漁家莊 (已結業)

河鮮、海鮮，小菜、煲仔飯 … 這家位於旺角新開張的漁家莊都可以滿足你的要求，食肆門外設有多個魚缸，淡水河鮮有順德大頭魚、縮骨魚、大草鯇、花錦鱔、珠江白鱔等等，另外亦有不少入口的海鮮，例如澳洲龍蝦、南非大孔雀鮑、東星班、大花竹蝦、海花螺等。此外，晚市推出每日一款特價菜式，只需$88；還有全日供應的優惠大閘蟹只需$28，及啤酒買2送2等優惠。大閘蟹（$28）大閘蟹原價$98，現在以優惠價$28就可以每人享用一隻，全日供應。兩隻大閘蟹，一公一乸，公的膏軟滑綿密，乸的膏則甘香味濃。酥炸鯪魚球（$108）金黃酥脆的酥炸鯪魚球，外層沾滿脆炸的米粉，𥚃面是爽彈的鯪魚肉，沾一點蜆蚧醬，鹹香的味道令鯪魚球的味道提升。田雞黃鱔煲仔飯（$196）兩種惹味的食材，田雞和黃鱔共處一煲，田雞肉甜又嫩滑，黃鱔爽口鮮甜，飯粒煑至粒粒分明，最後煲底金黃的飯焦當然是無得留低。啫啫魚卜煲（$180）啫啫魚卜煲不是很多地方可以吃得到，當煲蓋揭起，啫啫的聲音伴隨熱騰騰的蒸氣，一條條像螺絲的魚卜跟西芹散發出陣陣的香氣，魚卜口感煙靭得來又有點爽口，還帶有絲絲魚油的甘香。小食 （$10）StorefrontInteriorMenu

👧🏻同朋友喺行街後搵食，今次就揀咗食中菜！餐廳環境闊落，坐得舒服😌。另外餐廳近期仲有做緊大閘蟹Promotion，幾抵食！🌟生煎藕餅一份8件既煎藕餅，用兩片蓮藕夾住釀鯪魚肉。煎至金黃，蓮藕爽脆厚薄適中，配埋釀魚肉口感豐富。🌟香薯和牛粒薯仔牛柳粒🥔份量不少，薯仔粒外脆內綿軟，牛柳粒醃得入味又夠淋，冇咩筋粒，完全沒有唔覺得韌。至於調味就幾濃烈夠惹味，撈飯一流！🌟濃湯魚腐浸勝瓜勝瓜有先刨皮，又煮得夠淋，入口軟滑。魚腐份量頗多，至於湯底都幾鮮甜。🌟蒜蓉粉絲蒸大元貝元貝可能蒸得耐左少少🤏，所以Size比預期中細。不過蒜蓉粉絲調味適中，粉絲盡索精華，挽回不少分數。

今日五點幾黎到旺角呢間漁家莊，見到好似未有人， 望真啲門口先知原來有落場時間,，要五點半先再開始營業，不過職員好好,，同我地講可以入去坐下先，襯住未有客,，我順便影下內部環境，睇落都好乾淨。之後陸續好多客人入黎，即刻變得好熱鬧。天麻豬展燉魚頭湯：眼見每枱客都點呢個湯, 可想而知有幾受歡迎, 細份都好足料, 單單雞腳已經有六隻, 魚頭湯清澈透明，湯底鮮甜濃郁，融合了天麻和豬展的香氣，極具滋補功效。魚頭肉質鮮嫩，入口即化，搭配湯汁的滋味更加突出，我地連湯渣食得一乾二淨。呢個湯燉煮得恰到好處，真係一道美味又有營養價值的湯品。家鄉特色炆鵝：鵝肉鮮嫩多汁, 搭配濃郁的湯汁，散發出濃郁的香氣。薑蔥蒜芫茜等等香料融合鵝肉的風味，最驚喜係冬菇, 炆到非常之淋, 入口即溶, 成道菜口感豐富。湯汁濃稠，入味均衡，帶有微微甜味, 好適合配飯, 值得一試。大閘蟹特價 $28 咋, 點可以唔試下, 不過真係要小心啲蟹鉗蟹腳, 一拮到就見血, 大閘蟹size正常, 唔算好大隻,  蟹肉肉質鮮甜，蟹黃豐富，口感滑嫩。絕對是令人回味無窮的美味享受。

