604
122
35
開飯介紹
來自新加坡的中菜館，主打粵菜及滬菜。招牌八色小籠包，外皮採用純天然色素製作，八種味道有創意之餘，又可安心享用。
繼續閱讀
附加資料
晚飯如有3人或以上, 有限時用餐1.5小時
營業時間
星期一至日
11:30 - 22:00
以上資料只供參考, 請與餐廳確認詳情
食家推介
相關文章
【油尖旺區】【樂天皇朝】之前同大家提及過我有位澳門朋友羅總，今次到佢嚟香港玩，就當然要聚吓啦。喺旺角大球場一齊睇完港超聯賽會盃嘅決賽，佢都仲抽到時間同我食飯，就去咗旺角搵嘢食。大家都唔係好想食到咁刺激，就入咗呢間中式餐廳。枱面嗰兜栗子花生就收咗 $15 嘅「小食」錢，照食囉。然後 $83 嘅「香辣蒜泥白肉」都幾好，中間夾啲菜冇咁寡。而 $72 嘅「生炒油麥菜」都係農作物，但都令我食指大動，炒得都幾有鑊氣，跟住就到 $142 嘅「皇朝小籠包」。佢係有八件唔同味道嘅小籠包，亦都有教客人點樣由淡味食到濃味，幾好，味道亦都唔錯。我哋都叫咗 $218 嘅「川味水煮美國牛小排」，幾辣，但我都食咗唔少，幾惹味嘛。羅總亦都叫咗 $68 嘅「皇朝擔擔拉麵」自用，okay 喎。最後仲有 $58 嘅「蟹粉鍋貼」三件同 $85 嘅「紅油鮮蝦豬肉抄手」，兩者差唔多，正常合理水準。嘢飲方面，我哋叫咗 $22 嘅「檸檬菊花蜜」同 $20 嘅「羅漢果茶」，加埋 $20 嘅「茶位」錢，連加一 $883.3，唔平嘅晚餐選擇。。。（地址：旺角彌敦道625 & 639號雅蘭中心2樓203&205號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #旺角 #樂天皇朝 #香辣蒜泥白肉 #生炒油麥菜 #川味水煮美國牛小排 #蟹粉鍋貼 #紅油鮮蝦豬肉抄手 #皇朝小籠包 #皇朝擔擔拉麵 #小食 #檸檬菊花蜜 #羅漢果茶 #1am1315 #1ambackup
繼續閱讀
今日約咗朋友去聚餐，接完老婆收工見時間尚早，又有啲肚餓😆，就決定係佢公司樓下嘅樂天皇朝食少少嘢先😋。餐廳裝修古色古香，環境舒適，坐得舒服🥰。佢地主打粵菜和滬菜，餐牌📔選擇都幾多，最吸引我既一定係佢地既招牌-八色小籠包😍。特色皇朝小籠包 (8色) $1428️⃣色有原味⚪️、蒜香🧄、川味🌶、芝士🧀、糟溜絲瓜🥒、蟹粉🦀、鵝肝🦢及黑松露🍄，小籠包皮薄餡靚，肉味香湯汁滿滿😍。蟹粉鮮香，鵝肝和黑松露味道濃郁，川味嘅辣更刺激食慾，8️⃣款味道各具特色。建議由原味開始食至濃味，更能吃出各款的香味😋。上海抄年糕 $93年糕香糯煙韌，帶濃濃的醬油香味😋，加埋香菇🍄、大白菜及肉絲等配料一齊食，味道更鮮香豐富🤤。上海生煎包 $48/3個包子軟軟的外皮，咬下來都是鮮的肉餡及湯汁😍，底部煎得又香又脆，每食一口都好滿足😋。刀切小饅頭 (炸) $30/3個表面炸得非常香脆😋，饅頭非常軟熟，就咁食已經好香🤗，加埋煉奶🥛一齊食，又係另一番風味🥰。
繼續閱讀
