氷舍

營業中

休息中

其實見佢地都開咗一陣子，自己成日落去銅鑼灣，終於試一次， 今次做一個短評，其實真係食完有啲似日台系版許留山.叫咗以上兩款甜品，榴槤嗰個其實即係將所有野Mix 埋，但榴槤蓉真係太少，冰又勁多，做唔到想要嘅效果。反而芒果嗰個比較正常好多，每一啖都有芒果味…但總括而言都係幾廿蚊一杯，佢勝在位置方便坐低可以傾吓偈，行得攰左嘅可以當休息吓食返一杯， 都冇乜所謂嘅，都唔使太深究🤣🤣🤣🤭🤭反正而家許留山都執晒啦

忍唔住不公平想分享下尋日夜晚九點幾過去排隊要等幾張枱 見到有個大肚婆企好耐又冇坐catch左我attention，不過因為冇位我都冇特別做啲咩😂我哋四個人諗住好快入得，點知店員淨係俾2人枱係咁入係咁入，四人枱就郁都唔郁。好不容易有兩張四人枱走咗，諗住下張到我哋，見到個大肚婆同個男店員講咗兩次就算係二人枱都可以照坐，都諗住讓佢先，聽到個老細都叫佢俾大肚嗰枱入先，點知佢竟然搖搖頭分開兩張枱俾啲遲過晒我哋嚟嘅二人枱入。。睇到我都眼火爆。。明明我哋嚟先好多張，個大肚婆仲要喺我嚟之前應該已經企咗一段時間都冇坐過，佢竟然可以扮睇唔到唔理！結果見佢地嬲到唔食走咗！個店員仲要完全唔覺得自己有問題。。。我哋再排多一陣都見仲未有位，所以都走咗。。強烈不推薦再嚟。。如果唔係銅鑼灣尋日太多人冇乜選擇都未必會入嚟。。因為啲評價對呢間嘢嘅味道都好一般。。以後一定唔會幫襯呢一間。。完全無視有需要人士！態度超惡劣。。。負評。。。

坊間愈開愈多冰店，今期最hit冰店，即管試試。店鋪走日系清新風，店員服務友善，感覺良好。一行三人，點了：1️⃣焦糖布甸刨冰有餅乾脆脆、焦糖布甸和麻糬，底部有椰奶，層次豐富，甜度適中。2️⃣楊枝甘露刨冰有芒果粒、西米和麻糬，底部有椰奶，可能沒有芒果醬/汁，整碗甜品被椰奶味道蓋住，完全吃不出是楊枝甘露。3️⃣石榴炒冰石榴味偏酸甜，配上麻糬和冰十分清新，也是一個挺新鮮的配搭。總結/除了楊枝甘露味沒有芒果味，其他都不過不失，可以一試。

嗌咗芒果糯米飯冰，真係好難食成個刨冰最致命嘅地方就係啲冰本身因為啲冰係用水做嘅，所以食落完全冇味上面雖然有cream同埋其他材料但陣味唔夠濃，份量亦唔夠多所以撈落啲冰度都係冇乜味舊cream味道同texture都好普通啲芒果係酸到喊，作為芒果愛好者都食剩好多唔知係因為啲芒果唔當造，定係因為店員真係唔識揀芒果但個人認為如果啲芒果係酸到咁誇張嘅話我真係寧願唔食唔加落個冰度😂糯米飯唔香唔糯 得少少咸味價錢唔算好貴 但完全唔值得

社交平台 見到好多人黎食， 沖住佢嘅麻糬冰黎，十分失望🥲Menu 有唔同冰嘅選擇，不過店員好忙碌，無辦法問下佢哋分別喺邊最後揀左芒果糯米飯刨冰冰大大粒，唔係軟滑嘅口感成個冰冇咩味道， 淡淡嘅椰汁味加上芒果作為調味，非常單調如果太多人排隊嘅話就唔建議嚟食啦，其實冇人排隊我都唔會再嚟下次😂

🍴 楊枝甘露炒冰 $49 (0/10)喂一上枱就知伏，個冰勁深色，一定係藥水冰😂食落係好鞋口嘅假芒果死甜味，芒果勁酸，個麻薯係火放落冰度凍左就硬身唔煙銀，只能夠講係唔夾😵🍴D24榴蓮飄香刨冰 $78 (5/10)個冰係正常刨冰，冇味又冇醬⁉️上面嗰層椰子奶蓋有少少椰子味，榴蓮幾香濃，但上面嘅比較少撈唔曬個冰，導致個冰食食下係冇味😂個底一樣有麻薯問題，大家自己諗凍嘅麻薯好冇食，佢仲要唔係牛奶麻薯係冇味粉團。推薦指數: 0/10食過一次中伏唔會再想食囉😂價錢係唔貴嘅不過小店可以做返好少少質素，例如個冰可以加啲醬汁，又或者麻糬可以用牛奶整，隔一隔❓❓

