杞醉

營業中

休息中

🥃杞醉 How Drunk🥃位於荔枝角長沙灣道的「杞醉 How Drunk」一向主打外賣雞煲及打邊爐食材，食過嘅朋友都讚口不絕，唔想食雞煲都仲有好多選擇，佢哋嘅杞醉和杞辣系列既小食，一樣唔可以錯過，醉和辣都係我既心頭好，今日就去荔枝角帶返幾味返屋企嘆下😋😋▪️杞醉鵝肝 店家非常窩心，杞醉汁分開上，乾淨又衞生，自己喜歡加幾多幾多，醉汁味道正合我心意，酒味香濃帶香甜，鵝肝大癲好食，軟嫩入口即化，兩者味道化為一體，好出色▪️杞辣撈雞▪️杞辣黃金皮蛋▪️杞辣脆青瓜▪️杞辣牛丸好辣既我一口氣點咗四款杞辣系列既食物，先講辣汁真係會食上癮，香、麻、辣、微甜集於一身，而且辣度適中，特別係微微香甜令人容易接受，超級喜歡撈雞完全冇骨啖啖肉，肉質嫩滑又入味，皮蛋更用上黃皮流心蛋，皮蛋黃柔潤入口即化配合麻辣汁係最佳拍檔，青瓜爽脆超級大盤，好抵食👍🏻，牛丸仲可以邊行邊食，熱辣辣好彈牙，辣汁令人越食越想食，真係返唔到轉頭▪️蔥油燒賣▪️胡麻撈麵 又俾我見到我最鍾意嘅街頭小食燒賣，口感軟軟糯糯，充滿魚肉香，蔥油豉油又係佳作，伴上燒賣超惹味，點咗咁多樣餸，當然要用個主食，Q彈既麵條配上濃香既胡麻醬，好味就係咁簡單

平時去開食上海舖, 都會好鍾意食花雕醉雞🥃🥃因為覺得個花雕味好香🥰🥰荔枝角開左一間專做外賣醉雞鍋的小店除左外賣火鍋之外, 仲有唔同的小食💯💯🐓🐓杞醉無骨雞雞都算幾滑既個酒味係會比平時食的會偏甜少少原因係佢有用杞子再煮過所以佢係建議飲用都冇問題食落啖啖肉, 所以好方便🦐🦐杞醉蝦蝦都算幾大隻同埋都幾新鮮如果再入味少少就更PERFECT🐽🐽杞醉滷肉飯會有D肥, 但係甜甜地食落都幾送飯都幾邪惡🪿🪿杞辣邪惡鵝腸 呢個鵝腸要大推好爽帶少少辣值得一試🐥🐥杞腐雞中翼用腐乳去醃製同帶少少微辣雞翼都幾大隻, 都幾惹味P.S. 見好多人都買外賣火鍋, 下次都試下先

😐回頭度：1/10😐 之前都已經睇過好多呢間小店嘅介紹，一直想試咗好耐今次嚟到荔枝角又咁啱經過就梗係唔會錯過呢個試新嘢嘅機會啦最近努力嘗試堅持緊減脂，所以就揀咗樣比較低脂嘅『杞醉雞胸』 一打開見到啲肉質紋理都知出事，望落已經覺得好乾，一定係煮到過晒火一食，嚇親，件雞胸勁柴、勁韌，就好似翻煲咗幾十次嘅瘦肉咁......可能大家都會話想好食嘅就應該揀雞脾位啦，但其實雞胸要煮得好食都唔算好難啫，近年大把餐廳推出嘅雞胸肉菜色都烹調得幾好，就算未必做到嫩滑多汁，但都不至於會柴到韌...😅 今次我就冇試到其他款式，唔知其他嘅質素如何啦至於個醉汁，味道上就偏淡，略帶甜味，就唔係幾啱我口味喇...不過真係建議如果無心做好雞胸肉就不如索性唔好賣呢個部位嘅菜色，盞令食客失望呀😢

