有時諗唔到食乜，就會諗起呢間台灣嘢食，因為佢有好多款台灣嘅小食任揀，咩都想試既人個人來講最鍾意食嘅就係米血糕同埋甜不辣，煙煙韌韌咁好有咬口如果鍾意食辣嘅朋友可以叫佢拎一碟辣椒油，呢啲滷味點辣椒油食成件事好match，簡直係畫龍點睛 我好鍾意佢哋嘅芋泥肉鬆蔥抓蛋餅佢比我嘅感覺似食緊甜品，因為佢入邊有好多芋泥，除此之外佢入邊嘅餡料都好充足，一碟嘅份量又大，而且價錢都唔係好貴，性價比好高

值得推薦嘅係呢個雞翼，佢有少少辣辣地可以刺激你嘅味蕾而雞翼都好入味同埋雞肉好嫩身。而且個炸雞粒都好脆身，份量對於兩個人來講都算多食馬卡龍最怕就係食到好甜嘅感覺，但個人認為佢嘅朱古力味馬卡龍冇咁甜得黎朱古力味都好香濃雖然食下午茶就係甜品為主，但係有時食咁多甜野，都會好膩食唔到落去，但佢呢間嘅鹹點同埋甜點嘅比例啱啱好，當你食咗好甜嘅甜品就可以或者漢堡中和一下 同埋佢哋嘅服務態度好好，見你冇水都會即刻過嚟幫你fill番滿佢

呢間餐廳嘅名係好耐之前已經聽講過，今次機緣巧合就入咗去試一試～入到去比我嘅感覺係好外國嘅工業feel，有好多唔同嘅舊式裝飾，第一印象都不錯 我哋叫咗一個甜薯薯條，佢哋嘅份量都算多，而且價錢又平所以個人來講都幾鍾意呢個薯條見到呢個炸雞嘅賣相，本身以為會好入味，但係食落去食到嘅調味料只係得上面嗰啲粉，而炸雞本身都冇咩味不過佢隔離嗰啲酸蘿蔔就唔錯啦，食落去幾開胃 佢送上嚟嘅時候有好香嘅牛油味，食落去其實個味都夠嘅，但係真係好韌我哋咬咗好耐，而且塊牛扒比較似十成熟多啲，懷疑係唔係煮得耐左 總括嚟講，食完之後我諗都唔會有下次啦，見到其他食評嘅相都同我哋唔一樣，所以我諗應該係得我哋咁唔好彩啦

提起酒吧，好多人都會諗起尖沙咀或者太子等地方，但今次我地去既呢間酒吧係銅鑼灣既mini club啦呢間酒吧又有野食，又有特別既cocktail，用黎打卡一流，最岩一班女仔出黎吹水啦 總體黎講，佢地既野食係酒吧黎講真係唔錯，佢地既炸野夠晒入味最緊要皮夠脆但豬肋骨就麻麻啦，因為有一浸雪藏味係到 而碟黑松露意大利飯個人覺得真係好正又大碟個奶味又夠重最重要佢地既意大利飯既飯質岩岩好！唔會太硬又唔會太淋，呢個係十分重要架 而佢哋嘅燒春雞皮係脆皮㗎，雞肉都好嫩口配埋佢個汁就一流啦 服務黎講侍應嘅服務十分好，有時仲行過嚟會講笑有咩需要都可以幫到我地！

係咁多國家既美食黎講，我認為泰國野係最食唔膩，泰國既酸辣真係好吸引。係香港食左咁多泰國野之後，個人覺得呢間又平又大份又好味，值得一試！ 佢地既小食拼盤炸得卜卜脆，每一舊都大大舊咁佢地既小食種類都多，有蝦餅、魚餅、春卷、雞棗（初頭以為係炸燒賣）。每一樣都有4件，4個人岩岩好 又係一道開胃小菜，沙律入而加左啲脆脆同埋花生令到成個口感唔同，再加埋佢地既沙律汁，係幾好食 雖然呢間既pad thai蛋皮較少，但係味道依然好食佢地每條金邊粉都好入味，而蝦就爽口彈牙唔怪得係餐廳推薦 輪到我最愛既冬蔭功但係唔記得影相🥺呢間既冬蔭功酸度同辣度都夠，又夠晒味4個人飲可以一人一碗，仲一人一隻蝦

