影片
港鐵將軍澳站 A2 出口, 步行約5分鐘
繼續閱讀
營業時間
星期一至日
11:00 - 21:15
以上資料只供參考, 請與餐廳確認詳情
食家推介
札幌拉麵 Miso No.1 x 辛味屋將軍澳唐俊街18號The Parkside地下G05號舖其實將軍澳站除左幾個大型商場之外，附近屋苑既商場都仲有好多好嘢食既，今日lunch同事帶左我地黎呢間日式餐廳，位置上係有啲隱蔽， 喺正天晉二，三期對出嘅爛地停車場旁邊，如果識路地鐵站行黎都唔算太遠既餐廳門面幾吸引， 感覺真係好似喺日本街頭見到嘅小店咁，今日午餐時間黎到都唔算太多人，唔使等位午餐既選擇都幾多，價錢算係幾合理我揀左燒肉飯，套餐係包埋麵豉湯同埋薯蓉 而個燒肉份量都幾多，用洋葱煮好夾，加埋好惹味既醬汁，無得頂同事就揀左呢個自選配搭既便當，望落都唔錯，下次有機會再黎試試
繼續閱讀
462 瀏覽
近三個多月香港正值多事之秋，週末也不敢隨便外出，擔心晚上沒有公共交通工具、甚至沒有辦法截的士回家，只好困在屋企樓下商場及下一個地鐵站（可以步行前往）的商場；但也不敢逗留到傍晚，通常食完午飯、再逛一會便回家。今日又去了下一個地鐵站搵食，但就走遠一點，行去離地鐵站稍為遠一些的屋苑附屬小型商場開餐，揀了這間之前未試過的「札幌拉麵 miso no. 1 x 辛味屋」。除非行出去地鐵站上蓋的大型商場，附近餐廳選擇不太多，所以有八成以上入座率。雖然餐廳刻意掛上一些東瀛風味裝飾品，但從裝修格局、員工態度已經相當肯定只是一間香港人開設的拉麵店 ⋯⋯ 既沒有開放式拉麵廚房，亦沒有正宗拉麵店的氣氛。從餐牌就更加清楚看得出港式日本料理風格。除了拉麵之外，還有多款不同口味的午市套餐可供選擇；網燒牛扒、鰻魚、炸雞、金菇牛肉卷等等。餐廳名字多了「 x 辛味屋」，就是因為餐廳同時兼賣日式咖喱。本身不是居酒屋，也不是日式洋風料理，但出品就混雜了多種元素，作為日式餐廳，總覺得有點不倫不類。見到特濃豚骨拉麵（$74）的賣相，已經覺得唔會係好好食嘅拉麵。湯底雖然呈淺啡色，但望得出唔夠濃稠，唔似熬煮了多個小時，豬骨沒有溶掉起沙。試一啖湯，雖然自稱特濃豚骨，但太稀，完全沒有骨膠原及起沙質感；雖然有豬骨豬肉鮮味，但味道竟然有點似中式豬骨湯，完全沒有日式拉麵豚骨湯底應該有的特色及口味；感覺有點奇奇怪怪。拉麵唔夠彈牙綿韌，亦完全沒有小麥香氣，只是勝在沒有食用鹼水味。日式叉燒更加完全唔好食，又乾又硬、唔鬆軟，亦完全沒有肉味。半隻雞蛋就更加完全令人失望。的而且確餐牌沒有註明係半熟溏心蛋，但食開日式拉麵都知道配搭的雞蛋應該是半熟溏心蛋。只是雞蛋黃已經全熟，顏色亦只是淡黃、並非鮮橙紅，咬落欠缺蛋香。全熟的雞蛋白顏色及味道偏淡，應該係醬油浸煮的時間唔夠長。整體來說，這碗拉麵的每一個元素都唔合格。午市定食選配自家製餃子。餡料很多、餃子很豐滿；但咬落去餡料太過結實，最弊係欠缺肉汁，味道亦欠缺鮮美。唔好食。講抵食，的確很抵食，但味道就完全唔掂。在香港，差不多隨便搵一間專賣日式拉麵的專門店也要好吃得多。雖然人家價錢要貴一些，但今日這碗拉麵及餃子真係唔好食。
繼續閱讀
呢幾日地鐵站封左、商場休息……唯有行遠一些到其他屋苑附開餐，揀了這間未試過的【札幌拉麵 miso no. 1 x 辛味屋】【札幌拉麵 】名字有少許印象，但餐廳名字多了「 x 辛味屋」， 從餐牌上看得出除了拉麵之外，加入多款不同種類的午市套餐，例如日式咖哩、炸雞、炸豬排、金菇牛肉卷、親子丼……等等。港式日本料理風格。就是因為餐廳同時兼賣日式咖喱。餐廳裝修格局簡約没有什麼亮點，沒有正宗拉麵店的風味……【炸雞塊奄列咖哩飯 $58】這個日式咖哩只有甜味，沒有半點辛辣味。這個蛋包飯的蛋呈金黃色，看上去完整無暇。蛋好薄，如果留半點蛋汁更加好。炸雞塊表面炸得不夠香脆又不夠肉汁。午餐包括薯仔沙律及湯，可以加$轉飲品……不過這沒有水吧，見到檸檬茶、奶茶……等飲品預先冲好並放入膠壺內而且放在室溫處……叫罐汽水比較安心。【札幌拉麵 miso no. 1 x 辛味屋】又不是拉麵店，也不是居酒屋，菜式中混雜了多種元素有點不倫不類。最慘味道完全唔掂……
繼續閱讀
晚餐時間路過見坐無虛設，店外掛$89套餐有拉麵和小食，覺得都抵食。點左黑豚肉拉麵配餃子🥟拉麵爽滑湯底頗濃香好味，餃子煎得香香脆脆，很不錯。牛油炒草菇，牛油味香濃菇仔滑滑香香，食菇有益勝在夠健康。
繼續閱讀
喺將軍澳站豪宅區嗰邊， 隱藏不少特式餐廳，因人流冇大商場咁多， 感覺特別休閒。住同區的朋友話想食日本拉麵， 我諗起近Parkside 小巷裏面嘅 [札幌拉麵 Miso No.1 x 辛味屋]。餐廳提供不少 拉麵套餐，蓋飯，小食等。 有新推出特濃豚骨湯系列， 一於叫套餐! 套餐包括一款自選小食。 白豚拉麵 （ 特濃豚骨汤），麵質又爽又幼滑， 濃厚的豚骨湯， 有少少黏著嘴唇嘅骨膠， 醇香回味之極！ 白湯都有叉燒和半隻溏心蛋。 叉燒唔算好肥美， 比較瘦嘅部分。 焦點絕對係個汤底和幼身拉麵。 再配上大量嘅香蔥， 木耳絲，筍絲， 滋味無窮!各款拉麵話還可以加錢追加蛋 ，牛油，筍， 叉燒 等等。自家製餃子(小) $32 餡料脹卜卜， 煎得乾身又唔油膩， 味道唔錯。另一款套餐選了《什錦拉麵》。 湯底唔同，配料也有叉燒，多了豬軟骨和蟹柳。 湯底是味噌湯， 有北海道嘅風味， 曲嘅拉麵， 煙韌唔會太硬， 豬軟骨入味夠軟腍， 味道豐富， 值得一試。串燒雞肉丸比較覺得似 免治雞肉棒棒， 混入 微細嘅雞軟骨， 口感豐富， 雞肉夠味。另選了多春魚小食， 多春魚比較細條， 唔多魚春， 炸得唔夠脆。
繼續閱讀