仲覺得有少少似雞軟骨添！絕對值得一試。薩摩赤雞心 $48同為薩摩赤品種，比較少食心嘅位置，故此試咗雞心，我本身唔太鍾意食肝臟，例如豬潤，呢款就有少少似，唔太啱我。燒飯團 $38自從睇過網上啲人推薦食燒烤要食飯團，一見到就要點。夠哂大個，不過就乾身咗啲

上星期約左朋友去大館，回程途中喺蘇豪區發現一間日式小店“熱菇喲”，個名幾特別，其實係日文Let's go既意思。·一入去發現老闆收埋左好多珍藏，有好多靚酒🤩 原來老闆係想將日本居酒屋文化帶來香港，想大家可以好似日本人咁，收工後都可以同返三五知己飲返杯減減壓，好有意思呀！·朋友唔飲酒，所以我地叫左兩枝波子汽水😆 唯有下次再嚟試下啲靚酒妹仔啦~·我地叫左兩款佐酒小食，炸雞軟骨口感非常鬆脆，落少少檸檬汁酸酸地，食得更開懷🤗 而雞泡魚乾質感微微黏稠，點沙律醬食十分惹味😋·當然唔少得食返啲海鮮，半殼蠔燒後亦保持大量汁液精華，加上濃郁既醬汁及蔥花，鮮味十足👍北海道帆立貝夠哂大隻，帶子肉粒肥美，特別喜歡裙邊口感十分煙韌有咬口。至於燒海老，size屬重量級，虎蝦肉厚有膏，個人十分喜歡💛 清酒煮蜆亦很不錯，清酒味道十分濃郁，味道就好似飲緊清酒咁，令我禁不住飲左好多啖😄😆·日式居酒屋當然不忘點串燒🍢 牛舌非常好味，口感煙韌好重牛味，屬必點之選👍A5和牛粒肉質軟腍，不錯的。無激素雞翼唔會乾掙掙，令人食得放心。蘆筍豚肉卷有雙重口感，蘆筍中和左豚肉既油膩感，好吃！·總括而言，這裡的確係一間誠意之店，吃後令人感覺

蘇豪區真係超級多野食，朋友想飲杯酒食下野但又唔想食西餐，見到有間日本餐廳幾靚，個名又特別，睇下餐牌見到有得食串燒就入咗去😛款式都唔少，有小食，串燒，仲有燒酒飲😻每人叫咗一杯，真材實料，加咗超多酒！揀咗啲小食醫下肚先，叫咗炒野菜同玉子燒食住先～ 炒菜好夠火候好正！玉子燒都好滑好重蛋味，推介！燒雞泡魚乾都好好咬，燒得好香好煙韌，點少少沙律醬係perfect 💗仲有我最鐘意既西京燒~ 帶少少酒香，魚燒得好香好嫩滑，實在考工夫，個汁仲要夠惹味~之後老板同我地介紹咗幾款串燒，真係好正！薩摩雞腹肉，超級高質，食完番唔到轉頭，比普通雞肉更加有咬口，彈牙，仲要更加鮮，呢串係要搶黎食😹 其他串燒味道都好好，特登推介豚肉包露荀同牛舌，好食到唔試會後悔🌝 燒南瓜同燒秋刀魚都值得一試最後食埋個凍烏冬已經好飽～

第一眼望見個餐廳名，以為係小食店，但細看原來係日文「いくっ」，係一間位於蘇豪區既日式居酒屋，加上新開，所以就試一試！因為係晚上6時，所以一入去就有位，店入面座位不算多，目測十多個座位，但當我們點菜好之後，就已經幾枱坐滿。餐牌選擇主要串燒為主，亦有佐酒小食同其他熱食。酒類亦有多款sake推薦（我地沒有點，但見另外一枱點前職員都有細心介紹下），男友最後點了生黑啤。餐廳職員十分友善推介餐廳以外的單品，例如鹿兒島雞翼同免治雞肉棒，我們都有點。另外，我們還點了枝豆、牛舌串，蘆筍豬肉卷、燒鯖魚同玉子燒。玉子燒亦都係店舖推介，切來去既時候軟滑，職員叫我們第一口不要放蘿蔔蓉作比較。第一口食到蛋香味，而第二口加蘿蔔蓉後的確提升蛋香味，好食！燒雞翼不像普通雞翼有過多油脂，感覺健康。蘆筍豬肉卷同燒鯖魚都燒得不錯，惟獨牛舌燒得過火咗。整體而言，都是不錯的居酒屋選擇！

