沙田新強記燒鵝海鮮酒家

營業中

休息中

大年初一農年行大運，今年農曆年飯同屋企人的團年飯好豐富！有龍躉有雞有燒肉亦都有乳鴿！希望大家都係新一年繼續豐豐足足🧧🧧今年揀左去新強記啊~~交通方便屋企人, 而且品質亦附合屋企人的口味,先叫了龍頭腩Set~豆腐火腩炆龍頭腩配蒜蓉炒時蔬及古法香妃雞豆腐火腩炆龍頭腩：火腩入口即化，龍頭腩肉質鮮嫩，肥而不膩。豆腐吸收了火腩同龍頭腩肉的味道, 蒜蓉炒時蔬：時蔬清脆爽口，蒜香撲鼻古法香妃雞：雞肉皮香肉嫩，簡單好食。-另外仲叫了幾款小炒新強記小炒王：蝦干超大隻, 九菜花亦都好新鮮爽口-新強記雞粥：-雞粥綿密細滑，雞肉鮮甜，金牌燒乳鴿：乳鴿皮脆肉嫩，肉汁豐盈!-福建炒飯:]炒得夠鑊氣, 粒粒分明~-

同事新居入伙，而去咗食入伙飯，去咗樓下附近新強記食雞粥小菜等等每次搭火車都會經過大圍見到古色古香嘅餐廳裝修都好想入去試下，今次終於有機會首先講下雞粥啦，佢嘅粥底好棉滑，唔會太膩，啲雞肉好滑嫩，同埋加埋啲蔥花同薑絲，味道更加出色。一碗雞粥就令人心情舒暢，食完會令人想再嚟一碗！柱侯牛腩煲真係正！佢嘅湯汁濃郁，重口味人士啱晒，牛腩煮得好軟嫩，每咬一口都係肉汁四溢，好香口。牛腩煲個底配埋啲時蔬，一齊煮得剛剛好，吸晒牛腩汁嘅味道，真係一道令人垂涎欲滴嘅美食。生炒糯米飯係今日嘅驚喜之選！糯米飯炒得金黃香脆，每粒都有口感。加埋啲蔥花、蛋絲同啲蔬菜，味道更加豐富。每一口都係糯米嘅獨特風味，真係令人驚喜連連，我真係無法抗拒！最後要講下椒鹽九肚魚，真係香脆美味！魚肚炸得恰到好處，外脆內嫩，再加上啲椒鹽調味，味道真係正到爆！每一口都好有嚼勁，令人欲罷不能。總括嚟講，今日嘅食評真係要話一句幾好味！雞粥、柱侯牛腩煲、生炒糯米飯同埋椒鹽九肚魚，每一道菜都有特色，食到讓人回味無窮。如果你鍾意呢啲菜式，真係要嚟試試呀！

呢間餐廳搭火車時總會見到，趁住要諗團年飯食咩就揀左呢間試下雞粥黎呢度一定要食既野叫左個例牌，3人食大概每人分到2碗，份量都不少雞粥煲得非常綿滑，每啖粥都有濃郁既雞味雞肉肉質嫩滑，果然係必叫既名物椒鹽九肚魚外皮炸得香脆，炸粉好薄臘味糯米飯冬天凍凍地就想食糯米飯好足料，有好多蝦味同臘肉整體食好香口，而且唔油膩，飯粒水份適中，有咬口柱侯牛腩煲份量真係唔講得笑，超級多牛腩同牛筋都炆到好淋，又非常入味送飯一流食完仲有紅豆沙送，正

食燒鵝又唔一定要去深井，更唔使去深圳嘅原來喺大圍都有食燒味乳鴿好出名嘅茶樓，大胃成日偶爾經過都唔覺，真係失覺失覺等大胃喺裡面開壺壽眉，試吓佢有幾美味既然燒鵝係招牌，至少嗌碟例牌，睇色澤油光均勻，肉汁豐富卻唔泛油，外皮燒得好薄好脆，連皮食唔會一味肥肉，肥瘦剛好又嫩口，平時食燒鵝會𦧲皮嘅胃民，都好食到連皮食清光點埋梅醬更加提味醒胃，甜甜地好消滯雞粥亦係呢間嘅名物，胃民嚟過食表示推介打開蓋見到粥嘅色水相當金黃，食落完全試到雞嘅精髓，睇嚟雞汁同粥水經已合而為一，裡面都幾多雞肉，唔會煲到老晒，非常香嫩，連雞頸位都好多肉好滑，一人份嘅雞煲都夠兩個人分別食兩三碗，性價比奇高今晚翻風勁凍，食個季節限定最啱時候，問樓面姐姐細份即係幾大碗，佢話唔係碗，係碟，兩個人都未必食得晒，咁老實？確實，細份已經夠我地兩個舀兩三碗食，飽到暖身，而且好香口好綿，抵食過中環某間蛇王

