漁小館 (已結業)

漁小館位於大角咀車房附近，地理位置唔近主要幹道，但午餐都坐無虛席，主打中式酒樓款式，午餐都係炒粉麵飯為主我見好多人叫乾炒牛河，但我鐘情於蒸飯，點左個花膠蒸雞飯，餐牌寫明要等20分鐘當食物到時，我影相才發現雞係未熟😱😱我研究左一陣，才通知店員店員都好有禮貌幫我換😅😅好彩我唔趕時間，又要等20分鐘........終於有得食喇～花膠軟硬適中，雞肉係滑滑地，醃料入味雞係連碟早早放入雪櫃，再拎出黎叮，所以雞肉「痴」住隻碟，而且斬件不均，所以肉比較少，白飯都偏硬，可能番叮等了太耐🙈◭ 花膠蒸雞飯 $48

中伏🤬完全失水準！服務又差之前農曆新年一家人食團年飯，還不錯。今日來補回媽媽節飯😬誰不知安排很差，我們一同五人。竟然安排一張小枱給我們。我們到達時間還早，還沒有其他顧客到。我們要求一張大一點的枱😐侍應不情也不願地換了給我們我點回我們之前叫的招牌菜！還點了老青島，很可惜啤酒一點都不冰啤酒不冰怎樣喝🥵杏汁豬肺湯今次淡而冇味😑上次濃很多拔絲咕嚕肉也是招牌菜之一。。。可惜失水準之餘，還比普通大排檔質素差其他菜式也不想再說了沒有一個菜式好味。一個太咸，一個太淡服務態度亦很一般以後也不會再來！價錢亦不便宜專程來大角咀想吃點好的話，還有很多選擇！

大角咀出名多好野食，但都有中伏的可能😅原諒我食到一半先開始影相...因為真係忍唔住要....彈🙄充滿期待的飽魚雞煲...勁咸😑D雞好似包住層粉....我估係半製成品，炸定有ORDER再拎去加配料炒，雞肉好難食，因為層粉林左..肉質唔結實..雞煲都唔夠熱上檯，非常失望腐乳炒通菜一樣太咸咸咸啦😣忍唔住用茶沖左兩次都放唔倒落口蒸蟹飯是唯一值得一贊的，亦係唯一清盤的炒飯底唔會太林，落左大量蒜蓉好好味，蟹肉好結實蟹糕正

非常滿意的晚餐！揀咗個套餐，食物味道好，大大碟。第二碟上菜時間就住第一碟，好細心！套餐好正又抵食，服務員態度又好，有耐心有笑容，問多幾次都冇黑面。個個都食得好開心

漁小館成日都一位難求，今次人少少walk in 好彩都唔洗等太耐。之前食得多佢個牛腩，今次就無叫到，亦都主要嗌一啲之前未試過嘅野。首先試下佢個炸豬手。豬手皮炸得過火咗少少，但豬手肉就夠入味同易咬。上面個個就係金銀蛋白菜仔，佢用個個湯頭都好好飲。我地仲嗌咗海參雞煲同海鮮蒸飯海鮮蒸飯真係好好食，海鮮鋪滿哂成個蒸籠，啲海鮮味入哂啲炒飯到，仲要好大份！個雞煲就出奇地多海參，仲要好厚身，絕對俾到驚喜！下次嚟又試下啲新野先！

夜晚特登黎到大角咀食漁小館 其實之前已經黎過幾次 食物質素都好高 好鐘意飲佢地既杏汁豬肺湯 好香濃好好飲 有住家味道 但今次只係同男朋友2個人黎 4至6人份既住家湯就飲唔曬所以冇叫到。今次叫左脆皮豬手 佢個皮好脆好鬆化 豬手都好嫩唔會話炸到太乾。另外仲有芥末沙汁蝦球 蝦球好爽脆 味道同口感都好特別。最後叫左 蜑家籠仔蒸飯 呢個係每次黎都必叫之作，蒸飯吸曬海鮮既鮮味好香甜，海鮮亦算新鮮 龍躉好滑 蝦亦都好爽口 算係性價比高既選擇。

