清真牛肉館 (龍崗道) (已結業)

清真牛肉館嘅牛肉餅由我細細個開始食，到大個左食嘅滋味都係一模一樣無變過！我哋當然有叫到牛肉餅，呢度嘅咖喱羊腩都好好食。牛肉餅上枱之後，記住記住要等耐少少先好擺入口咬，如果唔係就好容易燙到口。牛肉餅嘅酥皮聞落去充滿牛油香味，外表煎得焦香。咬落去外皮香脆，食到好多層酥皮。裏面餡料充滿牛肉汁，差唔多有一湯匙，認真誇張！牛肉餡加咗好多香蔥，兩樣材料加埋十分配合，好香口！另外，咖喱羊腩都推介，呢度嘅咖喱唔落椰漿，所以味道比較辣，咖喱汁用嚟送飯一流，羊腩煮得好淋，肥瘦適中，不過如果怕羊肉羶味嘅朋友都有其他肉類可以選擇，唔使擔心。最後我哋仲外賣左雞絲粉皮同牛肉餅。牛肉餅維持一貫嘅水準，不過要趁早食，如果唔係肉汁就會整軟個酥皮。雞絲粉皮唔係我鍾意食嘅味道，我平時鍾意芝麻花生醬，但呢度係用酸汁加麻醬，酸味太多，麻麻哋。下次一定會再叫必食嘅牛肉餅！

太耐無食，今次經開又去食下牛肉餅水準無得彈！！淨系入黎食個牛肉餅都抵！牛肉餡足料，皮唔厚但有咬口，一咬裡面啲汁就吱出黎，更系用匙更兜住啦，牛肉汁味濃！其次多人叫就系，咖哩，牛腩或羊腩。我地比較喜歡羊，就揀羊！有少少騷味唔錯，唔鞋，但騷味唔算濃。好似咖哩配飯比較惹味，因為食麵撈唔到咖哩汁😭💪🏻。會跌晒落湯到。蔥爆羊肉一般，無騷味，鬆肉粉乸太耐既感覺，如果話系牛肉到算。但下次應該唔會再叫呢個😂。

我唔知係咪自己好耐冇黎，宜家竟然有下午茶🥳🥳🥳仲要係好啱口味🥰我至鍾意嘅酸辣湯+兩個牛肉餅$52豆漿另加$10🤨🤨🤨已經飽到冇朋友🤩🤩🤩而另外呢個下午茶餐$39有一個牛肉餅+兩個咖喱角+ 三塊蔥油餅講真，一個女仔應該食唔晒🤣🤣🤣其實，我覺得有下午茶餐唔錯，唔使續樣續樣嗌！可以一個餐滿足晒😍😍即刻想快啲下次嚟食埋個咖喱飯😋（不過咖喱飯就冇下午茶lu)🤓🤓大家行過九龍城就黎試吓啦

九龍城名物牛肉餅，聽就聽咗好耐！今日終於有幸一試！牛肉餅 - 餅皮薄煎得香脆，餡料豊富又Juicy，幾好食嘅👍🏻酸辣湯 - 除咗一般筍絲，雲耳，豆腐，竟然仲有牛肉絲，牛肚絲！有驚喜，我超鍾意😋 蝦子鍋塔豆腐 - 蝦子唔係好多，但個汁教得幾好，加上清淡嘅豆腐Just Fit. 今次試住咁多先，有機會要再嚟😆#食在九龍城 #清真食品 #Foodie2046

今日同事突然話想去九龍城食晏，食牛肉餅，所以我地一行8人就由旺角搭的士去食啦跟住每人都叫左個午飯（咖哩牛腩/羊腩飯）再加個牛肉餅個個都讚不絕口平時一個人點會叫到甘多個呀，今次甘多人可以叫多啲啦(超熱辣辣)多汁香濃皮脆

