板長壽司 (祥暉大廈) (已結業)

平時唔係食開呢一間但係因為工作關係要去到附近同埋秋刀魚又當造老實講如果你切得唔好係會有陣苦澀味但係佢冇喎我呢個秋刀魚控食曬成條都唔夠㗎我對秋刀魚有一種無可抗拒嘅慾望難得喺呢度食新鮮又抵 又肥美其實我唔知點解佢咁多負評刀工都算唔錯真係幾十蚊你想點而且啲飯亦冇 奇怪嘅感覺最考功夫嘅燒炙我都覺得 唔錯火炙魚背壽司有時燒得唔夠 有時燒得太耐燒得太耐燒魚背會熔哂燒得唔够耐就外熱内冷...今次就燒得okservice very good如果經過嘅話都會再食

板長壽司雖然有好多分店，但係我唯獨最鍾意去中環分店。佢接近位於中環蘇豪區，大部份時間都會可以搵到位坐。每次嚟我都一定會叫三文魚手卷同埋鰻魚壽司，因為啲三文魚同鰻魚都好新鮮!係一個唔錯嘅地方同朋友食壽司聊天！👍🏼👍🏼👍🏼

因為大館開幕的關係, 所以今天黎到擺花街既板長食Lunch 叫了個壽司定食 都是百多元味道唔係話好正 但份量足夠 食完很飽 而且人係好多人 坐得幾舒服下之有機會都會再試其他套餐

前日晚上經過中環 同友人諗緊今晚食咩好 就係擺花街見到板長 多年泥香港多左好多岀色既日本餐廳 漸漸忘記左曾經風光一時既板長 今晚就決定回一回味入到去 最令人失望既係個餐牌 好似茶餐廳個d膠簿餐牌 而且仲要d相甩晒色 我地之後用左個點餐電子板點 個板好差 load 得勁慢 真係嘔血之後點左刺身拼盤 平平無奇 紅醋壽司拼盤 個紅醋同平時既無咩分別 仲有燒油甘魚腩 尚可接受 清酒煮蜆 無咩清酒味 但可以接受總括泥講 好似比以前差左 無咩注重個食材 但以泥個價錢泥講 仲叫中等

行到擺花街呢間板長壽司，由電車路上來距離比較遠，不過人相對較少，所以午餐嘅時候都係一個唔錯嘅選擇。佢啲日本午市套餐唔算好貴，其實個price range都幾大，由五六十蚊去到百多蚊嘅都有。我哋一行人點左三個餐，每個餐主菜之外，都有沙律、湯同埋蛋。先講牛肉溫泉蛋定食，牛肉嘅份量好充足，食到好飽，蛋香滑，同埋啲牛肉汁撈飯都好美味。至於三文魚親子定食，同樣都係有嗰啲配料。三文魚嘅賣相吸引，不過份量相對牛肉定食較少。不過三文魚都係新鮮嘅，值得推介。最後壽司定食，大概＄100，有14件壽司，味道可以接受。不過，等得比較耐，都可一試。值得一讚，就係呢間餐廳係用電子屏幕點菜嘅。呢個設計都幾貼心，唔使下下叫侍應丫馬～

每日係中環既打工仔都好明白係中環搵餐食都要排隊，唔使排隊都係見到板長無人排隊仲可以即入都心知不妙，諗住集團式應該唔會差得去邊點知好失望！ 呢碗野叫做番茄海鮮湯烏冬單睇個湯就知唔掂啦，無番茄既色，飲落完全係味精！有無咁揸流攤😐超鹹！現場飲了三杯茶都解唔到！到d料啦：-淋哂既天婦羅蝦一條 （放湯可理解會淋）超細粒既杋立貝兩粒 （細都唔係問題，好韌）一條扮兩條既蟹柳 （呢個最正常既味道）魷魚好韌完全咬唔開呢碗野價值$48再加一真心無下次，無人排隊係真係有原因架！

