楚撚記大排檔 (馬頭圍道) (已搬遷) 新店位置

有日中午見過見到個名 幾特別 正想去試 點知唔開午市今次終於有機會報仇一去到，勁多人排隊冇卜位 差唔多排左成個鍾坐定定 嗌野食!之前係第二間火鍋×嗌過的金粟米好香的咸蛋味 外邊脆脆地粟米甜甜地雖然好食，， 但好似冇第一次試咁驚喜蜜椒薯仔牛柳粒成日想係屋企試整。。。冇整到薯仔炸得香口 黑椒辣辣地幾惹味牛柳粒唔硬是好食秋冬必備的臘味飯，花生幾香， 臘味夠味嗌左個細碗 因為。。另外嗌個豬油撈飯大大支 任你倒有芫荽蔥 又任倒用砵仔 夠哂風味嗌個菜 均衡飲食送飯又係正最後嗌的芝士琵琶豆腐純琵琶豆腐是ok 的不過芝士醬就一般食到最後竟然送蕃薯糖水!夠薑， 夠味真。值得

一直聽人哋講楚撚記好好食，下定決心提早咗幾日book枱試下，同男朋友嗌咗幾個餸share嚟食，整體感覺好唔錯，下次等我試埋個黑松露魚餅。 西檸煎軟雞 呢個西檸雞色澤好靚，金黃色，切到細細件， 雞食落好嫩滑，仲有少少汁，食落juicy， 帶少少酸味，咁樣好開胃好送飯。 紅燒bb鴿 雖然聽落會好細隻，但其實都ok呀，切開咗四件，外皮紅燒到好脆，肉都幾嫩，夠香口 蜜椒薯仔牛柳粒 最愛係呢一個薯仔粒，所有嘢都balance得啱啱好，蜜糖味好濃，薯仔切到細細粒，咬落夠淋同埋好綿，牛柳粒一啲都唔韌，仲好有牛味。 最後仲送埋甜品，個蕃薯糖水正，好綿👍整體嚟講呢間幾出色，下次一大班人聚會我都會推介！！

這間“楚撚記”大排檔非常有名， 有朋友 極力推介必食的大排檔， 他們有幾間分店，但訂座非常爆滿，朋友訂到座位但是要食五點鐘頭輪才有位， 一座難求的情況下我哋選擇五點鐘訂座。去到排檔五點鐘準時 ，選擇早去都好沒有那麼多人在等候，他們分別連著兩間鋪每間大概可放四五張枱。來到大排檔梗係要啤一啤，我哋叫咗佢哋自家製的手工啤配埋冰凍嘅戰鬥碗， 佢哋的自家手工啤味道比較香濃特別，看見成分有杞子龍眼肉幾獨特值得一試。點了三個撚手小菜其中出名梗係這個拔絲梅頭咕嚕肉， 上枱時單看外表已經非常吸引， 咕嚕肉分量都頗大，咕嚕汁酸酸甜甜配上菠蘿甜椒還有水蜜桃，外脆內軟啖啖肉好味道。古法涼瓜魚雲煲沙煲滾熱辣上枱，香氣十足 魚雲新鮮惹味配上白飯一流。這個豆漿杞子鮮腐竹浸時蔬 大大碟豆漿湯底配鮮腐竹小白菜清甜又健康。飯後還送大大碗熱辣辣的薑汁蕃薯糖水超正， 怪不得這麼多人來食， 我們六點半已經完成晚餐出到門口已經很多人在等候入座。

終於有機會你試吓呢間楚撚記啦，平時門口成日大排長龍，今次訂定枱，黎都等咗幾分鐘就可以入座啦環境都唔錯幾有特色，氣氛很好，菜單多到眼花凌亂，第一次試吓平時食開嗰幾味先椒鹽白飯魚無論炸蒜還是炸魚都炸得很香脆，即使吃到最後還是脆口的，椒鹽帶點香辣，份量亦足，配上啤酒一流豉椒炒蜆一開始仲有啲擔心，上菜後就放心曬，大大隻，蜆肉飽滿，記得趁熱食！京都骨依舊大件份量足，驚喜嘅係佢嘅醬汁唔會太酸太甜令到佢好漏，食多兩舊都冇問題，送飯一流飛天通菜煲用上紅椒青椒辣椒去炒，一打開蓋已經聞到流晒口水，冬天食岩曬最後仲送兩碗番薯糖水，我覺得比起出邊糖水舖仲好食，暖笠笠咁走呢度餸菜嘅款式多，價錢又唔太貴，份量足質素好，值得一試

