棋哥燒鵝餐室

營業中

休息中

同太太利銅鑼灣，有時可以說是行到天昏地暗架。我不得不大叫，可不可以放飯。辛苦地，終於在兩點鐘爭取到，而且是一個一人時間。身在渣甸街的我，就決定試一試《棋哥燒鵝》。來時，是下午茶時段，理所當然，會叫一個下午茶份量的餐。而我點既下午茶餐，就是燒腩飯一碗。第一次食這《棋哥燒鵝》，理應叫一個燒鵝餐，但奈何下午茶的飯餐就是沒有鵝，所以只叫燒肉。然而，這燒肉係令我感滿意的。因為皮夠晒脆，肉又夠香，不加芥辣醬也十分之好食，我非常開心。跟餐我要了一杯奶茶，這奶茶也可以說是有水準之作。夠香又夠滑的奶茶，沒有說不好的空間。第一次來，牛刀小試已經令我覺得好滿意，即係話，這一間《棋哥燒鵝》，有料到。

lunch 快快食個飯，見好耐無食過燒味就是旦揀左間附近既燒味餐廳。依間四四正正，環境裝修都比較新式，所以就行左入去😂叫左個燒鵝叉燒飯，識食一定食肥叉👍😉味道黎講肥叉油脂豐富，但味道唔夠，只有淡淡既鹹味，最後都要叫多個叉燒汁先夠。燒鵝不過不失，皮唔夠脆但好在肉質夠淋，味都一樣唔係好夠，可能整體係想清淡dd，但本人吃燒味真係預左重口味😂😂趣事，我同事叫雙拼變單拼😂凍飲變熱飲，被逼健康，笑到我😂😂

好似好受遊客歡迎嘅｛棋哥燒鵝｝，一直都無咩興趣😗不過今日趕時間，唔可以再左揀右揀，就決定食棋哥啦！💡✴️叉燒雞飯✴️叉燒太甜了，好似食緊糖咁🤔叉燒肉質好腍，一啲咬口都無，睇嚟鬆肉粉落得好重手～雞肉無雞味都預咗，勝在都叫嫩滑，不過肉少皮厚，太肥了🫣✴️燒腩仔燒鵝飯✴️呢度最出名就係食燒鵝，可惜佢嘅燒鵝只得塊皮，可能係部位問題啦🙃僅餘食到嘅少少燒鵝肉五香粉味濃，肉較韌，屋企附近嘅燒味店做得比佢好好多呢～燒腩仔係最好食，皮夠脆，腩肉層次分明👍🏻

唔好誤會 呢個係Lunch😨 大家樂個$35 下午茶都大份過呢份。 $75？ 仲要系盧旺達燒鵝 無肉 雞已經少仲要系雞胸 唔唔係減肥 但點解收咁貴先？ 個未又窄到坐左出唔島 香港就係因為呢啲餐廳 搞到大家出街食飯都驚中伏

今晚同由新加坡黎香港既朋友食飯，成間舖頭真係好齊心架，個個態度都十分惡劣，請佢落單十分晦氣，又掉碗又飛餐牌，其實唔想返工唔好返囉。 佢一視同仁架，枱枱落單都呼呼喝喝，晦氣到不得了😡 希望貴公司加人工俾你啲同事，等佢哋開開心心返工，唔係你啲燒鵝幾好食都無用，銅鑼灣啲租都好貴吓架！ 本來開開心心介紹黎香港玩既朋友，到頭來勁尷尬一肚氣既一餐飯。 但公平啲講燒鵝味道可以既，皮仲脆既，但另外再叫碟燒味飯就只係暖。

叫個外賣套餐，D阿姐態度十分差，俾嘅料係平時吃碟頭飯嘅位到羅，我係買半隻雞同一斤叉燒，唔係完整嘅，問下點解又俾人串，答到係甘嘅，問下要多個姜蓉就要加錢又話只有一個，俾你已經好好，消費又要受氣，真心多謝曬

棋哥燒鵝餐室是一家提供港式燒味的餐廳，其中以燒鵝為招牌菜式，質量不錯，口感鮮美，值得一試。除此之外，餐廳還提供其他港式美食，例如叉燒、燒肉、油雞等等，不過份量相對比較少，口感也沒有燒鵝出色。不過，棋哥燒鵝餐室的用餐環境相對於其他燒臘店來說比較乾淨整齊，營造出一個舒適的用餐氛圍，這是吸引不少遊客的原因之一。總的來說，如果你想要嚐試港式燒味，棋哥燒鵝餐室是一個不錯的選擇。餐廳的燒鵝質量不錯，而其他港式美食也能夠滿足不同口味的需求。儘管份量有些少，但整體來說味道還是不錯的。用餐環境整潔舒適，能夠提供一個愉悅的用餐體驗。

雖然話銅鑼灣，貴可以接受，但甘既質數，58文碟油雞飯上枱樣衰好似下欄野甘，78文碟鵝拼义燒，d鵝一d都5好食又無鵝味义燒好一般，杯凍檸檬茶差到，以家好多燒味店打住咩哥咩哥燒味門口做到好鬼靚，真係佢會比佢吸引左入去幫襯，真係去過一次5會再去，

