滿記甜品 (已搬遷) 新店位置

今天晚上同朋友食完飯後提意想找點甜品吃，朋友話想食D糖水有芒果的，所以決定出發西貢滿記，其實出發時都心知不妙了，因為每次都有不好的經驗⋯⋯（其實已經食過好多間滿記了），不過每次都覺得是否自己唔好彩呢⋯⋯D甜品食材咁岩係我果份唔靚，今次又係咁了...1.芒果班戟 勁多甜cream嘗試可覆蓋芒果的酸味，5星滿分我比佢2星2.芒果涼粉 普通嘅涼粉冇特別，芒果的酸味完全出晒來！勁！1星3.楊枝甘露 柚子酸又苦，芒果又夠酸，芒果汁糖夠才令人發現佢係一個甜品，我唔比分了，自己諗!如果有一天，我痴呆或失憶會再來吧⋯⋯

春夏之間, 流感肆虐, 女生更加要養好自己身子。滿記總店存在多年, 要試的都試過了~~今日發現原來她也有養生茶, 女人唔補好易老, 膽粗粗也叫了一杯試看得唔得。紅棗杞子圓肉茶算幾濃味, 材料份量不少, 也非常夠熱。飲後身暖暖, 臉色紅潤

滿記為西貢名物，難得入西貢，當然要來嚐一嚐。榴蓮班戟(二件) ($34)滿記最出名的榴蓮班戟，未食己聞到陣陣榴蓮香。其綠色的外皮很薄身，吃下不會有很重粉味。而切開班戟的中間，榴蓮餡被雪白的忌廉包圍著，榴蓮餡的份量也不少，而且食落很香甜，而忌廉十分軟滑。推得一試。芒果班戟(二件) ($27)除了榴蓮班戟外，芒果班戟也很出色。若不喜愛榴蓮，可以叫一客芒果班戟。班戟皮薄餡靚，而芒果很甜。榴蓮白雪涼粉 ($46)榴蓮球份量很大，榴蓮味很重很香，配上淡味涼粉，兩者很搭。雜果涼粉芒果汁底 ($44)除了芒果、西瓜外，此甜品的其他水果，如木瓜、哈蜜瓜，無甜味，很淡。失望。抺茶茶凍 ($35)整體的品道偏淡，抹茶味不是太濃，相信抺茶控會感到失望。而抺茶雪糕於剛上的時候，十分硬身，像剛從雪藏櫃拿出來的，叉子無法插入去。抺茶果凍也很淡味，整個甜品只靠蜜紅豆提味。不過，若不喜歡太甜的甜品，這個抺茶果凍應該會適合你。個人認為，於滿記，以榴蓮或芒果為主題的甜品應該無伏。

中午1點未到等左5分鐘先開門 得我地兩個西貢滿記總店係我覺得最好食嘅滿記其他分店水準差好遠 尤其係apm同朗豪坊圖片只供參考之現實之差距-白雪黑珍珠好彩算幾好味 係份量比較細姐榴槤pancake😋好味 老媽食到😋😋Lum lum 利

這是小妹第一次到來西貢的滿記甜品。以往都是其他旅客和我去過旺角朗豪坊和沙田的分店。我很少吃港式甜品，這次選了楊枝甘露，覺得非常好吃，適合在炎炎夏日為自己降溫柚子味道清新，芒果也很甜，而且西米軟硬度剛好