超多分店的樂天皇朝，最出名就係八色小籠包，岩晒貪心想試晒所有味的靚靚!!🐉🥟- 特色皇朝小籠包 (八色) HK$142 🥟🌈必試招牌菜!!小籠包皮又薄又滑，微微麵粉香氣，肉餡多汁鮮美，而且有齊八種口味:原味，糟溜絲瓜，鵝肝，黑松露，芝士，蟹粉，蒜香同川味。每種都令人驚豔!!當中最有特色係蟹粉同川味，蟹粉小籠包蟹膏甘甜味十分特出，而川味小籠包辣味香而不麻，回味無窮!!- 原味小籠包6隻 HK$72 🥟- 上海生煎包 HK$48 🍳🥟生煎包皮薄充滿彈性，煎得焦香，肉餡爆汁，同小籠包一樣咁正!!- 醋醬海蜇頭 HK$88 🐙爽脆海蜇頭配上酸甜醋醬好開胃。- 京醬肉絲配薄餅 HK$108 🌯京醬甜味包裹住豬肉絲，連少許蔥白捲入熱辣辣薄餅中，味道超似片皮鴨，惹味又口感豐富。- 蟹粉炒年糕 HK$238 🦀蟹粉超鮮味，啖啖蟹糕滋味，超滿足！！- 蒜香排骨豬骨湯拉麵 HK$88 🐷🍜排骨外酥內嫩，肉質細嫩多汁，拉麵順滑，一脆一滑口感豐富。
繼續閱讀
上次係雅蘭見到樂天皇朝，已經好想食佢既小籠包。今日出開旺角行街，梗係要食番佢。餐廳係傳統中式佈置，座位闊落，用餐環境舒適，適合聚會，但係又唔會太嘈。- 特色皇朝小籠包 (八色)最想食既一定係皇朝小籠包，有齊 8 種口味。每種口味有各自顏色，色彩繽紛，好有特色，必定要試。可以由中間開始，跟住順時針食，就會由淡味食到濃味。每個小籠包都係皮薄餡多湯汁多，真係好正；個人覺得蒜香，蟹粉，黑松露味道最特出，配搭得最好。- 皇朝擔擔拉麵食上海菜，擔擔麵都係必叫。雖然係淨麵，不過湯汁好香濃，好重麻醬同花生味，不過就比較辣。- 上海生煎包生煎包即煎，底部香脆，而且肉汁多。- 蒜蓉炒菠菜超香蒜蓉味，好難得有餐廳炒到咁香咁好食，不過份量就比較少。- 香煎豆沙鍋餅 & 薑茶黑芝麻湯圓食飽咗，當然要食埋中式甜點 - 豆沙鍋餅，芝麻湯圓。豆沙鍋餅，外皮香脆，豆沙蓉綿滑，甜度適中。薑茶味道幾好，有少少辣，飲完個身會暖咗。- 檸檬菊花蜜試咗杯檸檬菊花蜜，少少檸檬既酸味，但係最後係有蜜糖既清甜，值得一試。
繼續閱讀
朋友難得從外國回來，所以我特登揀選一間中菜館<樂天皇朝>同佢聚舊下餐廳既裝修古色古香，感覺好似入左皇宮咁，而且好多好有特色既中菜款可以選擇。餐廳最出名係小籠包，菜單上標榜每粒小籠包重量一致，口感Q彈，所以我二話不說就叫左一籠原味小籠包！落單後約五分鐘，新鮮熱辣既小籠包送到了！望落小巧玲瓏的小籠包包著飽滿的湯汁同豐富的餡料，皮薄如紙。每一口咬落去，湯汁就係口中爆開，味道清甜惹味，令人感覺溫暖又滿足除左小籠包，又點少得上海生煎包！生煎包係另一道必點的中式美食。包子在煎的過程中形成了金黃酥脆的底部，而內部就包滿鮮嫩多汁的肉餡。每一口都係豐富的肉餡，正另外，我地叫左李白醉雞。呢道菜以嫩滑的雞肉，再配上香氣四溢的酒同醬汁，口感特別豐富惹味，令人回味無窮。至於朋友點的川味涼皮，係一道清爽的涼拌菜，以細緻爽滑的涼皮為主角，再搭配辣椒油、花生、蒜末等調味料，味道帶少少辣味同麻味，非常開胃。甜品方面，我地點了酒釀丸子。丸子份量比想像中多，食落爽口彈牙，搭上香濃的酒同桂花，味道出奇地夾。最後想讚下服務員既態度，殷勤有禮，不時主動幫我地添茶同跟進菜單。呢類中菜館係香港已經愈來愈少見，更難得可以吃到多款中式傳統美食，下次一定同家人再來
繼續閱讀