今日我要同大家分享一個絕對值得一試嘅酒家，就係【新強記燒鵝海鮮酒家】！佢嘅燒鵝、乳鴿同雞粥絕對係一次過滿足你嘅味蕾，真係一定要試下！首先，我要讚賞佢哋嘅燒鵝。燒鵝脆皮，一口咬落去，咬感超級爽脆！肉質嫩滑，入口即化，每一口都飽含肉汁，真係讓人嘆為觀止。少少八角味道更加增添了一抹特別的風味，真係好味到爆！跟住，乳鴿係另一個必試嘅選擇。乳鴿皮脆到彈牙，每一口都飽含著鮮美嘅肉汁。即使係外皮，都能夠感受到它的精湛烹調技巧，真係一絕！最後，雞粥絕對唔可以錯過！粥底靚到冇話講，濃郁嘅雞湯味道滲透入每一粒米粒，每一口都帶來滿滿的舒適感。加上鮮嫩滑口嘅雞肉，真係一碗暖心又美味嘅雞粥。

喺大圍同屋企人飲茶，揀咗大圍新強記。佢哋嘅午市都幾抵食，有午市孖寶$48.8，有好多款選擇。我揀咗煎釀茄子同紅豆煎堆。煎釀茄子夠足料，釀到脹卜卜咁。紅豆煎堆就炸到金黃酥脆，入邊豆沙甜甜地，好味😋我哋仲叫咗雞粥，一位都好大窩，夠2-3個人食。雞粥入面有好大塊嫩滑嘅雞肉，粥夠綿滑。食到中段已經到咗下午茶時間，酒樓有特別嘅下午茶餐牌。下午茶孖寶$38.8，價錢更平。我揀咗南乳豬手、時菜鯪魚球、菜苗鮮蝦餃同豉汁蒸鳳爪。南乳豬手好滑好嫩，南乳味好香濃；時菜鯪魚球大大粒，鯪魚肉好鮮美；菜苗鮮蝦餃包住新鮮蝦肉，菜苗好多；豉汁蒸鳳爪軟嫩多汁，夠入味。最後，我揀咗古法千層糕作甜品。個千層糕層次分明，口感軟滑，味道香甜。

每次來沙田新強記燒鵝火鍋海鮮酒家都是客人盈門，好多人都中意來吃點心，燒鵝，燒乳鴿，雞粥，確實味道出奇的好，不是坊間的飯店能做出來的美味。時菜鯪魚球挺大個，像小蘋果那樣大，形狀飽滿，端上來就散發出誘人的香氣。咬下去彈牙有彈性，質地鮮嫩，口感非常柔滑，每一口都充滿了鮮美的海鮮味道，撒上胡椒粉醬油就更好地凸顯魚肉的鮮美和風味，口感更加豐富，鹹香而不膩，讓人回味無窮。豆豉蒸鳳爪，鳳爪的外皮酥爛入味，內裏的肉質嫩滑和鮮美！黑椒牛仔骨，咬一口下去，牛仔骨的肉質細嫩、汁液豐富，與黑椒的香辣味完美融合！名副其實的蝦餃皇，蟹子燒賣皇，鮮蝦腐皮卷每一個都有大大隻鮮蝦，誠意十足，口感又彈又嫩，鮮嫩的蝦肉香味撲鼻而來。吃了還會再來吃，味道超好！

細細個已經聽新強記依間餐廳，出名食乳鴿同埋繼續，但係未曾試過。天氣好凍嘅關係，今次我哋嗌咗乳鴿，臘味飯同埋羊腩煲首先，佢哋嘅招牌菜乳鴿。這道菜以嫩滑多汁的乳鴿肉為主角，肉質鮮嫩，咁佢哋嘅肉都係好多汁，咬落去嘅時候都有好多油出嚟。評分：👍🏻👍🏻👍🏻👍🏻/5咁凍梗係食個羊腩煲啦，佢有分大同一個細，我哋兩個人叫咗一個細嘅羊腩煲，諗住以為得幾嚿，但係上到黎之後，令我嚇一驚，都算好多羊腩。熱辣辣的羊腩煲為我帶來了溫暖和滿足。羊腩肉經過長時間的悶煮，肉質鮮嫩多汁，湯汁濃郁。羊腩煲的配料豐富，包括蔬菜和香料，增添了層次感和口感。這道菜不僅暖胃，還能讓人愉悅地享受美食的喜悅。我哋兩個人都食唔晒，都好抵食。評分：👍🏻👍🏻👍🏻👍🏻/5而臘味飯都唔錯。臘味飯是以豬肉、鴨肉和臘腸等臘味為主料，與米飯一起蒸煮而成的一道菜。飯中融入了臘味的香氣，每一口飯粒都充滿了豐富的肉香和韻味。我哋又係叫咗一個細嘅臘味飯，但係都係食唔晒評分：👍🏻👍🏻👍🏻👍🏻/5一路食飯，我們也得到了良好的服務體驗。服務員熱情友好，成日都會留意住我哋個羊腩煲有冇煮燶咗，成日都走過來幫我地。總括嚟講，第一次食，每一樣餸都令我好滿意，個臘味飯我哋最