杞醉由石硤尾開店已經幫襯，搬去荔枝角特地去支持，仍然保持水準👍杞辣慢煮牛舌👅每次必點，厚切牛舌好嫩滑，辣度可以揀大中小辣，非常惹味，份量又多！滷肉飯同台灣嘅滷肉飯唔同，係杞醉自創嘅味道，有豬皮同少少瘦肉滷得好入味，但又唔會覺得好肥，配上珍珠米，又係好好味，值得一試！😝杞辣萵荀、蓮藕，夠爽口，同辣汁好夾😋😋杞醉無骨雞🐔個汁偏向甜，個人喜歡多少少酒味更好，整體都係好好食🤤已經食過多次，老闆娘好好人，希望小店能夠做下去😀😀

🐔勁惹味芫荽雞煲😈早前品嚐過他們醉汁小食，真的是一試難忘，之後便立下決心要嚐嚐他們的雞煲。【杞辣。有茜雞煲】事前只需將乾蔥、洋蔥、蒜頭等香料爆香，再加入雞件翻熱便可享用。每口雞件都裹滿濃郁惹味的香辣醬汁。享用過雞煲後，再加入雞白湯便成了別具風味的火鍋湯底，一煲兩食。火鍋配料樣樣俱備，最喜歡其中的牛骨濃汁牛丸、彈彈魚蛋及手打乜乜滑（墨魚滑&蝦滑），肉汁與彈性是致勝的關鍵。另外附送的兩款醬油都別具特色。辣醬油像重慶口水汁極之惹味；爆炸蔥醬油一打開便聞到陣陣蔥香。【杞醉鮮蝦】Encore必食，隻隻飽滿鮮甜，而蝦殼已經過人手處理，不會剥殼的人也能輕鬆進食。【杞醉花甲】淋上秘製醉汁後，海水味與香甜的酒味完美融合，實在令人吮指回味。

呢排收工都好夜，淨係想返屋企嗱嗱臨食飯沖涼瞓覺，連出街食飯嘅氣力都冇(˶‾᷄ ⁻̫ ‾᷅˵) 而呢一間小店餸菜都相當開胃，而且款式眾多，岩哂我唔想煮飯，忍唔住買返幾樣花雕杞子嘅醉人小食加下料！✨杞醉系列杞醉花甲呢盤真係大力推薦，花甲清洗得乾淨，食落鮮甜，更加附有一支額外嘅枸杞汁俾你自己淋落去！杞醉系列仲有半熟蛋同無骨雞，雞蛋做到半流心嘅效果，蛋黃骨紅色的，明顯用咗蘭王嘅蛋，而外皮亦浸得相當入味；無骨雞肉價錢合宜，食落都幾嫩滑！✨杞腐系列雞翼真係勁好送飯！而且小店建議我用微波爐翻熱，用微暖嘅温度入口確係惹味，而且隻隻都好肥大，啖啖肉～✨杞辣系列外辣之人當然要試埋帶有辣度嘅小食！蓮藕爽脆，咬落口感極好，辣度適中好岩加碗湯麵

荔枝角超養生外賣店！勁高質～～除左米線，仲有雞煲可選擇杞醉濃湯半隻雞花甲米線$175今次叫咗二人份～有兩大碗米線🍜仲有雞件同花甲！花甲份量都算多😙超鐘意佢地嘅湯底，勁養生食落啖啖甜香，酒味又唔會太濃啱哂超滋補呀🥰🥰🥰半熟蛋超正！蛋味偏濃～～～*⌂ 杞醉 (荔枝角)荔枝角長沙灣道883號億利工業中心地下1D號舖#荔枝角美食 #荔枝角外賣 #外賣店 #養生 #荔枝角米線 #香港好去處 #香港美食地圖 #外賣推介

留意咗 @howdrunk 好耐，終於可以一試哩間色荔枝角外賣店！杞辣撈米線 $15 麻辣撈米線，小辣都已經🥵🥵，外賣返到屋企都一個鐘，但都無痴埋一舊，條條分明。杞辣牛舌 $50超級抵食，有勁多塊而且每塊都係厚切👅好有口感杞醉無骨雞 $55必點！雞件滑嫩，加上酒味唔係好濃烈，仲有少少甜甜哋，入口非常清香杞醉花甲 $68配上一枝杞醉汁，食之前先淋上去，每食一粒都飲到啲醉汁，幾過癮！無論系杞醉定杞辣，我都「杞」鐘意❤️絕對食完一次，會再想食嘅餐廳，價錢親民，值得再去。