呢間由粉嶺裁判法院改建既咖啡館最有特色既就係佢既外觀，佢保留左香港舊有既維多利亞建築風格係平時鬧市中少見既咖啡館去到呢到就好似身處係外國咁，真係好有度假既感覺架呢個all day breakfast 既材料雖然同出面啲餐廳差唔多，但佢勝在整得好食薯餅係岩岩整好仲脆卜卜，而粟米都入曬味佢黑色個個係面包仔黎，食落去係健康既味道，所以冇咩味咁～個人黎講都覺得唔錯呢間餐廳黎講我最鍾意係佢地既碟，擺埋一齊有種文青既感覺食落去都覺得特別好食，再配埋有拉花既latte ，真係岩晒鍾意休閑生活既人

因為朋友生日所以去左呢間餐廳，本身見到門面都覺得吸引，今日終於比我試到啦我地叫左個四人套餐，有沙律🥗、湯，蝦球、北京填鴨、同埋一個豆苗菜，本身會覺得唔夠，所以仲叫多左個胡椒餅，但佢地啲野食都幾大份，所以食完個個都好飽以呢個價錢黎講真係幾低食 佢既胡椒餅有好勁既胡椒味，唔係個個接受到，個人黎講覺得好食，但友人就麻麻啦～呢個北京填鴨有皮仲有瘦肉，包埋一齊食真係好正，唔會好似有啲鋪頭得瘦肉，所以都推薦呢款最黎我地仲叫多左個炸雪糕，一黎到真係嘩左一聲，雪糕出面有好多脆脆，仲有個脆皮包住，所以個咬感十分豐富而佢出面係熱熱地，入面就係凍，食落去好正

一入到去已經比佢既藥膳味吸引住，所以就叫左個藥膳醉雞米粉佢地既藥膳湯好大碗，飲落去又夠味，淨係湯底黎講都十分正個人黎講覺得米粉好食啲因為米粉會吸曬啲湯，所以會食到啖啖湯水既麵，而啲麵又唔會淋曬而個醉雞十分香滑，濃濃既酒味又會有啲甜味啲雞又滑又索晒啲汁，配上藥膳就一流啦不過如果轉飯既話就唔會有藥膳湯，得麵食先有架～ 佢地既砂鍋雲吞雞都好食，啲雞好入味但又唔會老曬，都係保持滑滑但我都係鍾情於藥膳湯，下次要去希望試埋佢地個椰子雞，都好似好吸引咁

每次經過呢間餐廳都以為佢食台灣野🤣🤣今次終於破解左我既謎思～ 呢配叻沙上到黎既份量好足，有雞翼、蛋、豆卜、魚蛋😋而佢既叻沙湯底都濃厚，愈飲越開胃～所以呢個都值得推薦👍🏻👍🏻 飲緊個陣天氣都幾凍下，而佢入面又有好重既胡椒，所以特別暖胃🥰但如果唔受得咁胡椒既就唔好嗌啦～而入面既肉煮到入晒味，食落好正😋😋 初頭唔知係咩黎，問過先知係炒通菜🤣🤣佢地既通菜係偏淋身，上面仲有我最鍾意食既乾蒜，一啖通菜一啖蒜都幾夾架😂😂

成日食啲下午茶都唔夠飽肚，嗌個包個份量得小小🥺🥺但係呢間餐廳就岩曬大食既我😋佢地既三文治🥪同牛角包🥐真係大份又抵，配菜既水果同包係一樣咁多🤤食完佢當食左正餐咁 最主要係佢地既價錢一啲都唔貴，大約都係$2x-3x就食到大大份下午茶，有包有水果，啲水果仲要切到大大件咁擺到成個碟都係佢地既配料沙律多到好似唔洗錢咁，夾曬成個包都有突 未食呢個包前會覺得芒果配包會好唔夾，但係食落又唔覺，甜甜地好似食緊甜品咁，啲芒果肉仲要勁多，一啲都唔馬虎丫