梅 日本料理

營業中

休息中

放工去觀塘搵下好嘢食~ 之前見過人哋介紹呢間日本料理，好似唔錯喎呢到主打刺身丼飯~睇Menu圖片，每款都好吸引，好足料咁今次我嗌咗個丼飯，再加小食同握壽司三文魚珍寶帶子海膽丼(送沙律+麵豉湯) $134一上菜，忍唔住「嘩」一聲~有3塊三文魚，6片帶子，2片燒玉子同埋一大pat海膽。圖片同實物都無咩分別刺身味道鮮甜，份量都好足料，亦都夠厚身個海膽完全無腥味，食材都好新鮮，成個飯都食得好舒服啊~芝麻雞翼(2件) $28雞翼個外皮脆卜卜，但唔會有種油膩感，調味亦唔會太鹹每隻雞翼都厚肉嘅，呢個價錢嚟講都幾抵食炙燒左口魚裙邊壽司(2件) $22左口魚不嬲都係我最愛左口魚裙邊炙燒完，浸魚油香味真係好正呢間餐廳好值得encore嘢食質素真係無得彈~呢到仲好多款丼飯，下次會再嚟試下唔同嘢

週六一家休息咁就係駱駝漆大廈行下街順便買下日用品 夜晚我哋就諗住試吓朋友推介一間日本料理 ～ 梅·日本料理 我哋三個人 分別嗌左 軟殼蟹鮭魚籽三寶認真 真係好好食呀 好少餐廳會咁配搭價錢真係平 又食到飽☺️😍😍仲有一個新推出啲鮪魚中腹鰤魚赤海蝦丼口感一流 個中拖羅口感配搭日本生蛋黃好有層次感 大大啲赤海蝦肉質鮮甜同埋油甘魚同拖羅超正👍另外 我哋又嗌埋二款小食北海玉子燒 濃濃啲芝士香味 果然好吸引下＄48蚊 就有大大份4件白菜豬肉煎餃 ＄42蚊 大家不妨試吓啦另外佢哋都有午市套餐 價錢都勁吸引👍👍😍

今日一時癮起又想食日本嘢，就嚟咗呢間餐廳。餐牌上好多嘢望落都好吸引，價錢仲好合理添。我就嗌咗一份東瀛四品漁丼套餐。套餐包括麵豉湯同埋蟹籽沙律前菜小食。我嗌咗免治雞肉棒串兩串，免治雞肉配上日本生蛋黃，味道一流！芝麻雞翼炸得好脆，肉質又嫩滑。自家制芝士玉子燒好香，芝士味濃郁。東瀛四品漁丼入面啲海鮮配料非常豐富，有三文魚、吞拿魚、劍魚、甜蝦、三文魚籽同海膽。三文魚籽同海膽超大份，好新鮮，食落好鮮甜。

已經不是第一次去”梅。料理”了，而每當朋友約飯局或小聚，總是第一時間把它放在考慮之列，因為吃過每次都身心滿意😀😀所以忍不住要把好東西跟大家分享。。食物好味，食材新鮮刺身，赤海蝦尤其出色，又大隻又多羔，甘甜鮮味。蟹羔/海膽軍艦，天婦羅軟殻蟹，還有各式各樣的剌身丼，寿司卷，份量多，食材好好味，好好味。價錢非常合理每次吃得飽飽，人均價錢只是大概$180。主厨和職員很友善，態度有禮很貼心的服務，經常留意食客的需要並快速回應。我一定會再來的啊😄