今日走左去中環搵食，去左朋友極力推介既居酒屋，居酒屋位於中環蘇豪區，雖然要行轉多斜路、樓梯，但為左食好野，無野難到我。熱菇葯真係一個放鬆和減壓的好地方，熱菇葯lkuyo原來係解Let's go。兩條友叫左好多野食，樣樣都好好味，最驚喜係牛舌芯串、玉子燒同埋店主介紹既雞腩肉串。話明牛舌芯串，當然係選用牛舌中心既位置，避開外圍D筋，所以牛舌好腍同入味。玉子燒，上枱熱辣辣出緊煙，蛋香味重，厚切口感軟棉，成過千層蛋糕甘。原來師傅研究左10年，之前仲係係酒店任廚。鹿兒島雞腩肉串，肉質爽滑彈牙，甘大個人未試過雞腩肉既串燒。飲品叫左巨峰提子梳打，絕對值得推介，大大杯，提子味濃，涼透心呀，唔會好似出面嗰d得個甜味。另外仲嗌左好多都好好既野食。半殼蠔炸雞軟骨燒海老比目魚西京燒雞泡魚乾無激素雞翼，冬烏，一口蕃薯

📍熱菇喲 (中環)中環蘇豪士丹頓街21號地舖-----收工相約朋友仔到蘇豪區搵食 由於我哋諗唔到食咩好 所以就逐間逐間餐廳睇下佢Menu 睇吓有咩啱食 喺蘇豪區呢度10間有8間餐廳都係西餐 所以B仔同朋友仔最後就比呢間顯得與別不同嘅日式居酒屋吸引左 呢間居酒屋座位唔算好多 但環境新淨 枱同枱之間空間感足夠 喺蘇豪區黎講算係好坐嘅餐廳 😄-#玉子燒（$72）唔係講笑 呢一個玉子燒比B仔目前食過嘅每一間日式餐廳都要出色 係日本當地嘅鋪頭都未必做到嘅質素 蛋質嫩滑 蛋味香濃啖啖食落去都熱辣辣 而且極為Juicy 雖然唔平但係真係好完美 鍾意食玉子燒嘅話一定要試下 🥰-#比目魚西京燒（$178）唔好以為呢個價錢好貴因為呢條比目魚真係好大條 size近乎有B仔嘅前手臂咁長 食落去魚質非常柔嫩 帶有淡淡清酒味時間火候控制得啱啱好 唯一係醬汁重手左些少😝-#半殼蠔（2pc-$72）size一隻大一隻細 唔知係特登 定係咁啱嘅但無論大定細都非常新鮮不過都係同比目魚一樣 個人認為醬汁少啲可以更顯海鮮嘅鮮味尤其係佢哋嘅海鮮其實用得好靚 其實我估唔需要點調味 應該都已經好好食🤣-#蘆筍豚肉卷（$68）豚肉嘅

熱菇喲💞🥰Environment: ★★★★★Service: ★★★★★Taste: ★★★★★誠意推薦呢間蘇豪區嘅高質居酒屋。💡坐落好chill，岩哂朋友聚舊， 仲有outdoor座位💡值得一提係呢度服務質素係無得彈，態度超親切，有禮貌💡裝潢好優雅，有日本風，乾淨整潔。💡提供唔同種類酒精同汽水，令我最深刻係"巨峰提子梳打汽水"，好fresh。💡唔小得嘅係，呢度d食物款款都真係超水準。💓 a5和牛粒: 大大粒，內部軟綿鬆化，上嚟仲有鑊氣，肉味重，油脂好甘香💓 比目魚西京燒: 重點係好美味嘅西京燒醬汁，比目魚好大條，好新鮮，魚皮燒得好香脆，好肥美柔潤，好可口，又唔會太咸💓 燒飯團: 外皮好香脆，夠曬飽肚，飯粒粒分明💓 半殼蠔: 係熟食嘅蠔， 好飽滿又有鮮味，加埋蒜蓉好有風味💓 玉子燒: 好有蛋香，質感好滑，唔會太老，仲好大份，兩個人食就差唔多💓 大蔥雞肉: 好juicy，d蔥充滿雞肉嘅肉汁，雞肉好嫩滑💓 汁燒雞扒: 即叫即燒，夠曬新鮮，原汁原味💓虎蝦: 好多蝦肉，超鮮甜，夠哂滿足，啲殼仲好好搣，夠哂方便食🔛🏃‍♀️🏃‍♀️🏃‍♀️中環蘇豪士丹頓街21號地舖

