洋麵屋 五右衛門 (已結業)

新開時一直有幫襯，最愛佢地既咖啡又香又滑，同埋八瓜魚意粉，蒜香味濃意粉又彈牙，可惜今次實在令人太失望，咖啡換了，味道不再，淡而無味，意粉軟林林，八瓜魚意粉只有兩條八瓜魚，好言詢問得出惡經理話係咁㗎喎⋯⋯真係令人無言。順帶一提，入座時被安排坐2人枱，但明明有卡座可供選擇，乖乖坐下後，眼見後來的國內同胞2人同座卡座，我倆轉移卡座，店員即過來問‘你地2個吓嘛’，態度不好，我明白餐廳充分利用座位空間，但當時並非繁忙時段，亦無人等位，亦有數個卡座，最重要是店員的態度令人失望，我想這次是最後幫襯了

每次行經屯市都會留意到呢間門面似日式既食店，男友都有講過佢既甜品好食，但因為屯門實在太多美食一直都無試過，今次見無咩人終於下定決心試一試。入到去睇到餐牌先知原來係食意粉既，除左意粉仲有鐵板同小食，意粉餐包左清湯同餐茶。 我地點左一個明太子蝦肉意大利麵同牛油果蝦肉紫蘇醬意大利麵，另外+$30點左個櫻花綠茶芭菲，餐飲要左熱烏龍茶，去油解膩。日式清湯唔記得影相，飲落應該係味噌同昆布煮成，飲落清清地幾舒服，但飲多幾啖會覺得有啲啲鹹。牛油果蝦肉紫蘇醬意大利粉，睇名以為係比較健康既一款，但實情係意粉係用炒既，成個碟底都係油 意粉炒得剛好，唔會太韌或太淋，以為有牛油果食落係creamy既，但其實好乾身牛油果只有幾粒，無咩味，食落似普通炒意粉，幸好鮮蝦夠大隻，肉質實淨有咬口。明太子蝦肉意大利麵，聽男朋友講唔差，食落係creamy既，意粉汁加左明太子有濃濃既海鮮味，意粉一樣煮得恰到好處，同樣都有鮮蝦三隻，比起我果個好好多。最後係今日既主角──櫻花綠茶芭菲唔係因為佢都應該唔會入黎食。兩球大大既抹茶雪糕，加上兩匙紅豆蓉同cream，雪糕抹茶味足，食落幾滑，紅豆蓉雖未至於好甜，但應該溝左糖，唔係天然甜味，Cr

因為Tomica主題，元旦日同嗜車仔嘅男朋友嚟到屯門。下午茶時間，餐廳只有幾枱客，唔駛等即時被安排入座。下午茶餐有驚喜，最愛嘅牛油果，同紫蘇醬同蒜蓉好夾，互相帶出香味，$48有意粉有湯有橙汁，仲唔多人，坐得舒服，都算幾抵下午茶份量唔多，仲可以食埋個芭菲，材料豐富，雪糕+忌廉+朱古力餅乾+脆米+棉花糖將甜，脆，香，軟拼湊一齊，失色嘅係放底嘅粟米片被大大舊棉花糖檔住，同其他材料無法融合，所以都只可以話係整體OK。食物可以，環境地方舒服乾淨，服務生態度良好，係上菜速度較慢，不過假日唔趕時間，所以整體感覺良好

被遺忘的屯門日式意粉呢間好幾年前食過 主打西日fusion菜 要用筷子食意粉 同埋裝潢都好特別呀😆推介：牛油果蝦肉紫蘇醬意大利麵紫蘇醬好似青醬 但再濃郁啲fresh啲 配合埋牛油果 成個意粉好creamy!!😋推介：卡邦尼溫泉蛋意大利麵都係好creamy 但食落又唔會好膩 加埋溫泉蛋嘅蛋汁 更加滑～ 💫明太子意粉就差左啲 因為佢冇落汁。。成個意粉都無味咁 意粉都係有汁好食啲既😛每個意粉，加＄20 ,仲有甜品添啊！都幾好食，甜度適中！

之前已經知道佢有tomica套餐，聖誕節就帶個仔去食野，套餐都佈置得好精美，令到阿仔都幾難決定服務都算係咁啦～套餐嚟到，食物水準都比預期好味，已佢地有聖誕裝飾玩，令大家都好有聖誕氣氛，1家4口玩得好開心