今日同朋友做完嘢見咗一間叫漁小館嘅餐廳裏邊嘅小菜，價錢唔算好貴，而且圖片都唔錯，所以我哋就入咗去食晚餐。我哋兩個人都食咗四樣餸，再加一個白飯，整體來講味道都唔錯，第一道來的餸係雞，雞肉都算幾嫩滑而且份量十分之多，啖啖肉，唔算十分之肥。另一款係蒜蓉蒸魚，入面因為有粉絲嘅原因，所以好入味蒜味好出，而且魚味道都唔錯。見到隔離枱有椒鹽豆腐，當然就想買一個來試一試啦，豆腐幾脆皮又幾薄，而且豆腐幾滑身，份量可以。當然仲有豉椒炒蜆，炒蜆有少少鹹，但都可以接受，而且都幾新鮮，冇乜沙，不錯。整體來講四樣餸兩個人都十分之夠，而且價錢同質素都唔錯應該會再嚟食其他唔同嘅嘢食。

之前行過，見到派宣傳紙，個晚周三，隔離食開間鋪沒開，見呢間人多，人氣几旺，心想唔會差吧就行左入去，點知一睇菜牌，一個青菜都過百元，那就試試看啦。炖湯加三個菜，講真出品就對唔住個價格啦，個雞肉类似手撕雞味道，還可以；豬油渣炒菜心亦唔錯，另一個粉絲海蝦煲，近200元，睇落還好，但系滴蝦好多只唔夠新鮮，費事叫服務生講啦，屋企人挑選出來唔食就系啦，最貴呢個食粉絲為主啦，貴到來到來唔值啊。一人一盅雪梨川貝湯，亦唔夠清甜。

今次嚟到「漁小館」。野山椒泡鳳爪（$48）原本以為好辣，但食落唔辣，而且仲有小小甜味。鳳爪好厚肉下，不過份量比較小，性價比唔高，唔太推介俾大家。芥末脆皮豬手（$118）呢個非常好食👍👍。唔會好油膩，又夠香口。個芥末醬點綴不小，大大啖醬都唔會好嗆鼻，仲令到豬手更加香。個豬皮真係好脆好好食。值得一試。翡翠生炒龍躉球（$168）呢道菜真心覺得貴，龍躉球得幾舊，4人食都唔知每人有冇2舊。雖然有鑊氣味，龍躉球都好滑，但就無咩特別，我寧願叫碟小炒食下仲好。美國珍寶桶蠔，薑蔥焗（$168）上枱時用沙煲上，所以非常香同埋好夠熱力。每隻蠔都大大粒，好飽滿同肥美，食落有小小甜味。講起都想再食多次🤤🤤。其實仲有其他煮法，下次可以試下其他煮法。蒜茸炒通菜（$70）呢碟菜不過不失，但係絕對夠鑊氣。但係份量唔多。唔建議大家食。大家食完飯可以用70蚊去前面街口買生果補充纖維😂😂😂。

因為大大籠蒸飯，所以到了大角咀中滙街的漁小館。一坐下來，已看到對面枱來了一疊熱騰騰冒著微煙的大籠。於是點了這個小館招牌貨 ... 原籠荷香蒸鮮蝦龍躉飯。果然即叫即蒸，等了十五分鐘有多終於出籠了。香噴噴的微煙，帶著少許荷葉及蒸魚香味，令人很想開懷大吃飯蒸得不錯，滲着鮮甜的龍躉香味，也很彈牙。龍躉的肉也蒸得剛剛好，但份量少。唯一失色的是蝦，不夠鮮而且有點乏味，在味覺上扣了分。整體來說，中規中矩，$68一份算可接受，可惜是當中的蝦出現了大蝦碌。By CalvinCanEat

