林記車仔麵

營業中

休息中

每次去太安樓通常食海南雞同牛雜。早2晚想試想試其他野，見有成10個人排車仔面就試吓。可惜，非常失望，係我食過最難食嘅車仔麵。湯底：淡，好似豉油水咁豬腸：不過不失，偏淋蘿蔔：失敗，唔入味，有澀味九菜餃：唔香，一般致命傷係米線：浸咗15分鐘，無淋，個質地係唔正常嘅爽，好似食緊水尤咁，感覺似用膠袋做咁。食咗2啖成碗掉，唔敢食唔明點解咁多好評，又咁出名。2年無來，太安樓亦有好多小店執呢，多咗好多夾公仔店。吸引力大減

我係街坊，呢間好岩我口味，所以成日食，原本都唔諗住俾comment，但每次遇後生老闆就亂收錢，仲要講到大條道理，試個好幾次，所以先留個言。平時食開都係果幾隻餸，正常收我44，45蚊，(本身3餸37蚊，我叫左d餸貴d)遇到佢，就會收50-55蚊不等，佢會話我叫d餸貴d，所以要加錢，大家都知車仔麵個餸，有平有貴，貴果d咪補差額，最平個餸8蚊，13蚊嘅餸咪補5蚊，但呢個老闆數口非常好，數學考試一定100分，佢會直接收多你13蚊，仲要堅持話你個餸貴d，當然我都係問一句，幾蚊又無乜所謂，會照俾，只係次次遇到佢就會收多5-10蚊，果下會好激氣，想搵個地方呻下。再講多次，我覺得d野食係ok，我講嘅只係某個人。

最衰胃得一個如果唔係每樣野都想嗌一樣。 試咗芽菜，牛柏葉，牛腩 ，豆卜， 牛筋牛腩， 蘿蔔， 豬腸， 加上麻辣咖哩汁。 夠辣夠香，(吾食得辣吾好叫阿阻加)，牛筋牛腩夠入味又夠腍， 豬腸冇異味好味， 蘿蔔清甜 ，芽菜牛拍葉爽豆卜吸了湯汁好正， 仲有2條生菜送，好好味，有兒時味道， 再上埋兩罐冰凍啤酒 ，加上阿姐見我哋兩碗麵湯底有少少乾再加返啲熱湯底。驚我哋湯底吾夠 .呢個溫馨舉動加分。 每樣餸都好好味又入味。凌晨兩點幾都仲開值得推介。適合我呢啲夜鬼。

一入太安樓就見到間排晒長龍嘅車仔麵，而且所有餸菜擺放晒出嚟好吸引，望望餐牌淨四餸都只係要$40左右，咁抵又咁多人幫襯應該都係水準保證👍🏻排隊嘅時候見到佢話啲雲吞係自家製，前面個客人叫咗份雞腎睇落又好吸引，而蘿蔔係測試一間車仔麵嘅最佳配菜，因為好容易有渣或者有苦味，再加份牛腩夾埋都係$41😚好彩啱啱叫完嘢食就有空枱，可以坐低慢慢品嚐，嚟到發現真係好大碗，蘿蔔至少有七嚿，雞腎大大件都有五嚿，男仔食嘅話冇麵都應該都幾飽🤣蘿蔔軟腍夠入味，雞腎表面爽口彈牙，不過最好叫職員展開先容易啲食雲吞有好香嘅蝦味同大地魚粉味，蝦肉豬肉都好爽口彈牙，幾值得一試👍🏻每舊牛腩表面都有層好容易咬斷嘅筋，而且炆得夠腍，又唔會一咬就散，如果鍾意食呢款牛腩嘅絕對要嚟嚟試吓😆排隊嗰時仲聽到有得揀菜底，啱晒需要減碳水嘅人士😉

#太安樓系列 //林記車仔麵 //3餸麵($37)大家成日搵小編太安樓有咩推薦林記就係小編其中一間成日食嘅車仔麵檔🍜由車仔檔起家嘅林記 小編爸爸成日都話以前同媽咪拍拖已經食緊至少有30年歷史😳😳我最中意食嘅餸就係冬菇蘿蔔雞翼我哋冬菇入口完全好入味 仲要好份量好多蘿蔔就清甜爽口 吸收晒滿滿嘅湯汁🤤🤤雞翼就肉質好滑嫩亦都好夠味 骨肉亦都好容易分離必點！！！其實仲有好多餸都好好食例如咖喱魷魚牛腩韭菜餃等等3餸嘅價錢都係$37簡直係糧尾之選！就算叫多幾個餸價錢都唔係好貴🤩🤩🤩大家去到太安樓除咗人哋成日推薦嘅舖頭之外亦都可以嘗試呢間車仔麵🍜🍜評分(五星為滿分)⭐️⭐️⭐️⭐️⭐️林記車仔麵 (西灣河)西灣河筲箕灣道57-87號太安樓地下A12號舖大家有咩想小編去試食或者想推薦小編去食嘅不妨留言或者DM小編推薦俾我啊🫶🏻🫶🏻🫶🏻🫶🏻 最緊要記住like👍🏻同埋share比朋友知太安樓原來有間咁正嘅車仔麵鋪頭 😎📢#hongkong #hkgood #food #太安樓#西灣河