晚上點了二人套餐，不是什麼特別食物，餐廳人數亦不多，點菜後等了50分鐘才上菜，期間催促遇著全程黑面女經理，食物味道還算可以，只要你等得及不介意服務態度差的不防一試。

👫食厭左附近嘅嘢食，想試下新嘢，見到呢間餐廳個名睇落好似日本餐廳咁，入到去先知係食西餐😂#香辣八爪魚意大利麵 <$48>▫️日式清湯▫️抹茶鮮奶落完單好快就上左檯，份量適中，八爪魚食落幾稔，唔會韌🧐 雖然個名係香辣，但食落只係小小辣，蒜味比較偏重，所以都幾香～ 但下午茶嘅份量嚟講，男仔可能會唔夠食😂 抹茶鮮奶一飲落去有抹茶粉，可能因為唔夠熱所以未溶，奶味比較偏重，飲落偏甜🤔 清湯其實一啲都唔清，飲落係味噌湯嘅味😂🗣：下午茶時間係星期一至日15:00-17:30⭐️*10% Service Charge*

話說五右衛門推出咗主題兒童餐，次次行過都好多人，終於今次行過無人等位，就帶阿女入去潮聖個個兒童餐都要百幾蚊，本人覺得好唔抵😒芝麻雞翼，$40夠脆香酥炸雞松露汁飯$148松露汁好勁奶味，所以阿女好like 個汁撈飯，但個兩件雞，死得😱乾到完住咬唔到，仲要用超厚粉炸，又無飲品又無前菜，咁就$148冰果茶，$48最特別就係兩粒冰，整成架車仔咁，但飯品分量就真係嚇親，得一個奶瓶咁少，佩服小朋友黎到食就緊係開心啦，但大人就........

話說小小豬係一名車控(最迷戀就係火車)，唔覺意口多多話俾佢知有一間新嘅主題餐廳，入面有好多TOMICA食物，就係咁......我地就嚟朝聖啦！ 我地三口子又點可以食得晒咁多美食，但睇網上介紹每一款都係好吸引，所以我地就約埋SY哥哥齊齊嚟，人多啲可以食多啲唔同款嘛~其實「洋麵屋 五右衞門」都開左有好一段日子，不過大鄉里的我今次都係第一次嚟(咁...其實...我又真係好少入屯門)。今次仲係全港首個以TOMICA為主題嘅餐廳，所以為左依個車控豬，就專登渣車入嚟食啦~ 由於餐廳變身成為TOMICA主題餐廳，所以四圍都以車仔元素重新佈置，車迷控就當然係最開心啦~ 樣樣食物都好吸引，小小豬揀得好苦惱添。依個時候就發揮人多嘅好處，每樣都叫一份，之後齊齊SHARE嚟食，咁就大完滿啦~ 餐廳會為小朋友提供塗顏色用品，咁就可以一邊塗顏色，一邊等食物嚟啦~ 小小豬叫左依個意式肉丸意大利麵，仲有靚靚車仔飯盒送上，真係好可愛呀(不過...個盒仔係唔可以拎走嘅)，佢話個意大利麵係最好食~ 我點嘅珍珠帶子蝦肉意大利麵，整體上都唔錯，尤其個蝦肉都幾彈牙，如果可以多返少少汁，咁就VERY GOOD啦~ 仁叔叔嘅日式照燒

第一次食 因佢近排係tomica餐廳 所以帶左仔仔試 唔洗排隊 可能閒日 主餐牌都好少野食 份量又細份 當然食物質素都好普通啦 唔值甘既價 好彩唔係星期六日去 要排好耐先食 會更失望