梅 日本料理. 用餐日期: 2024年1月 晚餐駱駝漆不嬲都係小店既集中地，今次見到IG推介既日本料理，價錢偏親民，就入去試下啦。餐廳地方都幾大，非繁忙時間去食兩位去食都可以坐四人枱，唔會迫夾。舖頭裝修就偏日式風，無論係都裝潢, 餐牌定係菜品都幾家庭式。《$48 北海玉子燒》⭐️⭐️玉子燒唔係日本甜蛋，味道偏咸，唔似韓式玉子燒咁多餡料，中間亦都冇流心既感覺。一層一層既卷蛋好有層次感，再加上上面既蟹籽同醬汁，係樸實無華既玉子燒。《$42 白菜豚肉煎餃》⭐️⭐️$42蚊得4舊，除番開要成$10一舊。餡料就冇咩特別，係正常會食到既配搭。煎餃既底唔脆，配左餃子汁，成舊就好似自己係屋企煎但失敗左，整到淋哂既感覺，但好在食落去唔會好多油，普普通通冇記憶點。《$22 炙燒左口魚裙邊壽司》⭐️⭐️左口魚裙邊壽司係正常左口魚既口感，上面加左少少蟹籽同木魚絲。但係壽司飯偏大舊，而且唔知係咪壽司醋落得太多，有D酸，飯粒唔分明，好似爛爛地咁，麻麻地。《$142 極上壽司12件》⭐️都係飯既問題，又酸又爛，12件壽司淨係食飯已經飽，個人認為飯量減一半會更好。吞拿魚好多筋，而且腥味好重，其他就不過不失啦，套餐仲有跟沙律同炸雞肉

駱駝漆都有唔少日式餐廳，但以日式餐廳黎講，呢間食物真係高質又抵食，而且地方寬敞，坐得舒服。烏冬量足，又幾彈牙，甜蝦新鮮鮮甜，三文魚油脂高，食落滿口油脂的甘香。海膽好新鮮，又俾得好足。帶子大大份，又好鮮美。丼飯同烏冬的份量很多，細食嘅人都食唔晒。仲要有沙律送，真係性價比高。

駱駝漆日本料理小店🇯🇵主打多款日本刺身、壽司、海鮮丼飯、料理小食等份量足料，價錢合理，menu款式選擇多當中最推介海膽燒牛小排丼🔥以呢個價位嚟講海膽份量都唔少，而且用咗安格斯牛小排，油香滿滿，性價比唔錯😙！店員推薦玉子燒，鋪上芝士、大量鰹魚花、蟹籽、沙律醬，火炙燒香全日免收加一，午市有更抵食嘅lunch set，丼飯/拉麵配壽司/沙律/餐湯最平$72就食到跟餐加$12仲有三款口味波子汽水整體嚟講係比較平民價位嘅日本料理，係觀塘想平平地食日本嘢都可以考慮吓-🔸片中款式價錢參考👍🏻三文魚珍寶帶子海膽丼 $134👍🏻海膽燒牛小排丼 $108 👍🏻梅極上壽司 $142/12件👍🏻牛油果香蔥吞拿魚腩蓉卷 $72/6件👍🏻北海玉子燒 $48👍🏻蟹肉忌廉餅 $25/2件-味道：7/10性價比：7/10-📍 #梅日本料理 @plum_japanese__restaurant觀塘開源道60號駱駝漆大廈第三座11樓S室

今日一時癮起又想食日本嘢餐牌上好多嘢望落都好吸引價錢仲好合理添我就嗌咗一份東瀛四品漁丼套餐餐包括麵豉湯 同埋 蟹籽沙律前菜小食 我嗌咗免治雞肉棒串 2串 免治雞肉配上日本生蛋黃 味道一流！芝麻雞翼 同埋一份自家制芝士玉子燒東瀛四品漁丼套餐入面啲海鮮配料非常豐富三文魚籽同海膽超大份，鐘意食三文魚籽同海膽可以去食，大滿足👍👍如果大家都住付近返工有時諗唔到食咩。可以一試。價錢服務 食物質素合理。價錢街坊。可以食下。🍣🍣

第一次寫食評就要比壞評諗住幫襯下呢棟大廈嘅食肆，點知完全違反商品說明條例雞卷係雞片咁薄，仲要得個幾片紙，仲要係唔熱嘅食烏冬要加$3， $80幾蚊一個lunch食垃圾！同店員反映，佢地仲我話特登整爛個雞卷，叫我以後唔好嚟，唔做我生意！呢間野完全離譜ps 我反映意見時，佢哋唔想理，仲要我追問會點處理到我寫緊呢篇食評，知道出事就搵兩個男人嚟嘈我，話唔收我錢以後唔做我生意咁嘅處理手法，真係大開眼界你放心啦，我都永遠唔會嚟