夜晚銅鑼灣食完飯 近近地去左呢間日系裝修糖水🐷夜晚9點幾都排左40mins~好彩宜家唔太熱💦再熱d 應該就無心力排了~！但坐咗入去都等咗35分鐘先上，太多單做唔切🥹泰式芒果糯米飯刨冰🥭以爲糯米飯係gimmick 點知係有真糯米飯！！仲有椰子奶蓋~!不過本身以爲入面有鮮奶麻糬的原來要另加😭🥹如果想食，大家手機落單時要睇包唔包麻糬，唔包就另加~總結，甜品有驚喜，無咁多人排的話可以再食！

作為麻糬控嘅我，知道呢間刨冰配麻糬，梗係要過嚟試吓啦！四季春麻糬凍奶茶有淡淡嘅茶味，唔太甜，水麻糬好重奶味，少少甜，同杯茶唔係好夾，有啲奇怪。楊枝甘露麻糬呢個反而有啲驚喜，好多椰奶cream，芒果嘅甜，西柚嘅酸，中和番，加埋鮮奶麻糬，個人覺得好夾，略嫌啲冰太粗，唔夠綿，同埋真係淨係冰，冇味，爭咁少少。個味道幾好。會再嚟試下個榴槤冰。

復活節假期既第一日同朋友行完山⛰️，🌞曬到著火🔥之後最岩係食冰消暑❄️🧊➰但最大癲係銅鑼灣無咩人🫢 · - - · - - · - - · - - ·🔸焦糖布甸刨冰 🍮🍧 $69🔹🥭🧊楊枝甘露炒冰 $49🔸🫘❄️芋泥刨冰 $68· - - · - - · - - · - - ·因為行完山勁熱💧食冰唔使等，同埋環境好坐唔會好逼，服務都不錯💁🏻‍♀️🏅我最鍾意係焦糖布甸刨冰🍧，個冰都係焦糖味，同埋好中意啲焦糖脆脆好好食😋呢到既甜品打卡好靚🫰🏻楊枝甘露炒冰，個冰都係楊枝甘露味，甜品面頭有個麻薯，分別睇每樣野都幾好食😋芋泥刨冰🍧係原味刨冰，但有紅豆同芋泥好豐富，呢個食完會少少飽🤏🏻· - - · - - · - - ·個人整體評價📝/巧吃：7.7/10✨/價錢：7/10 🌟/服務：7.5/10 💫/打卡able：8.5/10✨/清潔度：8/10⭐️/人均： $50· - - · - - · - - · 氷舍 (銅鑼灣)📍銅鑼灣謝斐道520號地舖#foodiedesu銅鑼灣#foodiedesu甜品 #朋友話佢影張相靚過我影

銅鑼灣新開麻糬刨冰主題甜品店 試一試好唔好味 由於新開張 環境尚算優美 寬敞 衛生 光線充足 亦合適打卡店員服務佳 有禮貌 👍至於食物方面 中規中矩今次一共試咗兩個招牌甜品 榴槤刨冰 同楊枝甘露刨冰根據店員所講 兩款頭冰都係用新鮮水果汁刨成 楊枝甘露刨冰 上邊有少少芒果果肉同埋大西米然後跟一堆麻糬 冰底係芒果汁刨冰麻糬同芒果刨冰完全唔夾可以各自分開食，冇必要擺埋一齊芒果汁刨冰感覺有啲似出邊嘅芒果藥水味既刨冰冇楊枝甘露嘅味道 至於榴槤麻糬刨冰同樣地，麻糬同榴槤可以分開食都冇問題因為完全唔夾 😂😂😂依個榴槤刨冰比楊枝甘露冰味道濃有榴槤嘅味道，但感覺有啲似係加咗榴槤香精嘅感覺食完個甜品之後都有啲口渴感覺唔夠天然🫨總括而言，兩本加埋大約$100，食完唔會嬲，但唔會再幫襯