大圍新強記真係一間好方便嘅餐廳，正正響地鐵站隔離。渣車的話門口都有代客泊車40蚊。兩個人食今次叫咗三個餸，份量都好大好多，最後都要打包。而且上菜速度極快，師傅好手勢。第一味燒鵝王（例牌）$190，例牌份量都唔少，鵝香肉嫩，脆皮厚肉幾乎每次嚟都係必點菜式。椒鹽九肚魚$128，又係新強記招牌菜之一。九肚魚味道唔會俾椒鹽蓋過，熱度岩岩好，脆身。份量多，食唔晒最後打包第二日放入氣炸鍋反煮都係同一質素第三味冬日菜式 蒜子火腩大鱔煲$238，第一試嘅新菜式，估唔到鱔同火腩可以係咁夾。有驚喜，同樣份量大 兩個人係食唔喵哂。今次我就全散叫，俾埋個餐牌大家做個參考。

今天晚餐廳來到大圍的新強記這家酒家在我小時候已經有印象翻查資料原來一九七八年已經開業今日來吃個便飯所以都是點家常小菜店內的裝潢保留著八十年代酒樓風貌白紙皮石大圓柱電話間等都保留著二人點了椒鹽九肚魚紅燒乳鴿生炒糯米飯椒鹽九肚魚新鮮炸起外皮酥香份量多大大舊魚肉鮮嫩多汁絕對是香口送飯的不二之選除了家喻戶曉的沙田雞粥外紅燒乳鴿也是新強記的名物即叫即炸入口滾燙沒有不好吃的理由皮炸得香酥呈現美麗的香檳金色一口咬下去肉汁傾瀉而下一人吃一隻才夠過足癮果然是新強記的名物之一飯後敬送飯後糖水南瓜西米露這已是酒樓將近失傳的傳統了

今晚同屋企人去大圍老店「新強記燒鵝海鮮酒家」食晚餐，餐館招牌菜為燒鵝、乳鴿及雞粥晚市提供優惠套餐，定價合理而選擇豐富-晚市孖寶有豆腐火腩炆龍躉頭腩及蒜蓉炒時蔬，送古法香妃雞豆腐火腩炆龍躉頭腩份量夠多，更有白菜墊底再配上冬菇豆腐大件嫩滑，經走油的龍躉厚肉鮮味，火腩焦香十足，肥瘦各半，配菜冬菇都好香滑爽口蒜蓉炒菜心夠新鮮，加入大量蒜蓉，唔會過鹹香妃雞肉雪白嫩滑，帶有雞味-嚟到新強記必點招牌金牌燒乳鴿乳鴿外皮薄而香脆，肉質緊實軟嫩帶豐富肉汁，鴿香出色，不失為招牌菜-仲點咗沙嗲金菇肥牛煲，肥牛份量夠多，肥瘦各半有咬口，牛味唔錯，仲加咗粉絲同爽口芽菜，味道唔會過濃，滋味！

首訪大圍「新強記」時感覺點心及小菜皆製作用心，今天跟家人再訪順道為媽媽慶祝生日==========🔹晚市孖寶 $318▶豆腐火腩炆龍躉頭腩加入冬菇及白菜等配料龍躉班腩雪白多肉，肉質緊實富魚香，不帶腥味；火腩皮香肉滑富鹹香，脂肪比例平均；豆腐細滑帶豆香；冬菇香滑爽口▶蒜蓉炒時蔬菜心翠綠新鮮，蒜香及調味皆恰到好處▶送：古法香妃雞 (小)雞肉嫩滑緊緻，雞味不錯==========🔹金牌燒乳鴿 $78乳鴿皮充滿油光，外皮香脆，肉質嫩滑細緻，鴿香出眾，令人齒頰留香，果然是招牌菜==========🔹沙嗲金菇肥牛煲 $128鋪上滿滿的肥牛，口感爽嫩帶不俗的牛味；配菜金菇、粉絲及芽菜選料新鮮，口感層次豐富，沙嗲味道濃而不膩