呢個星期六嚟到觀塘駱駝漆揾食，之前已經有啲目標，睇吓邊度唔使等，就去邊度。可能我哋去到都差不多兩點，人潮已過。最後，直入去梅 日本料理，入面仲有幾枱客，座位闊落，夠哂光猛。午餐時段，選擇種類非常多，午餐已有成十款選擇，另外仲有其他壽司、刺身、丼Set選擇。午餐：4品壽司盛配昆布湯烏冬（$78）壽司包括吞拿魚、赤海蝦、八爪魚，三文魚刺身2片，昆布湯烏冬，好大碗，烏冬好煙靭，湯底清甜，昆布偏少，幾好味。再加埋個蟹籽沙律，真係多哂飽。😋梅•極上壽司12件（$142）包蟹籽沙律、一串雞肉棒，6款壽司包括三文魚、吞拿魚、赤海蝦、油甘魚、帆立貝同鰻魚卷，再加件玉子燒。壽司飯有醋味，酸酸甜甜夠哂份量。魚生新鮮冇腥味。三文魚有魚香；吞拿魚夠油脂，入口即溶；油甘魚都夠肥美油香；但赤海蝦、帆立貝普通，冇乜味；鰻魚卷太多汁，不過幾好味，鰻魚冇骨👍🏻講真，周圍環境就真係唔算好居酒屋FEEL，有啲港式日本餐廳，但整體嚟講價錢唔算，食材新鮮，質素已好好。雖然午餐壽司嗰片刺身比另一份係薄啲啲同細啲啲，但70幾蚊，食到捧住個肚，仲冇加一，真係好抵食。

話說今日休息去咗觀塘整文件就去咗朋友介紹啲日本餐廳！梅．日本料理 ～～有拉麵 壽司 刺身 熟食丼飯 同埋魚生丼飯天氣咁熱 就想食魚生丼先😊😊就嗌咗份蟹蓋王魚籽海膽丼蟹蓋王 三文魚籽 海膽 份量十足香噴噴啲蟹蓋王 配三文魚籽 非常夾呀😆另外一個餐 有蟹籽沙律 同埋碗麵豉湯加$5蚊有玻璃枝裝汽水 $12蚊波子汽水勁抵食👍 味道真係唔輸出面連鎖式啲🤓🤓另外值得抵讚就係 堂食唔收加一服務費架樓面上菜速度都好快 同埋好有禮貌架👍下次會再黎👍

餐廳座位空間OK, 岩岩好，唔會好迫，又可以book位，而且仲唔洗加一。餐牌價錢唔算好貴，月尾大家都揀左覺得CP值最高嘅壽司+烏冬lunch set。不過佢餐牌其他lunch set都好吸引，而且份量正常，一定夠食。野食到左果然好靚仔，我第一時間食左刺身先，質素唔錯，鮮甜，唔會有腥味，所有同事一致覺得好食。烏冬我就覺得不過不失，都彈牙嘅，但都係刺身驚喜啲，冇諗過呢個價錢都食到咁好食。大家都話要下次再嚟

海膽唔新鮮腥苦三文魚腩正常發揮寫係拖羅，但俾拖羅蓉Wasabi真係人生試過最難食😅如果觀塘呢個價錢食午餐日本餐計有更多選擇唔會再試明顯貨源係偏平價唔關個廚事日本餐丼飯食材差就玩完好多人會話呢個價預咗所以有更多選題呢間真係可以放埋一二邊淨係計駱駝漆大廈日本餐都唔少同一樣做丼食 壽司 有幾層都會有百幾蚊唔洗好高質其實正常發揮就已經好足夠唯一覺得好少少係啲侍應服務較好仲有裝修幾比心機但裝修到咁靚食物係咁重點放錯咗

服務態度好好🥰🥰好有禮貌今次黎慶祝生日 佢會幫手雪蛋糕仲唔會收切餅費 比埋碟你😳真係好好啲魚生又新鮮 價錢又唔算貴 cp值高！今次已經係食第二次🤤黎駱駝漆大廈一定要試下依間叫左個沙律同埋丼飯啲壽司都好好食附上埋第一次去食的相片

難得去行觀塘駱駝漆，試吓依間日本餐廳！一入去已經滿座，訂位都要等！土佐雙式魚好食😋日式餃子🥟👍🏻午市定食好抵食！份量不小，三個人叫咗兩個午市定食加二個小食，好滿足！會再有下次