鑊氣小炒一直是區區的comfort food，但一般大排檔環境麻麻，又有不少撐警垃圾。楚撚記絕對是難得的大排檔清泉。先來馬拉盞炒芥蘭，惹味不油膩，充滿鹹鮮，芥蘭保持爽口，簡單一展功架。黑松露墨魚餅，香口彈牙，充滿墨魚鮮味，加上黑松露份量大方，增添菌香，果然是其一招牌菜。五柳炸蛋是少見菜式，蛋白邊香脆，加上五款酸甜醃菜，包括青瓜，蘿蔔，洋蔥等，十分開胃。推介這裏的豉油皇炒麵，麵條有咬口，均勻充滿醬油，加上爽脆銀芽韮王，伴上辣醬提鮮，轉瞬清碟。期待下次與友共聚開懷吃喝。

🎈十月嘅時候一早book定楚撚記同屋企人慶祝生日，因為佢真係好多人book。每個月一號佢就可以whatsapp book下個月嘅位，有興趣嘅不妨試試🤪🎈今次叫左好幾樣野試下：🥢菠蘿拔絲咕嚕肉個拔絲做得幾靚，仲有幾舊糖磚伴碟，但係應該係裝飾黎架嘛？我地都無食到/搞過個拔絲同啲磚😂咕嚕肉好食，酸酸甜甜，炸粉皮唔算太厚🆗🥢楚撚原隻脆皮炸豬手呢個係失望，皮完全唔脆🙃豬手調味係ok嘅，但脆手豬皮個皮唔脆…而且仲要係靭嘅，我接受唔到🤦🏻‍♀️🥢蜜椒薯仔牛柳粒呢個係全晚之冠，牛柳唔會好靭，個汁好好味，連薯仔都煮到入哂味👍🏻好好味呀喂💛🥢海鮮粉絲雜菜煲都幾多材料，湯底唔會太咸，岩哂我同肥成爭啲菜食😂🥢炒麵好多人叫嘅炒麵，應該好出名？但其實佢真係鼓油王炒麵一碟，炒得都算乾身，但唔太特別😂🥢楚撚記小炒王🥢飛天通菜煲呢兩樣我無食，不作評論💛Total: $674💵連埋兩碗飯🍚🎈總括嚟講，我覺得係可以再食但唔係一定要再食嗰種，個豬手堅失望🥲📍楚撚記大排檔 📍土瓜灣馬頭圍道187號地下2及4號舖

這間小菜飯店坐無虛席。門外都好多人等位，book定枱係好選擇。餐廳打做了懷舊氣氛，成幅牆掛滿了鑊氣小炒名字既牌仔。播著80年代既廣東歌。 天氣凍左好多，叫下煲仔菜食岩晒。 麻辣韭菜鴨血煲。普通中菜館未必有得點，夠晒特別。台式麻辣味，多麻感覺，唔算太辣。鴨血大大片，好滑，夠入味。韭菜好甜。 飛天通菜煲。通菜夠晒鑊氣，配左炸蒜，辣椒，蝦乾等等。菜都可以好惹味。 醬爆鴛鴦雞煲。鴛鴦雞包括左滑雞同田雞，一煲食晒兩款。仲有厚肉既冬菇做配料。煲仔滋滋聲，爆得好香。配飯食就已經好正。兩款雞都有好多件，食極都有。田雞食佢既質感。而雞件唔算大啖肉果隻，成件會吸晒醬汁味。 仲有糖水送。估唔到中式糖水都咁有水準。蕃薯糖水，薑味夠，煲到蕃薯淋晒。清補涼，淡淡既甜味，感覺滋潤。