同朋友行完大館，沿行人天橋同扶手電梯，行到上史丹頓街，見到此店賣相好似不錯，入去試試入到去見到好多唔同款式嘅日本酒，感覺好pro，而且有室內/室外可以揀嚟坐燒酎（梅酒）- chilhai加梅酒，酒精濃度高，酒香濃烈，但梅酒嘅青梅甜味亦然好出巨峰乳酸梳打 - 巨峰味和乳酸味都很濃，兩者沒有蓋過對方，而且牛舌 - 厚身而爽，不怕韌，牛味重A5和牛粒 - 入口即溶，但牛味亦然很重，很香汁燒雞扒 - 肉質鮮嫩，非常冧滑鹿兒島薩摩雞 - 老闆大力推介嚟個隱藏menu,口感很特別，肉質煙韌，有咬口，而雞味超濃，值得一試半殼蠔 - 一set兩隻，蠔味十足，而且再加入燒汁去燒玉子燒 - 全餐最正嘅一道菜，玉子燒不但做到一層一層的效果，而且香甜軟滑，口感同味道都一流，另外，老闆建議先食原味，然後再加入蘿蔔蓉食，會有兩個層次，果然正

原本想係籣桂坊感受下哈囉喂熱鬧氣氛，今年情況特別，老公無意中找到一家核心外圍的日式串燒店，就決定一試。店舖簡簡單單，坐得舒服😊，餐牌選擇不多，老闆格外推介幾道菜式，每樣都好好食，最特別是鹿兒島雞肚肉，非常有咬口，推介……😋串燒少不了酒，老闆非常專業介紹佢嘅心得，什麼米酒加啤酒釀製(本地製造，一定支持喇)，仲有好多whiskey選擇。老闆很好客，吹水加請飲了兩杯……***yummyyummy******fulloffun***

餐廳面積唔算大，水泥牆身木枱木凳感覺幾簡約，乾淨整潔。店入面最吸引眼球嘅係一支支陳列出嚟嘅日本酒，都幾多選擇。不過我自己對酒就麻麻哋，叫咗杯【巨峰提子梳打】大大杯，提子味濃，涼透心呀。【清酒煮蜆】蜆都幾多幾大粒。清酒濃度適中，加上蜆新鮮水潤，同清酒食有少少回甘，更能突出蜆嘅鮮味。【半殻蠔】燒蠔上面放咗香蔥提味，燒完出嚟隻蠔仲保持鮮味亦有香烤味。【玉子燒】上枱熱辣辣出緊煙。厚切口感軟棉，蛋香味重，好甜好好味。【A5和牛粒】肉質軟腍，肉汁豐富，食到少少油花味，正。【燒海老】幾大隻蝦，切開已聞到好香嘅烤蝦味，大大啖爽口蝦肉，大滿足！【粟米】好香牛油味，粟米粒香甜，燒到脆卜卜。【無激素雞翼】雪白雞肉又嫩滑，燒完嘅雞皮勁香脆。【蘆筍豚肉卷】豚肉半肥瘦，有肉香同油香，配搭中間嘅蘆筍減低膩感。【比目魚西京燒】比目魚好大件，魚肉嫩滑，魚油豐富，甜醬油燒夠惹味。【雞肉溫泉玉子沙律】用沙律作結，清清口腔同腸胃。沙律好大碗，蘸咗溫泉蛋令生菜更滑更有蛋香，不錯。

今日難得早放，於是打算去遠一點的中環蘇豪區食個靚晚餐。見到有間新的日式餐廳，又掛滿萬聖節裝飾很有氣氛，原來是間居酒屋！蘇豪區西式餐廳、酒吧多，日式比較罕有呢！.餐牌簡單，一張紙前後2頁，款式也很多。.燒物：比目魚西京燒（$178）這是全場最貴的食物，但物超所值！一大塊的比目魚，是平時的2-3倍大，而且燒得好靚- 燒到剛剛好，沒有任何的燶掉。充滿邪惡的魚脂香，保留到肉汁，肉質很滑，令人難忘！.佐酒小食：雞泡魚乾（$88）醬汁入味，不會太乾，佐酒一流。炸雞軟骨（$52）、唐揚雞柳（$68）比想像中份量多，雞軟骨很香脆。雞柳較乾，肉質結實，食完一粒都帶有幾分飽意。.一口料理：玉子燒（$72）這是比目魚後 my second favourite. 玉子原版上，沒有預先介開。玉子豐盈飽滿，不會太乾，而且很香的雞蛋味，有少少流心的口感，正呀！烏冬也很不錯，是以沾麵的食法。.串燒也有很多不同選擇。牛舌（$48）A5和牛粒（$58）香濃的牛肉味，一咬肉汁豐富，是愛牛之人必點！無激素雞翼（$48）雞翼簡單就是美，沒有太多的醬汁調味，直接烘出雞肉的味-不肥膩！秋葵（$32）秋葵加上木魚絲，燒出另類味道。.