至怕大時大節，要約朋友出街食好難，個個都陪另一半，呢日情人節如是無咩細藝，人人有形皆雙，同老死收工求期食個便飯，就行下花墟消磨時間。但成晚流流長，係旺角見到一街都係放閃的人，差在未到核爆級，老死提議下半場，去食糖水。喂，今晚大把糖水鋪爆架啵大佬，有幾多情侶唔會食飯後甜品呀。由是只係晚上8點，實在係漫漫長夜，於是決定揸車入西貢兜下風同順手吔個甜品。兜風都兜左一個鐘到，9點已到無咩人掛，客唔算好多，可能時間尚早。肚又可以餓，點左3樣，榴槤班CAKE、楊枝金露同另一個唔記得咩叫名既芒果東東。榴槤班CAKE無咩特別，由內而外都係好普通既層次口感，CREAM亦唔多，皮是淋的(帶有點滲水既濕意，離奇在食到有少少微碎冰粒)。楊枝金露都係OK程度，無特別，就係一般其他糖水鋪都食到既味道，無話餡料特多。反而係唔記得左名果個芒果東東就有點新意，相對地無咁普通，芒果肉甜而多汁，底既耶汁冰亦好綿而香甜，呢個整體唔錯。總說，甜品不過不失，不是特別好味要跑入黎非吃不可程度，唔係唔好味，同普通甜品店食到既味道差不多，應該係勝在那種環境風味，食完行下西貢碼頭夠寫意，要的，就是這種感覺。

今日假期, 成班朋友應邀去左某朋友西貢屋企BBQ, 夜晚散水個陣我同吃貨朋友覺得硬係爭碗糖水唔夠喉,  就2個人自己去左食滿記喇~西貢間滿記都幾大, 所以唔洗等位就可以入座, 我地揀左白雪黑珍珠, 紅豆沙涼粉配綠茶雪糕, 榴槤斑戟。白雪黑珍珠啲配料睇落唔係好夾, 但係撈埋一齊食加埋有口感既黑珍珠又好正, 好食 紅豆沙涼粉配綠茶雪糕一般水準, 個紅豆沙底可以再好d榴槤斑戟榴槤香, 入口個陣好黏, 正 (如果唔係太飽想嗌多個)下次入黎一定要再食!

今日去滿記冇食以往食開嘅芒果糖水，反而叫咗一杯草莓沙冰，係夏天嘅新產品，但感覺就唔係咁好啦。首先係上面嘅幾粒草莓果肉偏酸，雖然知道新鮮草莓係咁，但食得甜品都想係甜嘅，夾硬要講嘅就只可以話佢令到杯飲品顯得甜啲。其次，成杯沙冰裏面嘅草莓味道唔係咁天然，而且冰粒都幾大粒下，飲到中後期有好多大大粒嘅冰用吸管都吸唔到，仲要用口咬嚟食，而且味道已經大不如前，變到十分之淡，所以去到後期已經唔係咁想飲。下次再去都係點返一啲比較傳統嘅甜品或者芒果味嘅嘢好啲啦。

阿媽、老豆、妹妹、妹夫眾人之前，在星期一時已經在赤臘角機場坐上飛機，出發去菲律賓旅行，大約五天時間。這樣的環境變相給我合理理由坐車出外，或者在西貢區內，找尋可以寫食評的食肆。在西貢墟內，剩下可以寫的食肆已經不多，皆因西貢墟面積不大，可以開發研究試食的食肆已經不多。就像甜品店，現在西貢仍然在營業的甜品店大約只有五間左右，把已經講過的甜品店排除後，只剩下食街的「妙品甜X屋」，和傳統大型老店「滿記甜品」。食街的「妙品甜X屋」，我在短期之內應該未會開始試食和評論。所以亦即是說，西貢剩下的甜品店，只有較多分店，較多食客幫襯，和名氣較響的「滿記甜品」可以值得我入內試食。幸好我上門試食「滿記甜品」的時間仍然尚早，店內暫時還未有客人（再遲一點食就很難說了），令我可以在比較寧靜的環境下，享用「滿記甜品」的芒果甜品「楊枝金露」，以及享負盛名的招牌甜品之一，「芒果班㦸」。另一方面，「滿記甜品」出名的其中一個原因，是「滿記甜品」的榴槤甜品受偏好榴槤的食客喜愛和追捧。以前的西貢「滿記」還懂得，專門在店內另外開闢一角落位置，讓偏好榴槤的食客安坐一角，享用「滿記」的招牌甜品之一「榴槤班㦸」和「榴槤忘返」。至於像我這

