永順食店 (已結業) 查看

開工前就係要食個豐富早餐，所以就去又平又大份嘅永順食！朝早7點幾已經full到不得了，都等咗大概5分鐘先有位。之前已經食過佢嘅沙嗲牛肉麵，好好食！今次就試下食其他嘢，嗌咗炸豬排蟹王麵。因為我想食到蟹王麵嘅味，所以冇加到沙嗲汁，如果你想加可以同侍應姐姐講聲加汁。炸豬排熱辣辣上枱，佢嘅炸漿好薄，唔係日式炸豬排個種。唔會好油，好香脆，豬排又唔炸到好乾，係我食過嘅豬排裏面嘅首一首二位！！蟹王麵就係本身蟹王麵嘅味，正正常常。上菜嘅速度好快，嗌完5分鐘左右就陸續上枱，唔會話因為係炸豬排就要等好耐，好啱返工返學前去食。值得一提，佢真係好平！！！蟹王麵係炸豬排嘅set裏面係最貴，但都只係$32蚊！如果係食通粉/公仔麵，最平都只係$28！！真係好耐冇見到有咁平嘅早餐食！even午餐都係呢個價，唔怪得有咁多人嚟食！！不過留意佢係唔包嘢飲，所以最後我加埋杯熱檸水要$43，但都算平！！！呢間真係回頭率100！ 

今日山長水遠嚟到元朗國做嘢，唔係唔搵返啲好嘢食啊？網上睇到呢間永順食店，有個神級沙爹牛麵，即刻去試一試佢啦。😋😋點零鐘去到門口開始有人排隊，好彩只係排幾個，大概10分鐘到就入到去。一般茶記嘅裝潢，沙爹牛麵冇套餐，咁就散嗌啦加多隻蛋食個豐富啲嘅午餐，再嚟一杯熱奶茶。沙嗲牛麵製作需時奶茶嚟咗先，平時最怕飲啲唔夠熱嘅奶茶/咖啡，呢度熱奶茶用玻璃杯裝，剛剛嚟到果下一拎爭啲辣親手啊🫣真係新鮮熱辣👍🏻佢茶味幾濃，有少少澀，奶味香得來唔會太厚，係我鍾意嘅口味👍🏻好快手沙爹牛麵都嚟到喇，熱辣辣嘅面上面加咗隻荷包蛋，賣相幾吸引。既然係神級梗係即刻試吓佢個湯底啦，沙嗲味真係好濃好濃好濃啊！唔會好似食開嗰啲沙爹牛麵咁樣得面頭嗰浸沙嗲汁，基本上成碗湯都充滿濃郁嘅沙嗲醬，由頭食到落尾都好有罪惡感🤣。香得來得佢味道屬於偏甜，牛肉方面質地亦都幾好，唔係俾鬆肉粉嗱到梅哂嗰種，新鮮有咬口又唔會韌👍🏻麵底我係叫咗蟹黃麵，仲貴過出前一丁少少，食落其實就唔係話好大分別。比出前一丁軟滑少少，無咁爽口，但就食到尾都唔會點發脹🥳呢餐我4.9分⭐️⭐️⭐️⭐️🌟所有嘢都好Perfect，不過真係幾heavy，要做返一個鐘運動先掂囉🫣🫣🫣

次次去親元朗都會想去食永順，因為好掛住佢個沙嗲牛肉麵😍 係濃味人既至愛🤤啲牛肉唔韌之餘仲要有啲牛味，都好難得，不過我至鍾意個多士😋芝士流心真係好正，不過多士烘得唔夠耐，減啲分，整體來講都係好食😋

估唔到咁多人都會山長水遠 嚟到元朗食佢個沙嗲牛肉麵👀個湯底真係好出色！！超濃郁杰身 食落好香沙嗲同花生香🥜可惜個蟹王麵冇咩特別～如果係公仔麵 可能會更加正😆😎

8號波一落，就二話不說打算揸車去遠啲嘅地方食嘢，沙爹牛麵係本身最愛嘅食物之一，響關注組聽聞永順嘅沙嗲牛麵做得好出色，一於入嚟元朗試吓佢兩點嚟到門口已經排緊隊，但人流入店嘅流轉速度都幾快，前面排咗七個人，但等咗10分鐘就可以同人搭枱坐低食。坐低第一時間叫咗碗沙嗲牛肉出前一丁，男朋友就是沙嗲牛肉蟹王麵，再叫咗個炸雞翼拼炸豬扒，我就飲熱咖啡少奶。其實所有嘢食都上得好快，10分鐘左右就已經有得食🤭沙嗲湯底好濃郁，個出前一丁煮到剛好，唔會太淋，亦唔會太生，係我好鍾意嘅生熟程度質感仲好掛湯，牛肉唔會用生粉乸到啲質感淋晒，係食到新鮮牛肉嘅質感同味道雞翼有一種南乳味，但豬扒先係我至愛，個炸粉漿好薄身，所以炸起嚟好香脆，雖然肉質有少少乾，不過味道真係唔錯，下次有機會再入嚟食下其他配搭先