一日最開心既時間就係放工之後同朋友去食飯，傾下計，放鬆下。今日我地就去左中環一間日式居酒屋到飲啤酒同食串燒。講到明係居酒屋，主角當然係酒啦，呢到有日本清酒、生啤、黑啤以及本土製作既手工啤。我地今日就一於試下生啤同埋黑啤啦！跟住當然要點返啲串燒黎配啤酒啦！朋友好鐘意食枝豆，枝豆可以慢慢食，配啤酒一流！另外，我亦都點左我既至愛-炸雞軟骨！炸到香脆既雞軟骨上面擠上檸檬汁，一啖一滋味！仲有呢個必食既玉子燒，厚厚既玉子燒有濃濃既蛋香味！仲有雞臀、牛舌同青椒仔！

《誠意之作爇菇喲》昨晚和朋友走進中環蘇豪區，尋覓到一間隱世小店的’’熱菇喲’’，日文就是Let's go 的意思，絕對是居酒屋中的五星級。這店最大的特色是親切好傾的店員，老闆是土生土長的香港人，他和合夥人均喜歡日本居酒屋文化，希望將居酒屋文化帶來香港，為香港人帶來一個公餘放鬆和減壓的好地方，能和朋友及家人好好暢飲一番。這裡提供多款清酒和日本啤酒，還有專人介紹，啱哂愛酒之人。今次我點選了由香港本土釀造的門神啤酒。啤酒入口清純，沒有一般啤酒的苦澀味，還品嚐到啖啖柑桔果味，十分清新，適合女士口味。朋友就點選了由老闆親自沖調的巨峰和菠蘿梳打，味道一流。先點了兩款佐酒小食：炸雞軟骨好有驚喜，絕對是下酒首選，粒粒濃香酥脆。炸雞軟骨上灑上左七味粉，食落首先帶微辛，之後一咬落好鬆脆。另外，這裡供應的無激素雞翼，令人食得安心，又唔會燒得過火乾身，值得一試。令我印象最深刻的食物是玉子燒，老闆擔保，試上口定會給我們初戀的感覺。果然無令我地失望，製作呢個玉子燒嘅火候掌握得非常好，由外至內蛋嘅質感都係一樣，岩岩熟，滑溜得黎蛋香突出，切開仲有少少流心。層次和調味都似在日本食到嘅，真係好味到想大嗌出來!比目魚西京燒

喺中環放工約咗朋友食飯，自然就會聯想到蘇豪區，蘇豪係一個充滿着外國氣息，各個國家交集嘅地方，而呢個地方自然會有各式各樣唔同嘅美食。今次我就揀咗間新開嘅日本居酒屋，同朋友食下串燒，傾吓計確實係賞心樂事。鋪頭入面麻雀雖小但五臟俱全，以木為主嘅裝修擺放日本玩具嘅襯托，充滿日本味。店內下晝就提供定食，夜晚就會有串燒、烤物、佐酒小食同埋日式料理。串燒叫咗A5和牛粒，籚筍豚肉卷，無激素雞翼，牛舌，大葱雞肉，燒大蝦，冬菇同南瓜，串燒嘅質素都好好，不會燒焦，保留住應有的肉汁同水份，值得一讚。另外叫咗啲日式料理玉子燒非常有蛋香味，切開後發現入邊仲有半熟嘅內層，食落有啲流心嘅感覺。雞泡魚魚乾有別於一般雞泡魚干，比較濕潤同多汁，另有一番風味。半殻蠔食得出好新鮮，配合醬汁一齊食更鮮甜。比目魚西京燒依款老闆推介我食，以西京漬醃魚肉後再直接燒，比目魚厚肉兼少骨魚肉經過醃製再直接燒烤，微甜加焦香的效果，比好多日式餐廳還要好食，果然不得了。巨峰乳酸不錯有飲一大杯益力多嘅感覺，混合巨峰提子汁，味道非常好，喜歡飲果汁汽水嘅朋友必試。