嗜辣又愛飲酒嘅我，專誠去杞醉買外賣試試係咪人地講咁正😆！不得了❣️一試愛上，連屋企人都大讚好味！杞醉系列係意料之外，第一次食醉物個汁係咁甜咁順滑，仲有有花雕酒香，同大粒杞子＆蟲草花。醉無骨雞好多件🐔，啖啖肉，好入味。醉花甲嘅肉質鮮嫩，鍾意用花甲殼畢埋啲酒汁邊食邊飲😋！杞辣系列都真係幾辣🌶️，但麻辣得好過癮！黃金皮蛋💛好靚又軟滑，少少滑心。蒿荀$25一大盒，爽脆好食！杞腐系列好特別，應該係腐乳醃製，雞中翼非常入味＆淋！我仲嗌咗個撈麵 + 牛舌＆青瓜，可以自選辣度，牛舌好淋，好夾辣辣麻麻嘅麵。

杞醉之前係石硤尾開，已經聽朋友講唔錯想試。但一直冇時間去石硤尾，家下佢開咗喺荔枝角，就叫咗三樣嘢返屋企外賣當餸食飯。用咗QR code落單，過咗15分鐘過去拎，都要等多一陣。所以都建議大家用QR code落單先去，不過員工都幾有禮貌，要讚吓。叫咗三樣嘢試吓分別係杞醉無骨雞、杞醉鵪鶉蛋同杞腐雞翼尖。 佢地既招牌杞子醉汁，非傳統風味既醉雞，甜味來自天然食材。杞醉嚴選4種不同甜度、不同果香味既頂級杞子，配上4款來自不同酒廠釀製的花雕酒，加上蟲草花、圓肉及紅棗等養生美顏食材，造出佢地獨一無二的「杞醉汁」。所以佢哋嘅醉汁係帶有一份天然嘅甜味，都係可以養生到可以飲嘅醉汁。杞醉無骨雞$55 份量都唔少，肉質嫩滑，加上佢哋嘅獨特杞醉汁，令人一試難忘。杞醉鵪鶉蛋 $42 都係配上佢地既招牌杞子醉汁，份量有大約12粒，其實我覺得好食過佢嘅雞，不過如果計價錢好似食雞抵食啲。杞腐雞翼尖 $25 依個係杞子加腐乳既雞翼尖！有酒香味、杞子味同腐乳融為一體。依個我食唔停！下次都會再叫依個！

朋友，跟我來分享一下昨夜嘅味蕾之旅吧！踏進了這家店，首先攞咗幾款招牌蹄口小食，有冇搞錯，就系咁回味無窮！杞醉無骨雞嘅嫩滑質感，充滿醇厚嘅杞子同蟲草花香，當真係好惹味，一啖一啖嘅都夠晒香醇。點上嗰個黃金皮蛋真係一絕，蛋香扑鼻，配上店家得意辣汁，正宗經典！食蔥油燒賣，掂啊！拌上乾蔥嘅香脆，同豉油嘅鹹香，搶晒鏡，七粒一盒，唔夠我塞牙縫咁樣！至於蓮藕，脆身得黎又爽口，跟嗰招牌辣汁一撈，完美嘅清新感覺，簡直係清口小菜嘅典範。吃得我心情都特別暢快，真系想讚下呢家店嘅自家配料，辣得刺激，甜得剛剛好，層次豐富，就連平日唔係咁鍾意辣嘅我，都讚唔絕口！ 👍🌶️😋 下次搵食，仲唔快啲試吓啲什麼新鮮貨色嚟呀？