今晚心血來潮想食糖水，其實依家周圍都糖水鋪，但係情意結都是去滿記比較好，仲要西貢果間。由馬鞍山家經西沙路去西貢市中心都只係二十分鐘。話遠唔遠，所以又自駕去食糖水。想做就去做，及時行樂。去到又係預期無車位，講開街錶位，都真係撞手神，滿記對開的錶位是經常滿的，建議沿滿記燈位轉左直上，會有另一較少人用既錶位。等左好耐，終於有位停車。但去到滿記又另一次等待。最後我地終於都有位食到，水準不錯，跟想當年一樣好。回味！

滿記係香港有好多分店, 但始終都係西貢總店甜品最好味, 難怪有咁多人特意揸車或搭車前往。我就最喜歡它的椰皇豆漿湯丸, 友人反而喜歡它的芒果特飲。西貢總店有個好細心既地方, 就係會劃分吃榴槤區及不吃榴槤區, 对於唔食榴槤既人是佳音。

香港人最熟悉的糖水店，相信是三大記：松記、發記和滿記。市區食松記，深井到發記，西贡嘆滿記。若到西貢晚餐後，很多人都會像我一樣走去滿記食飯後甜品，昨晚同老婆阿女點了三款，分別是西瓜凉粉、香芒沙冰和榴莲班戟。西瓜份量少，但很有西瓜味；榴莲比較苦而且忌簾份量多；至於香芒沙冰可以不試，原因是沙冰疑似用现成芒果汁做沙冰，不是用新鲜芒果打汁做沙冰底，因試過飲長洲某店的香芒沙冰是十分鲜芒果味，所以試完滿記後覺得較假。整體而言，食物方面，比較普通。

去完遊艇會吃飯，我們來到滿記吃甜品。由於對面有停車位，十分方便。友人最愛焗荔茸西米布甸，面層輕輕烤至微焦，西米暖暖的很煙韌。中間還有荔茸，冬天吃特別滿足。荔茸甜甜地，焗至水份很少，很漿口。我點了楊枝金露。由芒果、西柚、西米，伴上芒果汁製成。芒果很甜，沒有酸。芒果汁很冰凍。西柚的澀味，令整體十分調和。 而西米的煙煙韌韌，都會令整體更完滿。 我記得之前在X嫂甜品店，吃的西米是生的，店員解釋說西米遇上凍便會變回生。x 嫂還當客人未食過凍西米咁。 還是去回老字號吃西米吧！

今日同舊同學去西貢逛逛, 玩玩狗仔行到攰攰地, 我就提議去附近既滿記甜品食d甜品,差差電。我叫左熱海底椰白雪黑糯米, 朋友叫左凍白雪黑糯米, 因為大家都未食午餐,所以埋芒果班戟share, 諗住食飽d😀兩碗糖水好快就到了, 第一啖我食左d黑糯米同d雲呢拿汁, 點解d黑糯口感咁怪既😨, 有d水“淋”同“痴口”。 我問朋友點睇, 佢都話d黑糯米怪怪地😱咦!點解個芒果班戟咁耐都未到既, 睇睇張單, 原來都冇入單。呢個時候, 見到隔離枱話個店員又比錯糖水佢，話佢唔止一次。可能新店員較生手，出錯係可以接受，但其實呢個時段唔多人客，不斷出錯，始終印象不太好吧見到咁既服務同糖水質素，我同fd都拿拿聲閃。👋

同媽咪食完飯落市中心行下紅豆沙拼芝麻糊加湯丸而家開始凍啦，食熱既糖水暖下胃上枱個陣，好明顯睇到紅黑分明湯丸可以揀花生定芝麻餡甜甜地好香濃Oreo旋冰係棉花冰再加爆爆珠同小丸子賣相好靚，食落口感豐富，層次多