#沙嗲牛肉蟹王麵 ⭐️⭐️⭐️⭐️話說呢間沙嗲牛肉麵日日都好多人排隊，我梗係唔執輸要去試吓啦！心諗沙嗲牛肉麵可以有幾驚喜？um…又真係幾OK喎😂⭕️沙嗲味好重好夠濃⭕️落少湯會好似沙嗲撈面咁好正⭕️價錢好親民好抵食⭕️佢嘅沙嗲牛肉麵係配蟹王麵都幾彈牙⭕️沙嗲牛肉麵配返杯奶茶一流❗️堂食可以平日星期六日真係排長龍❗️建議買外賣唔使排咁長隊等食❗️環境方便就係傳統茶餐廳咁總括來講，雖然係好普通既茶餐廳，但又真係有d驚喜！

🔴元朗人氣人龍小店🎊次次經過都見到有人排隊🌝今次特登早啲過去就唔使排啦🫠🟠最多人食就係沙嗲牛肉蟹黃麵🍜另外仲帶咗煎豬扒但係佢俾咗炸豬扒🥹🟡其實食落唔算好特別🍜就係濃郁過平時茶記嘅沙嗲牛肉✨又唔會濃得好膩✨炸豬扒就個炸加都幾薄不過係好易甩嗰啲🤣

近排係咁睇到啲沙嗲牛肉麵既posts，搞到我都突然間想食。其實細個成日食，不過已經唔記得幾耐沒食過...睇posts見到好多人推介呢間，但搬左入元朗咁耐都從來沒經過，所以唔知原來假日有排隊長龍。揀左閒日同老豆去試，因為我絕對食唔到一碗😂試左沙嗲牛肉蟹王麵，沙嗲味好濃，唔係重花生味嗰種，我鍾意🥰蟹王麵比較有咬口，又掛湯，nice~~老豆試埋熱奶茶，佢話OK，茶味夠香濃。仲試埋芝士流心炸豬扒治烘底，呢嗰out of my expect，炸豬扒有薄炸粉仲加左咖喱粉，香脆多汁，成份夾埋超balance，好好味，贏左絕大部份鋪頭既豬扒治同豬扒包😋😋

今次入到嚟元朗朋友就即刻介紹有幾會要試一下永順啦😎嗰度啲炒沙爹牛肉好好吃😋，我呢個沙爹牛肉粉絲當然會去試啦😆果然係唔錯！我哋一行4人叫左兩碗沙爹牛麵🐮、兩碗牛米🐮，炸雞亦🐔、仲有炸豬扒🐷、一人一杯檸檬茶🍋⋯沙爹汁唔錯😎可以再去❤️

✨高CP值 極力推薦芝士流心蛋鮮牛治✨.最近星期日去咗獲「沙嗲牛肉麵關注組」推薦嘅永順食店食個brunch, 當日12點左右去到就只係排咗15分鐘左右便能入座💕係唔需要排超過15分鐘嘅情況下，呢間已列入我最愛嘅茶記🫶🏻除咗食物有質素，價錢亦相當親民，冇因為聲名大噪而令價錢離地ദ്ദി ˉ͈̀꒳ˉ͈́ )✧.▫️沙嗲牛肉配出前一丁$30（8/10）確係唔錯，男朋友話的確出色，同普通茶記嘅確有唔同，沙嗲汁夠濃郁，牛肉亦軟腍入味💕不過我哋冇試過其他出名嘅沙嗲牛麵所以比較唔到係咪最好食🙈聽聞配蟹皇麵仲正，但個人口味關係鍾意出前一丁多啲.▫️炸豬扒 跟餐+$14 （8.5/10）好好食！皮好脆薄，肉夠嫰同入味๑⃙⃘´༥`๑⃙⃘只而加$14就食到夠晒超值.▫️ 芝士流心蛋鮮牛治 $30（9/10）呢個太好食🥹❤️❤️❤️我自己好鍾意，個蛋做到流心效果，配上片裝芝士丫不過於油膩😋而且佢嘅牛肉係煎/炒過，真係好香口，真係爭啲想叫多一份黎食( •ॢ◡-ॢ)-♡ btw第二次去食嘅時候+2蚊叫咗烘底，個人覺得唔烘都已經好好食！.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我