身為大圍友 👧🏽 細細個就聽過新強記呢個名！每逢週末放假都會同屋企人飲茶，今日就帶 👦🏻 去一盅兩件，順便再試馳味燒味 🍖 懷舊風味嘅酒樓，舊式嘅裝修頗有味道；今次再到臨已經無一個個蒸爐放出嚟，全部點心紙落單 😌🍖 紅燒乳鴿每次必定會嗌燒乳鴿，配上淮鹽香脆惹味，食到Lam Lam 👅🥘沙田新強記雞粥份量有分大/例/位，單點一位原煲上，粥底綿滑入味，雞件亦唔少，鍾意食粥嘅可一試 🤤🥬 鮮蝦菜苗餃出色之作‼️大大粒，皮薄又爆餡，蝦新鮮彈牙之餘菜苗都唔吝嗇，一口一粒好滿足🫑 虎皮尖椒釀滿鯪魚肉，煎得香脆，加上頗辣嘅尖椒，十分惹味🍘 山竹牛肉球唔似坊間小食店嘅牛肉球般重粉，真係啖啖肉，加上芫荽碎，馬蹄，同埋索滿喼汁嘅炸腐竹，酸酸哋減低膩感 ❤️🍗 豉汁蒸鳳爪炆得入味，但再腍啲就好🦴 排骨蒸陳村粉見到有買少見少嘅點心 👦🏻 忍唔住嗌埋，排骨蒸得腍身入味，但陳村粉略嫌乾身同未夠入味🥯臘腸卷熱辣辣嘅包包住臘腸 👦🏻 見到對眼發光了，一啖咬落豐腴嘅油香出晒嚟🥢 香茜牛肉腸外皮薄透滑嘟嘟，香茜味十足下午茶優惠價 🎉 孖寶 $38.8 兩份加 $58 多一件金牌燒乳鴿｜原價$78新強記懷舊新式點心齊全，十

沙田最強的雞粥和乳鴿，加埋懷舊點心，全在新強記吃得到。*新強記雞粥馳名得來是有道理的，粥底綿滑，雞件也嫩滑，無論是雞胸肉還是雞髀肉都不會鞋口，而且完全沒有雪味。記住它的一人份足兩人分享，砂煲上滾熱辣，雞件又多，好滿足。*乳鴿是妙齡的，個子小小，皮脆肉嫩，這兒的乳鴿不但炸得香脆，而且滷得入味，真是連骨頭也入味。*懷舊點心更是款款都吸引。有幾款是必吃：。南乳豬手：南乳醬非常惹味，豬手炆到軟腍但不爛，骨頭間連軟組織也吃得到。。雞絲蒸粉卷：粉皮包住雞肉和大量蔬菜，加點豉油，我覺得它比腸粉更好食，更好味。。黑糖馬拉糕：傳統做法，鬆軟軟綿而無過多的酵母味，一字曰正。

沙田新強記燒鵝海鮮酒家 - 大圍最近在大圍的新強記燒鵝海鮮酒家食晚飯，酒家位置靠近大圍火車站，非常方便。我叫了一個$350的「超值乳鴿套餐」，其中包括2隻金牌燒乳鴿、一份雞粥、以及金銀蛋時蔬。我還額外叫了4隻蒜蓉粉絲蒸元貝($48隻)同椒鹽九肚魚($128)。雞粥煲得非常綿滑，每一口都充滿了濃郁的雞香味。雞件的份量也相當慷慨，雞肉部分質地細嫩多汁。這碗雞粥果然是一大圍強記名物乳鴿散發出辣辣的香氣，外皮烤至金黃酥脆，肉質鮮嫩多汁。咬下一口，非常香口，而且味道十分出色。金銀蛋時蔬帶來清爽的口感和顏色豐富。金銀蛋的滑嫩與上湯配合時蔬相當鮮甜。椒鹽九肚魚，外皮炸得香脆，保持了魚肉的柔嫩口感。椒鹽的調味恰到好處，讓每一口都散發出濃郁的香氣，值得一試。蒜蓉粉絲蒸元貝，蒜蓉的香氣濃郁與粉絲完美結合，帶來一種口感豐富的滋味。元貝的肉質飽滿厚實，口感鮮嫩，與蒜蓉和粉絲的組合相得益彰。最後，仲有紅豆沙及南瓜西米露糖水。紅豆沙同西米露味道都相當不錯。📍沙田新強記燒鵝海鮮酒家 (大圍)大圍積運街2-8號海福花園47-50號地舖