整個太安樓小販態度最惡劣的就是林記車仔麵啲吖姐，好冇禮貌又唔專業，記得早兩年前疫情仲係好嚴重嗰時，我夜晚去堂食，可能撞正佢哋差唔多收工，有個吖姐攞住毛巾同漂白水喺咁喺我頭頂上牆壁搏命抹嘢，我頂唔順話咗佢，佢就怒睥住我，嗰日之後，永遠都唔再幫襯佢。

西灣河太安樓其中一間名店，天時暑熱冇冷氣仍然好多人排隊堂食，我就係其中一個。佢嘅車仔麵餸真係多款式到好得人驚，我今晚就叫咗豬油渣牛筋豬耳雞腎同豬皮五個餸，至於麵底就揀咗粗麵餅。五個餸嘅車仔麵大大碗先至係$51，平到無朋友。五個餸之中以牛筋最好食，佢嘅牛筋好入味，而最普通就係豬皮，因為唔夠入味，另外三款都唔錯，難得豬耳唔係麻辣，而雞腎就比想像中淋，豬油渣係脆嘅，都唔錯，個粗麵比想像中入味，算咗難得。

港島區食碗車仔麵基本上都唔平，而太安樓自從上左社交平台之後都加左唔少價，兩個人掃街食宵夜都要二百幾三百蚊。不過呢個車仔麵依然都係性價比高。長期都有人龍，不過太安樓有得坐低食都一定係好熱，所以大部分人都係外賣拎返屋企食。我哋今晚堂食，叫左2碗車仔麵，都係5餸既，其中一個仲要係特別餸加$10，再加多罐可樂total都係$109，非常抵食。餸方面，冬菇真係必食，炆得好入味，浸完落車仔麵個湯都仲keep到，好正。另外，韮菜餃都好好食。唔知係消量高定係控制得好，餃子皮唔會淥到腍晒。豬頸肉就有d肥，肥瘦唔均勻，不過車仔麵嚟講都叫合格。其他餸都好正常，70-80分啦。我哋宵夜都係叫菜底唔食麵，所以評論唔到d麵如何。

以前經常講話太安樓有很多美食，不過而家去得多，又或是發現有些店子其實都已經變了連鎖食店，就沒有那麼大興趣。好像小丸子、鹽水雞、或是麻辣麵店，其實都是出邊見過的，使乜特登來太安樓吃。有好像甜品店以及麵包店，也不是特別出色，於是這次就試一試這間林記車仔麵。靚姐說見到的餸也可以作為配料，於是我們點了咖喱魷魚、豬皮、以及油渣油麵。由於上到朋友家中，幾乎開飯，不好意思即刻在飯枱打開碗車仔麵來吃，於是等到食飯時間才加上們吃這個車子麵，因此油麵難免會比較林左少少；牛肺都浸得比較耐，不過不算太硬，還帶點爽口；咖喱魷魚都算入味，可能由於它的車仔麵沒有太多辣醬或是沙嗲醬調味，因此咖喱魷魚還是比較濃香豬油渣可以作為車仔麵配料實數難得，如果堂食應該會更加好，因為豬油渣經炸過，再放在麵條上邊，不用浸在湯太耐的話，肯定會更加美味。

太安樓出名好多小食，宵夜用黎掃街一流。👍👍好耐之前都聽過林記車仔麵好好食，配菜多。🫶🏻我選擇咗雞翼、牛腩牛筋同埋墨肉卷（好似係？）我都唔記得啦。😂😂我個人會再加腩汁湯底加辣、多蔥同埋揀粗麵。牛腩入味入得好好，非常之夠味、腩汁都好濃味、加辣椒會將成個味提升到另一個層次。😎😎湯底非常之正，份量好足夠👍👍👍👍雞翼都好夠味，另外一個餸（唔知係味墨肉卷都好好食）🤓，總結黎講係非常之正既車仔麵。

