柴門西餐廳

營業中

休息中

今日同媽咪去咗呢間位於柴灣東貿廣場既 #柴門西餐廳 ，環境幾寧靜舒服，食物又好味，可惜為食嘅我掛住食唔記得影餐廳相😅Lunch set $80-140, 有齊湯、前菜同野飲👍🏻 最鐘意啲主菜夠熱（好多拎到出嚟都凍哂）👍🏻煙三文魚意粉🍝：煙三文魚份量夠多，意粉軟硬適中又夠多汁😋魚柳薯蓉🐟：以為塊魚薄薄地，點知食落都好有口感，夠熱夠新鮮，又唔會太咸😋最衰佢lunch time得一個鐘，食完又要返工啦，下次去食晚飯慢慢嘆😆

聽一個foodie朋友推薦左好多次，今次終於黎到港島綫最篤篤嘅柴灣，梗係要黎試下呢間餐廳啦！入到去餐廳會見到好多幅精美嘅油畫，環境好cozy。是日來食午餐。前菜係沙律、南瓜湯同春捲我選了朋友推薦的油封鴨腿，呢到係經典嘅法國菜🇫🇷。無得歐遊都未有望梅止渴啦

今日放假，嚟到屋企附近嘅柴門食個靚lunch套餐已有沙律，湯同麵包，每樣少少。我點咗豬扒，朋友點咗牛柳。豬扒煮到粉嫩粉嫩，讚套餐加配咗焦糖布甸，質地似中式燉蛋，有啲失望。餐飲我轉咗做泡沫咖啡。不過不失價錢方面係柴灣區嚟講唔算平。但都滿座，係少數呢區有質素西餐。

之前都想嚟試吓架啦點知原來呢度係有落場時間所以今次特登揀晚餐時段去餐廳好貼心，係預約時間前會send個msg嚟講佢哋嘅防疫措施等食客都可以食得安心餐廳人流唔算多，環境闊落，配上純音樂，感覺舒服當晚叫咗兩個Dinner set，店員都好好，會講解下個menu叫完嘢食就一路期待緊個包因為見到枱面嘅橄欖油同醋呢個配搭加包真係無敵然後就有主廚推介嘅三款精選小食有我哋都想叫嘅蝦多士香茅味重，一解去旅行之苦🤣春卷炸得好脆好香口之後自選頭盤係4揀2我同朋友各叫咗1款再share食柴門焗蠔平時嘅焗蠔可能都係芝士，洋蔥同煙肉多但呢個有啲椰菜係度，又幾得意，同埋無咁大飽濟感蠔身都算肥美另一個頭盤煙三文魚配柳橙沙律煙三文魚有3塊，好足料，橙好甜湯方面我哋兩個都揀咗忌廉蘑菇湯夠Creamy主菜方面，我哋兩個都加咗錢轉Rib eye因為我哋兩個都係牛魔王意想不到塊扒重大過我哋兩個塊面Medium rare剛剛好牛扒肉質鮮嫩多汁，牛味重甜品Cheesecake相對上就有啲失色

好味小店店內環境好好服務態度非常好食物質素好高 睇得出好用心製作呢間餐廳個set menu都幾多野食 性價比幾高我尤其鍾意佢個飽魚 好鮮好有飽魚味中式燉湯都幾好飲份量都幾足 好抵食💖

之前屋企人帶我食間柴灣小店，今日同屋企人舊地重遊，餐牌改左，於是嗌左兩款午市套餐。同上次一樣，食物仍然高水準，無令我失望，甚至有驚喜，原來牛舌都可以腍、厚、嫩並存。職員仍然服務親切，而且餐廳好週到，上次去係常溫水，但可能考慮到呢排天氣凍，係斟熱水。除此之外，亦有進步之處，上次前菜個麵包好味還好味，唔係熱o既,，但今次係熱架，而且又軟熟。環境咁困難，問過佢地每日只有三個半鐘堂食 (1200-1530)，地理位置唔係購物區，見佢咁苦苦經營卻仍然可以高質，希望佢可以支持倒落去。即使再一般的菜式或食材，用心做都可以令人驚艷。以呢個價錢，交足功課，甚至可以話超額完成。