雖然係區內名店之一，但中學時代中過一次伏，所以已經好耐冇食過。好彩同事帶我嚟呢度食飯，先發現當初嘅水準返晒嚟😆。.咖哩羊腩（配白飯）羊腩肥瘦適中，口感有層次，又腍又入味。咖哩香濃，辣度偏低，唔食得辣嘅都入到口。我仲好記得多年前食過嘅咖喱羊腩，係一兜得辣油嘅液體，撈先撈到兩舊細細舊嘅羊肉，但呢次確實令我改觀😍。.牛肉餅雖然價錢係寫$38/2件，其實可以嗌單數份量。一咬就有爆汁效果，但對我嚟講鹹咗少少，同埋太過油。味道同以前差唔多，但稱為名物就有啲言過其實🤫。.相比起中學時代，餐廳多咗好多內地遊客。慶幸嘅係價錢合理，而且樓面嘅態度都幾好。相反好多餐廳一旦被遊客追捧，就會盲目抬價，亦唔會稀罕本地客。因此即使九龍城美食林立，呢間亦都係一間可回頭嘅餐廳。.🐮清真牛肉館九龍城龍崗道1 號

清真兒時已經係九龍城嘅餐館！名氣非常之大，呀姐落單極快又準！！如發現任何錯單，她們立即檢討，搵出錯誤即時改正，效率極快！美味牛肉餅，皮薄香脆，仲極多牛肉汁！非常美味！放進口時，不能心急，因為到桌時極之熱，小心燙傷咀唇啊~~~白菜豆腐湯，清甜可口，鮮魚湯底，淨係飲湯都值回票價！加上白菜香甜又爽脆，豆腐香滑， 好正！蔥油餅，皮薄脆口， 口感似chips，蔥油味又香又濃！一客兩塊，好飽肚呢~~~推介指數：9.5/10

牛肉餅 $38有2個，超多肉汁，勁好味😋蔥油餅 $34 2塊 一開4 ，唔太油，唔差咖喱羊腩 $78 ，本人本身唔太喜歡食羊，所以都覺病甦味，配菜嘅薯仔好好味！大漠風沙雞 $145 半隻，雞皮脆口，正上湯白菜仔 $61 正常，冇特別高力豆沙 $25 2個，飯後甜品一流平時都好少嚟到九龍城食嘢，因為對我嚟講地點唔太方便，但今次係老細帶我地兼車我地嚟食，因為呢到嘅老闆娘係我地嘅客人，所以要嚟幫襯下，而且食物真心好食，有機會都要再嚟食👍🏻

呢間野都出名左好耐，係香港少有質素既中式伊斯蘭餐館，因為都未試過呢類型既菜式，咁岩係附近就去試下啦～😋😋佢地既牛肉餅係必食丫，又大件又多汁，一咬落去啲湯汁係流晒出黎～而個餡既牛肉都好多，好香牛肉味，不過要小心啲唔好辣親個咀丫～一上菜就驚嘆個鍋真係好大，叫半隻雞其實都夠分比4個人，佢入面既湯有小小奶味，好好飲～而白菜同埋雞入晒湯既味，所以好夠味。雲吞既數量都算多，係包住肉同蝦，食完呢個都夠晒飽 總括嚟講，我對呢間野完全冇失望

由細食到大嘅牛肉餅，好好食！皮薄餡靚，牛肉餅超多汁又juicy，一咬勁多牛肉汁。好難得佢咁多年都keep到水準！食嘅除咗係好味道，仲要係感情同回憶。平時泥一定會叫上海粗炒，今日lunch唔想太heavy，所以嗌左份量較小嘅細咖哩羊腩粉絲。睇相都知佢係好濃味！咖哩味好香，唔會太辣，重點係羊腩好腍好入味！嗌左細份所以粉絲份量較小，兩啖就食曬，不過佢吸左咖哩湯嘅精華，好入味！好希望佢可以一直都keep住呢個水準！因為真係太好食啦！