旺角一向都好多野食，每次要諗食咩都覺得好困難🤣今次經過砵蘭街就見到一間門面有好多魚缸既餐廳，再望入面就覺得好有大牌檔Feel！即刻醒起好多年都冇食過，就入左去了～餐廳應該係新開業既關係，環境乾淨企理，座位都好寬敝坐得好舒適👍🏻落單前先上花生🥜邊食住花生邊諗叫咩好﹐餐牌選擇豐富，係選擇困難症下既我地就揀左3款小菜+1碗白飯+2罐可樂。先上菜既係 啫啫芥蘭豬爽肉煲 $136，一上菜已經聞到香噴噴，芥蘭翠綠新鮮，口感爽脆不苦澀不油膩💯而豬爽肉即是豬頸肉，口感爽脆又彈牙，十分惹味🤤份量平均，唔會話太多菜／太多肉👍🏻香薯和牛粒 $180，和牛粒十分出色，肉質鬆軟嫩滑，一啲都唔鞋，易咬且牛味濃郁兼有鑊氣😍而薯仔都唔輸虧，外脆內鬆化，索晒啲汁超入味，送飯一流！重慶雞煲(小辣) $198，用gas爐上邊滾邊食🤤食到最後都係熱辣辣🔥雞煲份量十足👍🏻而且雞件肉質嫩滑又多汁，辣味濃郁，但不會過於刺激，令人越食越上癮😋本身仲諗住2個人會食唔晒3道菜，點知食下食下就全部食晒😋呢間餐廳啲野食好味、服務週到、環境舒適，好適合一大班朋友黎聚會👍🏻而且餐廳都提供多種海鮮！鐘意海鮮既朋友記得唔好錯過喔！

旺角行過見新開，門口擺咗大大個水箱放曬新鮮生猛海鮮吸睛又有質素保證。餐廳全日免收茶芥另收加一，環境光猛企理，職員態度友善。🔸大閘蟹 $28做緊優惠堂食可以每人用優惠價$28追加一隻非常抵食，size唔算話好大隻但一樣有爆膏，呢個價錢絕對收貨。🔸蒜蓉粉絲蒸扇貝（4隻）$88星期一至日都會有唔同特價菜式，是日星期五特價$88就食到4隻原價$192嘅蒜蓉粉絲蒸扇貝，同樣係非常抵食無得唔收貨。🔸漁家莊小炒王 $138用咗韮菜、蝦乾、腰果、魷魚、帶子片等材料炒豐富又夠晒鑊氣，仲有啲脆卜卜嘅應該係豬油渣加埋一齊食更香口惹味。🔸秘製好味骨 $138用大煲上夠曬熱辣辣，每條骨都沾上濃濃醬汁好夠味，感覺上味道有啲似帶胡椒味嘅酸梅骨。🔸香薯和牛粒 $180夠鑊氣，薯仔綿得嚟唔會有成口油感覺。

位於旺角砵蘭街< 𝐅𝐢𝐬𝐡 𝐕𝐢𝐥𝐥𝐚 >, 一間新開順德菜餐廳, 設有多款菜式, 每款充滿啖啖鑊氣。大閘蟹 $²⁸全日供應, 優惠價每位只限一隻, 滿滿蟹膏, 啖啖滿足。啫啫魚卜煲 $¹⁸⁰上枱熱騰騰, 鐵煲放有爽口彈牙魚卜及海量西芹, 醬料調製剛好。生煎藕餅 $¹⁰⁸份量十足, 配以十大件藕餅, 質感非常爽脆, 內層放有濃香魚肉。蒜心炒黃鱔 $²³⁸鮮甜蒜心配上肥美黃鱔, 很好吃呢。漁家莊 (旺角)📍旺角砵蘭街163號地舖