一早已經好多人0630am就開門唔係第一次食嫁啦沙爹牛肉出前一丁真係無得輸 ($46)再加一塊炸豬扒($14)有埋野飲！沙爹牛肉係有咬口既！唔似出面有啲係爛既牛肉個沙爹醬好濃！唔似出面個啲好hea炸豬扒唔洗講超香脆！全部都係即整！所以都要等5分鐘左右今日飲埋個茶走！無得頂！完美既早餐！不過呢到食好野，就唔好預坐得好舒服！ 等位黎講都算係易既。可能因為平日。好多人都係外賣！記得俾現金。無得用其他方法俾錢！

假日入元朗食野，今次去聞名已久的沙嗲牛肉麵(又上演一場尋找沙嗲牛肉麵的故事)，搵左一陣路終於都去到，差不多14:00，唔算太多人等，大約10分鐘有得入，不過就唔係去間店入面食，而係去間店隔離另一個舖位@_@"!不過算啦都係一樣加上天氣太熱唔想再等，有冷氣就得了。餐廳係茶記格局。而另一個舖位好細，有點似粉麵店格局，擺放左一箱箱貨(食材)。餐牌。凍咖啡，$17，大熱天時必飲凍野，凍啡好醒神。凍奶茶，$17，友人的。熱杏仁霜，$17，友人的，想起一個典故。沙嗲牛肉麵(蟹王麵)，$32，友人的。沙嗲牛肉麵(配出前一丁)，$30。沙嗲味濃郁，帶有花生香味，牛肉份量多，肉質軟嫩，果然好味。芝士流心蛋豬扒治，$28，份量十足，要左烘底+炸豬扒，因為我地3人分，問阿姐攞刀自己切，阿姐知道後師父幫我地切，實在太好人了~炸豬扒香口肉鬆化，流心蛋蛋汁豐富，好味呢。沙嗲牛肉麵果然是元朗名物，據聞配蟹王麵仲好食，下次有機要再戰。

排左好耐終於食到既沙嗲炒牛肉蟹王麵又真係通平時既好唔同沙嗲汁濃郁，牛肉係炒過特別香口軟熟超喜歡💕我就又試下蟹王麵，但又唔係好食得出麵有咩分別😆朋友就食米粉，配米粉口感又唔通，但兩款都好味黎到當然要試埋小食啦叫炸豬扒試吓佢炸得又幾鬆脆香口最後都試埋煎雞翼，但呢刻已經好飽啦

-{元朗港式茶記🍛}特登黎到元朗拜訪沙嗲牛🤩🤩🤩排左15分鐘就入得😬🤤沙嗲牛通粉🤤 ($28)湯底真係超濃郁有花生香同少少嘅辣味🥰牛肉偏紮實唔似有用鬆肉粉😋通粉口感啱啱好有啲咬口😆不論牛定通粉份量都好多😆👖褲評: 8/10🤤炸豬扒🤤 ($14)豬扒夠肉汁😍炸衣比想像中厚但個豬扒份量都多 對得住個價錢👖褲評: 8.3/10假日黎真係好多人 係我記憶中最濃郁嘅沙嗲牛🥰性價比: 8.5/10服務: 8/10環境: 7/10🚩 永順食店 🚩地址: 元朗安寧路2號冠煌樓地下

唔知呢度有冇沙爹牛肉麵嘅fans呢? 企鵝妹每次去茶餐廳食早餐常餐都必點沙爹牛肉麵🤣今次就嚟到元朗食喺沙爹牛肉麵關注組上榜嘅永順食店試下😌⭐️沙爹牛肉配蟹王麵 $32 (7.8/10)一上枱就feel到佢比普通茶餐廳嘅沙爹汁濃稠好多🥜，花生味道重，牛肉係新鮮牛肉嚟，有咬口幾嫩，唔會好似某d餐廳嘅牛肉俾鬆肉粉醃到過軟。因為好多人推介蟹王麵，而且喺香港比較少見，所以就嗌左啦! 蟹王麵真係好掛汁，但偏冧身，企鵝妹都係鍾意食出前一丁彈牙口感多d!🍜⭐️加配 炸豬扒 $14 (8/10)配料當中，我覺得炸豬扒最好味，外面炸粉薄薄一層好鬆脆，而且入面豬扒唔會過乾。特別一讚係炸物嘅調味啱啱好😋⭐️加配 炸雞翼 煎雞扒 $14/每款 (7/10)兩款都係正常發揮~🐧企鵝妹食後感:佢地嘅沙爹牛肉麵未去到超驚艷，但的確比普通茶餐廳出色。企鵝妹住得比較遠，而且上次公眾假期去差唔多要排~45分鐘，所以未必會專誠搭車去食佢了，但未食過又去開元朗嘅，都值得一試呀!🤣🐧企鵝妹推介指數: 7.5/10