銅鑼灣新開一間刨冰甜品店，和朋友食完晚飯俾我呢個榴槤控見到點會錯過😂店內甜品選擇非常多，主打炒冰、沙冰。我哋揀咗榴槤飄香炒氷和楊枝甘露炒冰，這兩款都係好受歡迎同好味嘅選擇。榴槤飄香炒冰，冰面上放滿勁多榴槤肉和奶味香濃嘅麻糬，不但令整個甜品充滿榴槤香味，而且口感豐富👍楊枝甘露炒冰甜度剛好，帶着清新嘅碌柚香氣，夾着炒冰一齊食零舍過癮😋

天氣很冷，剛好經過這間木質風甜品店點了熱杏仁糊芋圓暖暖身甜點款式蠻多的，主打刨冰、芋泥等用手機落單夠方便杏仁糊上桌時不是很熱，芋圓有咬口，但本身沒什麼味道杏仁糊質地濃稠，甜度正常，份量不是很多，幾口就吃完了

Icegreen is a mochi shaved ice shop that offers a variety of shaved ice, stirred ice, and ice cups. Their speciality is adding fresh milk mochi to their desserts. They also serve Chinese sweets like double-skin milk, tofu pudding, and cashew nut paste.Taro Red Beans Icy (芋泥炮冰) ($68)The taro paste is smooth and not too sweet. The ice is both firm and fluffy. It's topped with whipped coconut milk, and the mochi at the bottom is soft. When you take a bite of the ice along with the mochi, it balance

小編今日來到銅鑼灣有一麻糬刨冰甜品店「Icegreen 氷舍 」🍧🥛主打各式刨冰、炒冰和冰杯，招牌打卡刨冰有泰式榴槤糯米飯、焦糖布甸、芋泥、芒果糯米飯、楊枝甘露等口味，特色是甜品加上招牌鮮奶麻糬✨還有中式甜品如的芋泥雙皮奶、豆腐花、腰果糊等選擇，甜品控必定要試🙌🏻必試「泰式榴槤糯米飯刨冰」刨冰上的一大球榴槤蓉，以足份量的優質 D24 熟榴槤肉製成，榴槤味濃口感軟滑，氣味甜美清香，頂層奶蓋幼滑濃香，加上開邊黃豆粒微爽脆，味道清甜✨刨冰細密幼滑，鮮奶麻糬口感軟糯，甜點中加上糯米飯🍚，充滿泰式風情，整體口感豐富，而且冰涼又消暑🙌🏻「芋泥炒冰」芋泥呈淡紫色，口感細膩濃稠，芋頭香氣十足💜 刨冰細密幼滑，頂層的鮮奶麻糬和小丸子口感軟糯🍡，除了品嚐濃醇的芋香，還有淡淡的鮮奶香，甜度適中，值得一試🍧「楊枝甘露刨冰」刨冰口感細滑，入口即化🙌🏻 粒粒香甜芒果清甜🥭 白色小丸子軟糯，頂層奶蓋幼滑濃香，鮮奶麻糬口感軟糯，吃出港式楊枝甘露的風味🧡🍽 ：泰式榴槤糯米飯刨冰；芋泥炒冰；楊枝甘露刨冰👅好味指數：8.25/10；8.0/10；8.0/10💰消費：HK$76；HK$69；HK$48📍 地址：氷舍 (銅鑼灣

銅鑼灣新開鮮奶麻糬刨冰店 開左2個月 小數將麻糬糯米融入刨冰甜品 呢次去試試.⭐️泰式榴槤糯米飯刨冰$76比其他出名刨冰店細d 做番一人份量👍🏻好大舊軟綿綿麻糬 鐘意鮮奶麻糬會滿足👌🏻個冰好綿唔係碎冰（🥰可睇影片 堅綿）刨冰本身已經有甜味👌🏻個糯米飯軟糯 都幾飽 鹹鹹地同個冰幾夾👌🏻加埋榴槤果肉幾濃 但唔算多配料整體評分👌🏻大量泰式元素嘅刨冰 .⭐️D24榴槤刨冰$78🤔同上面果款好似 但賣相差好多 冇左糯米飯.⭐️茉莉麻糬奶茶$36🤮呢杯成個味都好怪 麻糬加左奶茶 口感變左一pat野🤔如果麻糬同刨冰 都可能會夾😨但同奶茶個人覺得口感好怪..#氷舍 (銅鑼灣)地址：銅鑼灣謝斐道520號地舖.⭐️評分：味道：3.5/5 飲品1.5分環境：3.5/5服務：3/5抵食：3/5.