同朋友上完pmq嘅cooking class之後, 都已經有啲夜喇! 朋友提議食壽司, 諗住行到中環, 多啲選擇, 可惜時間夜, 無咩選擇。經過見到板長, 就入去試下喇, 都好耐冇食過。佢地用tablet點餐, 都幾方便, 又可以睇圖。另外仲有餐牌俾是日推介, 可以有唔同嘅選擇。炙燒魚背: 燒得唔夠, 冇咩魚油香, 有啲失望。甜蝦: 正正常常, 都算大隻嘅。芥末八爪魚: 芥末唔會太勁, 紫菜脆, 即做嘅。飛魚子: 味道正常, 飛魚子份量都多嘅。生北寄貝: 平時少見生北寄貝, 特別叫黎食下。爽口唔腥, 可惜冇咩鮮味。炙熱和牛壽司: 聞落都香, 但食落唔會係入口即溶, 冇咩和牛味, 而且有少少筋, 個人麻麻。總結, 如果時間早啲, 會有更多更好嘅選擇。

Had sushi here tonight. Ordered via a tablet. Good pictures but the tablet was slow. Sushi was quickly prepared. Open kitchen. Tasty but pricey. Try the eel.

可能係下午3點的關係吧，出奇地這間板長壽司，無咩顧客喎！靜靜地，好舒服（可以慢慢享受食物）。我和友人點了每人一個餐，不外乎魚生飯配麵䜴湯。我另外散叫咗個「三文魚子海膽丼」，值得推介既菜色完全無偷工減料，海膽和三文魚子都勁多，好新鮮。

放左工諗住係附近搵間日本野食下，行下行下去見到有間板長，見附近都無乜日本餐廳，唯有食呢間啦，點知出事了。order左啲壽司同熟食，啲壽司其實麻麻地新鮮，特別係客三文魚，啲肉有啲霉，刀功其差!!!一客三文魚一件薄到比紙還薄，一件一忽厚，厚到手指公咁厚，一厚薄，紙咁薄，唔知點解個師傅仲好意思拎出黎囉!鵝肝壽司煎到熟，熟過龍，有些鞋。拖羅尚可以，軍艦壽司亦過得去，而個烏冬都正正常常。西京燒比目魚，一拎出黎時其中一件係散晒既，又多油，食一兩舊都飽飽濟濟，最重要係啲肉係有啲霉同鞋，咁既西京燒都係第一次食。講真，開得係中環，咁既食物質素完全唔掂。

第一次開post 比負評，皆因呢間餐廳waiter 態度惡劣，黑哂口面咁。環境坐得逼夾，又要搭枱，野食一般般，芝士焗野菌食到成口牛油味想嘔，價錢又唔平，總之差差差，比錢買難受，以後真係唔好預我！

知道中環真係有好多野食！今次午餐突然好想食壽司，所以同左同事去食set lunch! 之前都冇食過依間，但我知依個一系列牌子既日本餐廳已經轉用pad order，認真其實都幾方便，出野食都快～原本覺得成set好似有點貴，但原來包埋麵豉湯同一碗幾大份量既牛油果芒果沙律，都更碗飯，其實都還可以～我幾鐘意個沙律，因為估唔到個份量都幾多，而且最重要係個牛油果醬好香，同新鮮既芒果粒幾襯，真係好意外！當然唔少得要睇個飯啦，d三文魚都算肥美，魚子唔腥，整體上都幾好食！有機會再去食下晚餐先，食既野應該會唔同d

同幾個同事悶悶地出去食午飯、途經擺花街板長壽司、見冇人排隊，這樣就入左去食午餐了！一如既往、餐廳裝修簡潔，每枱放置了平板電腦作為菜單、點菜及結用途、幸好非常容易操控。中午套餐非常簡單、亦可零點！今日點了一份火炙三色丼、附有沙律及麵湯。賣相雖然並非十分精美、但也不錯。三文魚、帶子及秋刀魚都被火鎗燒成半生熟，魚被燒後、魚油都被迫出、入口魚油在口腔內四濺、海鮮味濃、兼且帶有小小燒烤香味，非常豐滿。板長並非我杯茶、平時極小去食飯，沒想到今天可以在板長壽司和同事輕輕鬆鬆食個唔錯的便當午餐！