漁小館從前是性價比極高的菜館，時致今日，呢個印象為我加添一重意義！她教曉我們學懂感恩，原來有野食唔係必然的。我地一行五人來到漁小館，很快已諗好吃什麼，落單時間只是12:26。我們懷著輕鬆愉快的心情等待美食來臨。先黎的係兩個龍躉荷葉飯，心想：「蒸飯都來臨了，炒粉麵飯還會遠嗎？」可是我們叫的食物依然遲遲未到。食客們陸續被迫著發出最後的吼聲，么喝要取消食物之聲此起彼落。結果碟鴛鴦米响13:05出現，足足39分鐘，通菜牛肉响13:14上枱，距離落單時間足足等了48分鐘（有圖為証）。而福建炒飯最後選擇放棄，埋單止蝕離場。黑松露海皇鴛鴦米（$48）鴛鴦米者，米粉加粉絲也！三催四請，千呼萬喚始出來的鴛鴦米，未吃已經一肚氣。海皇有蝦肉及帆立貝粒，勉強叫做合格。黑松露沒有太大香味，叫做整色整水攪攪Gimmick，不落也罷！

因為有朋友喺外國番黎，所以就揀左一間中式菜館。等佢回味下香港既味道一行六人一早就訂左位，入座時都仲見倒有好多檯，點知轉眼間就坐滿哂，所以一定要訂位啊！杏汁豬肺湯，一上檯已經聞倒好香既杏汁味，飲落都好濃味，不過就飲倒有啲粉粒，如果杏仁粉可以再磨得幼細啲就好喇！湯渣都有好大碟，絕對係真材實料霸王雞，雞件食落好嫩滑，面頭仲放左好多薑蔥絲，非常惹味！小炒王，呢碟菜送啤酒一流！炒得好乾身同好有鑊氣，但就略嫌鹹左小小，配飯食就岩喇蝦子蒸柚皮，本人係唔中意食柚皮所以我係覺得唔好食既😂不過屋企人話煮得好好，柚皮非常腍亦完全無苦味，我諗中意柚皮既朋友可以一試。蒜蓉蒸扇貝，呢碟菜係全晚最失望既，扇貝老左小小，而且粉絲未完全浸軟，食落仲有啲硬，豉油都唔夠，唯一值得讚係扇貝好新鮮海蝦籠仔蒸飯，估唔倒係炒飯底，而且飯粒索哂海蝦既精華，好正！不過海蝦就無咩味，肉質有小小梅。總括黎講都好滿意，仲有好多推介菜式好想試不過份量頗大，一大班朋友黎食先可以試多啲野！

老友住大角咀附近，呢D係舊區，好多鋪頭仔做死嘅，有日想聚下，咪嚟呢度食下囉。叫咗D香口野，因我地好小食，咸蛋脆米金沙骨和XO醬花枝炒黑豚肉，不過當晚多人，D餸等得好耐左少少，無計。論食物份量，細碟D，唔似大排檔咁大碟，但係碟咸蛋脆米金沙骨好正，外面咸蛋黃有咸香，個粉漿唔厚但係好爽脆，有蒜粒粒香，D肉醃得好入味，一字骨有咬口，好juicy! 另外碟XO醬花枝黑豚，我覺得花枝太韌，XO醬味道太搶，黑豚肉OK，肉味可以，西芹也爽口，但味精重手，普通啦，價錢?唔算抵。

一行人七個朋友去左漁小館食小菜 之前都聽朋友講話d海鮮豬手都好食 無影哂相淨係影左幾張就掛著食 因為真係好好味 海鮮都唔算太貴 豬手同雞都好特別 有叫到椒鹽鮮魷 好味道呀簡直！

這間餐廳之前聽人講有個牛坑腩幾特別，今日約左朋友過來試一試，來到這裡裝潢都不錯，而餐牌選擇都不少，最後當然叫這個脆皮酥炸牛坑腩 和 齋煲配上二個白飯，牛坑腩來到見到真的幾特別，夾上來看到酥皮入要有片厚厚的牛坑腩，酥皮的口感還可以不錯，牛坑腩都夠厚但口感沒有很硬而且夠入味，整體有驚喜。齋煲材料不少而且可能煲比較耐，所以都入味，但豆腐有點硬，整味道普通不太咸但又未至於好特出，送白飯都不錯。待應服務都不錯，執野同倒水都幾快手，下次會再來吃其他小菜。