以為柴灣係美食沙漠，點知網上見到佢，又知道星期日休息，就趁星期六晏晝去試吓。嗌咗牛柳午餐，叫左七成熟。先上前菜，有三樣嘢：蘑菇湯（湯魷魚蘑菇味都好濃），一片麵包（酸酸o地好醒胃），仲有柴門特色沙律（有生果同埋蔬菜嘅沙律，味道好夾食材亦新鮮），已經喜出望外。主菜牛柳雖然七成熟，但係煎得好嫩，牛味都好出。同行者點左香煎珍寶大虎蝦拼帶子，蝦味香到呢⋯⋯帶子又滑又鮮甜。食完已經大滿足，又口痕點咗個辣椒朱古力餅，食完d辣有後勁由喉嚨湧返上嚟，幾特別。另外，店員親切有禮，環境舒服亦都適合傾偈。令人充滿驚喜的餐廳。💛

雖然家住港島，但就從未會想過去柴灣尋找美食。適逢今天來到附近，便在openrice訂座，有88折優惠。是日是萬聖節正日，餐廳特意在每枱放置巫師帽，又安排萬聖節化妝服務，令人感受氣氛，同時亦感受到餐廳的細心。服務上，全部侍應都很有禮貌，又會主動介紹餐點。我們有如素的朋友，雖然餐牌沒有素食，但餐廳仍然盡力安排菜式，務求大家食得盡興。是日小食是用上3款海鮮類，分別是蟹肉沙律，吞拿魚他他和蝦多士，全部都很鮮味，細細份，很精緻，作為前菜十分開胃。我覺得蟹肉沙律最為好吃，略嫌少了一點。前菜我們點了巴馬火腿配田園蜜瓜沙律，味道夠清新，火腿亦夠油香配香甜蜜瓜，是絕妙的配搭。朋友點了鴨肝，雖然我沒有享用，但擺盤很美觀，而且鴨肝亦煎封得很香脆，朋友都很滿意。餐湯可選擇應節的南瓜湯，還有中式干貝螺頭燉湯選擇。我選擇了西湯，由於加了松露油，味道更濃郁，十分香甜。主菜我們都點了牛排，因為餐廳標榜這是乾式熟成牛肉，感覺很特別，試完覺得加錢吃亦有道理。首先要講肉質非常嫩滑，燒到五成熟仍有肉汁，油脂分佈亦算均勻，惟仍然帶有少量的筋，不過已經算是近期吃過較高質的牛排。另外我們還單點一份海中蝦意粉配蒜香蕃茄油，味道較為清

係柴灣，多數人都會以為無咩好食，但其實呢度有好多野食架！大力推介柴門，佢係東貿廣場6樓，其實係地鐵站過去都唔係好遠👍🏻平日黎既好處係唔駛等位，如果驚無位可以預早訂台，仲有88折👍🏻餐廳細細，但整齊，背景有jazz聽，柔和的旋律，岩哂慢活既我地黎傾下計。佢地既午餐都有幾多選擇（素人都有岩既餐架）前菜有沙律、湯、個湯都幾有料，唔係淨水，而沙律既的生果好甜！我地兩個今次叫左牛仔柳好好味！ 出奇地好有肉汁、好嫩滑～有驚喜！ 柴灣人又多個選擇啦～

柴門是我很喜愛的西餐廳，常來，這次萬聖節比較特別，就多寫一個食評吧！來到餐廳門口，已經有萬聖節佈置，然後有化妝師幫客人劃手手，我要求劃一個南瓜，好精緻, 幾分鐘就劃好（忘記拍照），還送女士們一頂蜘蛛帽，很有氣氛 ！一個萬聖節套餐和平時價格一樣 $328起，訂座有 88 折。坐下後，首先有一杯 welcome drink, 是青檸雪梨特飲，清新 ！這餐廳一直用環保飲管，這次是黑不鏽鋼。前菜是 3 款精致小點：眼球、蝦多士、吞拿魚他他，萬聖節眼球👁️是蟹肉 (紅菜頭染色）+ 龍眼肉 + 藍莓，一點都不驚嚇，開胃又好味我改了花菇元貝螺肉燉湯，元貝大大粒，材料十足Hubby 的南瓜松露忌廉湯，我試了一湯羹，好香好滑我的主菜是法國油封鴨腿，以前沒有吃過，皮脆脆的，肉質鬆、化、嫩, 下次一定 encore。Hubby 的新西蘭羊架，肉色粉紅，我不吃羊，所以無試，他說好正摯愛甜品是 signature crème brûlée，好香 vanilla, 很嫩滑，食到底部不少 vanilla seed。今晚萬聖節送蜘蛛曲奇，超可愛 ！多謝樓面經理多送我一塊，嘻嘻 ！很滿意的一餐