今日去咗土瓜灣附近食好多人推介嘅大排檔，天氣開始涼兩地食大排檔就啱啦，好有鑊氣嘅小菜可以保暖😚😚而且呢度每個菜都好抵食同埋佢哋用良心去煮㗎💛💛楚撚沙拉骨 💰85沙拉骨見到好多人推介嘅其中一個必食嘅小炒，上到嚟見到有好多沙律醬喺面頭，同沙拉骨一齊食嘅時候更加滋味，酸酸甜甜嘅沙拉骨加埋沙律醬絕配，送飯一流。生炒臘味糯米飯 💰108生炒臘味糯米飯都係冬天必定食嘅時間，近排已經好多地方有臘腸食，臘腸配埋糯米飯真係會不知不覺食好多😚老乾媽青椒炒牛肉 💰80老乾媽醬不嬲都好惹味，用咗嚟炒青椒炒牛肉，令到成個餸都好惹味，又唔會辣到食唔到，係食極都仲想食食唔停咁樣嘅！份量都好多牛肉嘅份量都唔會少，每天牛肉都OK肉質不錯👍🏻👍🏻啫啫唐山菜煲 💰75秋天氣點可以笑得食啫啫煲，因為冇乜叫菜食所以我哋就叫咗個唐山菜煲，一打開個菜煲超級香，食落口都非常濃味，而且菜嘅色澤都非常靚😋😋

坐車經過屋企附近，成日見到呢間餐廳好多人排隊，今次同老公特登行過嚟試一試，大約5:30左右已經有人在外面排隊。餐廳小炒種類也頗多，價錢也合理。兩個人叫了三個餸試試。第一個餸係黃金白飯魚，原先我打算住叫椒鹽白飯魚，不過見到黃金白飯魚，外面比較少食，所以試一試。餐廳選擇嘅白飯魚都比較大條，白飯魚包住蛋黃，炸得鬆脆，佐酒一流😊。第二碟餸係醬爆雞煲，上枱時熱辣辣，好有鑊氣，雞入味，份量足！最後一上枱嘅係脆皮豬手，皮脆肉滑，配上芥茉醬一流。三個餸，食完冇渴，應該係真材實料冇落味精👍買單前，原來有免費嘅糖水送，熱有番薯糖水，非常夠薑味！凍有清補涼，唔太甜！下次再試其他😍

適逢星期天放假，所以和家人於屋企附近的大排檔食晚餐，每次經過這餐廳都常常見到很多人在外排隊，今次特意提早於5:30便前來用餐，因為時間尚早所以不用排隊，很快就能安排入座，點了幾個小菜，醬爆鴛鴦雞煲即是田雞和雞肉加入惹味的醬料爆炒形成的煲仔菜，鹹鹹香香好送飯，枝竹火腩豆腐煲，炆得非常入味，粟米斑塊，粟米醬汁和斑塊是分開另上的，那就不會令班塊被醬汁影響外脆內軟的口感，而且粟米醬汁不太鹹，反而鮮甜，簡直可以當粟米湯咁直接飲用，菜圃銀魚煎蛋角，菜圃咸香而爽脆，銀魚鮮味而煙韌，所以令到蛋角有不同的口感和味道，確實不錯，原來最後還有糖水奉送，有兩款一凍一熱的糖水可以選擇，熱的有番薯糖水，凍的有清補涼糖水，兩款都非常足料，令到這餐吃得非常滿足，哈

土瓜灣區終於有一間食物質素不錯又有鑊氣的大排檔，每次見到星期六日都要等位，所以今日和媽咪選擇其他日子來試食！入到店內裝修光猛企理👍牆上有很多店舖推介的菜式😋椒鹽九肚魚賣相不錯！九肚魚炸至金黃色，熱辣辣外皮好香脆，魚肉好滑，夾埋炸蒜一齊食，更加惹味！飛天通菜煲這個通菜煲是店舖推介的，基本上見到每一台都會點的，職員上枱時一打開蓋香噴噴嘅味道傳出，通菜鹹鹹香香好食到一條接一條，食唔停口！楚撚沙拉骨每條排骨咬落啖啖肉，炸得香口多汁，酸酸甜甜再加入沙律醬一齊食，配白飯一流😋脆皮燒BB鴿外皮炸得脆卜卜，肉質鮮嫩，肉味香濃多汁，不用任何醬汁原汁原味已經好好食！食完之後店員送上每人一碗番薯糖水，感覺好滿意好窩心！

一直都好想試但無機會 今次係叫一嘗佢既味道。佢地集團會來有自家外賣配送🤩之前係外賣平台想叫次次都係太忙唔送🥲送到黎我地都要等左一陣先食仲係暖暖地～仲送左糖水俾我地～特別好食既我覺得係黑松路墨魚餅炒蜆（如果大粒啲會再滿足啲🙈）乾炒牛河咕嚕肉下次一定會去鋪頭食新鮮熱辣辣既餸😋整體分數：7.82