諗住落街出嚟食個飯，入到去成班人喺度阻住個門口，但係都店員唔會疏導開，仲要係沒有招呼沒有成。我入咗嚟之後差唔多都係要乜冇乜。人哋好似好勉強好唔情願勉為其難咁樣幫我落單。有個差唔多四個人嘅客唔帶佢去四人枱不特止，仲要叫我走去轉走出大枱。既然咁唔想招呼人，不如索性閂埋間舖接埋佢啦笨。

今晚喺度買外賣，買咗3個飯，豉油雞、燒鴨和叉燒單拼。行返去屋企10分鐘路程，今日18.2度，但惟獨個豉油雞飯啲雞臭咗。肉眼睇，睇唔出有咩分別，但一打開就聞到臭味，應該係放耐咗。好大陣味，師傅切嘅時候實知臭咗，咁都照賣💩💩💩黑心商店，唔會再幫襯

呢間嘢嘅燒鵝好唔好味就唔想講啦，反而我就去食咗個蛋治配熱奶茶，奶茶就一定係襟機出，因為人手唔夠佢哋要做標準化，又唔會突出又唔會難飲，不過想講吓個蛋治呢個蛋治真係唔差有蛋香，起碼用咗兩隻雞蛋去做，如果計$30唔使嘅下午菜來說，都算好有誠意，我我見佢哋都換咗餐牌多咗啲嘢食，另外叫咗個滷水豆腐，呢一個滷水豆腐就真係差好多， 佢切得好薄加上師傅刀工又痴刀，有冇滷水味，所以食起嚟都有啲困難，可以不用叫，反而今次去真係有驚喜有一件咁有誠意嘅蛋治出現咗喺佢舖頭

行過叫左個下莊外賣返家食午餐，145元，仲特登叫菲姐唔洗煮其他餸，點知d肥膏多到嚇親. 有幾嚿甚至只有肥膏無肉。附圖證明。我唔係要瘦鵝，但肥膏實在多過肉好多，太過分了吧。諗住無肉食，皮仲可以呱，點知皮好鬼韌，一點也不脆，小朋友完全咬不開。個又老又肥嘅鵝最後唯有我同菲姐清左佢...大家樂燒鵝絕對好食抵食過棋哥。點解咁垃圾嘅鵝都可以開幾間分店？？？ 價錢又唔算好平。真係無言。燒鵝來說暫時我都係覺得一樂最好。

铜锣湾还算平价的烧腊店。中午时间人比较多，大概排了七八分钟才入座。虽然是小店但店里环境还算明亮整洁。我点了 「桂香切鸡饭 」午餐58块鸡肉给的分量很多，肉挺嫩的，还搭配了菜心好评！据说他家烧鹅比较出名，下次来试试！

很久沒吃過有木香的燒鵝，居然在茶餐廳再吃到，一定至少要試一次棋哥的燒鵝。香滑炒蛋火腿(常餐)- 炒蛋好食，濃味又非常滑。牛油厚多士(常餐)- 夠脆夠味，只是唔係好夠熱。燒鵝米粉(常餐)- 燒鵝係棋哥主角，擔當得起，有木香、皮脆、夠味又唔鹹、份量足，好味。其實唔加錢平$10食燒肉都好食。熱奶茶(常餐)- 香濃的餐廳奶茶。這個常餐絕對物有所值，另外食野又可長知識，好多人都怕燒鵝唔健康，其實鵝油屬好膽固醇，對心血管有益有借口食多些啦....雖然依然會令人肥。

我同朋友2人叫左一個2人餐，包括一份燒鵝細例、一份叉燒、一碟油菜、兩碗例湯連飯和瀨粉。燒鵝味道ok, 叉燒叫左半肥瘦，但偏瘦，味道偏咸。 例湯難飲，味精滾水咁。 我叫左瀨粉，上菜時我見到有隻死左既蟲在湯度浮。於是我叫阿姐換。 我有點唔放心，就走出去偷望，見到阿姐用匙羹將蟲整走， 似係想再俾番呢碗我。見我發現，馬上拎去餐廳另一邊倒左佢， 話唔會俾番呢碗我，叫我放心。我覺得奇怪，咁點解唔係一開始就拎去倒。而要用匙羹將蟲整出來呢？仲要心虛樣出晒黎。等左好耐都唔見佢整番一碗瀨粉俾我，我又再行出去問，今次我問另一個阿姐， 結果個位阿姐俾番碗瀨粉我時講左一句： 「我唔肯定呢碗有無蟲架！」😨😨😨😨咁都得？ 作為餐廳，確保食飯既質素同衛生係你地既職責，竟然大大聲「大條道理」咁同客人講，唔肯定下一碗有無蟲？ ？？？？搞到好似一開始我話要換左有蟲既瀨粉係我既錯咁。仲要發番客人脾氣！咩道理？😤😤😤呢種服務態度真係可怕，令人好擔心佢既衛生！！我以後都唔會再幫襯！大家都小心！ 😡😡😡