影片
港鐵堅尼地城站 B 出口, 步行約4分鐘
繼續閱讀
電話號碼
34823808
營業時間
今日營業
11:00 - 21:00
星期一至日
11:00 - 21:00
以上資料只供參考, 請與餐廳確認詳情
原本賣點係有兩款湯底，魚湯或者雲昋麵傳統大地魚湯，平時都會揀要大地魚湯底好味好多，但今日食已經話無大地魚湯底，真係失望，我覺得佢最有水準算係大雲吞麵湯底，點知已經無咗呢個賣點，算吧啦！
繼續閱讀
水上人執笠之後，西環尾只係得返南記依啲連鎖店，睇網上知道西環尾有間出名嘅粉麵店，所以上年十一月夜晚第一次來試食，叫咗碗紫菜四寶河，墨魚丸同貢丸都有驚喜，同平時食開嗰啲真係有分別，你食過一次就會明白。隔離嗰位大叔叫咗碟鵝腸撈，我唔係咁識得欣賞內臟，但見到佢食得咁滋味，我諗有機會我都會食一次。今日來食下午茶，再上OpenRice睇食評見到有唔少差評，主要係講冇服務，我今日一坐低樓面立即遞杯水俾我，令我大感詫異，可能係前人feng得佢多，間店舖有所改善，收銀阿姐都有講多謝，希望keep到服務水準。今次食碗牛腩麵，其實都幾冒險，因為鹼水做得唔好就好大浸味，我平時一定會叫牛腩河。除咗第一啖聞到有鹼水之後食落去，麵身好脆同冇鹼水味，牛筋多個牛腩，牛筋係一整條脆的，牛腩份量就比較少同鞋冇乜特別，整體而言成碗麵份量都算少。西環街坊來講都可以食多次。兩次來食都覺得啲食客好似都係喺區外人入嚟食，冇乜後生仔。當係支持吓啲傳統食物，唔想日日食米線，又食唔慣啲螺絲粉。食完都有少少口渴，返屋企前買咗杯飲品。
繼續閱讀
其實呢間舖頭我嚟過幾次 , 起初 覺得服務態度好好食物質素一流 , 所以今日特登放中午飯過嚟食 , 大失所望 , 唔知係咪樓面嘅人唔同 所以質素就唔同晒 , 想要一杯熱水 , 佢叫我買樽裝 , 叫咗一碗魚片牛筋米 俾錢嘅時候發現魚片$12 最驚奇嘅係我食嘅時候得三片魚片 魚片仲薄過一張紙 最可惜唔記得影相 因為冇諗過佢收我$12 老實講，食咗$150 要一杯熱水 , 去任何一間餐室佢都俾你 , 佢冇杯嘅原因 , 一個字懶同埋唔生 , 我好後悔今日嚟 , 其實 西環好多選擇 揀佢唔使囉 !
繼續閱讀
我食左幾次，牛丸係好食真心，魚蛋都係真魚肉無乜粉但就無乜咬口，辣椒油香，堂食仲可以落花椒油。佢手機落單menu同出面貼海報都話賣辣椒油，手機落單menu都有生料撳。我落左生料、辣椒油同碗堂食粉，跟住成班人係度大大聲話我地無得賣架，邊有咁平架，70蚊12粒邊有咁平架，講完一大輪，行過黎同我講辣椒油無貨，牛丸要100蚊12粒，真係笑出黎，你哋準備好先開舖啦不如，咁樣做生意，真係不知所謂，啲嘢更好食都無哂心情食。
繼續閱讀
趁今日放假去試間新開既粉麵店，可能有幾日長假期，加上係夏銘記既班底，我大約2:30pm到都要排隊唷！我前面有大約15人排緊隊，等左大約20-30分鐘先到我地兩位。.地方細、座位迫，落單有啲混亂，可能樓面叔叔唔係太熟手，我以為齋叫叔叔落單，點知叔叔先俾張有QR code既單我地，咁樣攪下攪下就用左5-10分鐘黎落單。.我地叫左一碗雲吞麵同一碗魚旦魚片頭河。.雲吞麵細細碗，雲吞細細粒，印象中有五粒左右，雲吞皮薄餡夠，餡料足又鮮，湯底好味夠鮮甜，略嫌麵身幼較冧。我個人比較鐘意爽口，整體黎講唔錯。.魚旦魚片頭河屬一般，魚旦魚片頭有魚味但唔係彈牙既。比較下魚旦魚片頭河會飽肚啲，但味道一般，雲吞麵細碗但味道唔錯。注意既係地方較細較迫，食完即走人。飲品方面，只有汽水供應。.
繼續閱讀