九龍城雖然交通相對冇咁方便，但係九龍亦都有好多好味小店，所以都會久唔久入去食返餐👍🏻👍🏻除左出名既泰國野食之外，緊係仲有好多人推介既清真牛肉館啦😋店舖入面就舊少少，但位同位之間都仲有好多空位，唔算迫整體黎講呢間餐廳既價格都係中位數第一樣必食既就緊係牛肉餅 $38真係整得好出色，個皮煎得好香身，而且又唔會好硬，入面仲要勁多汁好似湯咁流曬出黎！加上個牛肉餡好大舊又有牛肉味，真係一食難忘😋😋牛肚絲拉皮 $65平時食雞絲粉皮就食得多，牛肚絲就第一次食🤟🏻呢個係冷盤，係用粉皮，牛肚絲，青瓜加埋麻醬撈埋既，我自己本身都好鐘意食呢類野食，所以都覺得好好食😋不過如果牛肚可以再爽啲就更正羊肉嗆湯麵 $53呢個就係用啲碎羊肉放入去煮既，個湯底都有羊騷味，而且唔算濃，如果唔太鐘意食羊既朋友應該都會接受到，麵條就有少少硬身好有趙口👍🏻👍🏻不過湯底可能用羊肉黎滾，所以就比較油清炒時菜 $61最後因為健康想食個菜，叫左碟白菜仔，但只係一碟好普通既白菜仔，而且份量只係得兩個人，好細碟，就要呢個價錢都幾貴🤢唔值得最後兩個人食左$217，免收茶芥，任坐冇限時，之後都會再返黎食😍

行過九龍城梗係要搵吓好嘢食，我就行到去呢一間野，請問清真嘢幾好食就試吓啦我聽講清真呢兩個字即係可食用咁解入到去睇吓個餐牌唔係平嘢，因為我一個人去食如果疊疊野咁樣呢就都幾難叫咁我就帶啲招牌菜，清真牛肉麵同埋羊肉小籠包講真非常好食，如果幾個人去可以叫多啲唔同菜式，我覺得服務態度剛剛好啦。出嘢食時間都唔錯，冇乜嘢可以大挑剔。如果可以大半碟半碟咁就very good。如果唔係通常都要約埋一大班，就可以每碟試。幾好食幾健康！冇乜油我喜歡

去到九龍城一定要去呢間清真嘅餐廳，食佢嘅牛肉包佢哋牛肉包真係只有佢先做得到，皮脆多汁新鮮熱辣價錢普通，份量OK但係如果你晚餐時間嚟就肯定大排長龍，雖然呢度有代客泊車但係有時真係唔知佢張你架車揸左去邊度所以我每次都係揀下午茶時間冇咁多人可以慢慢食！

星期六下午2點左右去，入面坐滿人，等左5分鐘先有位。牛肉餅同牛肉鍋貼都係超熱超既多汁。我食牛肉鍋貼既時候一唔小心仲爆汁添，搞到成身同台都係汁，所以食既時候要小心。呢兩款煎物唔會太油，皮薄多餡。如果兩款要比較，我會比較鍾意食牛肉餅，佢個餡好似比較多層次，而牛肉鍋貼既餡好似口感差d。兩款我都鍾意食。酸辣湯，好足料，唔會好酸，唔稀，小小辣好正！咖喱牛腩，好大碟，有d辣。入面有薯仔，牛筋同牛腩，燜得好稔好入味。小小辣送飯一流啊。

嚟到九龍城唔知食咩好，行過清新牛肉館就唔諗了..平日直入唔洗等位。.叫左個2人餐 $2101. 牛肉餅依舊出色多汁 噴到周圍都係 大腿都噴到 熱死我大大舊 好正.2. 辣子羊肉冇咩特別 食唔到辣味 有筍既脆口 但羊好似冇咩味同埋有D油.3. 麻油雞醬好香 雞件都好滑 唔錯.4. 酸辣湯飲得出好多胡椒粉 個辣味有D假入面有牛肚同牛肉絲 出面好少冇見過.我地2個女仔冇叫額外叫飯 都夠食但下次再食都係散叫好了牛肉餅必食