今日巷尾新開嘅小店，竟然令我眼界一亮！簡單嘅裝修帶出一種親民又放鬆嘅氛圍，我對佢地嘅菜式充滿咗期待。首先試嘅係佢哋嘅招牌菜，嚟到一碟色香味俱全嘅叉燒，外香內嫩，啖啖肉味，真係肥而不膩，鮮嘅滋味喺口腔裡面爆發，簡直冧死人！而且，蜜汁嘅香甜拌埋豉油嘅鹹香，經典嘅組合總係咁滿足。跟住嚟嘅係皮蛋拼豆腐，這個組合雖然平平無奇，但係佢地將平凡拎到另一個層次。豆腐滑得嚟仲保持住一種彈牙咀嚼感，但皮蛋嘅微微苦澀加上豆腐嘅清爽，間中仲夾住啲蔥花嘅清新，簡直係完美配搭！😋話說返個炒飯啦，啱啱嘅火侯令到每粒飯都蓬鬆翻白，仲有啲蛋香及蔥頭香撲鼻而來，一入口就知道係廚師用心炒制。簡簡單單嘅一碟炒飯，巧妙地表現出佢嘅個性同港式小菜嘅精神。😍最後，一提親口煮嘅燉湯，慢火熬製嘅滋味清甜而窩心，每一啖湯都有種傷心療愈嘅感覺。湯底用料新鮮，同埋對於鹽度掌握得宜，飲一口暖笠笠，暖哂心窩！整體黎講，這家小店絕對係平民美食嘅代表，講求嘅係味道同質感，而唔係裝潢同外表。有時，真正嘅滋味，就喺我哋身邊嘅平凡生活之中。這次嘅食評經歷，簡直就係一場味蕾上嘅快樂旅程！🥢💖🍚

醉/ 顧名思義有杞子同酒，令你有一番酒醉的感覺一向知道白田街總店，但原來荔枝角亦有分店杞醉濃湯雞煲 $375，足有一隻雞份量，而且係新鮮雞湯頭用大量杞子、紅棗、蟲草花、龍眼肉，再加上杞醉純酒陣陣花雕酒香，入口濃郁甘甜，滋補又暖身。雞煲後，再打邊爐，用米粉索湯，大滿足

呢日同呀女上完堂，係荔枝角經過見到有雞煲外賣店😍天氣涼涼地，食雞煲岩哂😎.點左招牌杞醉濃湯雞煲，番屋企簡單煮就有一鍋熱騰騰美味的醉雞煲😋1. 先將一盒濃湯倒進鍋裡開大火；2. 待濃湯滾起，將全隻雞倒進鍋裡，蓋上鍋蓋，然後大火滾5分鐘；3. 熄火，不要打開鍋蓋，焗2分鐘（確保雞肉煮熟而嫩滑）4. 開蓋加入1支杞醉純酒🍲即可品嘗濃湯及雞件。.真的非常簡單，份量都好多足夠一家人食！杞子蟲草啱晒而家秋冬天氣，濃濃酒香，雞肉嫩滑，食落成個人暖粒粒🥰湯底太正，自己再加菜和粉絲一齊煮，超級入味好正👍🏻誠意推介買番屋企同家人一齊分享❤️.

杞醉 @howdrunk_hongkong📍荔枝角長沙灣道883號億利工業中心地下1D號舖呢排天氣轉涼🌬️最岩打邊爐🍲食雞煲今次去左杞醉買外賣招牌杞醉濃湯雞煲 $375💰性價比超高🐓有成隻雞😁超足料跟有一盒濃湯🍲一盒雞件🐓同埋酒🍶湯底跟有杞子、圓肉、紅棗同蟲草花入口鮮甜😁夠晒滋補又養生🩷跟有杞醉純酒🍶可按個人喜好添加👍🏻配上已經用花雕酒醃製好雞件杞醉濃湯雞煲完成😋🤪輕鬆無難度雞肉🐓肉質鮮嫩肥美～食完更加添加其他材料打邊爐😝@HOWDRUNK_HONGKONG除左雞煲外佢地更有lunch set同小食詳情WhatsApp📱66283190 查詢📍荔枝角長沙灣道883號億利工業中心地下1D號舖#foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #美食日記 #美食交流 #杞醉 #雞煲 #外賣雞煲 #外賣自取 #花雕雞 #荔枝雞雞煲 ＃荔枝角美食#打邊爐