見到佢個鋪名有D特別，再加上見到佢lunch有poster寫住「叫滿三客飯，第三客飯會半價」所以就叫埋朋友一齊去試下。前菜：餐湯+和風沙律。個餐湯就稀左D,而個和風沙律個名就好好聽既,但其實就係紅蘿蔔絲。炸鯖魚柳拼茄子日式咖喱飯：見到魚柳本身好期待的，因為佢好有心思，炸到有「粒粒」花紋，但一食落口呢，就腥到爆，完全無僻味，相信係「生勾勾」掟落去炸之後撈返上黎就算個款，而個茄子就好重手，鹹到死，完全係無樣得，敗筆。香草燒雞胸日式奄列意大利麵：哩個👍🏻，蛋重重包住意大利麵，D蛋槳流晒去意粉里面，每食一啖都感受到滑滑的。而個雞胸肉就「鞋」左D。鐵板紐西蘭肉扒配燒汁（意粉），可能係日式關係吧，又或者係價錢問題，幾多成佢地話事，因為order個陣佢地完全無問到，之後食落口，feel到（well done)，但肉既質感都唔錯既，係有少少根位就難咬D，而個意粉係用左芝士黎撈，口感唔錯，但罪惡感十足。搽茶熱牛奶：對於搽茶控既我黎講，二話不說一定係揀佢啦，飲左一啖濃厚度十分係好既，可惜嫌佢太甜，飲多幾啖就勁要飲水來緩衝下。

食物：1. 牛油果蝦肉紫蘇醬意大利麵紫蘇味唔係好濃，對紫蘇唔係太大興趣或者怕紫蘇味都可以一試。因為味道有種好青新ge感覺(好似好誇張haha)成個配搭聽落好奇怪，但係食落口又出奇好味2. 日式炸雞肉醬意大利麵炸雞好大舊，少炸粉包住，非常好。肉醬好好味！好濃蕃茄味飲品1. 凍咖啡 ＆ 凍檸茶奶同糖都係自己落，可以自己落番鍾意ge甜度其他1. 呢間餐廳d碟真係好靚唔知大家去食ge時候有冇留意到呢？好似每隻碟都唔一樣(?)

十點到處找餐廳，找到這間收十一點就照入。初時以為日本野，點知係西洋野，但介紹說到用日式煮法，點點點特別，咪有小小期待。點知食物比較咸，價錢貴及份量小。叫左蜆肉意粉，比較感，清湯重味精。另外叫肉眼鐵板，叫了五成點知來了八成。成為$248......

端午節公眾假期，屯門市廣場人山人海，今天本來是打算和家人去商場地下的<靠得住>吃雲吞麵的，不巧遇上裝修，沒有營業，而這家位於同一商場三樓的<洋麺屋 五右衛門>不用等位，翻了翻餐牌後覺得食物賣相還不錯，價錢也便宜，便進去一試這日式風味的pasta店。服務員帶我們入去坐靠邊的二人卡位，座位不算太寬，不過邊上擺滿調味料，當上了二人份量的午餐和餐飲後就顯得很狹窄–––不過這是香港食肆普遍遇到的問題，空間太少，又要供應日韓款式的形形色色的前菜、沙律、餐湯、主菜、餐茶和餐具，怎麼辦呢？唯一折衷的辦法就是善用空間，比如在餐桌底下設置餐具抽屜，另外可以把lunch set設計成便當模樣，上菜的時候一個plate就搞掂，方便上菜，也方便食客進食。因為我後來吃飯時真的連周旋的位置都沒有，叫人如何切牛排呢？這家店假日也有午市套餐，逢星期六、日、公眾假期11-3供應，是很不錯的選擇。我們點了C餐和D餐，很快服務員便遞上忌廉餐湯和沙律，餐湯還算濃郁，有蘑菇粒和玉米粒等配料，至於沙律就比較失色，只有蘿蔔絲、洋蔥絲和蔥粒，連一片生菜或青瓜都嚐不到，不合格。再來是主菜：香草燒雞胸日式俺

山長水遠入左黎屯門，順便食個lunch。十二點幾黎到，人唔係好多，環境都幾開揚舒適。午餐幾抵，八十零蚊有湯，沙律，飯 同甜品。湯細細杯，味道幾清，似係魚湯味。個沙律賣相好dry,得d 蘿白絲, 但估唔到味道唔錯，個汁酸酸地加埋啲紅色脆卜卜既咸牛肉粒，加埋出奇地好食煙肉雞肉牛肝菌醬日式燴飯， 呢個賣相麻麻地，但個味幾好。飯索滿晒汁，有菇菌香味。香煎什菇豚肉扒配燒汁，呢個扒真係一般，硬同乾，其實唔多食得出係豬扒。個汁偏甜，但夾埋意粉都ok加十蚊仲有多個甜品， 好抵。雪糕好好味仲有雲利嗱籽。紅豆綠茶凍都唔錯，不過紅豆太少，之後就咁食個丸子同綠茶凍就有d dry 同苦。 上面仲有粒乾蜜柑，呢個我就唔多like.