我試過既餐廳之中，非常有心，有誠意既餐廳，食物質素比得上中環高級餐廳，服務亦常一流，服務員細心介紹每一道菜，而食物亦非常好味，我今次食左個羊鞍同帶子大蝦意大利飯，十分有水準，下一次一定要再試其他食品。👍🏻

意粉味道比外面清淡一點，不太濃味但好食！Menu選擇不多，可能集中做好一些主打式。年輕waiter經驗不足，但小店經營不可能對服務丶禮議水平有高要求吧。老闆健談，環境有輕音樂，可以讓人慢慢傾談！

慶生快閃lunch店員推介 G餐乾式熟成肉眼，我都知男友鐘意食肉，但真係好貴，佢一定堅持請客，所以我就叫番個 A餐牛乾菌意粉平衡番啦~前菜， 上次黎食係炸春卷，今日係parma ham, 優質貨，層次鹹香沒有筋，配埋柚子沙律菜，非常開胃！水果片好似有襯色咁，非常賞心悅目！餐湯係非常香濃既粟米湯，淡淡濃厚粟米香！主菜A, 雖然係餐牌最平既餐，但無令人失望，一樣好味！意粉質地岩岩好，牛乾菌汁非常香濃，無紅肉都做到呢個汁覺得好神奇！呢塊牛，第一啖，可謂將好多牛既肉汁濃縮左係個口到，果種牛肉既香濃，係可以係個口腔內唔散，我真係未食過咁濃肉味既牛！職員仲好細心問我地覺得點。我自己其實覺得肉質唔夠林，因為望落個部份有脂肪，所以期望像牛展一類質地，同埋食落有筋啊。男友話ok的，亦讚賞肉味香濃。口味好個人，總體係讚既！另外配菜既薯蓉口感好 creamy, 亦有調味！多謝男友預先order焦糖燉蛋底下有雲呢拿籽，燉蛋口感creamy, 甜度剛好，無懈可擊！不約而同，我地覺得個紅茶膽都好香，非常好飲！檸茶都做到呢個竟界，好野好野！無論服務，食物，環境，價錢都好滿意！順帶一提，柴門對於每個食評都有心去睇，

外賣自取 明明寫左走結果冇走餐具😭1. 三文魚扒意粉+西湯 ($108)-比錯白飯-三文魚okay, 煎得可以但係都係堂食好d -記得汁醬另上2. 油鴨脾薯菜+$8 凍檸檬茶+中湯 ($116)-比錯意粉-油鴨脾nice! -記得汁醬另上-冇比嘢飲 餐湯一個西湯 一個中湯， 西湯好飲d 整體錯單問題嚴重, d 澱粉（意粉，白飯，薯菜）比到亂曬！疫情過左都係轉番堂食算啦😂😂😂😂😂😂😂😂😂😂😂😂😂😂😂😂

柴灣附近有一戲棚。觀賞前想先作進食，偶然下發現此西餐廳-柴門西餐廳。位置理想，就近柴灣地鐵站，幾分鐘內可到。位於商廈內，大廈環境光亮企理。店鋪面積不大，但空間充足，坐得舒適。店鋪裝修精緻，環境氣氛優雅。最欣賞店內之空氣清新流通，細看之下發現店內放有空氣清新機。現場有音樂表演，可惜疫症期間暫停。雖然此處是西餐廳，但我必須推薦佢嘅中湯。湯味濃郁，連湯渣也很好吃。店鋪位置鄰近戲棚，作為pre-theatre dinner相當適合，但請預留較多時間。今次實在有點不好意思，叫左個大餐，又冇足夠時間食，但老闆仍盡力配合，成功開戲前食完。建議各位預更多時間，此店值得好好細味感受。