係西灣河太安樓 有被喻為小士林夜市入面有好多唔同小食，主食，甜品嘅選擇我自己就最鍾意食林記車仔麵🍲🍜林記係地鐵站對住嘅入口就係 食物次次都會令我選擇困難症發作🤭今次人太多 我買左外賣返屋企午餐肉豬腸豬紅鳳爪米粉午餐肉係我每一次都會叫 好大一塊圓形剪開 滿足左我對午餐肉嘅慾望必點豬腸 鳳爪食車仔面一定要點豬腸 滷水味再吸左啲湯汁 口感好軟糯😋鳳爪係屬於一咬就會食到層皮 好易脫骨 重點係大大隻 好味道呀！豬紅就正常水凖👍🏻湯底都係濃郁 成碗面都一定會清哂

🇭🇰林記車仔麵·呢間車仔麵係我細佬推介嘅 我之前一路食開都覺得唔錯 但係之前covid嘅時候唔知係咪去流慢左 我覺得嘢食質素好似差咗🫢不過我哋早排再去食 佢就好食翻啦 宵夜食佢真係超滿足😍😍·三餸$41 l 四餸$46我從來都唔知呢間係點計錢既🤣因為每次排到我嘅時候都好趕 所以都係姐姐話幾多錢我就俾幾多🤣🤣我自己鍾意嗌一個有咖喱汁嘅嘢食 咁樣個湯底會豐富啲 好食超多😈我今次就嗌咗咖喱魷魚 佢呢個份量好多 但係我自己就覺得口感一般般 唔算話好好🦑反而蘿蔔就好大舊 好甜 而且嗌蘿蔔嘅話佢個湯底會甜超多🥰之後佢個雞翼都好啖啖肉 都唔錯 個滷豆腐索晒湯都好正🤤係個腐皮卷同我想像中有啲唔同 佢係好似魚春卷咁嘅 唔係脆身個種🤣🤣最後我哋見前邊個個人都嗌韭菜餃 又跟住嗌 佢呢個真係幾飽滿既 入面好多韭菜 不過好似就冇咩肉咁 所以我自己覺得口感無咁正🥟🫢·#rbyeat#rby西餐#rby尖沙咀·📍西灣河筲箕灣道57-87號太安樓地下A12舖

係西灣河做完嘢肚仔餓，梗係去太安樓醫下肚啦林記車仔面係我最愛今日叫左米線底，3個餸，冬菇（勁入味好味到癲），紫菜（唔會一夾就爛），咖哩土魷（必食）。一路食一陣陣滷水豬大腸香味傳入我的鼻，有一刻衝動想叫多個餸，不過要留肚食晚飯唯有下次食啦

▫️心目中排名No.1既車仔麵🥇 姐吃的不只是美食，而且是回憶🥰 由中學食到而家，基本上去親都必定見到大排長龍🧐 ▫️排隊既時候諗定食咩餸就岩架喇‼️ 因為超多餸揀花多眼亂👀 車仔麵檔有堂食位置，但比較窄同細，所以多數選擇外賣返屋企慢慢嘆😋🍜 菜底淨4餸 $47▫️諗住唔食咁多澱粉質就揀左淨餸菜底🥬 要左通菜，配豬頸肉、辣味齋、豆腐、冬菇🍄 重點係個花生麻辣醬‼️ 辣辣地惹味得黎又香，簡直係成碗湯既靈魂😍 ▫️啲餸索晒湯超入味🤤 每次都要逼自己忍住唔可以飲太多湯因為怕肥🫠 (最後好似唔見左半碗🫣)▫️價錢方面每次都唔識計😂 因為每款餸都唔同價錢，但太抵食，可以唔洗睇價錢任嗌🤭 而家望返張相又開始流口水了🤤

太安樓出名車仔麵，經常出現外賣食客人龍，裏面座位較為擠迫，都係外賣好d。Order左2碗3餸車仔麵 :湯底：紅薯粉咖喱汁3餸 ：牛柏葉、雞翼尖🐔、司華力腸咖喱汁味香濃🍜，d汁索曬入紅薯粉，同d餸度，好入味。3個餸都足料，司華力腸原條上，牛柏葉有口感😋湯底：牛腩汁3餸：魚蛋、豬皮、牛腩都係足料之作，魚蛋彈牙，豬皮好入味，牛腩大大件，不過有點韌😅但整體不錯😋鍾意佢嘅食物選擇種類多，每款汁好惹味。見到啲咖喱魷魚唔錯，下次要試吓先.........🤗