今日同男朋友去士瓜灣吓，行到有d肚餓，直接響度食埋晩餐先走，見到一間有大量小炒選擇，就入去試試。我地就點幾樣常食小炒睇睇師傅功夫。咕嚕雞球份量好多，酸甜比例做得不錯，雞球入口好爽滑，外脆內嫩，我自己食咗4-5件雞球，男朋友食得比我更多，好食又抵食。配料亦都好多，有鮮甜菠蘿，蜜桃，青紅椒。椒鹽白飯魚白飯魚好大條，唔會太鹹，食落香口，炸香蒜惹味，都唔錯。值得讚既係唔會炸得好油，炸粉都好少，出面好多時食炸粉多過咩，呢度就冇呢個問題。北菇愉耳紅燒豆腐個豆腐好熱，d汁好濃厚帶少少麻油香氣，咬開豆腐白雪雪滑嘟嘟，有豆香，外面少少脆既口感，唔錯，不過冬菇比較少，多番少少更佳。乾炒牛河冇點白飯，炒左碟乾炒牛河，賣相都好靚，色澤均勻啲，唔會好油，有鑊香。牛肉好滑，而且份量極多。如果芽菜多番dd，我會俾滿分。最後有甜品送，熱既番薯糖水，凍既清補涼，落足料，唔係求其比啲嘢就算。整體上，係大排檔既味道，當然乾淨好多同服務一流，好有禮貌，好細心。價錢方面亦都非常之合理，小菜方面其實有好多種類別，下次可以再嘗試其他，絕對值得一試。

朋友話想吃地道港式小炒，我便諗起呢間，之前在西環食過幾次，菜式種類非常多，每次吃都有驚喜。土瓜灣店規模較細，但想試的菜式卻一樣齊全，晚上旺市時間一定要先訂位，門口等候區有櫈招呼，吾使企到腳軟。這個牆上餐牌是餐廳的招牌特色。間間分店都一樣掛滿牆身。令人一目了然。飛天通菜煲＄78熱辣辣新鮮出爐，香味撲鼻，配有蝦干令味道增加咸鮮，青紅椒伴碟增加色彩引起食慾。青綠的通菜食落非常鮮嫩，好入味又吾會太咸。麻辣韮菜鴨血煲＄86菜牌提示有兩個辣椒🌶️度。然而食落又唔算好辣，平時少食辣的朋友都接受到。鴨血嫩滑入味，口口聲聲講減肥的我們都忍唔住叫了碗飯，吃得津津有味。味菜豉椒辣炒豬肚牛柏葉$98呢味餸非常值得推介，味道好香，少少辣辣地，好開胃。送飯也一流。牛柏葉都煮到好入味，好爽口嫩滑，味菜又增加味覺刺激。王老吉$13因為菜式有辣椒，怕上火，飲王老吉正好下火，抵抗熱氣。老火湯亦係港式餐廳代表作，期待下次再相約朋友來試吓老火菜乾煲豬肺湯。

朋友誠意推介的一家大排檔，而這家所謂的大排檔並非我們想的沒冷氣又烏煙瘴氣的大排檔啊，有冷氣，有服務，又質素，有衞生，食得安全又放心。既有大排檔風味，又有合理的價格，真的值得推薦。香煎黑松露手打蓮藕墨魚餅強烈推介，一上枱就散發陣陣黑松露味，味道不算濃，但薄薄的蓮藕片增加了墨魚餅的口感，入口香脆，墨魚餅爽口彈牙，非常香口，大愛!楚撚記小炒王蝦乾醃製夠味，韭菜花新鮮，腰果香口，XO醬味濃，叉燒入味，銀魚仔卜卜脆，整碟小炒王 鑊氣夠，簡直色香味俱全，我們邊食邊讚不絕口!豬潤蒸排骨加配陳村粉底排骨軟香嫩滑，又彈性又有嚼勁，豬潤口感嫩滑無腥味，火喉剛好， 陳村粉口感像腸粉，夠爽滑，比腸粉透明。這樣一大盤的，我們都覺得份量很足。蕃薯糖水這是送的糖水，薑汁濃，驅寒暖身，味道夠辛辣，也有不少蕃薯，蕃薯煲得軟腍，真的很可口。